الموضوع: تقرير متواضع عن رحلتي الى ايطاليا

المشاركة الأصلية كتبت بواسطة ابرااهيم حمد
http://www.arabtravelersforum.com/tr...3/#post3886353




التكمله في الحلقه القادمه







الحمدالله تراني ماقلت غدا ,, قلت الحلقه القادمه وعااااااد ردد انت وياه ياليل مطولك

انا رايح للاختبار الحين دعوااتكم

المشاركة الأصلية كتبت بواسطة ابرااهيم حمد
http://www.arabtravelersforum.com/tr...5/#post3888985



انا رايح للاختبار الحين دعوااتكم








ابشركم ان شاءالله فل مارك , هذا وانتوا مادعيتوا لي اجل لو دعيتوا ؟! يمكن يخلوني اتخرج بكره

صار تقريريك مسلسل تركي.......بس ممتع طريقة تفصيلك للرحلة

متـــــــــــــــــــــــــــــــــ للآخر ـــــــــــــــــابعة

جيت أشيك مالقيت أحد

بالتوفيق أخوي إبراهيم

في إنتظااااااااااارك

خلاص اليوم اخر اختبار ايضا اليوم رح تكون اخر حلقه في مسلسلي ( الموصوف سابقا بذلك ) ان شاءالله , متمنيا ان يكون قد اعجبكم و هذا عربون صداقه مع هذا المنتدى بما فيه من اعضاء عشت معهم اجواء رحلتي مره اخرى فشكرا لكم على امل لقاؤكم في تقارير اخرى .... دعواتكم

خط السير كالتالي :
chiasso
lugano
giubiasco
biasca
basel

ومن المفترض انو نواصل ناحيه الشمال لكن كان فيه تصليحات في الخط والسواق طوف المخرج لكن بسم الله عليه ( روت ريكلكوليت ) على طول طلع بخط جديد
dijon
reims
douai
lille
calais

طبعا المناطق هذي كانت على خط السير او بجواره ..

رفقاء السفر :
انا وصاحبي
السواق وحرمه المصون
شخص ثالث وحرمه المصون
شخص رابع وحرمه المصون وطفلين

السواق والشخص الرابع كانوا في تركيا لقضاء اجازتهم السنويه وتعرفوا على بعض في مطار اسطنبول وسافروا على روما ومنها قطار الى ميلان ..
الشخص الثالث كان في مصر ايضا لقضاء اجازته السنويه , كذلك تقابل معاهم في مطار اسطنبول وجا على روما ومنها بالقطار الى ميلان ..
كان معاهم شخص اخر وحرمه المصون لكن سحب عليهم وجيت انا وصاحبي مكانه

انطلقنا على بركه الله ..

ومثل ماقلتلكم السواق كان مرشد سياحي وماقصر اي مكان نمر عليه يعطينا سالفه ( يستعرض ) , مرينا على بحيره لوقانو , انا كنت اول اقول وش فيها سويسرا ؟ ليش العالم طاير عليها ؟؟ لكن يوم شفتها بأم عيني وشميتها بأبو خشمي عرفت انها ديره تستاهل ..

مدينه لوقانو اصبحت تعرف بـ مونتي كارلو سويسرا لكثره المشاهير والاغنياء فيها , طبعا فيما نحن نتجاذب اطراف الحكي قال واحد منهم بإمكانك ان تشتري بيت هنا لأنك من السعوديه وانتم اغنياء .. انا عاد لازم اسوي فيها قلت اصلا انا كل عائلتي عايشين هنا ( قويه شوي ) مشكلتي ماعرف اكذب ..

بعد ماتعدينا بياسكا وقفنا في محطه عشان نتزود بالوقود والغذاء ..

وطرت على بالي محطاتنا اللي في الخطوط السريعه ,, واجريت مقارنه بسيطه , من حيث الخدمات , النظافه , المنطقه المحيطه . هههههههههه المحطه هذا بجانبها نهر وغابه وجبال تكسو قممها الشلوج , النظافه 9 من 10 الخدمات كل شيء متوفر .. عندنا مارح اقارن الطبيعه لكن النطقه المحيطه , يعني في محطات تكون بجانب ( مكب للنفايات ) ناهيك عن نظافه ورش السيارات و و و و , النظافه عندنا اممممم تقريبا 4 من 10 , الخدمات متوفره الى حد ما لكن بصوره غير منظمه .

