الموضوع: انطباعي بعد زيارة قطر

السلام عليكم ورحمة الله وبركاته ,,

زرت الدوله العزيزه والغاليه على قلبي قطر وبالتحديد دوحه الخير وهذي انطباعاتي عنها ..

اولا انا مشيت من القصيم يوم الخميس الصباح ووصلت الحدود بعد الظهر وكانت الاجرائات بالجانب القطري بطيئه نوعا ما وتفع تامين 105 ريال,,

لما وصلنا الدوحه كانت فيه انشائات وهذي مسببه زحمه بالشوارع بس بشكل عام الدوحه مرتبه ومنظمه ولا تضيع فيها كل شي واضح وفيه لوحات ترشدك للي تبيه ,,

اول يوم زرنا سوق واقف هذا السوق العجيب الي ياخذك لبعيد لزمان الاجداد والأباء طبعا الدخول للموقف ب3 ريال وبعدين كل ساعه تدفع ريال زياده وكان السوق زحمه وهيصه ووناسه وفيه حريم يسوون اكلات شعبيه وملابس قديمه ومطاعم الصراحه ماتبي تطلع من هذا السوق وكان معي اختي وهي كبيره بالعمر الصراحه قالت شي عجيب ذكرنا بزمان اول زمن الطفوله بس يعيب السوق المطاعم الي تقدم الشيشه الصراحه ريحتها فايحه والغريب الحريم الي متحجبين ويشيشون نسال الله السلامه وتعشينا في المطاعم الي هناك واسعارها الصراخه مره مرتفعه’’’
بعد ماطلعنا من السوق زنا الكورنيش الي قدام سوق واقف وكان خياااال ونظيف مره مره ياليت لو ربعنا يقلدونهم وتمشينا هناك وركبنا سفينه الشخص الواحد ب20 ريال وبعدهها رجعنا للفندق عشان نرتاح بعد الطريق ,,,

يوم الجمعه صلينا الجمعه مع الجماعه وبعدها رحنا لمجمع فيلاجو وكان خياااااال وروعه تحس انك بفينيسيا وفيها نهر بوسط المول وتقدر تركب قارب في وسط النهر يمشي فيك بالمول وانا حضرت فيلم بالسينما والاهل ماقصرو بالتسوق وبعدها رحت اصلي المغرب فيه مسجد داخل المول ومره جزاهم الله خير مهتمين فيه وفيه ملاهي جنان وكان فيه كرنفال لشخصيات كرتونيه مره فله انبسطنا عليها وصورنا معها ,,
بعد ماطلعنا من المول رحنا لحديقه اسباير زون هالحديقه الي ما ادري وشلون اوصفها لكم نظيفه ووسيع صدره وفيها بحيره ونافوره تمشي من تحتها واصوات طيور وفبها اكشاك لبيع المياه والبوب كورن والعصاير وغيرها ,,
وبعدها رجعنا للفندق للنوم ,,

يوم السبت كان الجو حلو وغيوم رحنا بعد الظهر لسوق واقف علشان الاهل يبون اغراض من هناك وشرو جلابيات واقمشه وبخور وانا رحت لسوق الطيور مره حلوه وماتمل منها ابد ..
وبعدها رحنا لسيتي سنتر وهو مول كبير وفيه كارفور وسينما تمشو الاهل وتسوقنا وحضرنا فيلم بق ماما3 وبعدها طلعنا نفر بالسياره بشوارع الدوحه الجميله ونشوف الابراج الطويله والغريبه ,,

يوم الاحد رحنا لحديقة الحيوان وهي قريبه من فيلاجو مول هي حديقه صغيره بس حلوه ومرتبه وفيها قطار
بعد ماطلعنا من الحديقه زرنا مشروع اللؤلؤه الصراحه حلوه ومتعوب عليها وفخمه وفيها محلات وكفيات وتمشينا فيها وجلسنا في كفي نتقهوى ونشوف الناس الرايحه والجايه ..


يوم الاثنين رحنا لمجمع اللاندمارك حلو ومرتب وفيه ماركات بس فيلاجو اكبر وازحم منه ,,
وبعدين رجعنا الفندق علشان نجهز اغراضنا استعداد للسفر غدا ..


انطباعي عن قطر ...

