الموضوع: تقرير مصور لــ قطارات بريطانيا

يجد الكثير من المسافرين الى المملكة المتحده صعوبه في طريقة التنقل في قطاراتها
ومن الأسالة التي تثار في ذهن الكثيرين :


1- لم استخدم القطار في السابق
2- محطة القطار كبيره جدا
3- كيف اعرف قطاري
4- كيف اعرف اي بوابة ( بلات فورم )
5 - طريقة الحجز
6- كيف اعرف اني وصلت محطتي
7- ماذا يوجد من خدمات في القطار
و الكثير من الأساله

وسأحاول جاهدا في هذا التقرير وضع تقرير مصور
ادعو من الله ان يساعد الراغبين في استخدام وسيلة التنقل المريحه في بريطانيا

قطارات بريطانيا :
هناك عدت قطارات ومنها من يخدم الشمال ومنها الجنوب والشرق والغرب
وهناك اكثر من قطار يخدم نفس الجهه ..
قـــــــــــــــــــــــــــــــــــــــــــــــــ ــــــــــــــــــــف /
بعض الأسالة :
كيف اعرف اي شركة راح اختار ؟
وكيف راح اعرف انها ارخص او لا ؟
وكيف اذا كان القطار في محطات تبديل ؟
وممكن استخدم شركتين مختلفين ؟
كيف ادفع لهم ؟ وكيف اخذ التذكره ؟
الأجابه ستكون في الفقره القادمه


طريقة الحجز :
هناك طريقتين للحجز
الانترنت , شباب التذاكر


الانترنت :
الدخول على موقع الدوله الرسمي
http://www.nationalrail.co.uk/
لاتحاول تدخل شركات وتعب نفسك
موقع الدوله الرسمي سيعطيك مباشره خط سيرك
وكم تبديل
وماهي الشركات
والوقت الي تبيه
والاسعار كامله
والوقت المتوقع للوصول ..... الخ
لاتدوخ او تدوخين نفسك وتشوفون غير هل الموقع
قـــــــــــــــــــــــــف /
كنت اقدر اسوي شرح بطريقة الحجز لكن الطريقة قابله للتغير لسبب؟
الموقع في اي وقت يتغير
فالدوله والشركات المسؤوله عن ذلك في تحديث اغلب الاوقات
وقد جربت ذلك في عدة مواضيع لي الحجز عن طريق بوكنق وايزي جيت ... الخ
لــــــــــــــــــــــــــــــــــــــــــــــكــ ـــــــــــــــــــــــــــــــــــــــــــن /
راح اوضحلك اهم النقاط في حال حجزت عن طريق الانترنت
في حال دخولك للموقع
اهتم لنقطه أساسيه
وهي عدد تبديل المحطات
لانه البعض ياخذ التذكره بدون الاهتمام
وهذا الامر طبيعي
مثلا
اذا رحت للبحيرات
لازم تبدل في محطه
لكن
اذا رحت الى مانشستر فالتبديل نادر

سبب اخر
البعض ياخذ من غير المحطة الاساسيه للتنقل
فياخذ مثلا من ماربل ارش الى البحيرات
بالحاله هذي راح تشوف ان عندك اكثر من تبديل
الا ...
اذا انت كنت تقصد هذا التبديل وماتبي تروح بتكسي وحاوب تستخدم اندرقراوند من ثم تاخذ القطار
ملاحظه: التذكره بعد حجزها من الانترنت
تحتاج ساعتين عمل , من ثم تستطيع استلامها
يعني مو تحجز في الحال وتروح المحطه , احجز بعد ساعتين روح استلمها من الجهاز

افضل طريقة للتأكد اذا من المحطة الاساسية ام لا
واذا في تغير ام لا وكم اقل تبديل اقدر اخذه
كتالي :

عند الدخول الى الموقع
تختار مكان الانطلاق
مثلا كما في الصوره



تجد اول شي مكتوب
لندن جميع المحطات London All Stations
كما هو الخط الاحمر في الصوره




سؤال :
طيب كيف اتأكد اذا فيه تبديل ام لا ؟؟؟؟
لاحظ الصوره


ستجد كما هو محدد بالاحمر
رقم صفر
وهذا يعني لايوجد تبديل
اما علامة السهم الزرقاء والدائره الزرقاء
فهذا تبديل


استلام التذكره :
مجرد ان تحجز التذكره في الانترنت
راح يوصلك رقم في الايميل
وهو رقم الحجز
ماعليك سوى
ان تأخذ بطاقة البنك
وتضعها في مكينه حمراء موجود في المحطه
فيطلب منك رقم الحجز تضعه
ويعطيك اختيار وحيد وهو طباعه التذكره !
اضغط نعم
تطلعلك التذكره فقط
ونكون انتهينا
اما اذا ماعرفت الجهاز
أسال اي شخص من العاملين راح يدليك

