الموضوع: استفسارات عن بريطانيا

السلام عليكم ورحمة الله وبركاته


بحول الله وقوته ومشيئته سأسافر برفقة صديقي إلى لندن لمدة اسبوع إن شاءالله سنتجول فيها في ربوع انجلترا حسب سماح وقتنا لنا بذلك .. ربما نزور مانشستر وغيرها .


حقيقة أول زياره لي لأوروبا .. ف من هالمنطلق وفضلا لا أمرا أريد منكم خطه لأبرز المعالم لأزورها بلندن وحولها .. وعن مواقع أفضل الفنادق لكي أحجز من الآن .. أبغاها قريبه من منطقة العرب وكذا .. ومن ناحية المواصلات راح نستخدم القطار فياريت اللي عنده فكره هل هناك بطاقات لمدة اسبوع كما في كندا وامريكا وكم أسعارها يبلغني .


نصائحكم لاتبخلون علينا بها .. ومن ناحية المبلغ لا اعرف حقيقة كيف هو تعاملهم النقدي .. هل هو بالجنيه فقط ؟ وهل هناك ماهو أقل من الجنيه الاسترليني ؟


أي حاجه بخاطركم اكتبوه لي هنا وأسأل الله أن يكتب لكم الأجر .


والسلام عليكم ورحمة الله وبركاته

مواضيع عشوائيه ممكن تكون تعجبك اخترناها لك:

• مانشستر
• نخيتكم يا عيال ابي جواب واضح جعلكم بالجنه
• آهلييين استفسآر عن لندن
• بأسافر إلى لندن في الكريسمس
• رحلة للندن
• السفر الى لندن بتأريخ
• الهلاليه تطلب المساعده
• بخصوص الأبلكيشن تبع الفيزا
• تقرير رحلتي الدراسية تاريخ الى بريطانيا
• ممكن مساعدة
• إستفسار السكن في منطقة البحيرات و تحديدا بحيرة ويندرمير
• صور من
• تحذير من شقه مفروشه
• ماريوت رجنت بارك
• سويندون اوت ليت
• قررت السفر لندن ؟ ياليت بس تفيدووني اختكم غشيمه مرررررره
• استفسار بخصوص الجنية الاسترليني و بطاقة القطار ل زون و
• استفسار بخصوص الغرف
• بخصوص القطاراات
• إستمارة الحصول على تأشيرة بريطانية مترجمة بالكامل

و عليكم السلام

أهلاً و سهلاً بك بيننا

متى تأريخ السفر ؟ و كم المدة ؟

المواصلات الداخليه تختلف عن العاصمه لندن

فلايوجد سوى الباص

وفي لندن الاندرقراوند والباص

ستلاحظ عدد قليل من العرب خارج لندن

لكن في لندن ستعتقد في الصيف انك في دوله عربيه

السكن بشكل عام في لندن يرتفع في الصيف

اما خارج لندن

فالاسعار لابأس فيها مناسبه

مرحبا بكم جميعا




آخر فرصه .... السفر 1 مارس والعودة 8 مارس .


أختي لندنية .. نصيحتك على العين والراس .. هو مجرد فضول إننا نزور كل لندن بإسبوع .


أخي ببسي كولا .. ودي أعرف نظام القطارات بلندن .. هل هو ببطاقة تشترى ؟ ووين راح نلاقيها .. وهل فيه بطاقة لمدة اسبوع نركب فيها الترين والباصات عادي ؟ وكم قيمتها ؟


بالنسبه لكلامك عن السكن اخذت لفة سريعه ببوكينق خلال فترة زيارتي والله الاسعار معقوله جدا .. فنادق 4 نجوم لمدة 8 ايام بمبلغ لايتجاوز 7000 ريال .. وبرضو حصلت فنادق أقل ب 3000 فقط .


