الموضوع: رحلتي لقطر ومحتار بالفندق

السلام عليكم ورحمة الله وبركاته

بحثت في النت على فنادق واحتست مرة اقول ذا الفندق ومرة اقول لا هذا

ابي فندق فندق يكون قريب من البحر ويكون قريب منه مقهى الواحد يشرب شاي ......
يعني ينزل اهلة في الفندق ويروح القهوة مشي

او يكون الفندق قريب من سوق واقف وهل هو مفتوح على طول او لا اقصد المقاهي الي فيه

الفنادق الي لقيتها اهي

Merwebhotel Central Doha

Swiss-Belhotel Doha

Millennium Hotel Doha

Holiday Villa Hotel & Residence City Centre Doha

Le Vendome Hotel Doha

Safir Doha Hotel

ارجو المساعدة من الجميع

الله لا يهنكم

وانا انا نروح لقطر

وهي تبي دبي

شكرا بو خالد

مواضيع عشوائيه ممكن تكون تعجبك اخترناها لك:

• انا الان في قطر نصيحة للي بيجي هاليومين
• طالع على قطر ان شاء الله الاحد القادم
• فنـدق الفور سيزون الدوحة بالصور
• يا ابو محمد و أهل قطر وينكم عنا
• حملة ترويجية استمتع بصيف قطر م
• من القطريين المسافرين زاروا أوروبا صيفاً
• سؤال بخصوص سوق العقارات في قطر
• ابحث عن اقامة في قطر
• ماريوت ملينيوم كونكورد اماري
• لو سمحتم برنامج ليومين في قطر
• من يعرف رقم شقق السراج
• قطر استفسارات
• الى شباب الدوحه
• الغالين أهل قطر ممكن مساعده
• استفسار يالربع بليز
• سياحة الاكتتابات قادمة للدوحــــــة
• القطرية تعلن عن مواعيد جديدة لرحلاتها إلى مسقط وأبوظبي
• بعض الاسئلة
• اين اجد الاقمشه الرجاليه بسوق واقف
• جدول زيارة لقطر ؟

Swiss-Belhotel Doha

هذا قريب من سوق واقف
حسب الخرائط

اذا انت وزوجتك
خذ الشيرتون وبتدعي لي ... جدا ممتاز واطلالته روعـــــــــــــــــة

للاسف ما اعرف ولا واحد فيهم ... بس ليش ما تجرب الفندق اللي في سوق واقف .. ( ما جربته بعد ! )

هو مو كبير .. دورين .. و لهم موقع على الانترنت ... بس شكله مرتب

الفنادق اللي جربتها شرق فيلاج و الرتز و W و الفور سيزن كلهم حلوين

المشاركة الأصلية كتبت بواسطة احلا عيون 99
http://www.arabtravelersforum.com/tr...2/#post5281342

اذا انت وزوجتك
خذ الشيرتون وبتدعي لي ... جدا ممتاز واطلالته روعـــــــــــــــــة



للاسف معنا خالد المزعج والله اني ماودي يروح معنا بس وين نخليه
ابي اشوف الشيرتون
عمرة خمس سنوات

شكرا علي ردك الطيب
ابوخالد

المشاركة الأصلية كتبت بواسطة bint elq8
http://www.arabtravelersforum.com/tr...4/#post5281454

للاسف ما اعرف ولا واحد فيهم ... بس ليش ما تجرب الفندق اللي في سوق واقف .. ( ما جربته بعد ! )

هو مو كبير .. دورين .. و لهم موقع على الانترنت ... بس شكله مرتب

الفنادق اللي جربتها شرق فيلاج و الرتز و w و الفور سيزن كلهم حلوين

اخوي ما لقيت الفتدق الي تقول عليه
من اقرب الفنادق سويس الي ذكرته فوق
وتري الهوي كويتي
ويمكن تتغير الامور باخر لخضة
علي قولة المثل ديرة تدلها ولا ديرة ما تدلها
والله مدري هو مثل والا من راسي
وان رحت الكويت الفندق هو ميراج والا بودل
الله يوفقك
بوخالد