شباك التذاكر :
وهذا الامر لايحتاج ابدا الى شرح
فقط انه سيوجه لك اسأله
ذهاب , ام ذهاب وعوده !
واذا كنت حاب الفيرست كلاس
ايضا لاتنسى بتبليغه هذه المعلومه
وهنا شباك التذاكر بجانب محطة سميث







يوجد في المحطه :
مطاعم عالمية
وكافيهات عالمية
ومكاتب
ومحلات ملابس
وحلويات
صيدلية
بنوك
وايضا اماكن لايداع الشنط بمبلغ معين
او مخزن دراجات هوائيه

ملاحظه: بعض الحمامات يجب عليك ادخال 30 بنس لاستخدامها
وتوفر المحطه الكبيره عدة خدمات

وهنا صورة توضيحيه عن مساحة المحطه




كيف اعرف اي بوابة ام رصيف ام بلات فورم ؟
ماذا لو لم اعرف كيف اتأكد ؟
في البداية الاسماء التي ذكرت
بوابه , رصيف , بلات فورم
جميعها اسماء واحده
لكن نحن الاشخاص نطلق عليها عدة اسماء
لكن في انجلترا
اسمها بلات فورم

في البدايه
المحطات الصغيره اما ذهاب ام عوده
سكت قطار واحد للذهاب
وسكه للعوده فقط
يعني بمجرد سؤالك لاي شخص تستطيع التأكد
لــــــــــــــــــــــــــــــــــكــــــــــــــ ـــــــــــــــــــن
هناك محطات كبيره كيف اتأكد ؟
الاجابه في الصور التالية :
من خلال هذه الشاشه ستعرف رقم الرصيف/البلات فورم /البوابه





شاشات عديدة كيف اعرف اي بوابة ؟
كيف ادور على بوابتني بهل الشاشات ؟

الجواب :
في بداية كل شاشه
الوقت الذي اخترته في رحلتك

مثلا :
اخترت الساعه 6:25 دقيقه
ابداء من اول الشاشه
والبداية عندهم من اليسار
شوف الوقت
ستجد اول شاشه تعطيك في بدايتها
5:44
عدة رحلات تحتها
انتقل الى الشاشه التي بعدها
وهكذا
لمن توصل
6:25
راح تجد بجمبها مكتوب

Platform --
اذا وجدت هل الخطين يعني البوابه لم
تحدد خلك مراقب الشاشه او تعالها قبل رحلتك بوقت كافي تأكد
اما اذا وجدت مثلا

Platform ورقم
معناتها بوابتك تحددت
يعني مثلا :
رحلتي في سفرتي بعد التأكد كانت البلات فورم بوابة 8
هذي هي البوابه






لاحظ كيف رقم البوابه واضح ؟
ماعليك سوى ادخال التذكره في البوابه وراح تخرج لك التذكره مره اخرى
وسلامتك

ملاحظه مهمه جدا جدا جدا :
لاترمي التذكره ابدا حتى لو كنت داخل القطار
لانه يوجد شخص راح يجيك عليك في القطار
ويطلب التذكره
اذا لم تكن موجوده ممكن يغرمونك مبلغ كبير جدا جدا
وممكن عليه ايضا مسألة قانونيه
او يدفعونك تذكره جديده , هذا اذا كان الموظف احس انك صادق وحب يتساهل معاك
خلها معاك الى ان تنزل من القطار
وهذا هو الشخص



وايضا :
راح تكون معاك اكثر من تذكره
لاترميها خلهم كلهم واذا نزلت وخرجت من المحطة ارمها


دخول البوابه:

توكل على الله اتجه الى قطارك

ماذا لو شفت على يميني وعلى يساري اكثر من قطار ؟
ماذا اذا كنت شاك انه مو قطاري ؟


مثال كهذه الصوره



الجواب
عند دخول اي بوابه في موظف
طلعله التذكره وراح يدليك القطار

القطار عدت كباين
البدايه فيرست كلاس :
ستجد مكتوب في القزاز الخارجي للقطار First class

من خدماتها توفير كيبل كهرباء لشاحن الاب توب



ويبدأ رجل البوفيه عند هل الدرجه




ماذا تقصد ان يبدأ منها رجل البوفيه ؟
المقصود اذا ماجبت اكل
وتبي اكل او شي تشربه من قهوه او عصير
ممكن ماتحصل طلبك بالتحديد
خاصه الساندويش
لانه الى قبلك سبقوك واخذوها
فالاولويه للدرجه الاولى
والكبيه محدوده
وهذا ماراح يشكل عائق تقدر تجيب معاك ما تريد

- خدمة البوفية تختلف حسب القطارات
قطار Virgin عندهم walk-in shop عبارة
عن محل سناك صغير موجود في احدى العربات.

