الموضوع: استفسار ضروري ارجوكم اول مره

السلام عليكم ورحمه الله وبركاته
اخواني اتمنى اتساعدوني انا ناوي ان شالله اروح ماليزيا في عيد الفطر ثاني يوم
التذاكر خذتها من القطريه عدد ايام الرحله 10 ايام ويومين الروحه والرده يعني 12 يوم
العد 16 مشالله 7 اطفال تحت 10 سنوات 9 بالغين
الرحله ابيهم يستانسون الصراحه وخصوصا الوالده والوالد اول مره يطلعون من الخليج وبخاطري اوسع صدورهم
اتمنى تساعدوني انا ماعرف ولا شي بماليزيا ولا اسعارها تكفون ابي عن كل شي
الله يرحم والديكم مابي اماكن فيها استعراضات نسائيه احنا عائله ملتزمه
انا ابي المنطقه اللي فيها مدينه الالعاب المنطقه البارده
وابي لانكاوي اللي فيها الحيوانات
وابي اخر يومين في كوالا لمبور عشانالوالده تاخذ صوغ
اذا اقدر احصل فلل للايجار بدال الشقق تمام واذا مافيه ابي شقق تكون كبيره اربع اغرف وكم تكون اسعارها
رحلتي تاريخ 23 -8 لين 3-9
الله يجزا خير لكل اللي بيرد واللي مب راد بعد
تكفون عطوني سعر تقريبي

مواضيع عشوائيه ممكن تكون تعجبك اخترناها لك:

• حجز فنادق
• رايكم وشوركم يهمني وفقكم الله
• استفسار بخصوص مطار عبدالعزيز شاه في صوبانج
• بعض الاستفارات لرتيب رحله قصيره جدااا لكولالمبور
• لي عدة استفسارات
• شرايكم جدولي لـ ثلاث ليالي كوالالمبور
• اول سفريه والجدول ملخبط
• في حيره ساعدوني
• استفسار بترتيب الرحله
• مطار كوالالمبور استفسار بسيط
• اقتراحكم
• رحلة الى ماليزيا و هونج كونج
• بالنسبة للطريق كاميرون هايلند
• استفسار عن حالة الطقس في ماليزيا خلال شهري يناير و فبراير
• مساعدتكم اخوتي الكرام وماقصرتم من قبل
• الرحلة قربت ارجوا التكرم بوضع مخطط يومي لرحلتي لماليزيا
• بخصوص حمل الكريمات والعطور هل ممنوع حملها بالطائرة
• من واقع التجربة طيران فاير فلاي
• طلب مساعدة ونصيحة قترب موعد السفر
• مطلوب فنادق مقترحة وجدول لشهر عسل في نوفمبر

وعليكم السلام ورحمة الله وبركاته

أخي الله يعينك في سفرتك، ما شاء الله عليكم
إن شاء الله تتهنون في سفرتكم
وأهم الوالد والوالدة الله يحفظهم جميعا يا رب

أخوي قطري لا تشيل هم من الرحلة

إذا بتشيل أطفال أكيد أنهم يريدوا ينبسطوا ويلعبوا ويسبحوا
البرنامج المقترح

2 يومين سلنجور
3 أيام لنكاوي
3 أيام بينانج
5 أيام كوالا (وخذلك يوم من كوالا عشان تروح جنتنج اللي هي مدينة الألعاب الباردة، ذهاب وعودة في نفس اليوم)



فيه شقق سعرها جيد في كوالا اسمها سويس جاردن
وباقي الأعضاء يفيدوك بباقي الشقق أو الفلل

طريقة التنقلات
من مطار كوالا إلى سلنجور تاكسي بـ (80) رنجت

من سلنجور إلى لنكاوي طيران إما إير آسيا أو الماليزية
وإذا تريد اقتصادية خذلك إير آسيا

من لنكاوي إلى بينانج إما العبارة أو الطيران

من بينانج إلى كوالا باص أو الطيران

من كوالا لجنتنج إما باص أو تاكسي شوف اللي يناسبك

بالتوفيق أخوي

الله يجزاك خير تكفون عاونوني شوي ابي اعرف كم التكلفه اللي اخذها لسكن ولصرف
وخصوصن معي صغار
هل اقدر استقر في كوالا لمبور واروح بسياره لمناطق اوبس انتقل لمنطقتين لاني خايف من شيل العفش والحط لان العدد كبير
هل اقدر استاجر باص في التنقل ؟؟
كم تكلفته ؟؟

أخوي قطري بالنسبة للصرف ما نقدر نحدده
لأن عددكم كبير ما شاء الله تبارك الرحمن ، الله يزيدكم الذرية الصالحة يا رب

لكن أنت حدد ميزانيتك، هل تريد فنادق اقتصادية ولو اشوفها صعبة، بل تحتاج لشقق

وأفضل شي نشوف اللي جرب الذهاب لماليزيا مع عائلة كبيرة ، فيا ليت أحد من الأعضاء من اللي جربوا الذهاب مع عوائلهم كيف رتبوا رحلتهم وخاصة للفنادق.