دخلت السوبر ماركت وووووووووووو و لقيت اللي ما اقدر اخفي عشقي له ( الشوكولا ) لا و سويسريه بعد , وخروا عني وجلست نصف ساعه تقريبا وانا اتنعم بالشوكولا , شريت بعض منها وطلعت وانا والله ودي امسي عندهم

واصلنا مسيرنا , وبما انهم حطونا في المقدمه يعني برتبه مساعدي سواق فكان لزاما علينا ان نسولف ونعطي كم من كذبه بس موب مثل الاوله يعني اخف شوي , مثل يعني ان عندي بئر من البترول مسجل بإسمي خخخخخخخخخخ يعني

كانت سوالف حلوه , والحق يقال ان نظرتهم للعرب والمسلمين مره محترمه ..

مشى الوقت كعادته , وعند الساعه تقريبا 1 ونص كنا على مشارف كالي , لكن ابت الاثاره ان تنتهي و كأني بها تقول والله ما اخليكم . المهم البنزين على وشك يخلص والسواق يقول اوك المحطه الجايه ونعديها قال اللي بعدها ونعديها , وصلنا نهايه الطريق السريع , وقفنا عند الموظفه وسألها وين اقرب محطه على الطريق هذا قال بعد 40 كيلوا والعداد يقول ان السياره باقي فيها فقط 28 كيلو امممممم قالها طيب واذا رجعنا وين اقرب محطه قالت 35 كيلو يعني تقريبا نفس المسافه . وش الحل ؟ قلت نمشي وعلى الله , قال لتس قو , ومشينا وكلنا نطالع عداد السياره والطريق ابد ماحولك احد .. اعصاب وترقب شوي الا العداد ( صفر ) والسياره لازالت تمشي , لكن ليس بما فيه الكفايه .. بدأت تقطع شوي شوي قالت خلاص انا ميته من العطش وما رح اتحرك الا لما تسقوني بنزين . وقفت و وقف كل شيء .. اصواتنا نظراتنا حركاتنا كل شيء .....

وقفنا السياره على جانب الطريق وانتظرنا الفرج , بعد مرور 20 دقيقه وصلت سياره الخدمه وخدمونا لكن خدمه غاليه , راح وجاب لنا 10 ليتر بنزين وباعه علينا بـ ضعف مبلغ المحطه .. احتاج الامر لبعض الوقت ساعه تقريبا ..

عاد ومعه شراب لسيارتنا فانعشها وانتعشنا معها . وصلنا الى كالي , وبما اني اصغرهم تبرعت ان اقف في صف التذاكر الطويل والطويل جدا .. اخذ الامر ساعتين حتى جاء دورنا , اشترينا التذاكر بمبلغ يفوق سعرها في الايام العاديه . حيث ان سعر التذكره في الايام العاديه لا يتجاوز 18 يورو ذهابا و مرجعا اما الان فهي 65 يورو ذهاب فقط . الغريب ان احد المسؤولين في شركات النقل صرح بأن الاسعار كما هي ولم تتغير , لكن المسؤولين ( يقولون غير الحقيقه في كثير من الاوقات ) وانا في الطابور كان اللي قدامي عنده تذكره شراها قبل ويبي يعدل التاريخ سألته بكم قال انا و زوجتي بـ 8 يورو فقط

سلمنا السياره , واتجهنا الى الباخره , اخذنا اماكننا فيها , ثم ودعنا اصحابنا وتمنينا لهم التوفيق , اخذت معلومات الاتصال لبعضهم ولازلت على اتصال معهم .

بعد مضي الساعه تقريبا على انطلاقنا من كالي بدأت ارى ( white cliffs ) وهو العلامه المميزه لدوفر فعرف حينها ان رحلتنا قد انتهت هناك ............. وهنا تنتهي حلاقات التقرير .