أبي نصيحتك بفندق محترم وقريب من مراكز تسوق ومتاحف ومعالم مشهوره .. وش أفضل مكان للسكن للسائح في لندن ؟


برضو العمله ماعندي فكره عنها .. احول فلوسي من هنا ولا اخليها من هناك ؟


التعامل اليومي بالفلوس ماني عارف شلون .. ببالي بس جنيه استرليني هل فيه شئ ثاني .. يعني فيه أقل من الجنية ؟ هل فيه 5 او 20 او 100 جنيه وهكذا


مدري شلون اشرح لكن يارب تكونوا فهمتوا .. : p


يعطيكم العافيه وأرغب بالمزيد أكثر وأكثر السفر قرب ومعلوماتي لاتذكر .. : )

المشاركة الأصلية كتبت بواسطة n o n
http://www.arabtravelersforum.com/tr...8/#post7568618

مرحبا بكم جميعا




آخر فرصه .... السفر 1 مارس والعودة 8 مارس .


أختي لندنية .. نصيحتك على العين والراس .. هو مجرد فضول إننا نزور كل لندن بإسبوع .


أخي ببسي كولا .. ودي أعرف نظام القطارات بلندن .. هل هو ببطاقة تشترى ؟ ووين راح نلاقيها .. وهل فيه بطاقة لمدة اسبوع نركب فيها الترين والباصات عادي ؟ وكم قيمتها ؟

بطاقة اويستر oyster كرت شامل الاندرقراوند والباصات لمدة اسبوع ب 34 باوند تقريبا شامل قيمة الكارد للشخص الواحد والاطفال الى 18 سنة اذا ماني غلطان او 12 سنة نسيت بصراحة لكن مجاناً

بالنسبه لكلامك عن السكن اخذت لفة سريعه ببوكينق خلال فترة زيارتي والله الاسعار معقوله جدا .. فنادق 4 نجوم لمدة 8 ايام بمبلغ لايتجاوز 7000 ريال .. وبرضو حصلت فنادق أقل ب 3000 فقط .

بما انك انت وصديقك وشباب اسكن بفندق مناسب وسعرة مناسب مو شرط يكون بالسنتر بالضبط لكن بجانبة سيكون جيد والمشي ممتع وجميل في لندن وراح تلقى الكثير لانها غرفة واحدة ووبأسعار حلوه بس انت اختار الي تبي عندك بوكنق وماراح تتعطل


أبي نصيحتك بفندق محترم وقريب من مراكز تسوق ومتاحف ومعالم مشهوره .. وش أفضل مكان للسكن للسائح في لندن ؟

افضل مكان هو سنتر المدينة بجانب الماربل ارش او المناطق الراقية التي بجانب الهايدبارك لانها هي سنتر لندن وجميع المعالم السياحية قريبة منها
النايسبريج - المايفير - بجانب الاكسفورد ستريت - البيسووتر - الكنغستون - المارليبون- باندغتون - الكوينزوي

هذه اشهرها

برضو العمله ماعندي فكره عنها .. احول فلوسي من هنا ولا اخليها من هناك ؟

عملة بريطانيا هي الباوند يساوي = 6 ريال سعودي تقريبا
انا انصحك حولها من هنا فرق الصرف احسن ولابد من كريدت كارد معاك احتياطا واستعمالا احسن لك

التعامل اليومي بالفلوس ماني عارف شلون .. ببالي بس جنيه استرليني هل فيه شئ ثاني .. يعني فيه أقل من الجنية ؟ هل فيه 5 او 20 او 100 جنيه وهكذا

فئات الباوند من 1 و 2 و 5 و 20 و 50

اللباوند الواحد او 2 يكون عملة معدنية ومافوق ورقية

مدري شلون اشرح لكن يارب تكونوا فهمتوا .. : P


يعطيكم العافيه وأرغب بالمزيد أكثر وأكثر السفر قرب ومعلوماتي لاتذكر .. : )

اخي الكريم عليك بتكثيف قرائاتك للتقارير المثبته واخذ فكرة عامة عن المدينة لحصر اسألتك فيما بعد في الاشياء التي لم تتضح لك

هذا واسأل الله لكم رحلة موفقة

حياكم الله ويامرحبا فيكم معنا

ماقصرو الخبراء

ونحن تحت امركم

بالنسبه لكلامك عن السكن اخذت لفة سريعه ببوكينق خلال فترة زيارتي والله الاسعار معقوله جدا .. فنادق 4 نجوم لمدة 8 ايام بمبلغ لايتجاوز 7000 ريال .. وبرضو حصلت فنادق أقل ب 3000 فقط .

