الموضوع: إلي سافر هونج كونج نبي منك مشوره

بسم الله الرحمن الرحيم

السلام عليكم .. شلونكم .. شخباركم

يا جماعه تكفون ابي احسن فنادق في هونج كونج من ناحية الموقع و الاطلاله والخدمات المحيطه
أنا سفرتي 1 - 11 لازم احجز الحين فياريت تردون علي بسرعه عشان ودي احجز اليوم

مواضيع عشوائيه ممكن تكون تعجبك اخترناها لك:

• سوال على السريع عن هونك كونك ارجو الاجابه
• ياجماعة اخير احترت دلوني الصين او بوكت
• هونج كونج كم يوم يكفيها؟
• النصيحة يا اخوان
• مطلوب برنامج سياحي للصين حيا او ميتا
• سفرتي للصين قربت
• ودي اروح للصين
• كيف اروح من هونق كونق الى مكاو
• الي سبق استورد مواد غذائية الي الصين يفديني الله يجزاكم خير
• عاجل وضروري يأخواني وأخواتي
• العمولات خفايا وأسرار
• استفسار للخبراء عن هونج كونج ،،
• الاجازات فى الصين لعام
• ابي افادة واضحة على عملية التنقل من هونق كونق الى كوانزو
• اللي عنده خبره في جمارك السعوديه افتينا الله يخليك
• استفسار
• رحلة سياحية إلى بكين
• الطب فب غوانزو
• ما مدى تأثير ارتفاع التضخم في الصين على الاسعار
• رحلتي بعد ايام ومحتاج مترجم بشنقهاي

ارشح لك فندق الانتركونتيننتال هونج كونج وبقوة.۔
فندق جميل واطلالته بانورامية ع الشاطئ وقريب جدا من الكورنيش وممشى النجوم.۔
رحلة سعيدة..........

عليك بالانتركون مثل ما ذكر اخونا

شوف اخوي فنادق كونج كونج فيها مشكله يتغير سعرها على حسب الزحمه فاليوم اللي انت محدده افضل شي تشوف في منطقة الناثن رود وشف عاد اللي يناسبك من النجوم والأسعار

الانتر اكيد

شكرا سارونه حركتي المنتدى النائم

بيند اكسبكتتين

مشكور يالغالي والله خوش اختيار وفندق راقي وجازلي صراحه بس وأنا اخوك مو جنه بعيد عن الناثن


ابو علي

مشكور وما قصرت على الرد



ابو احمد

هلا والله اخوي ابو احمد كلامك عدل 100% بس احس السكن بالناثن صخب كثير والفنادق الي بالناثن ما لها اطلاله ومو راقيه حيل .. مادري وانا اخوك محتار .۔ وفوق هذا ابي خدمات .۔ صج محتار


سارووونه

هلا والله اختي سارووونه اي انتر تقصدين ..۔ نفس الشباب او غير ؟؟؟؟




واشكر كل الردود

اخوي اذا الميزانية تمام هو الانتر مافي غيره مطل على مرفأ فكتوريا هذا الرابط http://www.booking.com/%D9%87%D8%B7%...ml?aid=1329869

اما اذا الميزانية اقل ارشح لك بقوه وهذا الرابط icon
http://www.booking.com/hotel/hk/icon...ml?aid=1329869
وراح تدعي لي بعيد عن صخب شارع ناثان وقريب لوبغيت شارع ناثان
لعز صح
تحياتي

صحيح اذا الميزانيه مفتوحه ماراح تتعب بس اذا حاط في بالك150 دولار بالياله راح تحصل ولازم قبل بفتره طويله عالعموم انامن الناس اللي اؤمن انها تعتمدعلى وقت الحجز اقصدلازم يكون قبل بفتره وايضا على حسب زحمة الفنادق متى ناوي تروح عشان اساعدك اخوي

شيكت لك الفنادق في فترة ذهابك الخيارات امامك مفتوحه وصراحه الأسعار جدا معقوله بالنسبه للمرات اللي زرتها فيها