أخوي صعب تجلس في مكان أو اثنين فمدتك 13 يوم.


انزين بعد اقتراح بما أن عددكم كبير ، ليش ما تنقسموا لجروبات عشان الحجز وسهولة التنقل
3 مجموعات
أو مجموعتين على الأقل
وممكن كذا تشوف لك حجز في فنادق اقتصادية مو لازم فاخرة، وفي كوالا شقق سويس جاردن معاهم شقة بأربع غرف ويمكن تناسبكم


أرجو مساعدة الأخ قطري للي عنده أي معلومة أو حل في سفرته

الغالي قطري ،

أهنئك على برّك بوالديك وحرصك على محاولة إسعادهم

وأدخل السرور والبهجة على قلوبهم


وربي يعينك على ترتيب سفرة وتحمّل تبعاتها

لعدد كبير مثل هذا

لكن ،

تبي تتسهل بحول الله وقوّته



كنت أتمنى فقط أن تكون الأيام أكثر من 10

لإنه بصراحة ما يمديك تمرّ كل المناطق اللي ذكرتها خلال هالمدّة

وراح تكون تعب عليك

لكن إذا أصريت وبناء على طلباتك الخاصة

بخصوص التعري وخلافه

فأنا أنصحك بهذا البرنامج

مع التحية والتقدير طبعا لأخينا الأبراج الذي قام مشكورا بتقديم ما لديه



الفكرة راح تكون في تأجير باص من المطار

تطلع فيه مدينة إيبوه

تجلس فيها 3 ليال

والفعاليات اللي فيها

مدينة ألعاب مائية ممتازة وأقل زحمة من سيلانقور

مغامرة التجديف

زيارة مرتفعات الكاميرون الباردة ومزارع الشاي لمدة يوم



تنزلون بعدها على بينانق

( حتّى ترتاحوا من الطيران والحجز إلى لنكاوي )

والبقاء فيها ليلتين أو 3 بحسب إختياركم


الختام في شقق ممتازة وراح اكتب عنها بحول الله

قريبة من محطة مونوريل وراح تكفيكم هم التنقل

لمدة 4 ليال

تقومون فيها بالتسوق

وكذلك زيارة جنتنق لمدة يوم واحد

والبرجين وركوب الباص المفتوح وخلافه




التكلفة

عددكم 16

ولو أفترضنا أن كل 3 في غرفة

تحتاجون من 5 إلى 6 غرف


والتكلفة اليومية لفنادق أقتصادية

في إيبوه وبينانق

لكل غرفة من 300 ريال إلى 500


وفي كوالا

الشقق اللي أتحدث عنها

غرفتين وصالة راح تكلفكم 1500 فقط لكامل المدّة

وطبعا راح تحتاجون شقتين أو 3 بالكثير

وهو سعر مناسب للغاية



هذا رأيي المبدئي

وأكيد رأي الخبراء مهم

شوف رأيهم

وأنا راح أحاول أمر على الموضوع

كل فترة من شان نشوف شو قررت




بالتوفيق

بعد شو تبي أخونا قطري

ما شاء الله ماجد الفهد وفى وكفى
وبرنامجه على راسي، هم أدرى وأخبر

ولكن نحاول قدر الإمكان مساعدة البعض
وباقي الخبراء أكيد بتكون لهم بصمة في الموضوع

بالتوفيق

الله يجزكم خير اللي قالي مجموعات والله ياخوك ماقدر لان انا والوالد المحارم والباقي خواتي \ وعيالهم والوالد مايقدر كبير سن واخاف عليه ينصبون ولايضيع وكله صغاااااار خواني الله يجراكم خير
انا ابي ارتب الجدول هل اكتب الاماكن في وةقه واقول لتكسي المنطقه او اخذ دليل سياحي ؟؟\
هل اقدر استاجر باص وكم بكلف الباص
هل تكفي 40 الف للاكل والالعاب انا السكنت حصل في شقق في سويس قاردن وحجزت مبدائي ب12 الف
اخواني السموحه لعوزتكم
لاكن قري ردودكم للوالده ههههههه واعجبها مزارع الشاي تبي تزورها ومشال الفراوله
نبي الالعاب الصغار خاطرهم فيها نبي اذا عندهم مدن ثلجيه وشلالات نبي تلفريك نبي طبيعه هل ممكن احصل رحله يوميه على قارب للعائله مع شواي وهالسوالف
ااام شورو علي تكفون


اخوي الفهد ولايهونون الباقين الله يجزاك خير اعجبني تخطيطك بس عندي كم سوال
الفكرة راح تكون في تأجير باص من المطار