أخوي .. ابحث عنه في قوقل .. اكتب فندق سوق واقف و ابحث .. بتلقاه


حتى فيه مطعم اسمه المحارة للمأكولات البحرية


حياكم الله تنورون الكويت و قطر بعد حلوة


اختك .. بنت الكويت

مرحبآ
بما اني قطريه ، آرحب بك وان شاء الله بتستآنس في قطر ،،
اخوي اذا تبغي فندق تقدر تتمشى فيه على البحر ،، واطلالته حلوه ومطاعمه حلوه وحتى الخدمه ولآ آروووع ،،
عندك فندق شرق روووعه وكل من سكن فيه امدحه ، وعندهم غرف وشاليهات بعد ،
بالنسبه لي جربت عندهم الرومانتك دنر ، تحجزه قبل بكم يوم ويكون مثل طاوله وكرسين على البحر وحولينك مثل قطعه تور تغطيكم وتقدر تطلب منهم يخلون المضيفه مرا وتقدر تخلي القطعه اللي صوب البحر مفتوحه والاكل لذييييييييييييذ ،، خصوصا التبوله يممي ،، بس ماينفع دام ولدك معاك ، وكل هاي بـ 1500 ريال
وانا من يومين رحت الشيراتون كتغيير،، بس كان في بطوله وازعاج الفندق يعني بالذات هالفندق كله زحمه ومؤتمرات وحاله ، افضل تروح شرق وبتدعي لي ،،
وأي استفسآر انا حاضره ،،،

وعليكم السلام ورحمه الله , ياهلا ويامرحبا فيك اخوي ..

واتمنى لك رحلة سعيده الى دوحه الخير , وبخصوص سؤالك عن الفنادق ممكن نعرف كم حاط في بالك للفندق وهل تبحث عن فنادق فخمه ام فنادق متوسطه واذا امكن الفتره اللي تريد السفر بها ..

وان شااء الله تزور هـ البلد وتستمتع بـ التطور اللي وصلت له قطر من ناحيت السياحه او العمران ..

ولا تخاف اخوي حاط في بالي المقاهي لـ شرب الشاهي

في انتظار ردك ..

السلام عليكم ورحمة الله وبركاته
فندق رتاج الريان في المنطقه الدبلوماسيه وهو فندق 5 نجوم وبينه وبين البحر شارع وهو قريب وااااايد من ستي سنتر مول تقدر تروحه مشي بس على حسب الجو وسعره بين 500 الى 600 ريال
فندق السفير غرفه واسعه والفندق قريب من الكورنيش لكن ما تشوف البحر منه لان البنايات مغطيه وهو 4 نجوم واتوقع سعره بين 400 ريال الى 500 ريال

المشاركة الأصلية كتبت بواسطة السـgيدي
http://www.arabtravelersforum.com/tr...8/#post5283468

وعليكم السلام ورحمه الله , ياهلا ويامرحبا فيك اخوي ..

واتمنى لك رحلة سعيده الى دوحه الخير , وبخصوص سؤالك عن الفنادق ممكن نعرف كم حاط في بالك للفندق وهل تبحث عن فنادق فخمه ام فنادق متوسطه واذا امكن الفتره اللي تريد السفر بها ..

وان شااء الله تزور هـ البلد وتستمتع بـ التطور اللي وصلت له قطر من ناحيت السياحه او العمران ..

ولا تخاف اخوي حاط في بالي المقاهي لـ شرب الشاهي

في انتظار ردك ..




هلا وغلا اخوي وتسلم على ردك

انا ابي فندق 4 او 5 نجوم ومايتعدي السعر 500 ريال
لاني عندي سفرية ثانية

بصراحة ماكنت متشجع بس الردود تحمس
وواحد من الشباب يقول قطر تجمع بين دبي والبحرين
الف شكر اخوي وننظر ردك

المشاركة الأصلية كتبت بواسطة bint elQ8
http://www.arabtravelersforum.com/tr...4/#post5282704