Kmk2008

هلا والله بالغالي بيض الله وجهك ومااااااااااااقصرت اختيارات جميله بس اظاهر مجبور اسكن بالناثن عشان الخدمات

مجبر أخاك لا بطل

ابو احمد

والله يا خوك الميزانيه مفتوحه بس من نصايح الناس الكل يجمع على فنادق الناثن

اخاف احجز بعيد واتوهق على العموم انا حجزت بالهوليدي ان وصراحه لقيت السعر زين بالنسبه لهونج كونج
بس بشكل عام هونج كونج فنادقها نااااااااااااااااااار الله يعين

ابي شنو رايكم بالهوليدي ان وشنو ملاحظاتكم عليه

أنا حاط رحلتي هونج كونج
وشنزن
وجوانز

اخترت هنوج كونج هوليدي ان مثل ما قلت

وشنزن اخترت انتر كونتننتال بصراحه فندق حيل راقي وعجيب

باقي جوانزو شرايكم شنو اختار
انا ودي بفندق راقي وقريب من الاسواق والمطاعم العربيه ويكون فيه رفاهيه
يعني اذا رديت الفندق ابي يكون فيه منتجع وفيه شي يفتح النفس

شدعوه وينكم و وين الردود

كل هالمشاهدات ولا في رد

لحد يخمل .....فاليحيا الكل .....عاش واقف

ما ازيد ع كلام الأخوة الكرام ..۔ ولكن أنا أؤكد عليك ماتطلع إلا أنت حاااااجز

طبعاً فنادق هونج كونج غالية مو رخيصه

ومنطقة كولون عموماً حلوة وفيها من الفنادق الكثيرة وخصوصاً ع شارع ناثان والشوارع المتفرعه منه القريبة

تمنياتي لك برحلة سعيدة وموفقة إن شاء الله

الهوليدي ان موقعه ممتاز جداً بس يعيبه غرفه نوعا ماء قديمه
بس اهم شي لاتنسى تمر على مطعم نور الهندي تراه خلف الفندق جداً لذيذ
وعلى فكره خلف الفندق سوق كبير اسمه كي 11 تقدر من خلاله تستخدم المترو
وبالتوفيق

المشاركة الأصلية كتبت بواسطة kmk2008
http://www.arabtravelersforum.com/tr...8/#post6342808

الهوليدي ان موقعه ممتاز جداً بس يعيبه غرفه نوعا ماء قديمه
بس اهم شي لاتنسى تمر على مطعم نور الهندي تراه خلف الفندق جداً لذيذ
وعلى فكره خلف الفندق سوق كبير اسمه كي 11 تقدر من خلاله تستخدم المترو
وبالتوفيق

شكرا من كل الاعماق

طمنتني الله يطمنك بالخير

التوفيق للجميع ان شاء الله

كى11 في سوبرماركت تحت عنده حاجات حلوه جدا كفيات وسندوتشات بالخضار تحس انك في لندن

شوف اخوي اذا تبي مطعم ..۔ والأهم من هذا كله الطبخ والاخراج

خذ مني وانا اخوك وراح تدعيلي

شوف بجوار الجامع الكبير والمركز الاسلامي ب كولون ع شارع ناثان فيه مطعم الضيافة

مستوى المطعم لابأس به من ناحية التجهيز والإمكانيات

ولكن طبخ وإخراج عز الله انك تبي تروق ولانت طالع منه

فيه طباخ ابو عبدالله وهذا موبايله 60363079

بصراحة طبخه محترم جداً جداً ونظيف وأطباق يعملها ما تتخيلها

وبالهناء والعافية

تحياتي

اشكر الجميع على هذا الاهتمام

وانا انشاء الله بعد نصف ساعه بروح المطار

بس بصراحه ما حجزت لجوانزو احترت صراحه

وبشوف احسن فندق لاني ابي فندق في رفاهيه ويكون قريب من السوق

دعواتكم يا اخوان