الموضوع: مسافر لماليزيا لأول مره وبغيت الفزعه

السلام عليكم ورحمة الله وبركاته
اخوكم مسافر لماليزيا لأول مره وبغيت فزعتكم
خصوصا اني اضطلعت على مواضيع المنتدى وعجبتني ردود الاخ وافي وبقية الأخوان
قلت اكيييييد ماراح تردوني خايب ..

هذي تفاصيل رحلتنا
طبعا راح نكون انا والمدام وولدي الصغير 3 سنوات
تم حجز القطريه للطيران بتاريخ 2-9-2012 وموعد الرحله راح يكون الساعه 6 طالعين من البحرين ترانزيت في الدوحه ساعه. وراح تكون بعدها الرحله لكوالالمبور 7ساعات ع الاقل
تاريخ العوده راح يكون 149-2012 بالساعه 9 مساءا
تم حجز الفنادق عن طريق بوكينج دوت كوم على النحو التالي :
من تاريخ 3-9 الى تاريخ 6-9 , ثلاث ليالي في كوالالمبور فندق برنس
من تاريخ 6-9 الى تاريخ 8-9 , ليلتين في بينانغ فندق رويال بارك
من تاريخ 8-9 الى تاريخ 11-9 , ثلاث ليالي في لنكاوي فندق ويستن
ومن تاريخ 11 لتاريخ 14 في لنكاوي والفندق لم يتم تحديده بعد(سيتم تحديد يوم لزيارة جنتنغ)

بغيت اعرف هل الخطه اوكي والفنادق ؟
وبالنسبه للتنقلات الداخليه للحين ماحجزتها هل احجزها ع النت افضل والا انطر لي هناك؟
وهل اختار طيران للتنقلات كلها اريح لنا والا عادي اخذ تنقلات بريه؟وشنو هي الشركات اللي اتعامل معاها ؟ وكم راح تكلفني تقريبا
وشنو الخطه اللي تنصحوني فيها خلال الرحله لأنها اول مره وحدي ضايع . احنا من محبين الطبيعه والتسوق والرفاهيه يعني مو من صوبنا متاحف وتراث وهالحركات
وسؤال اخير لاهنتو ...
يعني احنا حجزنا الفندق في كوالالمبور مثلا يوم 3-9 لاننا راح نوصل في هذا اليوم
لكننا راح نوصل الصبح والفنادق يبدأ الحجز من الساعه 3 الظهر والا 12
انزين اللي يوصل قبل وين يولي على عمره .؟؟؟!!

ناطرين فزعتكم يا اخواني وربي يجعله في ميزان حسناتكم

مواضيع عشوائيه ممكن تكون تعجبك اخترناها لك:

• استفسار بخصوص السيارة وشريحة الاتصال
• ممكن احد يساعدني في تحديد سير رحلتي وتوزيع الايام
• مساعدة مره بسيطة الله يسعدكم
• ممكن مساعدة عن السفر الي ماليزيا ابي الف ماليزيا كلها
• استفسار مهم
• شهر عسل في نهاية مارس
• تكفون ساعدوني بعد يومين رحلتي
• زوجي فاجاني واحس اني تورطت
• معلومه بالنسبه لطيران اسيا مهمه
• رأيكم لرحلة شهر عسل
• طيران آير آسيا إستفسار عاااااااجل
• عااجل رشحوا لي كوخ في بينانغ
• استفسار عن عرض برنامج ؟؟؟
• السلام عليكم وكل عام وانتم بخير جدول معاريس جدد ولد العم
• فنادق سيلانجور كونكورد شاه علم أو هوليداي فيلا سوبانغ
• إستفسار بخصوص فندق في كوالا
• طلب برنامج سياحي لمدة يوم؟
• احتاج تزويدي بالأماكن السياحية في جنتنج
• ليش فنادق لانكاوي سيئة
• الرجاء المساعدة لعمل برنامج لي

نعم يوجد ملاحظات
بس أنت الآن قفلت الباب وحجزت الفنادق وانتهيت!

من 11إلى 14 أظنك تقصد كوالا وليس لنكاوي

أرشح لك فندق رويال شولان في كوالا

بالنسبة للوصول لازم ترسل لهم إيميل وتخبرهم أنك تبغى تشك إن مبكر
وتعطيهم توقيت الرحلة وإن شاء الله يتعاونون معك ويدخلونك بدري خاصة أنت مسافر في وقت مافيه زجمة

اخي الفاضل الدنيا سهالات في ماليزيا
كنا نوصل الفجر ويعطونا الغرف على طول
اذا عندك حجز ماااا عندك مشكلة

ماشاءالله اخي المبدع المغاادورون ابو أنس ماقصر
يوجد تقرير كامل عن فندق رويال شولان بالتوقيع ان شاءالله تستفيد منه

اي استفسار احنا حاضرين
تحياتي
اختك نور قطر

صحيح اخوي .. عذرا عالغلطه,, من 11 الى 14 العوده الى كوالالمبووور
شكرا اخواني وفي انتظار رد البقيه

اخوووي وافي الفزعه

إذا تاريخ وصولك كوالالمبور هو يوم 3 سبتمبر
فتواريخك بالنسبة لحجز الفنادق صحيحة
بالنسبة للتنقلات التي بالطيران لازم تحجز من الآن عن طريق موقع طيران إيرأسيا
http://www.AIRASIA.COM

وخطة التنقلات كالتالي
من سلانقو إلى بينانج : باص إيرولاين من نفس مجمع البيرميد
من بينانج إلى لنكاوي " طيران إيرأسيا ومدة الرحلة 35 دقيقة
من لنكاوي إلى كوالا : طيران إيرأسيا ومدة الرحلة ساعة واحدة

تكلفة التنقلات
الباص إلى بينانج : 60 رنقت لشخص الواحد
طيران من بينانج إلى لنكاوي : 140 رنقت للشخص
طيران من لنكاوي إلى كوالا : 180 رنقت للشخص

وأقترح عليك تطلع على هذا الموضوع
http://www.arabtravelersforum.com/travel453550/

وعلى هذا الموضوع

http://www.arabtravelersforum.com/travel640216/

المشاركة الأصلية كتبت بواسطة بحريني-
http://www.arabtravelersforum.com/tr...9/#post7128523


اخوووي وافي الفزعه

هلابك ياغلاهم ...

والله الأخوان ماقصروا ... كفو ووفوا ... ماشاء الله عليهم ..

أسأل الله أن يوفقك ويسعدك في رحلتكم القادمة

http://img171.imageshack.us/i/65455237.png/