أخوي .. ابحث عنه في قوقل .. اكتب فندق سوق واقف و ابحث .. بتلقاه

حتى فيه مطعم اسمه المحارة للمأكولات البحرية

حياكم الله تنورون الكويت و قطر بعد حلوة

اختك .. بنت الكويت

لقيتة جزاك الله خير

بس حيل صغيرون
بس ما تعرفين

Swiss-Belhotel Doha

شفته على القوقل على بعد بلك واحد تقريبا من سوق شرق
خخخخخخخخخخ
والله كتباتها بالغلط وما حبيت امسحها
اقصد سوق واقف
لان سوق شرط قريب الى قلبي احب اجلس واشرب قهوة وتسوق فيه ريق وهادئ
خلينا نرجع لقطع
ابي مقاهي على البحر عندم شاي وجلسة حلوة
والف شكر على ردك
اخوك بوخالد

المشاركة الأصلية كتبت بواسطة MINI MUM
http://www.arabtravelersforum.com/tr...8/#post5282988

مرحبآ
بما اني قطريه ، آرحب بك وان شاء الله بتستآنس في قطر ،،
اخوي اذا تبغي فندق تقدر تتمشى فيه على البحر ،، واطلالته حلوه ومطاعمه حلوه وحتى الخدمه ولآ آروووع ،،
عندك فندق شرق روووعه وكل من سكن فيه امدحه ، وعندهم غرف وشاليهات بعد ،
بالنسبه لي جربت عندهم الرومانتك دنر ، تحجزه قبل بكم يوم ويكون مثل طاوله وكرسين على البحر وحولينك مثل قطعه تور تغطيكم وتقدر تطلب منهم يخلون المضيفه مرا وتقدر تخلي القطعه اللي صوب البحر مفتوحه والاكل لذييييييييييييذ ،، خصوصا التبوله يممي ،، بس ماينفع دام ولدك معاك ، وكل هاي بـ 1500 ريال
وانا من يومين رحت الشيراتون كتغيير،، بس كان في بطوله وازعاج الفندق يعني بالذات هالفندق كله زحمه ومؤتمرات وحاله ، افضل تروح شرق وبتدعي لي ،،
وأي استفسآر انا حاضره ،،،



الف شكر اختي BIg MUM

فندق شرق غالي وانا حدي 500 ريال
واذا غولبت الروم 600 ريال
والله الرومنسية انتهت من يوم خالد وسارا كبرو
والا احنا الي كبرنا والله مدري
انا يمكن استقر على
Swiss-Belhotel Doha
بحكم قربة على سوق واقف

الف شكر على ردك اختي BIG MUM

نبي نسافر ونبى نستفيد

وش صار عليك

المشاركة الأصلية كتبت بواسطة bo kaled95
http://www.arabtravelersforum.com/tr...6/#post5285566

هلا وغلا اخوي وتسلم على ردك

انا ابي فندق 4 او 5 نجوم ومايتعدي السعر 500 ريال
لاني عندي سفرية ثانية

بصراحة ماكنت متشجع بس الردود تحمس
وواحد من الشباب يقول قطر تجمع بين دبي والبحرين
الف شكر اخوي وننظر ردك




صباح الخير يابوخالد ..

بخصوص ميزانيتك ماتوقع ياخوي تحصل فندق على البحر ( اصلا شلك في البحر ) انا اتوقع سفرتك للدوحه بتكون خفيفه 3 الى 4 ايام ماتوقع بتزيد ..

اكثر الفنادق اللي على البحر هي فنادق عالميه وفخمه واسعارها من 700 ريال وطالع ..

دورت لك كم فندق في بوكنق وحصلت فندقين حلوين ومواقعهم ممتازه وواحد منهم زرته من سنتين , والاثنين يقعون بالقرب من سوق واقف ..

اول واحد اللي انت تكلمت عنه , ماقد رحته او دخلته .. لكن من تقييم والصور اجوفه ممتاز ..

اما الثاني فـ هو Best Western Doha Seef Hotel

الصراحه انصحك فيه , انا دخلته من سنتين وكان جديد يومها .. الغرف حلوه ومرتبه ومكان الفندق ممتاز جدا الصراحه انصح فيه ..

http://www.booking.com/hotel/qa/doha...34&aid=1329869

وبخصوص المقاهي على البحر , كل شي متوفر اخي العزيز هناك قهوتين شعبييتين في الكورنيش ( ليست للعوائل ) اما اذا اردت قضاء الوقت مع ام خالد وخالد فتوجد قهوى ومطعم في منتصف الكورنيش .. غير الكوفي شوبات الموجوده في اللؤلؤه وهي على البحر وكتارا ايضا ..

