الموضوع: احتاج غرفة ستوديو في لندن

السلام عليكم ورحمة الله وبركاته

احتاج ستوديو او غرفة للسكن لمدة 3 شهور تقريبا
وتكون آمنة و نظيفة ومافيها فيران !!


المكان : كوفنت قاردن وياريت قريب من معهد IHLONDON
العدد : شخص واحد
السعر : معقول

مواضيع عشوائيه ممكن تكون تعجبك اخترناها لك:

• اسعار التذاكر بالقطار لبيستر فيلج اوت لت
• أين تذهب في لندن للمره الثانيه
• احتاج خبرتكم لو سمحتوا
• أحتاج إلى معلومات عن مدينة البريطانية
• المساعدة في أختيار الشقق لشهر أغسطس
• استفسار بخصوص الدراسة شهر ببريطانيا
• مشكلة في ورقة التعريف
• كيفيه الوصول الى لندن اي وساعه بق بن
• استفسار عن اماكن الترفيه
• شركات سياحية لمنطقة البحيرات بانجلترا
• إستفسار صغير عن و ضروري يا أهل الخير ضروووري
• شراء شريحة بريطانية أو تشغيل تجوال موبايلي
• مطاعم لندن ماهو الافضل ؟
• رحلة بالباخرة من بريطانيا الى فرنسا
• خبراء مدينة جلاسكو وباريس
• خطأ بالتذكره
• كيف احجز تذكرة دخول لمدام توسو عن طريق النت
• مالنا إلا الله ثم أنتم عدة إستفسارات
• ابي مساعده في سفره لمدة ايام
• استفسار بسيط بخصوص الابليكيشن

وعليكم السلام

هلا وغلا الغالي

الاستديو في ذيك المنطقه ماعندي خلفيه عنها

كم حدود المبلغ الغالي في الاسبوع

اهلا القطري ..
بصراحة ماعندي فكرة حدود كم يكون الافريج بس اتصور ان السعر المعقول ممكن يتراوح بين 170 الى 200 باوند !!

مو زلام بالكوفنت قاردن بالضبط الاهم انها مكان قريب وفيه محطة مباشرة للكوفنت قاردن

هذا عنوان المعهد
16 Stukeley Street, Covent Garden, London, WC2B 5LQ.

لندنية مشكووورة حبيبتي الله يسهل لك

مسا الفل

مطلوب منا شي ولا !!

ترا صاير تحدي بينا وبين المشرفين من الي ينفع اسرع ^_^

حياكم الله

الكرفت قاردن من الاكسفورد مش بعيد تقريبا 10 دقائق

شوف هذه الشقة الفندقية

http://www.booking.com/hotel/gb/pres...X1&aid=1329869

القطري .. لسه ليلنا طويل ههههههههه

موادع .. ياااي اعجبتني مررررة بس مالقيت حجز
مافيه اي طريقة احصل على حجز بهذا المكان مرة حبيته هيلبببب

المشاركة الأصلية كتبت بواسطة Lullaby
http://www.arabtravelersforum.com/tr...6/#post7586370

السلام عليكم ورحمة الله وبركاته

احتاج ستوديو او غرفة للسكن لمدة 3 شهور تقريبا
وتكون آمنة و نظيفة ومافيها فيران !!



المكان : كوفنت قاردن وياريت قريب من معهد IHLONDON
العدد : شخص واحد
السعر : معقول

اخي الفاضل اذا ثلاث شهور متأكد انصحك تاخذ شقه عن تجربتي سنه كامله انا قعدة فيها شقق الويس ان كي بجانب فندق هلتون متربول الحين الوقت تغير لازم نظام عقد لمدة ثلاث شهور ويعطونك كرت لفتح الباب في صورتك الشخصيه تطلع على الامن السكرتي وامان ٢٤ ساعه وفيها تكيف مركزي يعني محد يدخل الشقق من غير الصوره

وتحصل مكاتب يأجرون هذي الشقق بدون عقد بس الامن اذا شاف انك مخالف القوانين ماعندك كرت على طول يتصل بالشرطه ويتم اخراجك من العماره بدون انذار

اهلا ابو عبدالله ..
سبق واستأجرنا شقة من مكتب ونفس الحكاية غير قانوني وضعها بصراحة ماعجبني الوضع اطلاقا رغم انها رخيصة
ولكن ماودك الواحد يخاطر وهو بعيد !

أخي مدام جذي اخذ اول يومين فندق وشوف المكاتب بس دربالك قول السعر ثابت اترا انا عرفهم من ١٩٨٦ الي هذا الوقت

اتفق معاهم قول هذا شرطي السعر ثابت ترا اذا زادو الناس يرفع عليك الايجار عادي

ماقصر بوعبدالله

معليش يابو عبدالله ..
انا بروح لحالي وماابغى اخاطر بشي زي السكن ودي اكون مرتاحة نفسيا
لذلك افضل استأجر شقة بدون الاستعانة بالسمامسرة والشغل الغير قانوني

ياليت تزودوني بخيارات مناسبة من خبرتكم

المشاركة الأصلية كتبت بواسطة القطري
http://www.arabtravelersforum.com/tr...0/#post7588590

مسا الفل

مطلوب منا شي ولا !!