شكل الدرجه الاولى ثلاث كراسي في الصف الواحد
اثنين على اليمين
وواحد على اليسار للمسافر المنفرد
وايضا توجد طاوله لاربع اشخاص
وكل كرسي مثل الطائره يحتوي على لمبه للقراءه
وتقدر تحرك الكرسي للنوم





بعض القطارات كما اخبروني
توفر وايرليس
وافضل من القطار هذا الي استخدمته


الكبائن بعد البدايه
الدرجه السياحيه العاديه :


بوجهة نظري لاتختلف عن الاولى
سوى بشي بسيط
لكن لايوجد كابل للشحن
ويكون القطار عن كرسين يمين وكرسين يسار




وهذا احد الكراسي ومساحته






أساله في الرحله :

هل يوجد حمامات ؟

نعم في كل كبينه
وتستطيع التنقل من كبينه الى اخرى
لكن تذكر لايوجد شفاط للوضوع

هل استطيع التحدث بصوت عالي ؟
او استخدم iPod او الهاتف ؟



بالنسبة لاستخدام الجوال او الاي بود اللي في الصورة ممنوع في منطقة Quiet Zone, وهذي عربة
مخصصة للناس اللى ماتحب الازعاج غالبا تكون في عربة H او A
حاول بقدر المستطاع ان لاتزعج الاخرين
تحدث مع صديق او العائله بصوت هادئ
استخدم الايبود بصوت لايزعج الاخرين



كيف اعرف اني وصلت ؟
لاحظ فوق عامل القطار لافته الكترونيه باللون الاخضر





هذه اللافته تبين لك المحطه الي انت فيها
لانه القطار سيقف اكثر من محطه
او تقدر تسمع الاعلان الي راح ينذاع بمكبر الصوت
يعني اما اللافته او مكبر الصوت


هل يوجد اماكن للشنط ؟

هذي اهم نقطه يجب الانتباه عليها
بعض الاخوان يحسب انه التنقل بالقطار مثل المطار
فياخذ شنط كثيره
ويوجد عامل يساعدك او ماشابه
لا , مافي احد يساعدك
انت الى راح تتنقل فيهم
وحط في بالك ماذا لو كان عندك تبديل في محطات ؟
والوقت قصير ؟
تقدر تاخذ ماتشاء
لكن انت الى راح تتبهذل





لاحظ فوق لوضع شنط صغيره


لكن انا عندي شنط كبيره ؟


في نهاية كل كبينه مساحة صغيره
كالصوره التاليه




واضح من الصوره خط جمب الشنطه
يعني لاتحط شنط تتجاوز هذا الخط
لانه هذا الخط هي المساحه الي يقدر ينتقل منها عامل البوفيه بين القطارات
يعني لاتكثر شنط
لانه ممكن المسافرين تكون معاهم شنط كثيره
وكما هو واضح المكان صغير
وايضا انت في قطار ويقف في عدة محطات
حط بالك على شنطك جيدا جيدا
لاتنغر ببريطانيا
فالسرقات امر بسيط عندهم




اكون هنا قد انتهيت من تقريري


واسال الله العظيم ان يكون مرجع متواضع للراغبين في التنقل
وان اصبت فهو من الله
وان اخطأت فهو مني ومن الشيطان
محبكم ابو سعد

مواضيع عشوائيه ممكن تكون تعجبك اخترناها لك:

• أبي أرقام المكاتب العقاريه بلندن ولا عليكم امر
• فيزا تسوق الراجحي والتوقيع
• وين ألاقي أفضل مكان لتحويل العملة للباوند
• استفسار عاجل ما هو سعر الكيلو الوزن الزائد في الخطوط السعودية الي بريطانيا
• مساعده في اختيار فندق
• نصيحتكم بفندق لاحتفالية ليلة راس السنه في لندن
• رايق مروّق بلندن
• أستفسار عن مدينه بلاك بول
• بخصوص موقع ألفا
• رجعنا والحمد لله
• السفر الى سكوتلندا
• منطقة البحيرات في بريطانيا
• ااااه ياااقلبي خسرررت الف ريال بسبب تسجيلي بالقطار وش الحل
• الاسبوع القادم السفر ان شاء الله محتاج لكم
• استفسار مهم اجي بريطانيا ولا دول الشنغن شورو عليا بليز؟؟
• سؤال عن فندق شيراتون بارك تور في النايتس بردج
• احتاج الى نصايحكم في لندن
• سياحة في لندن في اكتوبر ونوفمبر
• السفارة تتصل علي بخصوص طلب الفيزا
• تقرير صيف لندن من

الله يعطيك الف عافيه على التقرير المميز
تقرير شامل عن القطارات
وتشرفت بان يكون ردي هو الاول
بيض الله وجهك يابوسعد

ابو سعد ..

الله يجزاك الجنة ..