وسوق واقف اضن غني عن التعربف , يجب زيارته زنقه زنقه والاستمتاع بالاجواء هناك ..

بس ياخوي لو مفكر في قطر في الشتاء او في فبراير للأستمتاع بالجلوس في المقاهي والتمشايه الحلوه في الاماكن المذكوره ..

هي اول سفره لها وان شااء الله تجوف التطور اللي وصل له هالبلد وتزيد زيارتك لها وتغيير الروتين المتواصل لـ دبي والبحرين ..

المشاركة الأصلية كتبت بواسطة السـgيدي
http://www.arabtravelersforum.com/tr...8/#post5285908

صباح الخير يابوخالد ..

بخصوص ميزانيتك ماتوقع ياخوي تحصل فندق على البحر ( اصلا شلك في البحر ) انا اتوقع سفرتك للدوحه بتكون خفيفه 3 الى 4 ايام ماتوقع بتزيد ..

اكثر الفنادق اللي على البحر هي فنادق عالميه وفخمه واسعارها من 700 ريال وطالع ..

دورت لك كم فندق في بوكنق وحصلت فندقين حلوين ومواقعهم ممتازه وواحد منهم زرته من سنتين , والاثنين يقعون بالقرب من سوق واقف ..

اول واحد اللي انت تكلمت عنه , ماقد رحته او دخلته .. لكن من تقييم والصور اجوفه ممتاز ..

اما الثاني فـ هو Best Western Doha Seef Hotel

الصراحه انصحك فيه , انا دخلته من سنتين وكان جديد يومها .. الغرف حلوه ومرتبه ومكان الفندق ممتاز جدا الصراحه انصح فيه ..

http://www.booking.com/hotel/qa/doha...34&aid=1329869

وبخصوص المقاهي على البحر , كل شي متوفر اخي العزيز هناك قهوتين شعبييتين في الكورنيش ( ليست للعوائل ) اما اذا اردت قضاء الوقت مع ام خالد وخالد فتوجد قهوى ومطعم في منتصف الكورنيش .. غير الكوفي شوبات الموجوده في اللؤلؤه وهي على البحر وكتارا ايضا ..

وسوق واقف اضن غني عن التعربف , يجب زيارته زنقه زنقه والاستمتاع بالاجواء هناك ..

بس ياخوي لو مفكر في قطر في الشتاء او في فبراير للأستمتاع بالجلوس في المقاهي والتمشايه الحلوه في الاماكن المذكوره ..

هي اول سفره لها وان شااء الله تجوف التطور اللي وصل له هالبلد وتزيد زيارتك لها وتغيير الروتين المتواصل لـ دبي والبحرين ..

والله انك ما قصرت وبيض اله وجهك دنيا واخرة قل امين

والله يا خوي اعتقد الجو الحين معتدل في اليل يعني مش حر ولا برد واذا كنت غلطان علمني
وثاني شيئ صار لي 6 اشهر ما سافرت وودي اغير جو شوي وكمان الاهل ونجرب خالد في السفر خخخخ
واذا فشل مش رايح يكون معنا في السفرة الجاية
بالنسبة للفندق بصراحة روعة روعة روعة
والله اني فرحت بالرابط الي حاطة ومشيك معي على التاريخ مدري كيف اشكرك
لكن جزاك الله الف خير ورزقك من حيث لا تحتسب

بس وش ريك بفندق

Swiss-Belhotel Doha -Qatar

بصراحة



المشكلة ان الخرائط ما تشتغل في العمل عندي الحين

وماني عارف مكانة بالضبط



الف شكر

المشاركة الأصلية كتبت بواسطة bo kaled95
http://www.arabtravelersforum.com/tr...4/#post5287134

