الموضوع: ترتيب رحلتي الى لندن يونيو لمدة اسبوع

السلام عليكم ورحمة الله وبركاته ،

اول شي اشكر كل الاعضاء القائمين على المنتدى استفدنا منكم كثير وشكرا لجهودكم لاحرمكم ربي الاجر .

انا عندي رحلة لشخصين بالصيف بشهر يونيو الى ( لندن ) - مدينة الضباب
رحلتي 4 يونيو - واوصل عندهم 5 يونيو الاربعاء صباحا .
والعودة 11 يونيو الثلاثاء .. يعني ست ايام فعلية ، كنت ابيها 7 ايام فعليه بس ماحصلت عودة تناسبني الرحلات كانت بسرعه تمتلي ولاحصلت شي يناسبني بهذه التواريخ خلال هذا الاسبوع مو مشكلة ان شاء الله كافيه حتى بعد مانتأخر على البيبي بيصير توه مولود .

رحلتي على طيران الخليج..

حجزت كذا فندق بشاوركم أشوف وش الانسب بينهم ..
- citizenM London Bankside
- Novotel London Blackfriars

1- وياليت تعطوني اسماء لفنادق أخرى مفضلة ومجربة وتكون اسعاره قريبة للي بحجز يعني ست ليالي ماتتعدى 5500 - 6000 ريال.
وتكون بالسنتر قريبة مابين لندن اي وبيق بن وبين الهايد بارك والاكسفور ستريت والنهر .. يعني بهالمنطقة.
2- وخصصت يوميا مصروف 1500 ريال لشخصين تشمل الاكل والتنقل والتذاكر السياحية بدون مشتريات بضائع .. هل هي كثيره مبالغ فيها او مناسبه .

3- وكيف الجو بشهر يونيو ؟ عشان الملابس.

4- تقترحون افضل الاماكن ، كجدول زيارات.

5- احد عنده اقتراح اماكن بالنسبة للفطور - مطاعم .

6- متى تسكر اغلب الاماكن السياحية يعني نرجع للفندق ، بحدود الساعه كم تهجد الناس.

7- المترو متى يفتح متى يقفل ؟

8- كم سعر التذاكر .. عين لندن - المترو البطاقة - الباص - والقارب بالنهر ؟

9- لما اطلع من المطار ماراح اركب تاكسي لانه غالي ، هل الباص اكسبرس حلو ؟ انا وزوجتي مو شباب- او ايش فيه طريقة حلوه اوصل بها من المطار للفندق ؟

10- اي معلومات اخرى مهمة نجهلها او تحذيرات او او ..


وشكرا لكم مرة اخرى على جهودكم ..

مواضيع عشوائيه ممكن تكون تعجبك اخترناها لك:

• ساعدوني يارواد لندن
• إستفسار عن المصروف في لندن
• استفسار للقطري وللاداره
• مساعدة في ترتيب رحلة إلى لندن باريس انترلاكن برشلونة
• فيزا الاطفال من الكويت
• معهد ef في مدينة برايتون
• فيزا لندن وبالقطار ل باريس
• أبي أسافر لأوروبا ساعدوني
• موقع لحجز الشقق
• ابي منكم الفزعه بخصوص الفيزه البريطانيه بليييييز
• رحله لندن اغسطس
• ارجو المساعده ؟؟؟
• ماخاب من استشار 20 يوم في لندن و باريس و سويسرا
• استفسارات لسفرة لندن
• أسعار تذاكر دخول فلامنجو لاند ؟؟
• محتار بين بريطانيا أو ألمانيا
• بيروت و لا البتراء ؟ مانشستر
• استفسار حجز تذكرة قطار من لندن بالنت ؟
• استفسار عن التكسي والقطار
• استفسار عن التنقل بين مدينتين

يعطيك العافيه ابي رد على هالاسئلة بس

- متى تسكر اغلب الاماكن السياحية يعني نرجع للفندق ، بحدود الساعه كم تهجد الناس.

