الموضوع: عاجل عاجل عاجل اهل البوابه الكرام

السلام عليكم ورحمة الله وبركاته

اخواني لدي انتظار في مطار الدوحة حوالي 10 ساعات
وين ممكن اروح مولات او اسواق قريبه من المطار
وكيف المواصلات وهل يوجد بالمطار شركة افيس لتاجير السيارات
افيدوني
معا العلم انني بالهند الان وساصل بعد يومين إلى الدوحة
لاتبخلوا علينا

مواضيع عشوائيه ممكن تكون تعجبك اخترناها لك:

• ملاعب قطر مفتوحة؟؟؟
• هل اسعار التسوق في قطر ارخص من السعودية
• استفسار يا اهل الدوحة
• السفر بدون ولي أمر
• كيوتل تطلق مهرجان المرح العائلي المجاني اليوم
• السينما في الدوحة ؟؟
• ممكن المساعده ياهل قطر
• سؤال للقطريات عن ساعه الرولكس واسئله اخرى
• ايش افخم فندق في قطر؟
• ابحث عن شقة بسعر معقول
• اسئلة عن شراء السيارات من قطر
• رحله الى الدوحة
• مصر
• خاص للزعماء سكن الهلال في الدوحة وأشياء أخرى
• القطرية تكشف النقاب عن مخططاتها التوسعية لصيف العام
• افضل وارقى المطاعم
• أستفسار عن بوفيه الفطور بفندق هوليداي فيلا الدوحة
• امانه يا اهل قطر جاوبوني على اسالتي
• سوق واقف أيام العيد
• ما هو رايكم بالدوحة سنتر؟؟

هلا اخوي كل شركات التاجير متوفرة بالمطاار . المطار مش بعيد عن مركز الدوحة تقدر تروح المول حوالي كيلو واحد. وتقدر تروح السيتي سنتر تقريبا 7 كيلو مسافه الكورنيش فقط. وسووق واقف بعيد مب بعيد قرييب وحتى لو بترووح فيلاجيوو بمنطقه الوعب مب بعيد عنك عشره الى خمسة عشر كيلو طبعا اللي يحكم هو الزحمة اذا صادفت وفي زحمة ممكن تتأخر شوي .

طيب اخوي وش الافضل انت فصل وحنى راح نمشي
عليه يعني لاحظ حنى 6 اشخاص وراح نوصل الظهر
على وين نتحرك

وين باق الاخوان
بكره الصبح السفر

ايجار السيارات ما اعرف اخوي اهل البلد اذا يعرفون بفيدونك
بس الي اعرفه تقدر تكسب وقتك و تزور مكانين قراب من بعض سوق واقف و المتحف الاسلامي
و سيتي سنتر كبير و صاير على نهاية خط الكورنيش بس احس فيلاجيو ما يتطوف
Doha International Airport’s Rental Car Center allows travelers to pick up and drop off rental cars at one convenient, central location. Passengers with international driving licenses are allowed to drive for 7 days.
Rent A Car
Counter NumberName of Company 1Hertz
Note: For car agents
اخذته من موقع مطار قطر عسى يفيدك

السلام عليكم ورحمة الله وبركاتة


أخي الفاضل الفترة فقط 10 ساعات وانت قبل الطيارة بساعتين لازم تكون بالمطار اذا لا تحتاج لسيارة عندك اول ماتطلع من بوابة المطار لموزينات تجلس معك الفترة اللي تريدها واعتقد اذا انا مب ناسيه 70 ريال فالساعه وعندك ايضا تكاسي بروة موجودين بكل مكان اكثر من اهل البلد من تطلع من اي مكان اتصل عليهم قبل ماتطلع بنص ساعه ياليت توفرون لي بالمكان الفلاني تكسي بعد نص ساعه ويكون عندك ويعمل لك تلفون وهذا رقمهم 44588888 ومع فتحت الخط 0097444588888


والاماكن عندك فيلاجيو راح تنبسط فيه مجمع جديد وكل شي فيه مطاعم سينما الماركات العالميه محلات تجاريه كارفور وايضا عندك سوق واقف وعندك كتار الحي الثقافي بس هو وسوق واقف بعد صلاة المغرب تروح لهم لان الجو جدآ حار ورطب هالفترة بشكل لا يطاق اللهم اجرنا من حر النار وساير المسلمين وجعلنا من عتقاء النار في شهرك الفضيل


ونتمني لك تمشيه جميله في دوحة الخير

10 عشر ساعات توصل بسلامة تاخذ سيارة ايجار وتلف في الدوحة ولانسب لك في اعتقادي ستي سنتر وممكن المساء سوق واقف لو وصلت فيلاجيو ممكن تدخل في الزحمة ولافضل هو ما ذكرته في اعتقادي

لو خذت تاكسي كاروه من المطار سهل ولكن الرجوع الى المطار صعب خاصة من الاسواق او الاماكن العامه عدا ستي سنتر هناك التكاسي متوفره ولكن لو تاجر سيارة وتسوق بنفسك افضل لان مكاتب التاجير متوفرة في المطار