بسم الله الرحمن الرحيم ..
ايكم تعطووني رايكم بالموقع والاوتيل لاني اول مره ارووح لندن .. ون شاالله انه يكون جيد الماريوت مايحتاج ..
السفره ان شا الله حتكوون شهر مارس 21 والعوده 26 انا يوم حجزت فيه ولقيت قربه من لندن زوو كما هو موضح بوصف الفندق بموقع بوكنق وتخطيطي كل الفتره اللي راحت عن جدول سياحي بس لما عرفت ان محطة Swiss Cottage اقرب محطه للفندق جلست ادورها بخريطة المترو اللي منزلينها الأعضاء جزاهم الله خير بس مالقيتها من الرغم ان الخريطه موضحه لندن زوو ولاطلعت المحطه المذكووره وبحكم خبرتكم هل الموقع جيد بقربه من الاكسفور والسنتر ام بعيده واتمنى اني توفقت في اختيار الفندق بس حاب اسأل :
1- هل تنصحوني اشتري التذاكر السياحيه من مكتب السفارات لانهم عطوني الورقه اللي موضحه التذااكر بسخفت لما اشتري التذااكر بطلبون مني تحديد مووعد اليوم اللي راح اروح فيه للمعلمولا عادي ما له دخل؟
2-احد الاعضاءجزاه الله خير نزل موقع شركة تاكسي توصلك من المطار للفندق وراح اتصل باذن الله عليهم هل اتحجز من بدري ولا قبل موعد السفره بسبوع ياليت تفيدوني ؟
3- لما اخذ المتروو من محطةSwiss Cottage هل راح يكون معقد الوصول لمحطات المعلم السياحيه مثل : اكسفور . والهيد بارك ... ولا سهل ان شاالله ومباشر
4- طالع مع العائله هل لندن بالليل موحشه ام باذن الله اماان لو ارجع الساعه 9 او 10 ولا لازم ارجع بدري اعمل حساب لأن بعض المدن بعد8 تكوون موحشه جدا
5- قصر باكنغهام موعد تغيير الحرس يكون الساعه كم .. مع العلم ان السفره حتكوون شهر مارس 21- 26
6- كيف وضع طوابير التذاكر هل راح تكون زحمه كما الانتظار بالساعه والساعتين ولا ان شا الله خفيفه في مارس ..
7- هل بطاقة اويستتر تشمل الباص والمترو لمدة اسبوع وهل يجب اخذ بطاقه لكل شخص؟ ومن وين احصلها .؟
وساامحووني كاني طولتها معكم بس والله نحووووبكم ومالنا غيركم ويسلمووو والف شكر لكل عضو واداري ساهم في انجااح هذا الصرح .. ولاتبخلو علينا باي رد ومعلوومه
مواضيع عشوائيه ممكن تكون تعجبك اخترناها لك:
رد مع اقتباس
المفضلات