ايام عمل في الدوحة

**ahmed2** · 01-22-2015, 04:25 PM

السلام عليكم

لو سمحتوا انا عندي مؤتمر يبدأ يوم الاربعاء القادم في دولة قطر في مدينة الدوحة ومدته عشرة أيام وتحديدا سيكون المؤتمر في فندق ريتز كارلتون . ابغا نصيحتكم وين انزل بسعر مناسب ... يعني فندق بسعر مناسب وليكن 5 او 4 نجوم .. او شقق فندقية ممتازة بسعر جيد.
مع مراعاة ان تكون المسافة ليست بعيدة جدا عن مقر المؤتمر.

مواضيع عشوائيه ممكن تكون تعجبك اخترناها لك:

**ahmed1** · 01-22-2015, 04:25 PM

انتر كونتيننتال ممتاز وقريب من الريتز هذا اذا لقيت حجز هذي الفترة... بالتوفيق

**alifun** · 01-22-2015, 04:26 PM

طبعاً الريتز غالي

وبحكم تجربتي فندق موفنبيك أكثر من مره فأنصح به
موقع جميل على الكورنيش وأسعار مناسبه
للعلم الفندق 4 نجوم

**ahmed2** · 01-22-2015, 04:26 PM

مثل ماقال اخوي مهاجر فندق موفنبيك 4 نجوم بس الخدمة 5 نجوم..واسعاره معقولة
وفيه بعد فندق ريدجز اربع نجوم وهالفندق لو حصلته بسعر عدل لاتتردد لاني مب مصدق انه اربع نجوم...كانت عندي دورة فيه وكان روعة..وعلى الكورنيش..وقريب من الريتز
وهذي اقرب شي

اكثر اللي على الكورنيش خمس نجوم..وغالية شوي الا هذي

**ahmed1** · 01-22-2015, 04:26 PM

اخي العزيز .. قبل لاتسال عن اي فندق اسال سعرالليله في فندق الرتز ...لانه اوقات يسوي عروض لا يسويها فندق 4 نجوم .. ، وخذ مثال سعره في عيد الفطر كان اقل اسعر الفنادق الخمس نجوم .

واذا كان غالي .. عليك باخد احد الفندقين (( فندق ريدجز 4 نجوم - رائع- وفندق موفنبك 4 نجوم - رائع - )
.. وكلها تقع على شارع الكورنيش .

وعندك فندق لسه فاتح من كم يوم وهو اربع نجوم وشكله رائع ويقع في منطقة السد .. اسمه ( جراند ريجنسي ) بس مشكلته ان الدوحه هالايام زحمه زحمه وخاصة بعد اغلاق اكثر من 5 شوارع رئيسيه في الدوحه .

برغم ان الفندق جديد الا انني افضل فندق ريدجز ... على كل شيء .

وقد تتراوح الليله فيه 350 ريال قطري .
والله اعلم.

واي خدمه او معلومه انا حاضر ..

تحياتي

رجل شرقي
الدوحه