هذا متوسط سعر الفنادق ال 4 نجوم اخوي وسعرها معقول بس احرص على اختيار فندق يكون مكانه ممتاز وقريبه كل الخدمات منه

اهم شي يكون بالسنتر وقريب منه محطه اندرقراوند

يعطيك العافيه أخوي فارس الجبيل .. الله يبيض وجهك واسف لو تعبتك


سنتر لندن ... ممكن تعطيني في اسماء فنادق مناسبه ببحث عنها حتى أحجز هاليومين .. طبعا بمساعدة الأخت لندنية والإخوه الباقين


برضو استفسار عن القطار من لندن لمانشستر .. هل هو بنفس البطاقه أويستر أو له تذكره لوحده ؟ ومن أي محطه نطلع من لندن لمانشستر ؟


فندق كمبرلاند لندن .. وش رايكم فيه ؟ قرأت إنه قريب من الماربل ارش ( مادري وشو صراحه : d ) ونهر التايمز والاكسفورد ستريت .. سعر غالي شوي بس يستاهل


استفسار عن تذاكر المباريات ... أكيد إن الوضع هناك تباع الكترونيا وقبل فتره طويله .. هل بإمكاني لما أذهب للملعب بحصل تذاكر ؟


الله يكتب لكم الأجر .. : )آ

المشاركة الأصلية كتبت بواسطة N o n
http://www.arabtravelersforum.com/tr...6/#post7570026

يعطيك العافيه أخوي فارس الجبيل .. الله يبيض وجهك واسف لو تعبتك

الله يعافيك وماسوينا الا الواجب وانا اخوك نعين ونعاون

سنتر لندن ... ممكن تعطيني في اسماء فنادق مناسبه ببحث عنها حتى أحجز هاليومين .. طبعا بمساعدة الأخت لندنية والإخوه الباقين

ماراح يقصرون الاخوان وشوف انت هذا الرابط
http://www.arabtravelersforum.com/travel724241/
انا لو ابشور عليك بأحد الفنادق تأكد ماراح تتعدى الي مكتوبة في هالرابط وكلها فنادق زينه ومجربة


برضو استفسار عن القطار من لندن لمانشستر .. هل هو بنفس البطاقه أويستر أو له تذكره لوحده ؟ ومن أي محطه نطلع من لندن لمانشستر ؟

بطاقة الاويستر خاصة بلندن فقط في محيط منطقة زوون 1 و زوون 2 والي فيها اهم المعالم السياحية

اما بطاقة مانشستر فهي مستقلة تروح للمحطة تقطعها من هناك او من النت
المحطة في لندن هي London Euston اما المحطة في مانشستر Manchester Piccadilly وبعض الاحيان محطة Manchester Oxford Road في مانشستر



فندق كمبرلاند لندن .. وش رايكم فيه ؟ قرأت إنه قريب من الماربل ارش ( مادري وشو صراحه : d ) ونهر التايمز والاكسفورد ستريت .. سعر غالي شوي بس يستاهل

الفندق ممتاز وموقعة بجانب ( النصب التذكاري ) الماربل ارش وهو عبارة عن بوابة كبيرة من الرخام Marble Arch في زاوية الهايدبارك وفي المنتصف من الاسواق والمنطقة المركزية في لندن وهو بعيد شوي عن نهر التايمز ماادري وش تقصد انت بنهر التايمز في سؤالك !!!
والفندق من ناحية يستاهل فهو يستاهل ونص