7- المترو متى يفتح متى يقفل وهل بالويكند يشتغل ؟

8- كم سعر التذاكر .. عين لندن - المترو البطاقة اويستر بالاسبوع - والقارب بالنهر - حضور تبديل الحرس بالقصر لازم تذكرة او مفتوح ؟

وهل فيه جولة داخل القصر ؟



شكرا لكم

ابشر من عيوننا بنجاوبك بس لاتستعجل

وبرجع للموضوع باقرب فرصه ولاتشيل هم ولو سويت بحث وانا اخوك بالمنتدى بتلقى جميع الاجابات على استفساراتك


قريت الموضوع بشكل سريع امورك تمام وباقي نحط النقاط على الحروف


ابشر بسعدك ولي رجعة بأذن الله

الله يسعدك يالغالي .. مايجي منكم قصور ..

بخصوص استفسار الفنادق خلاص كنسلوه حجزت ب novotel ..

2- وخصصت يوميا مصروف 1500 ريال لشخصين تشمل الاكل والتنقل والتذاكر السياحية بدون مشتريات بضائع .. هل هي كثيره مبالغ فيها او مناسبه .
انا بجاوبك من هنا 1500 ممتاز جدا مناسبه ويمكن ماتصرفونها كلها

3- وكيف الجو بشهر يونيو ؟ عشان الملابس.

من اروع مايكون ربيعي مائل للبرودة في الليل شوي والامطار في لندن طول السنة توقع باي لحظة مطر تدخل محل والشمس طالعه تطلع مطر حلبه


4- تقترحون افضل الاماكن ، كجدول زيارات.ابيك تستمتع شوي بقراءة هذه التقارير
http://www.arabtravelersforum.com/travel645656/


http://www.arabtravelersforum.com/travel395938/


http://www.arabtravelersforum.com/travel199757/




5- احد عنده اقتراح اماكن بالنسبة للفطور - مطاعم .المطاعم يفيدونك الأعضاء ان شاء الله



6- متى تسكر اغلب الاماكن السياحية يعني نرجع للفندق ، بحدود الساعه كم تهجد الناس.

النهار طويل في لندن في وقتك الساعه 9 تغيب الشمس لذا طول النهار حركه وناس وزحمة واغلب محلاتهم السوق عامة تسكر بدري شوي 6 وبعضهم 8
بعد الساعه 11 هجده الا من بعض اماكن السهر كالاجول رود والبيكاديلي وبعض الاماكن

7- المترو متى يفتح متى يقفل ؟

http://www.arabtravelersforum.com/travel205821/

8- كم سعر التذاكر .. عين لندن - المترو البطاقة - الباص - والقارب بالنهر ؟

الاسعار :
المترو + الباص = اويستر كارد لمدة اسبوع للشخص يمكن 29 باوند


عين لندن + الرحلة بالنهر+ مدام توسو + البق باص = تقريبا 100 باوند تقل تزيد قليلا

9- لما اطلع من المطار ماراح اركب تاكسي لانه غالي ، هل الباص اكسبرس حلو ؟ انا وزوجتي مو شباب- او ايش فيه طريقة حلوه اوصل بها من المطار للفندق ؟

فيه هيثرو اكسبريس قطار لمحطة باندغتون مباشرة وفيه تاكسي افضل لك التاكسي اريح لك وسعره مايتعدى 50 باوند ومن المطار لباب الفندق دايركت

10- اي معلومات اخرى مهمة نجهلها او تحذيرات او او ..

سلامتك تروح وتجي بالسلامة

وشكرا لكم مرة اخرى على جهودكم ..


العفو وجميعنا بالخدمة وحاضرين


والله يحفظك

الف شكر لك يالغالي ماقصرت
اجابات كافيه ووافيه

الله يجعله بميزان حسناتك

تحياتي لك من الموبايل

بالنسبه للمطاعم لاتشيل همها كل شبر مطعم في فاست فود وبيتزا وحلال
http://www.arabtravelersforum.com/travel90332/

شكرا لك لندنية ماقصرتي من الموبايل