شكرا للمتابعه

ماودي يخلص التقرير لكن شكلي بسافر عشان اكتب تقرير ثاني

هلا ابراهيم :

أول شي : بشرنا عن الإختبار, إن شاءالله فل مارك مثل اللي قبله ؟؟

(هالمرة دعيت لك ومن قلب إن ربي يوفقك وكل مغترب في طلب العلم والتميز)

وأخبار الشقة الجديدة , عساك خلصت نقل وترتيب وأمورك كلها تمام ؟؟؟

نجي للحلقة الأخيرة والأكشن اللي مايخلص معكم :

ماشاءالله حفظت كل مدن الطريق

[size="5"][color="blue"]

عزيزتي نوف , شكرا لتفاعلك المحفز .

امممممممم الشوكولااااااته ياعزيزتي انا بصراحه لم اجد فرق كبير بين السويسريه او البلجيكيه بس اللندنيه غير . شوكولاته هارودز مثلها مثل البلجيكيه بس افضل شوي وممكن انها تكون اقل جوده من السويسريه . لكن الشوكولاته الفرنسيه هي اللي رح تحسين بفرق كبير . اولا لانها فرنسيه ثانيا الفرنسيين عنهم لمسه سحريه اذا جات على اي شي يصير غير . والاهم من هذا كله الطعم امممممم هههههههههههههههه على الطاري , اذا كنت عازم احد في لندن اوديه لمحل حلويات فرنسي ( لا دوريه ) ( laduree ) واقوله اتحداك تاكل الحلى هذا وما تقول امممممممم . وفي كل مره اربح الرهان ..

في السنه الماضيه كان فيه مهرجان للشوكولاته في لندن ( كل سنه ) في شهر ديسمبر , فقررت ادور على كذا محل واقارن بينها . مريت ( Du chocolat) وهو من افضل الاسماء الفرنسيه في صناعه الشوكولاته ( مكانه في شارع البيكاديللي ) , وكانت منتجاتهم حلوه بس غاليه . بعدها رحت لـ ( Hotel chocolate ) ايضا تعد من افضل الماركات البريطانيه ان لم تكن هي الافضل . وكانوا متفاعلين جدا مع المهرجان , ومثل مايقولون عن انفسهم انهم ينتجون شوكولاته بنوعيه افضل , فعلا شوكولاتتهم ممتازه جدا جدا واسعارها معقوله الى حد ما .

اللي بقوله اني مدمن حلى .

صاحبي .. انا وهو قروب وااااااااااحد يعني لما اتكلم عن نفسي فأنا اتكلم عنه . الفرق الوحيد انه ياكل واجد ( محل ما يسري يمري )

وابشركم ان اختباراتي ان شاءالله كلها ممتازه , والشقه خلاص دفعت فلوس المكتب , والاثاث اليوم الظهر رح يجي المشتري وياخذها ( الله يخلي gumtree )

وابشروا بالتقارير لكن موب الحيييييييييين يعني عطوني سنه ههههههههه لا لا شهر الى شهرين الى 5 وان شاءالله تشوفون تقارير تسركم

اليوم رحلتي الى ارض الوطن , دعواتكم

الى اللقاء

هلا ابراهيم ,صباحك صحة وفرح يارب,

الحمدلله أمورك كلها تمام ويارب يحفظك وتوصل أهلك بالسلامة(آميـــــــن)

إذا كانت رحلتك اليوم وش مقعدك على النت الحين (أشوفك متواجد !!!)

أحس مو وقت نت , وقت تجهيز شنطة وتفقد محتويات وتغليف هدايا وشوكلاتات !!!