شرح وافي وكافي وغني بالمعلومات المهمة

ماقصرت يالحبيب ..

المشاركة الأصلية كتبت بواسطة Stranger Man
http://www.arabtravelersforum.com/tr...9/#post7250369

الله يعطيك الف عافيه على التقرير المميز
تقرير شامل عن القطارات
وتشرفت بان يكون ردي هو الاول
بيض الله وجهك يابوسعد



يامرحبا بأخوي بو محمد شرفني مرورك الغالي علي
وانا الي اتشرف بمرورك
وتلبيت الدعوى
تحياتي لك ومودتي






المشاركة الأصلية كتبت بواسطة oceanus
http://www.arabtravelersforum.com/tr...5/#post7250385

ابو سعد ..

الله يجزاك الجنة ..

شرح وافي وكافي وغني بالمعلومات المهمة

ماقصرت يالحبيب ..




اللهم امين اجمعين
مراقبنا الغالي اسعدني مرورك العطر
وتشرفت بكلماتك
واسال الله العظيم التوفيق لنا جميعا
تحياتي ومودتي

الف شكر مشرفنا الغالي على المعلومات القيمة

واذا تسمحلي اضيف:
- احب اأكد على مسألة التذاكر, لاترميها لين تتطلع من المحطة لان بعض المحطات يسالون عن التذكرة بعد ماتنزل من القطار.
- خدمة البوفية تختلف حسب القطارات مثلا Virgin عندهم walk-in shop عبارة عن محل سناك صغير موجود في احدى العربات.
- بالنسبة لاستخدام الجوال او الاي بود اللي في الصورة ممنوع في منطقة Quiet Zone, وهذي عربة مخصصة للناس اللى ماتحب الازعاج غالبا تكون في عربة H او A




اسف على الاطالة

المشاركة الأصلية كتبت بواسطة saleh_alharbi
http://www.arabtravelersforum.com/tr...9/#post7250569

الف شكر مشرفنا الغالي على المعلومات القيمة

واذا تسمحلي اضيف:
- احب اأكد على مسألة التذاكر, لاترميها لين تتطلع من المحطة لان بعض المحطات يسالون عن التذكرة بعد ماتنزل من القطار.
- خدمة البوفية تختلف حسب القطارات مثلا Virgin عندهم walk-in shop عبارة عن محل سناك صغير موجود في احدى العربات.
- بالنسبة لاستخدام الجوال او الاي بود اللي في الصورة ممنوع في منطقة Quiet Zone, وهذي عربة مخصصة للناس اللى ماتحب الازعاج غالبا تكون في عربة H او A




اسف على الاطالة



يامرحبا بأخوي صالح
اي اطاله الله يهديك
مشكور على المعلومات القيمه
وعلى مشاركتي في تجربتي
فعلا ابدعت
ومعلومات قيمه
جاري اضافتها في التقرير
تحياتي لك من القلب

وعليكم السلام ورحمه الله وبركاته
ما قصرت ابوسعد
اسال الله لك التوفيق
وشد حيلك نبي نحتفل بالشهاده

كفيت ووفيت
والابداع مو غريب عليك
تسلم يمناك ولاهنت

ما شـــاء الله ..


ما اجمل قطارات بريطانيا .. و الطبيعه اللي تمر بها القطارات ..

يعطيك العافيه على هذا الشرح الوافي ..
جعله الله في موازين حسناتكم ..



.
.
.

معلومات قيمة جدااااا وموضوع مفيد للجميع ، يعطيك العافية

لله درك ما قصرت وفيت وكفيت دائما مواضيعك في المفضله مباشره فهذا ليس بغريب عليك انت وامثالك من عمالقة بريطانيا

المشاركة الأصلية كتبت بواسطة ابو ريان ...
http://www.arabtravelersforum.com/tr...9/#post7252659

لله درك ما قصرت وفيت وكفيت دائما مواضيعك في المفضله مباشره فهذا ليس بغريب عليك انت وامثالك من عمالقة بريطانيا



الله يرفع من قدرك على هذا الكلام
حاولت ادور رد لكن انربط لساني
اشكرك من القلب
تحياتي ومودتي

مشرفنا االغالي بيبسي كولا هل استطيع عند وصولي مطار هيثرو انتقل الى فندق كمبيرلاند عن طريقه لأني لقيت في موقعهم London City Airport

ولا الأندرجراوند هو القطار الموجود بالمطار فقط ؟؟

يامرحبا بالغالي

لا والله مايوصل ابدا
فقط من مدن الى مدن اخرى
يا اما تستخدم قطار الهيثرو اكسبريس 27 باوند
او الاندرقراوند 5 باوند ثم تركب باص لمدة 5 دقائق ب باوندين
او تكسي خاص بقيمة 50 باوند مرسيدس
وانا افضل الخيار الثالث
وهذا تقرير عن وسائل النقل

http://www.arabtravelersforum.com/travel535180/
وهذا تقرير عن شركة الفا
http://www.arabtravelersforum.com/travel349761/

بالتوفيق ياحبيبنا

الله ينور عليك وعلى والديك قل آمين كعادتك اجابة كافيه ووافيه والله اقدرك .........