الديره حلوه ونظيفه مره مره مره الصراحه تستحي انك ترمي شي من شدة نظافتها ..
اهلها مره طيبين وخلوقين ومحترمين ويحبون يساعدون الغير وفيهم فزعه ونخوه .
مازل القطريين متمسكين بعاداتهم وتقاليدهم مثل لبس الثوب والغتره والعقال القطري الي فيه حبل من ورا
وبنات قطر مره ملتزمات بالعبايه والشيله والنقاب ولا تجد اي قطريه غير منقبه الا ماندر
القطريين يحبون سيارة الجيب اتوقع كل قطري لازم معاه جيب
اسعاره مو مره مرتفعه يعني ارخص من دبي
اتوقع بعد ثلاث سنوات راح تكون وجهه سياحيه وتكون زحمه
الفتره الي انا رحت فيها كانو السعوديين بكثره بسبب الاجازه
زوجتي ازعجتني تقول ترا بالاجازه الجايه لازم نزور قطر مره ثانيه
تعتبر قطر وجهه سياحيه عائليه من الدرجه الأولى ولا تجد فيها شي يخدش الحياء او مناظر غير لائقه ..
تسمع الاذان بكل الصلوات والمساجد مليانه بالمصلين بعكس بعض الدول الخليجيه لاتسمع الاان ابدا نسأل الله السلامه .
دورات المياه بالأسواق والكورنيش مره نظيفه وريحتها حلوه الصراحه مجهود يشكرون عليه ..



وخاتمه نشكر اهل قطر على حسن استقبالهم وحسن تعاملهم ..

وأسف على الاطاله ..

مواضيع عشوائيه ممكن تكون تعجبك اخترناها لك:

• بجب لقطر بالعيد واول مره ازورها بيضوا وجهي مع زوجي
• تقاريري عن مطاعم ومقاهي قطر
• اقتراحات للزياره الثانيه لقطر
• الفزعه ياخواني جايكم بعون الله من القصيم
• اهالي قطر الاعزاء رحلتي اليكم حانت ولكم اسئلتي مالت
• رايح لقطر و أبي مساعدتكم
• ضررررروري
• طلب لاهنتوا عن إحداثية فندق
• تذاكر مباراة البرازيل والارجنتين وش خبرها ؟
• يَا اهْل قَطَر تِكْفُون تَرَى تِكْفُون تَهُز دِيَار
• القطرية تسير رحلات الى واشنطن
• ار ض الشحوح محافظة مسندم بالصور
• مرحبا
• افضل فندق على البحر
• نويت السكن في رايكم عندي سؤال بعد لوسمحتوا
• ابقعد ليله في الدوحه سؤال
• عطوني معلومات عن الحبيبة قطر جايك ياقطر
• استفسار عن سكن
• الاستاذ يبي مساعدة اهل قطر ؟؟
• سؤال لأهل قطر

الحمدالله على سلامتك ونتمنى تزورونا مره ومرتين وانتو بين اهلكم منتو بمكان غريبه

انا الصراحه اتضايق لما اشوف خليجي يقول بسافر قطر او بسافر الكويت خلوكم مثلنا احنا اذا بنروح اي دولة خليجيه
نقول بنروح الحسا بنروح البحرين

الحمدلله على السللامة

الحمد لله على السلامة
حياك الله في قطر

الصراحه خذتني معاكم احس صدق اندمجت معاك وفصلت كل شي
بس انت دخلت حديقة الحيوان ليه مارحت دريم بارك مدينة ملاهي في حديقة الحيوان ضخمه وللكبار والصغار

عندي كذا سؤال احب اسئله للاشخاص الي توهم جاين من قطر

1- قطر دوله سياحيه ومتطوره

2 - قبل ماتزو قطر كنت متوقعها ( حلوه , وكريهه )

السلام عليكم ورحمة الله وبركاته
حياكم الله في بلادكم قطر والصراحة لين اليوم انا مستانس من كثر السعوديين اللي عندنا والله نورتوا البلاد
وخساره انك ما رحت الحي الثقافي وااااايد حلو وفي مطاعم وجلسات حلوه انشاء الله في المره الجايه

المشاركة الأصلية كتبت بواسطة قطري88
http://www.arabtravelersforum.com/tr...0/#post5134810

الحمدالله على سلامتك ونتمنى تزورونا مره ومرتين وانتو بين اهلكم منتو بمكان غريبه

انا الصراحه اتضايق لما اشوف خليجي يقول بسافر قطر او بسافر الكويت خلوكم مثلنا احنا اذا بنروح اي دولة خليجيه
نقول بنروح الحسا بنروح البحرين



تسلم اخوي وفعلا واكيد راح نكرر الزياره وفعلا حنا بين اهلنا

وفعلا كلامك في محله ..

