بسم الله الرحمن الرحيم ..
أبتدي موضوعي بأسم الله .. وأتمنى أن هذا الموضوع وهو رحلتي لايطاليا أن تنال أعجابكم ..
هذا الجزء الأول لرحلتي وبتفصيل الممل ..
في البدايه .. الرحله لايطاليا تحددت وهي بتاريخ 2/6 (ميلادي) بعد الأختبارات بيومين ..
كان موعد الطيارة .. ثلاث الفجر .. يعني نروح المطار الساعه وحده ..
وأحلى شي أن تكون السفره باليل حق النووووووم والمطار مايكون زحمه ..
الساعه 9 الصبح من يوم الأربعاء قمت من النوم طبعاً ماجاني نوم وهذي حالتي كل سفره الليله اللي قبلها ما أنام مادري وش السر ... هل أنتو نفسي....؟!! ولا أنا غييير
رتبت الشنطه وهذي الشنطه رتبتها 20 ألف مره شيل في هذي الثياب ورد ورتبها من جديد ..
الساعه 11 السايق ودا الشناط المطار وعلشان يخلص الأجراءات .. وهذي عاده من عوايد العايله نطرش الشناط قبل وندخلها الشحن ويسون الجيك إن .. علشان ما ننطر في الزحمه .. والله لايرويكم وش كثر الشناط اللي يقول راح نقعد هناك سنه ..
ويوم جات الساعه 12 راح كل واحد منا يتجهز بحدود الساعه 1 خلصنا نزل لنا الوالد قال أتصلوا حق بنات عمكم يجون ..
طلعنا من البيت متوجهيين للمطار .. كانت شوارع الدوحة شبة فاضية ..
وصلنا المطار .. وصار لي موقف محرج .. تمنيت لو الأرض تنشق وتبلعني ..
بوابات المطار زجاج تشوف اللي بالداخل .. وأنا أمشي بدخل شوي ولا أنا داعمه الزجاج اللي بجنمب الباب .. يااافضييحتاااااااااي .. هنا الكل ضحك واللي أكثر أنا هذا صار قدام أخوي يعني جاك الموت ياتارك الصلاه .. لن ينسى هذه الفضيحه مدى الحياه ..
دخلت المطار ولا كنا صار شي كان المطار فاضي وحلوووو .. وأنا قد ذكرت في موضوع سجل سعر تذكرتك الى ايطاليا لأخويfendi ..
ان الخوطوط الجويه القطريه ممكن ترفعك إذا كنت حاجز بالسياحيه .. وفي مكان فاضي بدرجة أعمال أو درجه أولى راح ترفعك .. وأتوقع لازم تكون عندك البطاقة التابعة للقطرية ..
من حسن حظنا في ست كراسي فاضيه في درجة رجال الأعمال .. وأحنا خمسه .. رحنا قاعة رجال الأعمال .. دخلنا وياليتنا مادخلنا مكان ممل عكس الحياه اللي برا (قصدي الناس اللي في الدرجة السياحيه الموجودين عند المطاعم ولا السوق الحره ولا صالة الأنتظار ) تخيلوو في ناس شوي اللي قاعد يقرا جريده واللي نايم واللي قاعد يدخن في المكان المخصص للمدخنين ..
تمللنا وطلعنا للمقهى في قريب من الأسواق الحرة وجلسنا فيه ..
حان موعد الرحلة ..
وأنتو تدرون مطار الدوحه لازم تركب الباص ويوديك .. لين الطياره .. بس إن شاء الله المطار الجديد راح يكون متطورر جداً .. نعود لموضوعنا .. جلسنا والناس فضوا من صالة الأنتظار وأبوي فيه ضحكه يلا يبا خلنا نركب الباص وروح الطياره وهو ساكت ولا على باله ويالا ياعمي .. يالا يااخوي .. ولا في فايده لين ضنينا أن الطياره راح طييير بدونا .. نسيت أقولكم حاجه أبوي من النوع اللي يسوي مقالب ويوم كنا واقفين عند ختم الجوازات .. وأنتو تدرون معانا بنت عمتي وأبوي يصير خالها يعني ما يصير تسافر من غيير أذن أبوها بس أبوها سوا لها ورقه .. وحنا واقفين عند موظف الجوازات إلا يقول هذي البنت مو نفس الأسم .. ومايصير تطلع معاكم .. نست هي تعطيه ورقة الخورجيه .. قام الوالد قال لا هي مو معنا أهنا الكل عليه علامة الدهشة .. في هذي الفتره ابو غمز عين حق موظف الجوازات .. وبحكم أن هذي البيت بسرعه تخليها تبكي والكل يدري بهذا الشي .. شوي ولا نلاقيها دموعها أربع أربع ..هنا الوالد ضحك ضحكته الجهوريه .. وقال يلا ياميري طلعي ورقة الخورجية (كنج خدامه) هنا زاد البكي لدرجة ماقدرت طلع الورقه لين عمتي خذت الشنطه وطلعت الورقه وطول المده في المطار وهي زعلانه .. بس الوالد راح راضاها بكم حلاوووووووه ههههههههههه
وين وصلنا .. أي عرفت .. جلسنا مدة في صالة الأنتظار شوي ولا نشوف ذاك البي أم دبليو واقف عند البوابه ستانسنا حسينا أن أحنا صدق رجال أعمال ( بس أنتو سو التأنيث )
وصرنا نتناقش ما تكفينا السياره (عايشين الجو) قلنا خلاص نركب على شكل مجموعتين وقسمنا من راح يكون في الموجوعه الأولى والثانيه ..
لكن وناستنا مادامت ..
شوي ولا نشوف ذاك الشايب (أجنبي) داش بسرعه وبقوه كنه بيصارع وركب السياره وراحت أحلامنا مهب الريح .. نتظرنا شوي ولا ذك الباص اللي جاي هنا تحطمنا .. ركبنا الباص .. ومحد كان فيه إلا أحنا لان خبركم أخر ناس نركب الطياره .. ونسيت أقولكم شغله شفتو البنت اللي تبكي بسرعه فيها خوف من الطياره بشكل موب طبيعي .. مره وحد ركبت الطياره .. وباقي سفراتها بالسياره تجبر أهلها يسافرون بالطياره .. وقعدت جمب من ..؟!! جمبي طبعاً سويتلها رعب ما صار .. وجبرتني أقعد في الوسط ما نقعد جمب الدريشه .. على قولتها تخاف تشوف مكان مرتفع ....
وهذي نهاية الجزء الأول ..
أتمنى أنه عجبكم .. مع أني ماقلت أي معلومه تفيدكم ..
أنـــــتــــــــــظـــــــــــــــــرونـــي ..
المفضلات