تطلع فيه مدينة إيبوه

تجلس فيها 3 ليال

والفعاليات اللي فيها

مدينة ألعاب مائية ممتازة وأقل زحمة من سيلانقور

مغامرة التجديف

زيارة مرتفعات الكاميرون الباردة ومزارع الشاي لمدة يوم

تجديف وحريم ههههه والله ياخوي ذا ينفع الحريم شي ثاني في هالمنطقه تمام لان اعجبني موضوع المزرعه والمرتفعات والمدينه المائيه للصغار هل اقدر اخليها يومين ؟

تنزلون بعدها على بينانق
بينانق شالموجود فيها ولانكاوي نروحلها بر ولا جو والتكلفه ل 16 شخص
( حتّى ترتاحوا من الطيران والحجز إلى لنكاوي )

والبقاء فيها ليلتين أو 3 بحسب إختياركم


الختام في شقق ممتازة وراح اكتب عنها بحول الله

قريبة من محطة مونوريل وراح تكفيكم هم التنقل

لمدة 4 ليال

تقومون فيها بالتسوق

وكذلك زيارة جنتنق لمدة يوم واحد

والبرجين وركوب الباص المفتوح وخلافه

تمااااام

الله يجزاكم خيررررر

أخي الكريم
نصائح على الطاير
بهذا العدد الكبير ماشاء الله تبارك الله لاتفكر في المواصلات العامة ولا في الطيران
أنتم يلزمكم باص خاص بسائق من المطار إلى المطار
كامل الرحلة يصبح ويمسي معكم لو بـ 1000 ريال في اليوم
مالك عنه بديل
غير كذا بتتبهذل وتطلع عيونك في التنقلات
خذ باص وريح بالك
ومنها سواق ومرشد سياحي

بالنسبة للأطفال فيه أماكن كثير تعجبهم منها
حديقة الألعاب المائية في سلانقور نصف ساعة من كوالا
م\ينة الألعاب في جنتنق والتلفريك 45 دقيقة من كوالا
الملاهي الداخلية في مجمع تايمز سكوير 10 د من شارع العرب
أفاموسا يوم كامل تبعد ساعة ونصف عن كوالا
وفيه حديقة الحيوان وحديقة الطيور وعالم ماتحت البحار
كل هذي الأشياء تعجب الأطفال ويستانسون فيها

المشاركة الأصلية كتبت بواسطة قطري 12
http://www.arabtravelersforum.com/tr...3/#post7062193

1) الباص ( قو جنتنغ ) وهذا كل المعلومات عنه
جنتنق العب ب 47 رنقت؟؟
هل هذا العرض موجود شهر 8 اعجبني جدا
هل اروح مكتب سياحي يرتب لي الرحله ؟؟



الآن ارتفع السعر إلى 58 رنقت بالباص السياحي من محطة الباصات في كوالا
لكن أنتم مايناسبكم لأنه بيكلفكم كثير جدااااااااااااااااااااااااااا
الأوفر لكم تروحون بالباص الخاص مالكم وتدفعون هناك حق التكت فقط
علماً بأنه يوجد خصومات للقروبات الكبيرة في الملاهي

المشاركة الأصلية كتبت بواسطة المغادرون 2007
http://www.arabtravelersforum.com/tr...7/#post7062937

أخي الكريم
نصائح على الطاير
بهذا العدد الكبير ماشاء الله تبارك الله لاتفكر في المواصلات العامة ولا في الطيران
أنتم يلزمكم باص خاص بسائق من المطار إلى المطار
كامل الرحلة يصبح ويمسي معكم لو بـ 1000 ريال في اليوم
مالك عنه بديل
غير كذا بتتبهذل وتطلع عيونك في التنقلات
خذ باص وريح بالك
ومنها سواق ومرشد سياحي

بالنسبة للأطفال فيه أماكن كثير تعجبهم منها
حديقة الألعاب المائية في سلانقور نصف ساعة من كوالا
م\ينة الألعاب في جنتنق والتلفريك 45 دقيقة من كوالا
الملاهي الداخلية في مجمع تايمز سكوير 10 د من شارع العرب
أفاموسا يوم كامل تبعد ساعة ونصف عن كوالا
وفيه حديقة الحيوان وحديقة الطيور وعالم ماتحت البحار
كل هذي الأشياء تعجب الأطفال ويستانسون فيها




والله انا مفكر في هالموضوع للباص بس احجزه من الدوحه اقدر؟؟
ولا اجازف اروح هناك ؟؟

أخوي ما يحتاج تحجزه من الدوحة

روح ربي يحفظك وهناك بتحصل الكثير .. بس أهم شي كاسر

صباحك نور يا غالي


حبيت أفكر معاك بصوت عالي ؟

شو جديدك ؟


وشو قررت بعد كلام الإخوان ؟





بالتوفيق

قاعد افكر بس بصوت منخفض ههههههههههههههههههههههه

والله ماعرف للحين حجزت الفندق والطيران باقي ارتب الجدوول لرحله
وقل بقعد اسبوع افكر ع رووواق