الموضوع: فزعتكم يا عيال قطر

السلام عليكم ..

مابي اطول ..

ابي اسم فندق 4 نجوم في الدوحه ويكون على الكورنيش .. ويكون الفندق ممتاز ..


ولو فيه صور عنه يكون افضل ..


وماهو اكبر مجمع في الدوحه ..

ووش الاشياء اللي تتميز فيها الدوحه عن باقي عواصم الخليج ..




اسف على الاطاله ..

اخوكم .. الاطخم !!





انتظركم ..

مواضيع عشوائيه ممكن تكون تعجبك اخترناها لك:

• قطر حاضر ومستقبل
• سؤال صغير بس
• أتفاقية بين القطرية وطيران جول البرازيلي
• توني جاي من قطر البارحه وتوهقت هناك
• استفسار عن السفر لـ قطر استفسار عن السكن بقطر
• أنصاكم وإلا أنصى الذيب ياأهل قطر
• موقع القطريه
• عندي مشوار مهم لبورصة قطر فأريد أسهل طريق لها من الحدود السعودية القطرية
• تقريري في قطر
• تهانينا جميعاً لأختنا حتشبسوت لحصولها على وسام العضوة النشيطة
• طلب ضروري
• معرض للمنتجات السورية في قطر
• شراكة بين كيوتل وفندق إنتركونتننتال الدوحة
• مواعيد زيارة هذه الاماكن متى؟؟؟؟؟؟؟؟
• ورشة الانصاري
• استفسار من الاخوة في قطر
• مطلوب خريطة الدوحه
• استفسارات عن قطر؟
• ارجو المساعده يااصدقاء
• استعلام عن مكاتب تأجير سيارات بالدوحه

اعتقد فندق موفنبيك الدوحة .... لكنه عادي وهو على الكورنيش
بالنسبة لأكبر مجمع هو فيلاجيو

وعليكم السلام ورحمة الله ..

اخوي بخصوص الفنادق فصعب تحصل فندق مطل على كورنيش الدوحه واخوي المعنى ذكر لك الموفنبك وسعره غالي بالنسبه للفنادق الـ 4 نجوم

Moevenpick Hotels & Resorts

http://www.booking.com/hotel/qa/moev...-5&aid=1329869


لكن يتوفر الكثير من الفنادق القريبه من الكورنيش واللي تكون المسافه بينهم 5 دقائق فقط وبحط لك كم فندق ..

Swiss-Belhotel Doha

http://www.booking.com/hotel/qa/swis...X3&aid=1329869

Gloria Hotel Doha

http://www.booking.com/hotel/qa/glor...30&aid=1329869

Best Western Doha Seef Hotel

http://www.booking.com/hotel/qa/doha...37&aid=1329869



3- أولا الاماكن السياحيه :

1- سوق واقف وتوجد به المطاعم المختلفه والمقاهي والكثير من محلات القماش والمستلزمات الرجاله والسجاد الايراني والحيوانات والطيور يعني تقريبا سوق متكامل والكامل الله ..

2- كورنيش الدوحه يمكنك الاستمتاع بالجلوس في القهوى الشعبه وهي قهوه الصياديين ( ليست للعوائل ) او التمتع بالمشي مع عليل البحر او استئجار بانوش واخذ دوره على الكورنيش من البحر والاستمتاع بمنظر مباني الدوحه ليلا او عصرا وافضله يكون ليلا ..

3- متحف الفن الاسلامي ويوجد فيه التحف الاسلاميه القديمه من مجوهرات ومخطوطات من اسبانيا الى الهند

4- الحي الثقافي ( كتارا ) كورنيش مصغرويتميز بـ الطراز القديم واطلالته على مشروع اللؤلؤه الجميل ويوجد به مسرح روماني والكثير من المعارض ويوجد ايضا مطاعم ممتازه ومختلفه ويوجد به شاطئ خاص للسباحه او الاستمتاع بمرفقاته من لعب كره القدم الشاطئيه او الطائره والكثير من النشاطات وينصح به للأطفال ..

