الموضوع: الحالة الامنية في سوريا

السلام عليكم ورحمة الله وبركاتة


نعلم جميعا مايدور في الساحة السياسية من خلاف حاد ومتأزم بين الشقيقتين سوريا والسعودية
ومالذلك من نتاثج عكسية تعود على امن السياح الخليجيين والسعوديون خصوصا
يحكي لي احد الزملاء الذي عاد من ايااام قليلة من سوريا بان الحالة الامنية سيئة جدا ومن المواقف المزعجة استيقافهم باحد شوارع العاصمة دمشق من قبل سيارة الدورية وسؤالهم عن سبب قدومهم وبأن الوقت غير ملائم لزيارتكم لسوريا وبأن الشعب السوري لايرغب بتواجدكم هنا واننا غير مسؤولين عن حمايتكم في حالة اي تعرض لهم من قبل الشعب
وايضا قال ان الحرب ستقووم قريبا وانتم اتون للسياحة.....!!!!!!؟؟؟
هذا ماوددت ذكره وايصاله لجميع المسافرون لسوريا الشقيقة بعد ان قرأت تطمينات بعض الاخوة الغير منطقية بان الامر على مايرام...
ودمتم

تم إيقاف صاحب الموضوع

مواضيع عشوائيه ممكن تكون تعجبك اخترناها لك:

• سوريا تستقطب نحو ملايين سائح في النصف الأول
• ماهو افضل مكتب في دمش للرحلات الى تركيا براً
• أريد دراسة الدكتوراة في سوريا
• سؤال لأهل الخبره
• تنبيه بشأن نشر أخبار الحوادث والمواضيع خارج الاختصاص
• جولة فى إيبلامدينة تروى لنا حقبة من تاريخ سوريا العريق
• سعر التذكرة من جدة الي دمشق
• ماهو المكان المناسب لتغير العملة
• أحلى وأهم منتجعات سورياحياكم
• دليل السفر إلى سوريا صيف
• سؤال من دمشق الى تركيا
• قادم للشام يطلب مساعده
• الكفرون
• استفسار للخبراء بسوريا
• الكمبيوتر اللاب توب هل مسموح دخوله سوريا
• سؤالين عن طيران سما وشاطىء طرطوس
• سؤال حول مقدار ضريبة المطار
• استفسار عن السياحه في سوريا
• لو سمحتوا يا أخواني السوريين
• المهـــــاجـــرين دمشق

يعطيك العافيه على الموضوع

لاكن ياخوك انا مكلم ناس سعوديين هناك يقولون الوضع عادي لاكن ما اصدق الوضوع متأزم

انا كنت ناوي السفر لسوريا هالسنة مع الأهل كفاية صرفت النظر عنها طالما أن حكومتها ناوية علينا . عليك بلسياحة الداخلية او الى وجهة اخرى غير سوريا بلاشى اهانة . شكرا اخي لك ملك السياحة على الصراحة

من جد ولا تمزح ؟؟؟؟؟؟؟؟؟؟؟؟؟؟

وعليكم السلام ورحمة الله وبركاتة

اخي الكريم

والله مادري الصدق من احد يقول الحاله ممتازه

وثاني يقول الحاله عكس ذالك

لاكن اظن نحتاج لمحكمه في هذا المنتدى

حتى اي واحد ياتينا بخبر جديد يجب عليه القسم بالله

وصلى الله على نبينا محمد وعلى اله وصحبه اجمعين

اخوك ابونعيم

الحقيقه أنا كنت في سوريا قبل ثلاثه أيام ... قضيت مده 10أيام .كنت أجوب شوارع دمشق ماشياً بثوبي السعودي .... إنطلقنا من الجنوب إلى شمال شمالها بسيارتنا السعوديه.... ما سألنا أحد من أنتم ........إستقبلونا في المطار بشكل غير أول .... حسيت فيه تغير . والله ما سألني أحد. لا حكومه ولامواطنين. إلا واحد سألني ..الظاهر فيه مباره بين الكويت وسوريا. قال تشجع الكويت ولا سوريا ..قلت السعوديه. وأنا من حولها في الكوره لكن وطنيه:109:ضحك وقال :24:

يا اخوان ايش اللي قاعدين تقولون عليه ترى ياخي يكفي اشاعات عن سورية كل شوي يجي واحد ويقول سورية يا اخي مافي من الشي انتو عم تضخمو الامور ويمكن يكون شخص تعرض لاساءة فردية وهاي موجودة في كل مكان وما تقدر تعممها على الكل يعني اذا كان واحد اخطى نقول البد كلها مو زينة واحنا تفسيراتنا وتطميناتنا غير منطقية انت تحكم وما شفت بعينك
ترى هاي تتحاسب عليها انا بكلمك من وسط دمشق وهي تعج بلاف السياح وما شفت من ها الشي ولا سمعت من ها الشي ويمكن صاحبك كان في المكان الغير مناسب وفي الوقت الغير مناسب وتعرض لسؤال روتيني وحب يضخملك الامور
اتمنى تتحدث عن اللي شفتو ولا تقول سمعت وقال فلان ترى فلان مو كلامه طابو اخضر نقدر نستخدمه ونحكم على بلد باكمله انو غير امن وبها الحالة احنا السوريين لازم ما نحج بها السنة لانو الوضع غير امن بل السعودية ارجوك قبل ان تكتب ان تراعي مشاعر الناس ولا تضعهم في سياق احاديث منقولة خطا او بطريقة ما سمها ما شئت واعذروني على الاطالة
واهـــــــــــــــــــــــــــــــــــــــــــــــ ـــــــــــــــلا بكم فـــــــــــــــــــــــــــــــــي بيتكم الثاني ســـــــــــــــــــــــــــــــــــــــــــورية

يا اخوان امانه من اللي يرتادون هالمنتدى لاول مره الافضل انهم يلتزموو بقسم معين مو كل شوي يطامر عندنا واحد من قسم . اذا كنت من عشاق مصر والا المغرب والا والا عرفنا انك ماتحب سوريا لاتجي للقسم لان رأيك راح يكون سلبي مسبق

بعدين هالانسان محاسب على كل كلمه يقولها قدام ربه . وياما ناس راحت سوريا وجت من سوريا ماسمعنا هالكلام واللي استغرب له اكثر اني اسمع هالكلام من اعضاء جدد بالمنتدى واللي الافضل لهم انهم يكتفوو بالمشاهده بدل المشاركه بالمواضيع اللي تسبب البغضاء بين الشعوب

الموضوع والله جد يااخوان ولم اقصد الاساءة لدولة سوريا الشقيقة باي شكل من الاشكال

انا يااخوان هدفي الوحيد كما هو هدفكم ان نستمتع باجازاتنا بدون منغصات او مضايقات سواء في سوريا او غيرها

الاخ الكريم ghost امرك غريب !! ردك يؤكد ان الجزء الايمن من المخيخ عندك مايعمل بالشكل الصحيح

ارجوا تدارك الوضع

وجهات السفر ليست حكرا على احد يحق للجميع ان يستمتعوا بارض الله اينما كانت

العضوية الجديدة ليست عيبا ويحق له طرح مايشاء في حدود قوانين المنتدى المؤقر

في الختام
هل تعلم ان قوة الكاتب تكمن في اختياره للمواضيع المميزة وليس بكثرة المشاركات اللتي اغلبها ردود..!!

تحياتي

يا اخي وش هل كلام فاضي
امس كلامت اختي وزوجها راحين سوريامن عشرة ايام وتقول والله احس ان في امان اكثر من
السعودية تجي وتروح بتكسي ولا احد يقول شي
حتى زوجها ضرب سيارة مواطن بل غلاط والشرطة صفت مع زوج اختي
وقالهم الشرطة نحن بخدمتكم يا سيااااااااااااح
وكل واحد اذا كتب قال سوريا مافي امان والله والله اقسم بالله اني اروح سوريا احس ان احسن من اي بلد
رحتلها
انا اروح اسكن في بلودان
وانزل دمشق اتسوق ما اجي الا اخر الليل
والحمدالله ما في الاكل خير
انا في بلدي ما اقدر اروح مكان لحالي اخاف
حتى في سوق اخاف انزل لحالي تصور
اخ بس متى تجي شهر سبعة واطير الى سورياااااااااااااااااااااااااالحبيبة

والله ماندري


ناس تقول كذا وناس تقول كذا


الله يستر بس

كأنكم يا جماعه بتتهاوشون ، وعلى العموم معروفه كل سنه لما يقرب الصيف بعض الاعضاء يدخلون ويقولون لا تروحون سوريا والبعض يخالف هذا الرأي ويقول انه قادم من سوريا والوضع تمام ، والناس متحيره تصدق من وتخالف من ، الله يهديكم جميعاً وصلوا على النبي واخزوا الشيطان .

نفسي اعرف وش الهدف من اشاعات تشويه السفر الى سوريا

والله ملينا ياشباب من كثرة الاقاويل ولكن اخي

ملك السياحة هل ذهبت الى سوريا وشفت بعينك ام انه يقال
ياناس انا بعد سمعت ان واحد مسجون هناك وطابين عليه بشقته
وسمعة انهم مسلمين واحد الى ................الخ


ياناس احنا نروح لسوريا من سنين والله مانشوف الا كل خير
لذا ارجو من الاخوة الافاضل الجدد عدم كتابة مواضيع غير هادفة لان

نحن هنا والمشرفين الافاضل من أوائل الناس الذين سوف ينصحون بعدم السفر عند حصول اي شي يضر السائح الخليجي.