والله انك ما قصرت وبيض اله وجهك دنيا واخرة قل امين

والله يا خوي اعتقد الجو الحين معتدل في اليل يعني مش حر ولا برد واذا كنت غلطان علمني
وثاني شيئ صار لي 6 اشهر ما سافرت وودي اغير جو شوي وكمان الاهل ونجرب خالد في السفر خخخخ
واذا فشل مش رايح يكون معنا في السفرة الجاية
بالنسبة للفندق بصراحة روعة روعة روعة
والله اني فرحت بالرابط الي حاطة ومشيك معي على التاريخ مدري كيف اشكرك
لكن جزاك الله الف خير ورزقك من حيث لا تحتسب

بس وش ريك بفندق

Swiss-Belhotel Doha -Qatar

بصراحة



المشكلة ان الخرائط ما تشتغل في العمل عندي الحين

وماني عارف مكانة بالضبط



الف شكر





حاضرين لك يابوخالد , ووجهك ابيض ..

وبخصوص الجو والله اني صار لي فوق الشهرين في تايلند ( من بدايت 3 ) ولو كنت موجود بالدوحه كنت رحت وجفتلك الفنادق بنفسي وصورتها لك عشان ترتاح , وماسوينه يابوخالد الى الواجب علينا ..

والفندق اللي انت ذاكره تره قريب من الفندق اللي حطيته لك , وفندقك اقرب الى منطقه الاسواق .. ودخلت كم موقع يمدحونه واذا انت مرتاح له فـ توكل على الله ..

هذا الرفيو من موقع ترب ادفايسر

http://www.tripadvisor.com/Hotel_Rev...Doha-Doha.html

واذا في اي اسئله انا حاضر ..

المشاركة الأصلية كتبت بواسطة السـgيدي
http://www.arabtravelersforum.com/tr...0/#post5290140

حاضرين لك يابوخالد , ووجهك ابيض ..

وبخصوص الجو والله اني صار لي فوق الشهرين في تايلند ( من بدايت 3 ) ولو كنت موجود بالدوحه كنت رحت وجفتلك الفنادق بنفسي وصورتها لك عشان ترتاح , وماسوينه يابوخالد الى الواجب علينا ..

والفندق اللي انت ذاكره تره قريب من الفندق اللي حطيته لك , وفندقك اقرب الى منطقه الاسواق .. ودخلت كم موقع يمدحونه واذا انت مرتاح له فـ توكل على الله ..

هذا الرفيو من موقع ترب ادفايسر

http://www.tripadvisor.com/hotel_rev...doha-doha.html

واذا في اي اسئله انا حاضر ..



والله يا خوي اسلوبك لحالة يكفيني
ومقدراك على راسي والله
وان شاء ترجع بالسلامة لاهلك وانت بصحة وخير
اخوك بوخالد

المشاركة الأصلية كتبت بواسطة عبدالله منصوري
http://www.arabtravelersforum.com/tr...8/#post5292018

أحم أحم،،
السلام عليكم ورحمة الله وبركاته، أول شيء السموحه على التاخير أخوي بوخالد، ثانياً كل الشكر للسويدي واقوله ترجع بالسلامة انشاءالله وشكري لاخوي سلف الامة الله يطول بعمره وباقي الاعضاء،،
الحين أنت تعاااال لي خلني استلمك،،

شوف بوخالد فندق سويس بل ماشاء الله عليه حلو ومرتب ونظيف وراح يشبع رغباتك من حيث موقعه الاستراتيجي فهو قريب من سوق واقف تروح له مشي خمس دقايق واذا اشتقت للبحر فالكورنيش حذفت حصاه عندك من الفندق وعندك بعد قريب منك متحف الفن الاسلامي يستحق الزيارة الصباحية للمتحف، فأنصحك تروح لهل الفندق وتوكل على الله وانشاء الله تدعي لي، المهم بخصوص موقع الفندق سهل جداً (شوف الكورنيش مافي حد ما يدل الكورنيش في الدوحه فلو انت جاي من ناحية مطار الدوحه على الكورنيش فراح تعدي اشارات راس أبوعبود وبيواجهك اول دوار وهو دوار الجمارك والمميز في الدوار انك بتحصل في بنك قطر الوطني "qnb" فتاخذ الدوار ناحية اليسار بتحصل اشارات صغيرة تكمل قدام بتحصل دوار تاخذه وترجع تحصل الفندق على يمينك، ولو كنت جاي من ناحية الشيراتون والستي سنتر على الكورنيش بعد سهل حيث بتواجه اشارات مصرف قطر المركزي حيث وانت واقف على الاشارة تلاقي في وجهك المصرف وهل الاشارة خذها يمين وتواجهك اشارة ثانية خذها يسار وبعد اشارة روح قدام واشارة يمين بتوصل للدوار خذه وارجع الفندق على يمينك ولو كملت اشارات المصرف قدام راح تواجه دوار الجمارك الي في بنك قطر الوطني وتاخذه يمين ونفس الوصف القديم..