المشاركة الأصلية كتبت بواسطة ابو ريان ...
http://www.arabtravelersforum.com/tr...7/#post7252797

الله ينور عليك وعلى والديك قل آمين كعادتك اجابة كافيه ووافيه والله اقدرك .........



يامرحبا يابو ريان
شكرا لك ولروعة اسلوبك
ودماثة خلقك
تحياتي ومودتي العطره
لشخصك الكريم

ماقصرت مشرفنا العزيز
وجزاك الله كل خير
تحياتي لك

المشاركة الأصلية كتبت بواسطة بوحميـــــــــد
http://www.arabtravelersforum.com/tr...9/#post7252969

ماقصرت مشرفنا العزيز
وجزاك الله كل خير
تحياتي لك

مرحبا يابو حميد
وهذي ابرك الساعات يوم زرت تقريري
مشكور على المرور الطيب
وفقك الله
ويجزانا الاجر جميعا ان شاء الله

بيض الله وجهك بو سعد

وحرم جلدك عن النار

موضوع جدا رائع ومتعوب علية

يستحق التثبيت

بارك الله فيك بوسعد والله

كل ما ادخل لك موضوع ادعي لك بالخير يعلم الله وانت تستاهل


تحملني الحين انا بلندن وبشارع العرب ومثلاً لاني حجزت فيه ابي اسافر للريف الانجليزي القريب من لندن وارجع بنفس اليوم

راح اطبق طريقة شراء التذاكر من الشباك

لكن ابي اعرف ماهو القطار اللي راح استخدمة لهذا المكان وإمكانية العودة هل هي محدده بساعات معينه للعوده الي لندن من الريف

طبعاً الريف اللي اتكلم عليه ترى ما اعرفه لذلك اقصد اقرب وافضل ريف

لذلك ابي خطه سير منك الله يحفظك

زيارة الريف اللندني مهمه

مكان السكن هذا الفندق

http://www.booking.com/hotel/gb/the-...ml?aid=1329869

المشاركة الأصلية كتبت بواسطة موادع1
http://www.arabtravelersforum.com/tr...1/#post7252991

بيض الله وجهك بو سعد

وحرم جلدك عن النار

موضوع جدا رائع ومتعوب علية

يستحق التثبيت



الله يجزاك خير يا مشرفنا الغالي
والله فرحني كلامك
وشكرا لك من القلب على التثبيت
تحياتي من قلبي

المشاركة الأصلية كتبت بواسطة برمجي
http://www.arabtravelersforum.com/tr...1/#post7253361

بارك الله فيك بوسعد والله

كل ما ادخل لك موضوع ادعي لك بالخير يعلم الله وانت تستاهل


تحملني الحين انا بلندن وبشارع العرب ومثلاً لاني حجزت فيه ابي اسافر للريف الانجليزي القريب من لندن وارجع بنفس اليوم

راح اطبق طريقة شراء التذاكر من الشباك

لكن ابي اعرف ماهو القطار اللي راح استخدمة لهذا المكان وإمكانية العودة هل هي محدده بساعات معينه للعوده الي لندن من الريف

طبعاً الريف اللي اتكلم عليه ترى ما اعرفه لذلك اقصد اقرب وافضل ريف

لذلك ابي خطه سير منك الله يحفظك

زيارة الريف اللندني مهمه

مكان السكن هذا الفندق

http://www.booking.com/hotel/gb/the-...ml?aid=1329869



الله يجزاك خير على دعواتك
العمليه بسيطه
تدخل موقع الدوله الرسمي الى حطيته
وتضغط
London All Stations
وراح تطلعلك المحطه الاساسيه لك
الي لازم تنتقل لها
وطريقة الذهاب للمحطه
تقدر تستخدم اندرقراوند تروح لها
اما في مايتعلق بالتذكره
للتذاكر انواع
في anytime
وهذي سعره غالي
وفي advince تقريبا اسمه كذا
وهذي غير قابله للاسترجاع
بمعنى اليوم محدد والساعه محدده
اذا فوت القطار تدفع تذكره جديده
اتمنى الصوره واضحه

طيب بعد اذنك اخى (ابو سعد ) بيبسى كولا
اسمح لى اساله
لم افهم ما المقصود بالريف
هل تقصد مدينه بعينها ام تريد اماكن للتجول خارج لندن
بمعنى هناك مدن مثل اكسفورد ..ستراتفورد ...الخ
بها اماكن مثل القصور ( قلعه ) القديمه
اماكن للتمشيه (بارك )
مثل هايد بارك ..او ريتشموند بارك

