بسم الله الرحمن الرحيم
في البدايه اصبح وامسي على الجميع بالخير ولا ادري كيف ابدا قصتي ولكن ابي اسردها لكم كامله
قدمت اجازه من العمل لمده اسبوع من تاريخ 10/6 يوم السبت الماضي واستغليت معها خميس وجمعه يعني سافرت الى سوريا في تاريخ 7/6 على السياره طبعا انا ومعي 2 من الزملاء طلعنا من الرياض الساعه 4عصرا مرور بالمجمعه والقصيم وحائل ثم الطريق السريع الجديد الى ابوعجرم ومن ثم مرورا بطبرجل الى القريات وصلنا المنفذ تقريبا 1 صباحا فكرنا ندخل او ننام في المحطه اللي قبل المنفذ وبعد تفكير طوووويل قررنا الدخول طبعا انتم عارفين الاجراءات كلها خروج من السعودي دخول الاردني ومن ثم خروج اردني ومن ثم الى الحدود السوريه طبعا كنا شوي خايفين من الوضع استقبلونا الحدود افضل استقبال واحسن تعامل ومن بعدها ذهبنا الى دمشق وصلنا دمشق 5 الفجر واتصل خويي على سواق يعرفه ومن ثم ودانا الى شقه حليووه نوعا ماء وهنا تبداء المشاكل طبعا الشقه في منطقه اسمها مساكن برزه قطعها السواق بالمدح انا من ناحيتي ماارتحت لها ولا لمواقف السياره المهم نمنا وصحينا 2ظهرا ولقينا عشرين منيو لمجموعه من المطاعم مدخله تحت الباب دقينا وطلبنا الغداء وطلعنا نتمشى مع السواق على سيارتنا الى الساعه 12 وبعدها نزلنا السواق وقلنا رح لعيالك الحين حنا نعرف نتصرف وندل طريقنا اللي نبي المهم بعد مشوارنا الخاص رجعنا تقريبا 4 الفجر علشان وقت الصلاه ونزلت اخوياي وقلت ابي اوقف السياره وانا البق اريوس واقدم واصفط المرايه علشان مااحك الجدار مادريت الا وواحد يرجف سيارتي بكل قوته ويقول اركن هووون وانزل طبعا نزلت وقلت خير انشاالله مادريت الا تجمعو عشره يقولون احنا عناصر الامن هووون ممكن جوازك واوراق السياره تبعك قلت حاضر وعطيتهم وبعدها قالو شرف معنا القسم وبتعرف كل شي هونيك المهم يوم رحت انا واخوياي لقيت العساكر ملزقين فيني تهمه مدري وش تبي وقالو اليوم جمعه ولازم تدخل الحبس لاحتى يجي الظابط من بكرى والله ويضيق صدري وتقفل اخلاقي واقعد اتذكر العيال في الاستراحه عن كبري الفحص يوم يقلون اجلس واقلبها للبحرين المهم مالكم بالطويله اخوياي مانامو طول وقتهم مابين السفاره والشرطه اللي انا فيها طبعا واحد من اخوياي ولد عمه في السفاره ولايبيه يدري انه جاي لسوريا اخر شي اتصل عليه يوم الجمعه بالليل وقابله ببيته وشرح له الوضع وقال وش مسوي خويكم قالو والله ماندري قال خلاص اليوم نامو عندي وبكرى انشاالله نطلع خويكم المهم انا طول الليل افكر ولاجاني نوم جاء الظابط صباح السبت وقال انت متهم بتحرش ببنت قاصر بنفس العماره اللي انت فيها وهاذي بتأكل فيها علقه سجن شي سنتين تلاته اوبصريح العباره ادفع لابوها مصاري محرزه وبطالعك من هون وتنتهي المشكله انا والله وقف شعر رأسي وقلت كم تبون بس وعطوني جوال اكلم اخوياي وعطاني كلمتهم قال حنا في السفاره السعوديه قسم شؤون الرعايا نبي نجيك ومعنا ناس من السفاره المهم جونا السفاره ومعهم واحد اعتقد انه محامي للسفاره السعوديه وجلس يأخذ يعطي وقال وين البنت ومتى تحرش بالبنت والساعه كم شوفو يمكن انتم مشبهين بواحد خليجي غيره طبعا المحامي فاهم الوضع كله داري انهم نصابين وانا مثل الاطرش بالزفه قال الظابط جيبو ابوها للبنت يشوف المتهم وجابو واحد شكله من الشارع وجلس يطالع فيني وانا وجهي يتغير ويعطي الوان واشكال وقال لا مو هوا المهم قال المحامي هاه شفتو انا عارف ان الوضع فيه لبس قال الظابط انا اقدم اعتذاري وهذي اوراقك وجواز واحنا آسفين قلت وش يمنع الاسف عقب ماخرشتوني وضيقتو صري انا واخوياي المهم طلعت من الشرطه تقريبا الساعه 1 الظهر والله عالطول ضفيت عفشي وعلى ديار اومتعب والساعه 7 المساء وانا في الحديثه ومن ثم الى الرياض
صدقوني ياجماعه والله العظيم هذا اللي حاصل وتكفوووووووووون لاحد يروح للنصابين الحراميه الله لايوفقهم والله ان الروعه فيني الى هالحين وحالف مااطب سوريا لين امووووووووت
وسامحوني على السرد السريع والاسلوب اللي مدري وشلون جاي وشكرامواضيع عشوائيه ممكن تكون تعجبك اخترناها لك:
- خارطة دمشق السياحية
- حفظك الله ياشام
- استفسار عن سوريا في هذا الوقت عاجل
- ترقبوا رحلتي في بلاد سوريا والأردن صور ومواقف طريفة بصحبة الشهم أبي عمر
- استفسار من احد اعضاء بوابة تركيا الجميلة الى الاعزاء في بوابة سوريا الرائعة
- سوريا كيف ؟ و أين؟
- لمحة تاريخية و جغرافية عن مشتى الحلو صور
- المعلم نحن متفقون مع السعودية في وجهات النظر
- مركز وفندق صحارى
- الكام جاهزة لخدمتكم هنا بدمشق
- السفر قرب للاذقيه انشاء الله لاتحلونا؟؟؟
- نصيحة لكل سعودي ينوي السفر الى سوريا مهم جدا جدا
- سؤال فطائري و معجناتي
- استفسار لأهل سوريا ممكن
- سوريا من ذكرياتي
- كيف أنزل صور على المنتدى؟ بليييز
- انا في سوريا لاتفوتكم سوريا ياعالم
- بالنسبة لشحن السيارة الى سوريا
- من سوريا إلى تركيا كيف؟؟؟
- تبغى تعيش المتعه معاي شبان من الشرقيه الى سوريه وتركيه
المفضلات