السلام عليكم ورحمة الله وبركاته
أخواني ومن مبدأ رد الجميل لجميع الأعضاء في هذا القسم الأكثر من رائع الذي أستفدت منه كثير في رحلتي الى مكة شرفها الله راح اضع لكم بعض النقاط لعل وعسى يستفيد منها غيري مثلما أنا أستفدت من غيري الكثير وطبعا الأختلاف بالرأي لايفسد للود قضية -- ولوما أختلاف الأذواق لبارت السلع -- ماستقرأونه هذا رأيي قد أكون مصيب وقد أكون مخطي ..
أقوول وبالله التوفيق اليوم عدنا ولله الحمد والمنه من مكة المكرمة شرفها الله .
أولا ً أشكر الله سبحانه وتعالى أنه يسر وسهل علينا عمرتنا وأسال رب العباد أن يتقبلها أنه سميع مجيب الدعاء .
ثانياً كانت الرحلة على متن الخطوط السعودية طبعا لاجديد تأخير بموعد الاقلاع والحمد لله التأخير كان ساعة فقط مش أكثر والصراحة الخطوط السعودية تطورت كثيراً في موضوع الحجز الالكتروني وطريقة الدفع وأختيار التاريخ واليوم والوقت والمقاعد وقص البوردنق ولكن لاتزال مشكلة التأخير مش لاقين لها حل .مشكلة أخرى واجهتني في مطار جدة وفي مطعم la luisine بالتحديد حبينا نأخذ فطور أنا وزوجتي وأول ماكلمت الي بالمطعم قلت له بكم الوجبة لم يرد علي سألت الى بعده ولم يجاوب وسألت الثالث ولم يجاوب ايضاً وطبعا كل هالكلام وهم معطيني صينية تمشي عليهم كلهم وهم يحطون لك لا ويخيرونك يقولون تبي بيتزا والا رزبرياني والي بعده يخيرك بالحلى المهم يوم وصلنا عند المحاسب قالي حسابك 200 ريال قلت له أيش لايكون أنا داخل بوفية مفتوح وأنا مادري قلت له رجع الطلب كله قالي ليش ماتتكلم من أول قلت له سألت 3 مرات للي قبلك والظاهر هم مايسمعون لأنهم محد جاوب وخليت الاكل عنده المشكلة بالصالة الداخلية مافيه الا هذا المطعم وكوستا كافي وكشك صغير يبيع سندوتشات أسعارة نوعاً ما مقبولة بحكم أنه بالمطار فنصيحتي بالصالة الخارجية في كثير مطاعم وأسعاهم معقولة أما الصالة الداخلية la luisine كثير قبلي أنحرجوا وأدفعوا لأنه فطور والناس جيعانين وهالكلام قبل أذان المغرب ب15 دقيقة أنا مادفعت وعمري مادفعت بكل دول العالم الى سافرت لها لأي مطعم يحاول يحرجك لا تدفع الا أذا كنت مقتنع بالسعر والا فلا .
المهم خلونا بالأهم الا وهي العمرة .
ثالثاً السكن كان في شقق أبراج الميرديان تقيمي للشقق جيد جداً جداً خدمة راقية ومحترمة من جميع موظفيه الغرفة نظيفة ومرتبة السرير والكنب والتلفزيون بلازما وقنواته كثيرة والسيفتي بوكس والمطبخ الامريكي صغير والماكرويف والثلاجة جميعها متوفرة . التبريد بارد جداً يعني الى نفس حالتي يحب البراد ترى الغرفة ثلاجة والمطاعم الاسيوي والمغربي جربتهم جيدين وأكلهم مشكل عموما أنصح بالسكن بالشقق وبقوة . عيبه الوحيد هو بعدة عن الحرم فعلاً ولكن جزاهم الله خير أنهوا هذه المشكلة بتوفير باصات مجانية 24 ساعة توصل للحرم وترجع للفندق خلال 5 دقايق . سعر الشقق مناسب جدا مقارنتاً بماشاهدته من أسعار لباقي الفنادق والشقق بنهاية أسبوع .
رابعا ً فعلاً القادمين على سياراتهم الخاصة لم يسمحوا لهم بالدخول لمكة وهذا ماشاهدته بعيني .
خامساً شكرا ً أقولها لحملة رحلة الأيمان على جهودهم الأكثر من رائعة فتحية شكر وتقدير وأحترام لرحلة الأيمان بيض الله وجهكم ومشكورين وماقصرتوا على هالتعامل الراقي والمثالي .
أخيرا ً هذه رحلتي بأختصار وحاضر لأي أستفسار من الأخوة ..
والسلام علكيم ورحمة الله وبركاته ..مواضيع عشوائيه ممكن تكون تعجبك اخترناها لك:
- فزعتكم يا اهل جدهـ الكرام
- ياأهل جدة ولمن لدية معرفة بمدارس جدةابتدائي بنين أريد الفزعة
- تلاوة حجازية رائعة
- رحلتي المصورة إلى مكة والمدينة عمرة رمضان
- مساعده في هونك كونج و جوانزو ؟؟؟
- كم سؤال لاخونا فهد
- ماهوه أفضل ياهل الطايف ؟ الشفاء او الهدى
- فندق البلاد
- بشرى الاهل جدة ملتقى المدينه الشبابيه بجدة المطار القديم
- ابحث عن شقق فندقية في الحرمين
- عدم فتح طريق الهدا كرا في الصيفه
- اهل مكه ممكن تتفضلوا
- مطلوب فندق ميرة اجياد
- يا اخوان ايلاف كنده ولا دار السلام
- لو سمحتوا اريد شقة استديو بمكة قريبة او بعيدة المهم السعر
- الاسعار فى الطائف
- نكهة القهوة
- اخواني الرجاء مساعدتي
- طلب بخصوص العمره والسكن في جده
- مساعدة من أهل مكة
رد مع اقتباس
المشاركة الأصلية كتبت بواسطة زلفونيا السعودية
المفضلات