المهم ايضا اختيار وقت السفر بمعنى فى الصيف يكون الجو احسن
لا حر ولا بارد وحتى الحر
مو مثل بلادنا ابدا
يعنى دا الحين لجو به لسعه برد خاصة فى الليل
و ان شاء الله بعدين راح يزيد البرد حق الخريف

المهم ايضا اختيار وقت السفر بمعنى فى الصيف يكون الجو احسن
لا حر ولا بارد وحتى الحر



كلام منطقي 100%
الوقت والجو مهم جدا
اعتقد يوم يقصد الريف
يقصد منطقة البحيرات
وننتظر الاجابه
لاتحرمينا من خبراتك
تحياتي

ممكن تستعين بهذه الصفحة
national trust
كلها بالانجليزيه
راح تعطيك فكرة عن الاماكن وعن الانشطه الترفهيه
ممكن تستعين بجوجل فى الترجمه

عذرا اخى" بيبسى"
لم ارى مشاركتك
الله يعزك انا فقط حبيت اساعد لا اكثر
و ارجو الا تعتبر ردى تطفلا
انا اعيش ببريطانيا

ما عندى خبره كتير
و لكن ربما معلومه صغيره كان لها اثر

تصبحون على خير
اراكم بالصباح ان شاء الله وقدر

المشاركة الأصلية كتبت بواسطة سما الغربه
http://www.arabtravelersforum.com/tr...1/#post7255671

ممكن تستعين بهذه الصفحة
national trust
كلها بالانجليزيه
راح تعطيك فكرة عن الاماكن وعن الانشطه الترفهيه
ممكن تستعين بجوجل فى الترجمه

عذرا اخى" بيبسى"
لم ارى مشاركتك
الله يعزك انا فقط حبيت اساعد لا اكثر
و ارجو الا تعتبر ردى تطفلا
انا اعيش ببريطانيا

ما عندى خبره كتير
و لكن ربما معلومه صغيره كان لها اثر

تصبحون على خير
اراكم بالصباح ان شاء الله وقدر



الله يجزاك خير
والله ما اعتبرته تطفل نهائي
بالعكس مستمتع بردود الاعضاء
واكتساب خبره منهم
ما انا الا تلميذ امامكم

واتمنى ان تفيدينا في خبراتك بمشاركاتك
اسال الله العظيم لك التوفيق اختي سما
تحياتي ومودتي

المشاركة الأصلية كتبت بواسطة F.A.H.D
http://www.arabtravelersforum.com/tr...3/#post7256063

ما شاء الله تبارك الله..
كفيت ووفيت ابو سعد..
جهد كبير جعله الله في ميزان حسناتك وجزاك عنه خير الجزاء.

تو مانور الموضوع يافهد
اشكرك الله يبارك فيك على مرورك الغالي
اخجلتني الله يبارك فيك
مشكور من قلبي
تحياتي ومودتي لشخصك الكريم

المشاركة الأصلية كتبت بواسطة بيبسي كولا
http://www.arabtravelersforum.com/tr...5/#post7255465

الله يجزاك خير على دعواتك
العمليه بسيطه
تدخل موقع الدوله الرسمي الى حطيته
وتضغط
London All Stations
وراح تطلعلك المحطه الاساسيه لك
الي لازم تنتقل لها
وطريقة الذهاب للمحطه
تقدر تستخدم اندرقراوند تروح لها
اما في مايتعلق بالتذكره
للتذاكر انواع
في anytime
وهذي سعره غالي
وفي advince تقريبا اسمه كذا
وهذي غير قابله للاسترجاع
بمعنى اليوم محدد والساعه محدده
اذا فوت القطار تدفع تذكره جديده
اتمنى الصوره واضحه



تسلم يا غالي على التوضيح وبيض الله وجهك

المشاركة الأصلية كتبت بواسطة سما الغربه
http://www.arabtravelersforum.com/tr...5/#post7255655

طيب بعد اذنك اخى (ابو سعد ) بيبسى كولا
اسمح لى اساله
لم افهم ما المقصود بالريف
هل تقصد مدينه بعينها ام تريد اماكن للتجول خارج لندن
بمعنى هناك مدن مثل اكسفورد ..ستراتفورد ...الخ
بها اماكن مثل القصور ( قلعه ) القديمه
اماكن للتمشيه (بارك )
مثل هايد بارك ..او ريتشموند بارك

المهم ايضا اختيار وقت السفر بمعنى فى الصيف يكون الجو احسن
لا حر ولا بارد وحتى الحر
مو مثل بلادنا ابدا
يعنى دا الحين لجو به لسعه برد خاصة فى الليل
و ان شاء الله بعدين راح يزيد البرد حق الخريف



وانا اخوك اقصد بالريف المراعي والمساحات الخضراء الواسعة والاودية

وابي اشوف هايدي والخراف الانجليزية ههههه يعني زي كذا بس مافي منطقة في بالي معينه لاني ما اعرف المناطق اللي زي كذا

وتكون قريبة من لندن وسلامتك

وبخصوص موعد الرحلة هو 1 اكتوبر

المشاركة الأصلية كتبت بواسطة برمجي
http://www.arabtravelersforum.com/tr...1/#post7256421

تسلم يا غالي على التوضيح وبيض الله وجهك



ووجهك ابيض
بالتوفيق ياريــــــــــــس

روووعه ماشاءالله ..