5- اللؤلؤه يعتبر مارينا وكوفي شوبات ومطاعم مع بعض المحلات العالميه , يمكنك الاستمتاع بقضاء الوقت هناك

6- حديقه اسباير وهي حديقه كبيره مثل الهايد بارك في لندن يوجد بها كوفي شوب واحد مع اطلاله على بحيره اصطناعيه وتوجد الكثير من الاشجار المعمره وقد تم جلبها لاضفاء المكان جمال ..

7- حديقه الحيوان مكان جميل لقضاء بعض الوقت في مشاهدت الحيوانات وأفضل وقت للزياره الساعه 3 عصرا



ثانيا المجمعات :

1- الستي سنتر

2- الاند مارك

3- فيلاجيو

4- المول

5- حياه بلازا

6- رويال بلازا

7- وذنان مول


واكبر مجمعين هم الستي سنتر وفيلاجيو ..

وحياك الله في بلدك وان شااء الله تكون سفره ممتعه ..


واي استفسار انا حاضر ..

اخواني الف الف الف شكر لكم جميعا .. الصراحه اخجلتوني ..

طيب اخر سؤال ..

فندق سوق واقف هل هو ممتاز ولالا ؟

انا اجوف انه ماله داعي ..

يعني تسكن في احد الفنادق المذكورة وهي قريبة من سوق واقف 5 - 10 دقائق على حسب الزحمه ..
وأفضل من سوق واقف لان الفندق من برع يبين لك انه صغير واتوقع سعره اغلى ..

بس للصدق اخي لم ادخل الفندق ولم اشاهده من الداخل , وماتوقع فيه بركة سباحه ( يمكن ودك تنتعش بالماي البارد في الجو الحر p: )

وحيااك الله مره ثانيه , ان شاااء الله تكون سفرة ممتعه لك ..
وماتكون اخر زيارة ..

واي استفسار لا تستحي , خذ راحتك على الاخر ..

السويدي يسلم قلبك من كل شر يارب .. والله يخليك ماقصرت ..

بس عندي كذا سؤال ..

انا حجزت في فندق Swiss-Belhotel Doha .. هل هو ممتاز او لا ؟ وكم يبعد عن ( المطار ) وعن ( سوق واقف ) و عن ( فيلاجيو ) وعن ( السيتي سنتر ) .. ؟؟

اما السؤال الثاني ..

كيف اسعار التكاسي ( سيارات الاجره ) في قطر .. هل هي رخيصه او غاليه ؟


وشكرا ..

فيه احد ؟؟

وينكم ؟

هلا مرحبا أخووي الاطخم،،
الفندق حلو ما عليه كلام واصفق لك بحرارة على اختيارك لهل الفندق وذلك لــ:
1- مكانه الاستراتيجي.
2- قريب من سوق واقف مشي خمس دقايق.
3- قريب من الكورنيش دقيقتين الى ثلاث دقايق.
4- قريب من المتحف الاسلامي ثلاث دقايق.

وطبعاً هذوله كلهم مشي فما راح تحتاج للتكاسي وعبالتهم،،
بالنسبة للمطار فهو قريب جداً مايقارب 5 إلى 10 دقايق،،
بعيد جداً عن فيلاجيو تحتاج الى تاكسي،،
التكاسي طال عمرك عندنا غالية الله يعينك صعب انك تلاقيها في الشارع بس عند المجمعات لازم تحصل لهم موقف ولو كنت في الفندق تبغي تطلع ممكن تتصل لهم وهم يجونك،،
الله يوفقك ويستر عليك وتنور بلدك الثاني قطر،،

أي خدمة ثانية تحت أمرك طال عمرك،،

عبدالله منصوري لك حبه على الخشم .. والف شكرا لك .. وقطر منوره باهلها قبل ضيوفها ..

ماقصرت يالغالي وبيض الله وجهك .. وكفيت ووفيت ..