الموضوع: استفسار عن التكاسي ما عليكم امر عندي ترانزيت

السلام عليكم ورحمة الله وبركاته ...
شلونكم شخباركم ان شاء الله بخير ؟

عندي استفسار بإذن الله يوم الثلاثا عقب الي جاي عندي ترانزيت بالدوحه 6 ساعات وثلث تقريبا فقلت ابي اروح مجمع الفلاجيو - مادري اذا اسمه صح - بس انصدمت ليمن دريت ان المسافه مع الزحمه ساعهاخاف اتوهق ورانا طياره انزين بالمطار في تأجير سياره مع سائق ينطرنا ويردنا. وراح نوصل يوم الثلاثا المغرب بإذن الله هل وقت تكون الشوارع زحمه ولا لا ؟. وبالأخير هل تنصحوني اقعد بالمطار وما اغامر بس ودي اشوف الدوحه صراحه ومشكورين.

مواضيع عشوائيه ممكن تكون تعجبك اخترناها لك:

• احد يدلني على اقرب فندق لمركز الجزيرة الاعلامي والتدريب والتطوير
• استفسار عاجل اذا سمحتوا
• السفر ببطاقة الهوية الوطنية
• رحلتي لسوق واقف
• استفسار يا حلوين
• أرجوا المساعده ضروري قبل مايروح علي الحجز
• الؤلؤة من اميلي
• الأخوة استفسار حول فيزا عبور قطر
• مساعدة من المشرفين
• مول مجمع دار السلام قطر
• الديار تبني ثاني أعلي برج في العالم بالدوحة
• ஜ¦‗ـ−Ξ فـعـالـيـات رمـضـانـيـة Ξ−ـ‗¦ஜ
• المتحف الإسلامي
• مؤسسة الشيخ عيد الخيرية في قطر عرض هام
• فـــنـــدق لـــيـــمـــيـــراج الـــشـــرق قـــطـــر
• مساعدده يااهل قطر
• تقريري عن مطعم
• مطلوب اي معلومه عن هذا المنفذ سلوى
• ابحث عن فندق لعائلة كبيرة
• جزيرة اللؤلؤ في قطر

حياك
http://www.arabtravelersforum.com/travel577918/

وعليكم السلام ورحمة الله وبركاته

بعد المغرب الطريق زحمه اخاف تنسون نفسكم مع الوقت في المول حاولت ارسل لك رقم لموزين بس للاسف مايصير عموما التكاسي في المطار موجوده بكثره يعني ماراح تلاقي مشكله في الروحه المشكله في الرده حاول انك تطلع بدري من المجمع قبل الرحله بثلاث ساعات عشان تلاقي كروه وموفقين .

مشكووره اختي يعطيج العافيه ... انزين شنو تنصحينا عندنا ترانزيت 6 ساعات وابي اشوف الدوحه ومجمع المول ما مدحولي اياه

نفس الحال معي ونفس اليوم كذلك
بالتوفيق اخوي

فرصة سعيدة اخوي .. بالسلامة

السلام عليكم أخوي،،
أم عزيز ما قصرت معاك الله يطول بعمرها انشاءالله، شوف بالنسبة للترانزيت 6 ساعات تقدر تروح سوق واقف وهو سوق جاي لك على طراز قديم والحلو فيه بس المطاعم، انزين انا مادري متى وقت الترانزيت عندك لكن لو كان وقت الظهر او العصر فانصحك تروح مجمع الستي سنتر تتمشى هناك او مجمع الفيلاجيو، عندك مكان ثاني وهو الحي الثقافي كتارا تقدر تتمشى هناك نص ساعة تاخذ لك كم صورة على السريع وكم لفه،،
بخصوص التكاسي طبعاً صعب الحصول على التاكسي عندنا فأنت اول ماتنزل المطار روح لمكاتب تاجير السيارات شوف عندهم سيارات مع سائق او لا لو عندهم فاحجز السايق مع السيارة حق كم ساعة، ولو ماحصلت فخذ لك من عندهم سيارة صغيرة اجار ما بيطلع لك قيمتها مئة ريال، واطلع من المطار على الستي سنتر وعقب روح تغدى او تعشى في سوق واقف وانت راجع المطار وطبعاً اقولك هل المكانين لانه طريقهم ما يخليك تضيع نهائياً عن المطار طريقهم واحد ولو وقفت اي احد وسالته عن طريق المطار بيدليك عليه وبتحصل اللوح الارشادية في الشارع واضحة توجهك للمطار،،
السموحة على الاطالة طال عمرك واي خدمة ثانية حاضرين لك،،

عذرا من صاحب الموضوع بس حبيت اشكر اخوي عبدالله منصوري ربي يجزاك كل خير ويبارك لك في نفسك وهلك ومالك على الدعوه الطيبه .

شوف يالغالي
روح فيلاجيو بعطيك رقم شركه التكاسي شركه كروه في قطر اتصل واحجز وانت في فيلاجيو قبل ماتطلع بساعه او ساعه ونص عشان مايتخر عليك
هاي رقم
009744588888
وانشالله اكون افدتك وللعلم يوم الثلاثاء مافي زحمه ونص اهل قطر بيكونون برع قطر لانه اليوم بدات اجازه الصيف

مشكورين لكل الي ردوا ام عزيز و عبدالله منصوري وولد الدوحه شكرا شكر ما اقدر اوصفه ... والله ما قصرتوا ابد. خلاص ان شا الله مجمع فيلاجيو وتم حجز ليموزين وراح اخزن رقم التكاسي يا ولد الدوحه اذا ما جا الليميزين وشكرا جزيلا فعلا قطر بلد رائعه لازم ازورها عدل في المستقبل وشكرا *