كفييت ووفيت والله .. تسلم أيديك ..

المشاركة الأصلية كتبت بواسطة محبوبتي لندن
http://www.arabtravelersforum.com/tr...7/#post7258947

روووعه ماشاءالله ..

كفييت ووفيت والله .. تسلم أيديك ..



مرحبا بالغالي احمد
مشكور على مرورك وكلماتك
وبأنتظار تقريرك الرائع

مشكوور
موضوعك واضح ومفيد

المشاركة الأصلية كتبت بواسطة سواح Q8
http://www.arabtravelersforum.com/tr...9/#post7264719

مشكوور
موضوعك واضح ومفيد



العفو يالغالي
هذا الي اتمناه
شكرا على الاشاده
تحياتي

من الاعماق شكرا لك توضيح و ابداع يا غالي

المشاركة الأصلية كتبت بواسطة عبدالعزيز
http://www.arabtravelersforum.com/tr...3/#post7269103

من الاعماق شكرا لك توضيح و ابداع يا غالي



اخي الكريم عبدالعزيز
مرورك على موضوعي
بحد ذاته فخر ووسام اتشرف به
شكرا لك
ولتعليقك الجميل
واسال الله العظيم
ان يوفقنا لما يحب ويرضى
تحياتي

ماقصرت مشرفنا أبو سعد ..
مجهود رائع وشرح وافي وكافي ومدعم بالصور ومعلومات قيمة
بارك الله فيك والله يجعله في ميزان حسناتك ..
تحيتي وتقديري لك

الله عليك ي مبدع
تقرير ولا اروع
شامل وكامل والكامل الله
تحياتي لك

أشكرك جزيل الشكر على هالتوضيح الرائع
أخوي أبو سعد
تحياتي وتقديري وأحترامي لك ..

المشاركة الأصلية كتبت بواسطة ارووومه
http://www.arabtravelersforum.com/tr...5/#post7272635

ماقصرت مشرفنا أبو سعد ..
مجهود رائع وشرح وافي وكافي ومدعم بالصور ومعلومات قيمة
بارك الله فيك والله يجعله في ميزان حسناتك ..
تحيتي وتقديري لك



شكرا لك مميزتنا على المرور
وعلى التعليق الرائع
وجزاك الله خير على هذا الدعم
بعض من ماعندكم

تحياتي لك

المشاركة الأصلية كتبت بواسطة MooDyZz
http://www.arabtravelersforum.com/tr...7/#post7273677

الله عليك ي مبدع
تقرير ولا اروع
شامل وكامل والكامل الله
تحياتي لك



مرحبا بخبيرنا
تعليقك اسعدني فعلا
شكرا لك
ولمرورك
تحياتي واشواقي

المشاركة الأصلية كتبت بواسطة أبن السعودية
http://www.arabtravelersforum.com/tr...5/#post7273745

أشكرك جزيل الشكر على هالتوضيح الرائع
أخوي أبو سعد
تحياتي وتقديري وأحترامي لك ..



مشرفنا العزيز
واخي الغالي
شكرا لك ولمرورك
اسعدني تعليقك جدا
لاتحرمنا من طلاتك
تحياتي

بعد قلبي والله على ذا التقرير والله ماشاءالله
والله يسعدك دنيا وآخره

المشاركة الأصلية كتبت بواسطة عبدالرحمن العلياني
http://www.arabtravelersforum.com/tr...1/#post7281341

بعد قلبي والله على ذا التقرير والله ماشاءالله
والله يسعدك دنيا وآخره




اللهم امين وياك والمسلمين كافه ان شاء الله
جزاك الله خير
تكفيني هل الدعوه
سعيد بمرورك وبكلماتك
تحياتي لك

موضوع مهم .. جزاك الله كل الخير

المشاركة الأصلية كتبت بواسطة nice.boy
http://www.arabtravelersforum.com/tr...9/#post7286249

شكرا لك

تقرير كافي ووافي


الله يعطيك الصحة والعافية



الله يجزاك خير على المرور
ودعوتك الكريمه

تقرير رائع ومعلومات قيمه يعطيك العافيه مشرفنا
وجعل ما تقدمه في ميزان حسناتك

الله يعطيك العافية
شامل وكامل

المشاركة الأصلية كتبت بواسطة A N C O L
http://www.arabtravelersforum.com/tr...3/#post7295173

