الموضوع: استفسار عن شقق فندقية في بريطانيا

اهلاً بكِ اختي الكريمة

من الافضل لكم حجز فندق بشكل مؤقت لمدة يومين في منطقة قريبة من الهايدبارك

ومن ثم الذهاب الى مكاتب الحجز المنتشرة في شارع الاجوارود ومعاينة الشقق

واختيار ما يناسبكم من حيث الموقع والمستوى والتصميم ..

مع تمنياتي لكم بالتوفيق والسداد

د/سفر

انا زيك من سنتين ابحث عن شقق في لندن وتكون اسعارها معقوله والنهايه اخذ اوتيل لاني ما القى كل الي موجود يابعييده او غاليه تو متش خاصه الي في المايفير!!!

جربي قراند بلازا مكانها موب شين والي اعرفه انه قريب منها سوق صغير ومكان حركه ومكانها شمال الهايد بارك بس بعيد عن الاكسفورد عشان كذا ما اخذت فيه بس اذا عادي عندك انصحك فيها

أشكرك على سرعة الرد ,الفتره الي رايحه فيها بتكون موسم سياحه ومن الممكن مااحصل شقق مناسبه؟؟ هل جربت موقع homeaway لان بصراحه في عروض كثيره لكن ابا اتاكد من مدى جديتهم وكذلك اذا في سوبر ماركت بقربهم؟ شكرا دكتور سفر.

ss,,i شكرا جزيلا

حياكم الله

جربو اسكود مايفير - الاكسفورد او الهايد بارك2

شكرا موادع 1

السلام عليكم ورحمة الله وبركاته

صباح الخير

خبيرتنا بالنسبه لموقع homeaway تعاملت معاهم مرتين والمرتين في سويسرا وثقه ومضمون ..

الموقع عباره عن وسيط او بالأصح دعايه يستفيد من خلاله راعي الشقه او البيت ..

الشقق واجد ومتوفره ولكن الأفضل اتشوفينها ع الطبيعه ..

وخصوصا أن الأذواق تختلف من شخص الى شخص ..

واي خدمه احنا في الخدمه

[QUOTE=القطري;7519455]السلام عليكم ورحمة الله وبركاته
شكرا جزيلا اخوي قطري , مادري ليش متلخبطه كل حد يعطيني راي ناس الاهل يقولون اسكنوا خارج لندن وروحولها مرتين كافي والاولاد يقولون لا نبي نفس لندن؟؟ احترت

مسا الخير خبيرتنا

تسكنون خارج لندن واتجون لندن وفوق هذا مع الصغار

لما رحت مع عيالي الله رحمنا ساكنين مقابل فندق الكامبرلاند ويعتبر كل شي حولنا ..

ومع ذلك صعوبه في التنقل لأنه انحاتي الصغار لحد يفرط وايخب في الشارع او ايضيع ..فما بالكم خارج لندن واتجون لندن ..

الأفضل اتكونون داخل لندن والشقق متوفره بكثره ..

وكل شي حولكم ..

رتبي الاولويات وكل شي بيهون ان شاءالله

واي خدمه احنا كلنا حولكم

[QUOTE=القطري; مشكور قطري ماقصرت , صح لابد من السكن في نفس لندن وتحديدا بالماكن المتعارف عليها للعرب بختار باذن الله وبعرض عليكم خياراتي ,, ماقصرت ممتنه لك

أخي القطري الله يعينك على استفساراتي,,حصلت شقق وحده في منطقةmy fair shopping area غرفتين نوم وحمام ل 6 اشخاص, ب2214 دولار اسبوعيا وفيها كل شي,, ووحده ثانيه في soho off oxford sT and by Camaby st

انتي تامرين اختي وابركها من ساعه اذا خدمناكم

الثانيه استبعديها وركزي على الاولى ..الاخيره منطقتها هاديه وتعتبر عند الهايدبارك بس من الطرف الثاني ..

الحين في الدوام واذا رجعت البيت بحاول اوضحها بصوره من خلال القوقل ارث ..

واي خدمه احنا في الخدمه

ماقصرت أخوي قطري , بعطي لنفسي وقت ادور أكثر, اذا ممكن تعطيني أسماء المناطق القريبه من الهايد بارك يعني تبعد عنها مدة ربع ساعه مشيا على الاقدام, وانا بدور اكثر الي اعرفه منطقة الهايد بارك , ماربل ارش, اكسفورد ستريت , بسالك كذلك عن منطقة واترلو؟؟ كم تبعد عن الهايد بارك او مثلا منطقة العرب عموما, وكدلكmarylebone و london bridge ,بعد ذكر المناطق بدور على شقق مناسبه اكثر وبشاورك فيها باذن الله , بعد كم يوم اعتقد انت بتوصل لهالمرحله هههههه شكرا جزيلا

http://www.arabtravelersforum.com/travel166776/
ان شالله يفيدك هالرابط

شكرا جزيلا اختي لندنية 2011