المشاركة الأصلية كتبت بواسطة kata
http://www.arabtravelersforum.com/tr...0/#post5135060

مشاءالله عاد تتدري اول كنت احسب دول خليجيه
دبي وبس ,.



شاكر مرورك اخوي بس مافهمت ايش تقصد ممكن توضح كلامك ؟؟؟

المشاركة الأصلية كتبت بواسطة عـ الكلام ـذب
http://www.arabtravelersforum.com/tr...6/#post5135696

الحمدلله على السللامة



الله يسلمك اخوي

وانت بعد الحمد الله على السلامه ,,

المشاركة الأصلية كتبت بواسطة سهم..
http://www.arabtravelersforum.com/tr...4/#post5135924

الحمد لله على السلامة
حياك الله في قطر



الله يسلمك اخوي
الله يحييك ويخليك وفعلا لقينا احسن استقبال منكم بيض الله وجيهكم كفيتو ووفيتو ,,

المشاركة الأصلية كتبت بواسطة the ro0ok
http://www.arabtravelersforum.com/tr...0/#post5136000

الصراحه خذتني معاكم احس صدق اندمجت معاك وفصلت كل شي
بس انت دخلت حديقة الحيوان ليه مارحت دريم بارك مدينة ملاهي في حديقة الحيوان ضخمه وللكبار والصغار

عندي كذا سؤال احب اسئله للاشخاص الي توهم جاين من قطر

1- قطر دوله سياحيه ومتطوره

2 - قبل ماتزو قطر كنت متوقعها ( حلوه , وكريهه )



هلا فيك اخوي وشكرا على اطرائك
وونعم زرنا دريم بارك حلوه ولعبنا فيها بس عاد مو مره ضخمه ,,

نعم قطر حلوه وفي تطور مستمر والبنيه التحتيه شغاله واشوفها حلوه للسياحه العائليه مناسبه جدا ,,


قبل ازور قطر كنت متوقعها حلوه بس انصدمت من شدة النظافه والاهتمام فيها بس هي هاديه مره مافيها صخب وازعاج


من ناحية النظافه هي رقم واحد وبالنسبه للتسوق لا الرياض ودبي والكويت والبحرينسابقتها بمراحل
من ناحية النشاطات اعتقد دبي والكويت والبحرين سابقه الدوحه
وبالنسبه للفنادق اعتقد الدوحه ماتاصل دبي والكويت والرياض هذي فيها خيرات اكثر

طبعا شيل مسقط عشاني مازرتها بس راح ازورها قريباً ..


شاكر مرورك طال عمرك


وانا عندي سؤال اذا مافيها احراج ممكن اعرف كم عمرك ؟؟

المشاركة الأصلية كتبت بواسطة سلف الامة
http://www.arabtravelersforum.com/tr...6/#post5136056

السلام عليكم ورحمة الله وبركاته
حياكم الله في بلادكم قطر والصراحة لين اليوم انا مستانس من كثر السعوديين اللي عندنا والله نورتوا البلاد
وخساره انك ما رحت الحي الثقافي وااااايد حلو وفي مطاعم وجلسات حلوه انشاء الله في المره الجايه



هلا فيك اخوي وعليكم السلام ورحمة الله وبركاته

الله يحييك ويخليك تسلم الديره منوره بوجودكم يا اهل قطر الطيبين وفعلا انا لاحظت كثر السعوديين والله يخلي خليجنا ولا يفرقنا

ان شاء الله المره الجايه اكيد راح ازوره عشان انا قررت ازور الدوحه مره ثانيه الصراحه بدون مجامله تستاهل والله ,,

الله يعطيك العافيه كان ودنا نشوف تصويرك يالشيخ ولكن هذا لايمنع انك تقول رايك وانا اقول ماشاء الله اهل السعوديه مره وحده طلعوا في الدوحه اثاريها اجازه يامرحبا بكم والله

صدقت يا اخوي بكل كلمه قلتها
قطر راااائعه ونظيييييفه وتستاهل العنوه
لو زرت المتحف الاسلامي وكتارا كان انبسطت اكثر بعد
تحياتي