استفسار عن تذاكر المباريات ... أكيد إن الوضع هناك تباع الكترونيا وقبل فتره طويله .. هل بإمكاني لما أذهب للملعب بحصل تذاكر ؟

عن طريق الموقع الرسمي للنادي او عن طريق البيع المباشر من الاستاد


الله يكتب لكم الأجر .. : )آ



اللهم آآآمين واتمنى اكون افدتك بشي بسيط
والله يكتب لنا وأياك مافيه الخير

الفنادق اللي في السنتر اقصد الاكسفورد زي كمبرلاند وثيستل ماربل ارج

صباح الخير


أخوي فارس الجبيل وأختي لندنية .. كلمات الشكر لاتكفي حقكم .. الله يكتب لكم الأجر


أقنعني صديقي نحجز بفندق Hilton London Metropole .. وتم الحجز قبل دقائق .. أربع نجوم وعلى شارع العرب اتوقع .. لاتزعلين لندنية ..: p

التعليقات عليه نص ونص .. فيه اللي يمدح وفيه اللي ينقد .. عطونا آرائكم حوله وكم يبعد عن السيتي سنتر .. الهايد بارك وأكسفورد وبيكاديلي .. الرجل تنفع ولا لازم اندر قراوند ؟

قريت برضو إنه قريب منه مطاعم عربية كثيره .. وش تنصحوني بأفضل مطعم للوجبات كلها .. لأن ماحب الافطار بالفندق .

فيه حاجه قلقت منها من كثر ماقريت عنها هنا وهي السرقات منتشره بلندن وزي السلام عليكم .. وأكثر ما أخاف عليه الجواز صراحه ... وش تنصحوني أسوي .. أخليه بالغرفه وأحتفظ بصوره معي ؟

أو راح أحتاجه ولازم يكون معاي وين مارحت ..؟ عطونا خبراتكم .

مشكورين والله مستحي منكم كثير .. لكن مثل مايقولون اللي يسأل مايتهوش .. وإنتم إخواني الله يوفقنا ويوفقكم دنيا وآخره .

السلام عليكم

هلا وغلا الغالي

احنا تحت امرك في اي وقت واسأل ماتبي واحنا على قولتهم ناشبين لك اهنا

الفندق الغالي على شارع ادجول رود يعني على شارع العرب الي كله مطاعم عربيه فلا اتحاتي

والجواز الغالي خله في صندوق الامانات في الغرفه وماتحتاج لا صوره ولا غيره ..

السرقات اتصير في الاماكن الي مافيها ناس واجد ..المهم اذا حد جاك وقالك احنا شرطه نبي انشوف جوازك وكم عندك من الفلوس قله ورني بطاقتك ..لان هالموقف تعرض له اخوي في اخر سفره له ..

وتقدر اتروح مشي لين الهايدبارك واكسفورد اذا اتحب المشي ..الفندق سكنته مره وحده ..

واي خدمه احنا تحت امرك الغالي

صباح الخير ماقصر عمدتنا بيض الله وجهه

الفندق ممتاز وموقعه حلو في الاجول روود (شارع العرب ) جميع المطاعم بجنبك عربية والشارع وناسه في ليل او نهار

الاكسفورد والهايدربارك مشي لكن البيكاديلي بعيد شوي يبيلك باص المسافه ماتحتاج للاندرقراوند قريبه المنطقة وان بغيت الاندرقراوند ابد شف المحطة تحت الفندق محطة اجولرود ومنها للبيكاديلي

الديرة امان وكاميرات بكل مكان لكن مااوصيك الواحد ياخذ حذرة ويبتعد عن الاماكن المشبوهه وان شاء الله الامور بخير

هذا واي خدمه حاضرين

ماقصرو الخبراء

يعطيكم العفيه جميعا .. سؤال ع السريع


حمدلله فندقي قريب من محطة بادنغتون وهي اللي القطار يوصلها من هيثرو .. اشرحولي لما أوصل المطار وين أروح بالضبط وكيف أقص بطاقة اويستر وهل لها اسم اذا كنت ابيها لمدة اسبوع ؟


يعطيكم العافية اخواني ..

