الموضوع: عن سوق واقف

السلام عليكم
سؤال عن سوق واقف شنو فيه غير مطاعم وكافيهات
واين اجد الملابس الشعبية مثل الثوب الدشداشة العقال وغيرها والحلويات القطرية
وهل يصلح سوق واقف للذهاب فترة العصر
شاكر لكم
وراح اكثر اسئلة قربت السفرة

مواضيع عشوائيه ممكن تكون تعجبك اخترناها لك:

• استفسار عن موقع فندق للاخوة القطريين
• السفر لقطر للبحث عن عمل ؟
• اخوى الراااايق ساعدنى
• سؤال محلات بيع الحلوى القطرية ؟
• معقول هذه اسعار الفنادق في قطر؟؟
• فيلا غراند حياة تأجير سيارة أفضل موقع للحجز
• الترانزيت في الدوحة؟؟
• إحداثيات الاماكن في قطر؟؟؟
• اريد فندق 5 نجوم في قطر
• استفسار على السريع ل اهل قطر
• استفسار عن منتجع سيلين و الغارية
• سلسلة اسأله عن دوحه العز
• ملاحظاتي على دولة قطر
• فندق الاريتز كارلتون قطر
• المدينة الترفيهية قطر أفضل مشروع عقاري
• بالنسبه لسكن العزوبيه هع
• صور سوق واقف في قطر من الماضي الجميل
• ســـــــــــــــاعدوني يا اهل قطر
• الدخول لقطر
• ذاهب لقطر لمدة يومين هل هي كافية؟؟ شقق متوسطة

اخوي فهد كل اللي ذكرته بتحصلة بسووق وااقف . وتقدر تروح فترة العصر لسوق واقف بعد الساعه اربع العصر

انا رحت له العصر بس حاول تجيب معك مونه من الماء كثير لانك بتستهلك كثير مويه
خاصه اذا معك اطفال
واغلب المحلات حلويات العاب ملابس شعبيه
العصر افضل لان اخف زحمه

مشكورين يا اخوان

وبعد سؤال افضل مكان للعبايات والشيلات النسائية بتشكيلاة متنوعة وباسعار مناسبة بتكون وين ؟

وبالنسبة لجزيرة اللؤلؤةهل هي بس كافيهات ومطاعم وتاجير يخوت لو فيها محلات يمكن للزاير التمشي والتسوق منها

مطاعم تقدم اكلات شعبية قطرية من خلال متابعتي قريت انها بشارع السد هل صحيح ؟ كم تبعد المنطقة عن الشيراتون ورشحوا لي مطعم معين طبعا الزيارة مع الاهل.

الشيخ بهل اجواء انصحك من الساعه خمس تكون فسوق واقف يكون حلو الجو ... سوق واقف فيه واجد اشاء فيه بهارات واجد حلوه ونظيفه وجديده وفي عطار و بياعين غتر وفي الي يدق لك العقال يسوي عقالك قدامك و بياع خلق ثياب رجاجيل وخلق الجلابيات الحرير وفي محل اقطان يبيع خلق قطن وفي ثياب حريم القديمه مثل البخنق والبطاطيل و النشل وفي محل بحريني فظيع حق الجلابيات الدق الزري ..... ام حق العبي عندك سوق فالح احسن شي حق العبي عبي حلو وتعدلها على كيفك واسعارهم اغلى شي 600 وماعليك كاسرهم الي بـ 600 مع المكاسر يسير 450 والي 500 يسير 300 .... وحق القطع الحلوه الحرير الزينه في سوق الديره ... انشاء الله فدتك

ويوم الجمعه والخميس تكون زحمه مو طبيعيه

مشكورين ياجماعة الخير
ونبعي لو سمحتوا رد عن المطاعم واللؤلؤة

المشاركة الأصلية كتبت بواسطة فهد الأحمد
http://www.arabtravelersforum.com/tr...6/#post5753806

مشكورين ياجماعة الخير
ونبعي لو سمحتوا رد عن المطاعم واللؤلؤة




يامرحبا فيك يالغالي متنور الدوحه بالسوق واقف وبكل مكان في قطر


يالغالي مطاعم اللؤلؤه لايوجد مطاعم كثيره في الؤلؤه لانه اكثر شي في الكافيهات


وبخصوص سوق واقف واذا تبي تستفسر عن اي شي او غرض
تم افتتاح منتدى خاص له سوق واقف

http://www.sooqwaqif.net/vb/

وزياره ممتعه

قطر منوره باهلها الطيبين
ما قصرت ياخوي وتسلم

انصحك تزور رويال تندور مطعم هندي بشارع السد او فرعه بسووق واقف عندك بعد شبستان مطعم ايراني بالسد وعندك المجلس العربي ومطعم فينيسيا بشارع السد اكلهم لبناني وعندك مطعم ليالي طريق سلوى لبناني وحلوو عندك مطااعم الجي الثقافي زعفران الهندي وخان فاروق المصري وفي مطعم بحري حلووو واجد بالحي الثقافي نسيت اسمه. عندك المطاعم الاجنبية مثل فرايديز وابل بييز وووو بتلاقيهم بالمجمعااات ولهم فرووع بشارع النصر والكثير الكثيير

شبستان بشارع السد لو منطقة السد ولو منطقة السد كم تبعد عن الشيراتون اللي راح يكون مكان سكني

السلام عليكم ورحمة الله وبركاته
فندق الشيراتون يبعد عن شارع السد مسافه 10 دقايق فقط

شكرا
غدا صباحا ان شاء الله السفر
يقولون لنا الطريق من الاحساء لقطر سيئ وكله سايد واحد الله يعينا
دعواتكم لنا بالسلامة

اخوي فهد توصل بالسلامه الخط من الحسا الى الدوحة جييد وخط سرييع مب سيد وااحد مثل ما قلت . توصولون بالسلامة

الله يسلمك اخوي واستفدناركثير من معلوماتكم وان شاء الله نزودكم ببعض الصور

الا اخبار الجو شلون توني جاي من دبي ماكان في رطوبة وصلت للكويت وشفت رطوبة سبحان الله

الرطوبة شاادة حيلها عندنااااااا

بالنسبة للأكل الشعبي موجود في سوق واقف من العصر ساحة امام السوق مخصصة للحريم يبيعون اكلات شعبية شغل بيت ونظيف أنصحك فيه اكثر من المطاعم بس اسعارهم شوي غالية .