تقرير رائع ومعلومات قيمه يعطيك العافيه مشرفنا
وجعل ما تقدمه في ميزان حسناتك



يا مرحبا بمشرفنا الفاضل
سعيد جدا بتواجدك
وكلماتك
شاكر لك من القلب على هذا المرور
افرحني جدا
تحياتي لك

المشاركة الأصلية كتبت بواسطة الانسياب المتزن
http://www.arabtravelersforum.com/tr...7/#post7301887

الله يعطيك العافية
شامل وكامل



شهاده من شخصك
بمثابة وسام على صدري افتخر به
شكرا على من القلب

تحياتي

يعطيك العافية

المشاركة الأصلية كتبت بواسطة دنيا القهر
http://www.arabtravelersforum.com/tr...9/#post7320749

يعطيك العافية



الله يعافيك
شكرا على المرور والتعليق
تحياتي

المشاركة الأصلية كتبت بواسطة الشقاويه
http://www.arabtravelersforum.com/tr...7/#post7327057

السلام عليكم ورحمة الله

يعطيك العافية على الشرح الواااافي

بس عندي استفسار بسيط

اختار فاست تيكت بعد ما احجز التذكره ؟؟؟ وإذا قررت أحجزها من الحين لشهر نوفمبر عادي ؟؟؟ ولا تروح علي !!

يعطيك العافيه



فاست تيكت ؟
تقصدين فاست تريب ؟
اسرع رحله ؟
اذا كان هذا مقصدك
اي لاباس تاخذينها
وعموما القطارات تعرض جدول لثلاث اشهر فقط
اذا مقصدك ثاني
اتمنى التوضيح

حياكم الله

السؤال المطروح شنو اسم المحطه الى راح تسافرون منها ؟
Victoria Coach Station
او
Waterloo Station

ومكتوب رقم السيرفس هل هو رقم 35 ?

اخشى يا اختي الشقاويه انك حاجزه تذكرة باص مو تذكرة قطار

الله يكتب لصاحب هالموضوع الأجرويوفقه ان شاء الله
أنا أبي أسأل نفس سؤال واحد من الأخوان
بس ما ركزت او ما فهمت الاجابه


أنا بأشتري التذكره من الان لشهر يناير فيه تخفيض عليها
وضمن الخيارات موجود سالفة تطبع التذكره بنفسك
طيب اذا طبعتها خلاص ؟
اروح وقت الرحلة واقدمها لهم وانتهينا ؟
والا يحتاج لها شي اسويه بمحطة القطار ؟


والعذر والسموحة منكم عذّبناكم بهالأسئله
والله يكتب لكم الاجر

المشاركة الأصلية كتبت بواسطة ربما أنا
http://www.arabtravelersforum.com/tr...5/#post7341105

الله يكتب لصاحب هالموضوع الأجرويوفقه ان شاء الله
أنا أبي أسأل نفس سؤال واحد من الأخوان
بس ما ركزت او ما فهمت الاجابه


أنا بأشتري التذكره من الان لشهر يناير فيه تخفيض عليها
وضمن الخيارات موجود سالفة تطبع التذكره بنفسك
طيب اذا طبعتها خلاص ؟
اروح وقت الرحلة واقدمها لهم وانتهينا ؟
والا يحتاج لها شي اسويه بمحطة القطار ؟


والعذر والسموحة منكم عذّبناكم بهالأسئله
والله يكتب لكم الاجر




شكرا على مقدمتك يالغالي
اختيار التذكره بنفسك خيار موفق
بشرط ان تكون بطاقة البنك معاك في السفر
لانك تروح قبل موعد الرحله بساعه
وفيه جهاز في المحطه لطباعة التذاكر ..
تضع بطاقتك , ورقم الحجز الي راح يرسلونه لك بالايميل ,
وتطلعلك التذكره ,,
وبالنسبه للوقت .. تقدر تحجز يالغالي لو حق السنه الجايه ,, مادام الجدول للقطارات معروض في الموقع

لا قطار لا تقول باص!! شلون اعرف !!!

على قطار فيرجن وحتى في الصور وكلشي !!

المشاركة الأصلية كتبت بواسطة الشقاويه
http://www.arabtravelersforum.com/tr...5/#post7345855

لا قطار لا تقول باص!! شلون اعرف !!!

على قطار فيرجن وحتى في الصور وكلشي !!



اذا قطار فيرجن اوكي
ممتاز
تروحون مع بطاقة البنك تدخلونها في الجهاز المموجود في المحطه تطلعلكم التذكره ان شاء الله الصغيره
الي تدخلون فيها القطار ان شاء الله

الله يبارك فيك