بالنسبة للجو هل اليومين حلو في الليل في هوا خفيف وبارد، والجيد عندك في سوق واقف معظم المقاهي يكون فيها المراوح الي تبرد على قلبك طال عمرك،،

أنا استغربت انك ما سالت عن الاماكن الممكن زيارتها او يمكن سالت وانا ما انتبهت،، انزين عندك كتارا الحي الثقافي حيث يتميز في الطراز المعماري القديم والحلو وبحر نظيف جداً حيث الدخول للشخص بمئة ريال والطفل بخمسه وعشرين ريال، في هناك محل حق الايس كريم لا يفوتك بصراحه عندهم ايس كريم ما عليه كلام، ويمدحون مطعم المصري الي هو مطعم الخان فاروق،،
عندك جزيرة اللولوه حلوه للتمشايه وتتقهوه فيها مع المدام على البحر،
عندك المجمعات الستي سنتر وفلاجيو فيهم سينما ومطاعم متنوعة ومنطقة العاب حلوه حق ولدك (لا تفوت مجمع الفيلاجيو)،،

أخووي هاي بعض الاماكن وانصحك بفندق سويس بيل انشاء الله بيكون اختيار رائع لك، أتمنى لكم رحلة جميلة وسعيدة من صميم قلبي وربي يحفظكم ويوفقكم،،
السموحة على الاطالة طال عمرك واي خدمة ثانية ترانا تحت خدمتكم،،




اخوي عبدالله
الف شكر على مداخلتك الطيبة
واقسم بالله انكم خجلتوني من طيبكم
ومقدراك على راسي والله
بالنسبة للاماكن السياحية نسيتها والله
تضحك على لاني المقصد والله اننا نغير الجو
وما نستعغني عن رائيك
ابي اروح الستي سنتر وفلاجيو
وكذلك جزيرة اللولوه
وكذلك الحي الثقافي
ومطعم المصري
و مطعم الخان فاروق

الف شكر على مساعدتك
وان شاء الله بضبط اموري وامشي

واليوم طلعت مشاوير رحت سجلت خالد بمدرسة للسنة الجاية وصكوني بمبلغ 10,000 ريال حق 6 اشهر
علشان كذا تاخرت برد عليك

واكرر شكري لك
واقول بيض الله وجهك دنيا واخرة
اخوك بوخالد

الله يسلمك اخوي بوخالد ..
وتره ماقمت الا بالواجب ..

والله يعينك على مصاريف المدارس , كل مالها وفي ازدياد لكن خالد يستاهل وعقبال شهاده الدكتوراه بذن الله ..



واخوي عبدالله المنصوري ماقصر ..


والله يحيك في بلدك قطر ..

المشاركة الأصلية كتبت بواسطة السـgيدي
http://www.arabtravelersforum.com/tr...2/#post5294612

الله يسلمك اخوي بوخالد ..
وتره ماقمت الا بالواجب ..

والله يعينك على مصاريف المدارس , كل مالها وفي ازدياد لكن خالد يستاهل وعقبال شهاده الدكتوراه بذن الله ..



واخوي عبدالله المنصوري ماقصر ..


والله يحيك في بلدك قطر ..



الله يجازاك كل خير ويوفقك
ومن ناحية خالد قلق بس الله يصلحة

الف الف الف شكر
وكثر الله من امثالك
اخوك بوخالد