ترا صاير تحدي بينا وبين المشرفين من الي ينفع اسرع ^_^



هههههههههههههههه

شقق الريجنت بلازا تقع في الاجواررود شقق رايقه ونظيفه واسعارها جدا معقوله
http://www.central-london-apartments.com/area-west.htm

وهذا الرابط
http://www.apartmenthotels.com

وهاذي شقق بعد مرتبه وحلوه وانشاء الله تعجبك
http://www.central-london-apartment...-apartments.htm

هذا موقع الريجنت بلازا:
http://www.executiverental.com/prop.asp?Ref=EX-16

سلامي عليس مشرفتنا ..

ماقصرتي ..

عن نفسي اتعامل مع شخص معين وعنده شقق استديو قريب من سوبرماركت الوادي الاخضر ..اتحبين اشوفهم لس او اعطيس الرقم واتكلمينهم ..

فيه موضوع عن شقق مريم بالصور في المنتدى ..شوفيه يمكن يعجبكم ..

واي خدمه احنا في الخدمه

لندنية مشكورة حبيبتي بس ماعرفت للمواقع
القطري مشكوور بس مريم قريت عنها كثير انها نكبة !

قد مااني ودي احجز قبل اروح عشان ارتاح نفسيا
لكن متخوفة من الاختيار ومستصعبة حكاية اني ادور بين مكاتب السماسرة :| !!

هل من منقذ لحالة اللخبطة اللي اعيشها
شقة او صندوق او اي شي جميل نظيف محترم آمن قريب للاكسفورد والاهم للمترو
اعجبتني شقة ام حطها موادع لكن مافيها حجز للاسف Presidential Marylebone / Mayfair
خيارات اخرى ؟

الشقق الي حطها مشرفنا موادع اجارها اليوم فوق 100 باوند ..

مريم عندها ضغط في الشقق ولكن الاستديو متوفر بكثرة ..عندها 3 عماير كلها استديو ..

والشور لكم ..

واي خدمه احنا في الخدمه

ممكن ترسل لي رقم مريم او ايميلها ؟
والله يعطيك العافية

اووووكي

وقولي لها ابي في العماره الجديده الي قريبه من الوادي الاخضر ..

مريم ؟؟؟؟؟؟؟؟؟؟؟؟؟
لا أنصحك بها حسب ما وصلني من شكوى سابقه
واستخيري ربك

هلا وغلا الغالي

ماراح ادافع عن مريم عشان بس ماايروح ظن الناس بعيد ولكن رضا الناس غايه لاتدرك ..

وهذا موضوع مصور عن نظام الاستديو عندها ..

http://www.arabtravelersforum.com/travel576798/


ولاخاب من استخار ..

بالتوفيق للجميع ..

القطري شكرررا لك

فيصل شكرا عالنصيحة وان شالله بستخير لان السكن شي مهم ومافيني حيل مرمطة لو وصلت وماحصلتها مثل اللي ابغى :|

ياهلا بالسمي ترا كلام فيصل صحح ميه ميه انا يوم كنت مشرف كثيرن الاعضاء يقولون مريم ماترد عبر الرسائل الخاصه واذا ردت بس اول مكالمه وبعدين طاف عشان جذي وكلمتها بالخصوص هذا قالت عندي زحمه

انصحكم تاخذون فندق اول يومين وبعدين تشفون الشقق

مشكور ابو عبد الله ..

طيب اخر طلب لو سمحتوا :$

اعطوني ناس غير مريم او مكاتب اقدر اروح لهم واشوف الخيارات اللي عندهم
اخذ لي اول اسبوع فندق وبعدين ابحث واشوف بعيني المكان افضل ..
بس ياليت ناس ثقة :|

اخي نسيت اقول الناس اللي اعرفهم عندهم بشارع العرب اجور رود اذا تبي عطني خبر

11 april
تقريبا راح تكون 8 اسابيع وممكن تزيد شوي

السلام عليكم

بشروا !

بالنسبة لي أنا الأفضل تنظمين أمورك قبل السفر،لأنه ما ينفع الواحد يتمرمط في الغربة خاصة لندن،و أكيد الأخت لندنية ممكن تأكد كلامي،نصيحتي إبتعدي عن كل ما هو غير قانوني لأن القوانين البريطانية صارمة جدا،و المكان لازم يكون آمن،فيه شركة بريطانية أسعارها معقولة و شققها نظيفة
و أهم شئ فيها أنهم يبقون على ذمتك كامل فترة إقامتك من غير رسوم إضافية،إذا سمحوا لي المشرفين ممكن أعطيك إسمها و الهاتف

السفرة من لندن الى مانشستر متعبة،نصيحتي إنكم تاخذوا لكم يوم و من بكرا ترجعوا

السفرة من لندن الى مانشستر متعبة،نصيحتي إنكم تاخذوا لكم يوم و من بكرا ترجعوا (عفوا الإجابة مخصصة للأخت cancerian81 )

المشاركة الأصلية كتبت بواسطة القطري
http://www.arabtravelersforum.com/tr...0/#post7591690

سلامي عليس مشرفتنا ..

ماقصرتي ..

عن نفسي اتعامل مع شخص معين وعنده شقق استديو قريب من سوبرماركت الوادي الاخضر ..اتحبين اشوفهم لس او اعطيس الرقم واتكلمينهم ..

فيه موضوع عن شقق مريم بالصور في المنتدى ..شوفيه يمكن يعجبكم ..

واي خدمه احنا في الخدمه



هلا فيك ياعمدتنا هههههه
شقق بشارع العرب لا اايد السكن في هالمنطقه