انا شفت بعيني وحصلي موقف كنت رايح شغل يومين على دمشق وحصلي موقف في المطار ظابط الجوازات مارضي يدخلني الا اذا عطيته اكراميه كلمته بصوت عالي وخاف وما انتهى الموقف على كذا دزلي واحد من الجمارك عشان يفتش شنطتي قطعه قطعه غير استغلالهم للخليجيين وكأن الخليجي نايم على بير بترول وغير وغير .....الخ حلفت بعدها ما اطب البلد لو مهما صار هذا وانا رايح يومين !! لو رايح اجازه وش بيصير ؟؟ وكأن الخليجي ماكل من حلالهم

انا من زوار سوريا من قبل عشر سنوات وسافرت لها ممكن أكثر من 15 مرة كنت افكر إنها التب ( بيتهيئلي ) ولا أسمع فيها , وكنت صابر على دفاشة بعض السوريين العاملين في المطاعم أو التكاسي على سالف كمسيون وحق الشغيلة (كأني ان ا الي مشغلهم عندي ) ولاتنسون سالفة كيف ابو السعود وعينة على جيبك يبيك تحط المقسوم في الجواز يعني يغثك ويحاول ياخرك ويطنشك .. ياعمي رووقونا أيش سوريا .
وبعد ماذهبت لأندونيسيا لجلب شغالة قلت بالحرف الواحد ( يحسافة عمري الي ضيعتة في سوريا ) والله لاخضار ولاطبيعة ولاتعامل ولا راحة ولاللطافة ولا إبتسامة بتوازي اندونيسا ... ياعمي تحس إنك عايش .
وشكل أخينا ( تورا بورا ) توة طايح في سوريا معجبة سعر النقل الجماعي 250 ريال رايح جاي ومروق على كذا .

المشاركة الأصلية كتبت بواسطة ملك السياحة
http://www.arabtravelersforum.com/tr...2/#post2073477

السلام عليكم ورحمة الله وبركاتة

وايضا قال ان الحرب ستقووم قريبا وانتم اتون للسياحة.....!!!!!!؟؟؟

ودمتم




كلامك بالقصة كله منطقي ... إلا هالفقرة ... :109::109: ضحكتني عن جد ... في حدا بيقول أنه في حرب ببلدو .. لو كان مجنون ما بيحكيها .... إيه اللبنانين ووقت كانت بلدهم على كف عفريت كانوا يقول الوضع تمام وبخير ... نجي نحنا اللي بلدنا بخير وأمان والحمد لله نحكي هالحكي ... مابيجوز أخي ... مابيجوز تنقل كلام مو متأكد منه ... يعني لو بدي أكتب كل كلمة بسمعها عن أي دولة عربية ، كان صار لألي بهل المنتدى 2000 موضوع وكلهون سب وإهانات بدول عربية .... أتمنى وصلت الفكرة :114:

والشرطة حقهم يسألو ... يعني بيسألو أهل البلد ... فلازم يسألوا الغريب ... يعني مشان زيادة الأمان ... وإلا لو كل العالم بتعرف أنها بتطيح بالبلد ليل نهار وماحد يسألها ... الكل بدو يتصرف تصرفات غير لائقة ... لهيك السؤال طبيعي ... يعني أنا كنت من كمن يوم بالأردن ... وكنا سهرانين بكافيه وطلعنا بحدود الساعة 2 صباحا ... وقررنا نمشي لغاية مانلاقي تكسي ... وكنا بالصدفة قريب من سكن فيه حراس .. سألونا شو وين كانوا الشباب ... خبرناهم بكل بساطة بالكافيه ... قال طيب لوين رايحين ... قلنالون جبيهة ... قلنا طيب شو بتستنوا .. خبرناه تكسي ... قال طيب أمشو لبعد الحاجز لأنو ممنوع توقف هون سيارة تكسي ...

يعني كان الموضوع عادي ... وكتير احترمت اللي صار ... يعني ما كبرت الموضوع وفتت على بوابة الأردن وقلت ... أنا تبهدلت بالأردن ... وقفني ضابط وصار يسألني بقسوة أنت من وين وشو جايه لهون ... وليش وكيف ؟؟؟!!؟؟


الفكرة بالطرح يا أخوان مو بالكلام الكتير ........... وعلى فكرة أنا هيك نوعيه من المواضيع عمبتخليني أبعد من المشاركة بهل المنتدى ... لأن للأسف ما عمبلاقي منطقية بطرح الأعضاء ...

(( اللي عمبيفوت هون عالمنتدى بالخبر السلبي بدون ما يكون متأكد من الموضوع عمبيضر حالو قبل ما يفيد غيرو .. لسبب أن الشخص محاسب على كل كلمة بيحكيها ))

كل له وجهة نظر ياشباب

وكل له اسلوب بالتعامل يعني لو جيته ياخوي بابتسامة ويوم طلب منك رشوة قلتلة باسلوب فني وبابتسامه مثل مافعله بعض الاعضاء كان ماصار اللي صار معك اخوي ولا تنسى انك في بلد غير بلدك يعني لاتقول نظام ومانظام . حاول اخوي تخارج نفسك والذهين من خلص روحه ............ تحياتي