يالله سكر جهازك وقم خلص أمورك وريح لك شوي قبل الرحلة (اشتغلت أختك)

وأما بالنسبة للشوكلاتة فوالله إنك جبتها ,

بصراحة أنا ما حسيت بفرق بين الشوكلاتات إلا يوم جربت الفرنسية(غير غير غير)

وبصراحة أنا حسيت بفرق بكل الأكل الفرنسي

(كرواسو , مكروني حتى الخبز حقهم غيـــــــــــــــــــر)

وأثاثك ليش بعته ؟ ليش ما نقلته الشقة الجديدة ؟؟

وإلا ناوي ع التجديد أو المرة الجاية بترجع بريطانيا مع المدام *_*؟؟؟؟

وبالنسبة للمهلة ولايهمك بنعطيك كم شهر ,

المهم توفي بوعدك وتنزلنا تقرير عليه القيمة مثل هالتقرير أو أحسن

(خلاص بيصير عندك خبرة وتقدر تحفز الأعضاء)

تحياتي وسفراًسعيداً وعوداً حميداً.

ما شاء الله عليك اخوي ابراهيم والله يرزقك بنت الحلال اللي تعوضك ايام جولتك في ايطاليا
عندي سواء لو تكرمت
تقريباً كم يوم يكفيك في ايطاليا للسياحة ؟
وفي تقريرك ما ذكرت اسماء فنادق
لاني ناوي اسافر إلى ايطاليا سياحة انا وزوجتي وبنتي هل اسبوع كفاية؟
وغير كذا وبالنسبة للشوكولاته اضم صوتي لك بان الشوكولاته الفرنسية شي لاني جربتها بنفسي عام 2008 احيانا استغني عن وجبت الغداء والعشاء بس كنت اعتقد ان الشوكولاته السويسرية والبلجيكية احسن لاني ما جربتها لكن تجربتك كفاية
والله يوفقك

ألف الحمد لله على سلامة الوصول( سلامة دااااااااااااااااااايمة يارب)

يالله يا عم ريح وسط الأهل واستمتع بوقتك بينهم,,

مشكور ع المعلومات الإضافية





لي عوده



ونحن بإنتظارك.

الحمد لله على سلامة ويعطيك العافية على الاسلوب الراقى والمميز فى الكتابة والشرح

( ألف مره )

دائما اشعر بالاحباط بعد عودتي للوطن . ( أيُّ وطن )

كنت ناوي ولا زلت , اني اخذ عمره طلبا للمغفره .. لكن الخطوط السعوديه حسبي الله عليهم وعلى خدماتهم حطموني و قالوا مافي رحلات الى جده الا في يوم 10 جون ودرجه اولى بعد .. آه ثم آه
اعتقد ان هذا الشيء طبيعي , لكن لو تفكرون فيها والله كارثه , اكبر مدينتين في المملكه ما تقدر تسافر بينها الا بعد يومين ؟! وين عايشين ..
في الصين , اللي هي اكبر تجمع بشري على وجه الأرض ما تعاني من اللي احنا نعاني منه مع خطوطنا ( ألا سامحها الله )
رح اذكر لكم موقف و عليه قيسوا .. كان عندي رحله من شنقهاي الى بكين , وفاتتني الرحله وعلى طول ركبت في الرحله اللي بعدها . وللعلم الرحلات كل ساعه ..
هنا .. ما أذكر اني رحت المطار وما لقيت ناس يعانون من الانتظار .. والمشكله انها اكبر مدينتين يعني اي خدمه هذي اللي تتشدق بها خطوطنا ( ألا سامحها الله )
هذا شيء .. والآخر , خدمة هاتفهم الموحد للحجز ......... معاناة منقطعه النظير , فقط ليمسك معك الخط بعدها معاناة في الانتظار , وخلال انتظارك تسمع ما يسم البدن .. مثل ( الخدمه الجديده بإمكانك شراء التذاكر عن طريق موظف الحجز ) يالله اختراع جهنمي , او ( بسبب الضغط الهئل على مركز الحجوزات الرجاء الحجز عن طريق موقع الانترنت او معاودة الاتصال في وقت لاحق ) طيب زيدوا عدد الموظفين واخدموا عدد اكبر من المسافرين ..
وبعد كل هذا , يرد عليك احد الموظفين ( متفضلا ) ويحاول خدمتك وفي غالب الوقت ( من غير نفس ) ........

أيُّ شركةٍ هذه !