هههههههههههههههههه الله يسعدك يافارس


أبد حلالك وفداااك تعال للمطار كان إنت بلندن ولك والله 100 باوند مهيب خساره فيك ولد الديره .. : p


عاد فتحت ع نفسك باب علمني طريقة حجز سياره بسواقها .. ترا أخوك يالله ويالله بالانقلش .. : )


وسؤال استجد ببالي لاحظت من خلال بعض التقارير إنهم يعملون تأمين طبي .. نقدر نسويه من السعوديه ولا كلام فاضي الله لايحوجنا له .. ؟


وقرية نورمث يمدحونها كيف اروح لها من بادنغتون ؟


الله يسعدكم ويرزقكم ماتتمنون .

http://www.arabtravelersforum.com/tr...b=user_related

والعمده ماقصر الله يبض وجهه ويعطيه العافيه

الله يبيض وجهك يالعمده إنت وإخواني وإخواتي الباقين


شكلنا بنستقر ع الاندرقراوند لأننا اثنين وشنطنا خفيفه ... وودنا نخش بجو لندن بسرعه .. : d


بسألكم عن شئ حيرني :


حجزت الفندق من بوكينق .. وارسلوالي حجزك مؤكد وكذا .. بس ياجماعه من حجزت قبل 3 أيام ماخصموا فلوسهم من الفيزا ..!


الموضوع عادي أو فيه شئ غلط ..؟ هل هم راح ياخذون الفلوس كاش لما أوصلهم ويشوفون حجزي ..؟ أو راح يخصمون من الفيزا لما أوصلهم ؟


طبعا انا حجزي فيه خاصية الالغاء المجاني .. أفيدونا الله يوفقكم


إيوه صح قبل أنسى إذا فيه خريطة للندن وخريطة للاندرقراوند .. لاتبخلون علي

خاصية الالغاء المجاني :
لايخصم اي مبلغ قبل يوم من الوصول اقرأ الشروط في صفحة بوكينق وستعلم متى يتم الخصم
وفي الغالب بعد الوصول سيتم خصم المبلغ من الفيزا

هذا موضوع هام عن الاندرقراوند يجب قرائتة وبه اجابات جميع استفساراتك عنه
http://www.arabtravelersforum.com/travel205821/

وهناك برامج مساعدة ومفيدة في الابل ستور عن لندن ومواصلاتها

واي خدمة حاضرين

الجو بارد بس بردهم غير بردنا لو تلبس وتدفى امور طيبه تقدر تروح وتجي بكل سهوله

ماقصرت الاخت لندنية نعم الجو بارد بيكون

التأمين الطبي ضروري في كل الحالات ...زين لك انت شخصياً الواحد مايدري وش يصيرمعاه انا افضل التأمين احتياطاً


اتمنى لك سفره سعيده وموفقه

الله يرفع قدركم اخواني واخواتي


طيب من وين استخرج تامين طبي لمدة اسبوع ؟ من هنا من السعودية ولا اذا وصلت ؟ ماني عارف الصراحه

من اي شركة تأمين ك ( التعاونية - مدغلف ....)

من هنا يتم استخراجه وعلى فكره هو غير مطلوب في شروط الفيزا لكن من الجيد استخراجه تحسبا لأي طاريء

فعلا تحسبا لأي طاريء ضروري صديقه لي بنتها طاحت وتعور راسها وخياطه وحوسه الافضل تطلعونه

الله يوفقكم وييسر أموركم يارب

حبيت أسألكم عن رحلة الباص السياحي . من وين أقدر أقص تذكرته ؟ وبكم سرها للشخص الواحد ..؟ وإيش الأماكن اللي يمر عليها ؟ وأفضل يوم لركوبه ؟


وايش ترجمة الباص السياحي بالانقلش ؟