آهٍ من خطوطنا ( ألا سامحها الله )

تقرير جميل اخوي

وصحيح بسبب مشكلة رفع الصور بالمنتدى صارت هناك تاخير باكمال بعض التقارير هنا بالمنتدى

اتمنى ان تحل بشكل نهائي هذه المشكلة

المشاركة الأصلية كتبت بواسطة نوووووف
http://www.arabtravelersforum.com/tr...2/#post3911552


وش عندك ,الله يغفر لنا ولك ؟؟





غريب ! هل اصبحت ممارسه العبادات دليل على اقتراف ذنب عظيم ؟!

تراني مطوع بس 2010

المشاركة الأصلية كتبت بواسطة ابرااهيم حمد
http://www.arabtravelersforum.com/tr...0/#post3911720


غريب ! هل اصبحت ممارسه العبادات دليل على اقتراف ذنب عظيم ؟!

تراني مطوع بس 2010




أعتذر منك وبشدة أخي ابراهيم إذا كان تعليقي سبب لك ضيق ,,,

بس والله من جد كنت أمزح وتراني مو من النوع اللي يعلق على النواحي الدينية

لكن هي عبارة تعودنا نسمعها على سبيل المزاح من اللي حولنا

بعد ما نرجع من برا ونروح دايركت ناخذ عمره

عزيزي : أعتذر وبشدة مرة أخرى وليتني أستطيع تحرير الرد الآن لكنت حذفته إكراماً لك.

ها قد عدت اليكم ..

عذرك مقبول يا اخت نوف ومثل ماقلتي الشغلات هذي متعودين عليها .

انتظروا الصور ...................

اللي عنده سؤال او استفسار يتفضل وانا ان شاءالله رح ارد عليه باللي اقدر وزود .........

صور اليوم الثالث في روما ..

الفاتيكان وكنيسه سانت بطرس واللي هي اكبر كنيسه في العالم ..


https://travel.maktoob.com/photo/sho...8474&cat=12373

https://travel.maktoob.com/photo/sho...8517&cat=12373

https://travel.maktoob.com/photo/sho...8645&cat=12373


ساحه نوافو واللي اعتبرها مفاجأة روما .. رائعه


https://travel.maktoob.com/photo/sho...8768&cat=12373

https://travel.maktoob.com/photo/sho...8795&cat=12373


تتواصل التسليه , رجال ماعنده رأس


https://travel.maktoob.com/photo/sho...8825&cat=12373


وهذا يقلد الفراعنه في مصر


https://travel.maktoob.com/photo/sho...8869&cat=12373


وهذا قاعد يرسمني بس طلعني حلو


https://travel.maktoob.com/photo/sho...8999&cat=12373


وهنا صوره للساحه بعد ان ظفرت برسمه تشبهني لحد ما ..


https://travel.maktoob.com/photo/sho...9048&cat=12373


وهذي صوره للبانثيوم


https://travel.maktoob.com/photo/sho...9064&cat=12373


وهذي صوره من الداخل



https://travel.maktoob.com/photo/sho...9207&cat=12373

https://travel.maktoob.com/photo/sho...9242&cat=12373


نافوره تيريفي


https://travel.maktoob.com/photo/sho...9319&cat=12373

https://travel.maktoob.com/photo/sho...9344&cat=12373


البريتش ستيبز


https://travel.maktoob.com/photo/sho...9657&cat=12373

https://travel.maktoob.com/photo/sho...9688&cat=12373


يلاا طلعوني في هذي الصور


https://travel.maktoob.com/photo/sho...9704&cat=12373

https://travel.maktoob.com/photo/sho...7510&cat=12373


عاد هذي سهله


https://travel.maktoob.com/photo/sho...9866&cat=12373


ساحه بيبل ( العشاق ) والله يا انهم ينصبون علينا نصب .......... قال ايش قال عشاق


https://travel.maktoob.com/photo/sho...0205&cat=12373

https://travel.maktoob.com/photo/sho...0214&cat=12373


فن القرافيتي , الرسم على الجدران , ولاحظته بكثره في فرنسا وايطاليا اما بريطانيا يحبون النظافه


https://travel.maktoob.com/photo/sho...0305&cat=12373


منظر الكلوسيوم مع الاناره .. اكثر من رائع


https://travel.maktoob.com/photo/sho...0369&cat=12373

الحمد لله على السلامة

تقرير رائع والصور أحلى وأحلى ..

أما إللي راسه مقطوع حالته صعبة خخخخخخخخخخخخ

بالتوفييييييييييييييييييييق وفي إنتظار المزيد من التقارير المشوقة

الظاهر الحر اثر على كل شيء حتى الاتصال , صار لي اكثر من 3 ايام احاول انزل الصور وماقدرت .

وصراحه نظام تحميل الصور في المنتدى معقد شوي ومثله مثل الانظمه عندنا اسلوب تطفيش ...................

رحلة جميلة جداااااا
الله يوفقك يا ابراهيم و فعلا صعوبة في تنزيل الصور و مواقف حلوه مع صاحبك ( مطرح ما يسري يمري ) و البركان اثر عليك مبين و طريق مع العائلة و الدليلة باتكسي غريب الصراحة جدااا مع سالفة التعرف عليهم
و تنسق للرحلة ممتاز و الله يوفقك بالامتحانات يا رب ونسنتا باتقرير الجميل و المواقف
و الصراحة تسليت باتقرير و استفد حيييييل منه في حال رحت الي روما الاني ما زرتها
موفق خير اخوك violetq8

أبو خليل رحلة موفقة ..
وانا ان شاء الله رايح على 22 جولاي وبنجلس فيها 5 ايام انا وصديق لي (بس مهوب مطرح مايسري يمري ) ههههههه

ودي اعرف المدن القريبه من روما واللي تستاهل الزياره .. ومافكرت تروح لنادي روما او الملعب حقهم والا ماانت راعي كوره .. ووش المواقع اللي يسهرون فيها او كوفيهات تقفل آخر الليل ..

تحياتي

(للمعلومية الرد هذا تمت كتابته قبل أسبوعين تقريباً والآن فقط أدركت أنه لم يُرسل!!!)

ومازلنا متابعين
ابراهيم : ماشاءالله على الرسام ضبط رسمتك مررررررة ,,

وأما وصفك لساحة نافونا بالمفاجأة فأنا من أشد المؤيدين لك ’

نعم أوروبا مليئة بمثل هذه الساحات المشابهة ولكن تظل نافونا غيــــــــــــــــر ,,

ابراهيم :

واضح حبك لبريطانيا بدليل سميت الدرج الأسباني (بريتش ستبس)!!!

باي ذا وي : متى إن شاءالله العودة لمقاعد الدراسة؟؟

شكرا على الردود الحلوه ..

صور نابولي وجزيرة كابري

Piazza del Plebiscito
Royal Palace of Naples
(San Francesco di Paola (Naples

هذي كلها في مكان واحد .. القصر الملكي , وساحه الاستفتاء , كنيسه سان فرانسيسكو

ساحه الاستفتاء سميت بذلك بعد الاستفتاء الكبير عام 1870 لإنظمام مملكه نابولي الى مملكه ايطاليا ..



قلعه نابولي





وصولنا الى جزيرة كابري



صوره من داخل مكتب المعلومات في الجزيرة والخريطه على الارضيه ( رسم بالبلاط )



المترو حقهم ( بيقيليتو ) وسعر التذكره 1,40 يورو



صور عامه للجزيرة

















هذا القارب اللي فرفرنا فيه ..

























هذي صورة الكنيسه اللي يطلعون قارورة دم في السنه مرتين



وهذي صورة المطعم اللي تعشينا فيه ( principe umberto ), مطعم ممتاز جدا موقعه في ساحه principe umberto




شكرا للمتابعه ..

باي ذا وي : i miss you all

ابراهيم : راح أعتبر ردك اليوم سلطة خفيفة ,,

صور كابري وقاربكم اللي فرفرتوا فيه صور راااايقة

وأما مطعم برينسيب أمبيرتو فإن شاءالله لنا سيكون معه موعد بعد مدحك له ,,

سؤال : وش سالفة الكنيسة اللي يطلعون منها قارورتين دم بالسنة ؟؟؟

** ممكن أبحث عنها بس أبغى أعرفها منك فلا تبخل علينا بمعلوماتك !!

المشاركة الأصلية كتبت بواسطة MONT BLANC
http://www.arabtravelersforum.com/tr...3/#post3994403

أبو خليل رحلة موفقة ..
وانا ان شاء الله رايح على 22 جولاي وبنجلس فيها 5 ايام انا وصديق لي (بس مهوب مطرح مايسري يمري ) ههههههه

ودي اعرف المدن القريبه من روما واللي تستاهل الزياره .. ومافكرت تروح لنادي روما او الملعب حقهم والا ماانت راعي كوره .. ووش المواقع اللي يسهرون فيها او كوفيهات تقفل آخر الليل ..

تحياتي





انا من عشاق الانتر وملعب سان سيرو في ميلان اما روما فأشوفه مايستاهل الزياره

الاماكن الليليه ,, عندك سبنش ستيبز _ نافورة تيريفي يعني الاماكن العامه المفتوحه بشكل عام ..

اتمنى لك رحله موفقه

صور مدينه فلورنس وبيزا

الطريق من نابولي الى فلورانس



بعض الصور من باص الاوبن تور







نهر ارنو



جسر Ponte Vecchio



القصر الملكي



فلورانس كاثيدرال





اشهر اعمال مايكل انجلو ( ديفيد )







الطريق الى ساحه مايكل انجلو



صور عامه لمدينه فلورانس من ساحه مايكل انجلو

















صور لبرج بيزا المائل ( لينيين تور )
ومن واقع تجربتي فإن بيزا لا تستحق المبيت يعني يكفيها ساعتين تشوف برج بيزا وترجع فلورانس لأن مدينه بيزا مافيها شي ................



ماجيتوا تساعدوني في محاوله انقاذ البرج







معلومات عن البرج مكتوبه بعده لغات لتعريف السياح اكثر عن البرج ( ان شاء الله تكون واضحه )







كابتشينو بعد يوم منهك احلى شي ,,



منظر فلورانس من ساحه مايكل انجلو بالليل ..... رائع

المشاركة الأصلية كتبت بواسطة ابرااهيم حمد
http://www.arabtravelersforum.com/tr...8/#post4021968

صور رااايقه هااه ؟! اجل يستاهل الميه اللي عطيناه ؟؟؟؟؟؟؟


سالفه الكنيسه

شكلك مانتي متابعه التقرير ؟!!

قو باك وشيكي تقرير اليوم الرابع في نابولي .............................







بالله عليك 100 ايش , يورو أو ريال ؟؟

وياعزيزي لا تعصب مرررررة




تابعنا مسيرنا الى duomo او Naples Cathedral لنقف على حقيقه الاسطوره اللتي لا تزال الكنيسه تطبقها الى الان . الاسطوره تقول ان الكنيسه يجب ان تحتفظ بقاروره من دم القسيس وتخرجها الى الملأ مرتين في السنه اول سبت في شهر مايو وفي 19 من شهر سبتمبر ويجب اذابه الدم واذا لم ينجحوا في اذابته فان شيء مكروه سيحدث لنابولي.





[font="Arial Black"][size="5"][color="blue"]

ما شاء الله .. يعطيك العافية

تقرير ولا أروع اخي العزيز

اخوي ابراهيم يعيطك العافية على هالتقرير
اسم الفندق حق روما ماذكرته وهل فيه صور له وهل كان تنقلكم من محطة تراميني على اعتبار انها قريبه
للفندق مشي او من محطة ثانية
ملعب سان سيرو في ميلانو مافيه صور ومعلومات عنه وكيف طريقة الذهاب له
وايش اسم الفندق اللي سكنته في ميلانو وهل فيه معلومات عنه
مشكور كثير

انا توي اشوف التقرير هذا
حلو بس فيه احد لاحظ شي في الصور الاخيره
لاحظت شي لدرجة خلاني اشترك هنا واشارك
لو صاحب التقرير يحاول يدقق في الصور