المشاركة الأصلية كتبت بواسطة بقايا انسانة
http://www.arabtravelersforum.com/tr...5/#post3090740
السلام عليكم ورحمة اللهة وبركاته.....
أنا وزوجي ناوين ان شاءالله نسافر لمصر طبعا ميزانيتنا 8 الاف فقط
وبنوته عمرها سنتين وبنروح عن طريق البحر يقولون 3ساعات 400ريال ذهاب وأياب
ولا ندري عن شي ياليت تقدمو لي النصح واذا ماتكفي الميزانيه احولها داخليه انا من السعوديه
الاجواء كيف انا مابحب الحر ماهي المناطق البارده او المعتدله؟؟؟؟
الاسعار المناسبه للشقق ؟؟؟؟؟؟
واسعار التاكسي كم تقريبا بالسعودي؟؟؟
والجنيه كم يساوي بالريال؟؟؟؟؟؟؟؟؟
ونحول الفلوس للجنيه من السعوديه او من مصر؟؟؟؟؟؟؟
الاماكن السياحيه انا اموت بالملاهي ؟؟؟؟؟؟
بليييييز خببروني عن كل شي..............
الميزانية تكفي شريطة عدم "البعزأة" :wink:
ما تحبين الحر؟ وما هي المناطق الباردة؟
لا يوجد مناطق باردة
:8888:
ما تحبين الحر الله لا يهينك اقعدي في شقتكم من الساعة 9 صباحا الى الساعة 5 عصرا
عدا هذا الجو حار مقبول وبالليل قد يكون لطيف احيانا
اسعار الشقق تختلف بحسب موقع الشقة ومستواها
لكن انصحك بالسكن في مصر الجديدة شقق نظيفة غالبا وسعرها لا يصل الى 350 جنيه في الغالب الا وقت طمع او تكون الشقة فعلا فخمة
الاماكن السياحية .. تجولي هنا بالمنتدى واقري انتي بنفسك وشوفي تقارير الاعضاء ورتبي جدولك لأن الاعضاء يحطون التقرير والصور والتكلفة
الملاهي فيه اكثر من مكان وكلها موجودة هنا لو بحثتي عن السندباد عن دريم بتلاقين
نصيحتي: اول ما تجون انزلوا بفندق ثلاث نجوم ودوروا شقتكم على راحتكم خذوا يومين بالفندق مثل فندق النبيلة او هوليدي اكسبريس او العربي او فيه فنادق هنا ثلاث نجوم ذاكرينها الاخوة مثل اطلس الزمالك او فيروجيت او او او .. ، وخلي زوجك الله لا يهينه يدور لكم شقة من السمامسرة او مكاتب العقار والتأجير او البوابين فكل بواب متكي قدام باب البناية وعامل فيها الجنرال يعد الداخل والطالع ويبحث عن الكمسيون من صاحب الشقة ويركض ركض للآجارات ويؤجر الزبون ، لكن تراها الاسعار قابلة للتفاوض قولي لزوجك من الآن لو قالوا له بـ 500 ممكن تاخذونها بـ 250 جنيه باليوم ، وخليه يذكر اثناء الاتفاق على السعر على من اجار البواب (10 جنيه باليوم) واجار الشغالة (20 جنيه باليوم) ؟ وانتبهي لما يقرب يتفق معهم خليه يقول يا جماعة لا تقولوا لي الكهرباء عليك ومن هالحركات ؟؟ االكهرباء عليكم انتم !!!! لأنهم غالبا بس تتفق على الاجار قال لك عليك البواب والشغالة يعني طلع 30 جنيه يوميا فوق الاجار !!!!
وبالنسبة للأكل والشرب
لا تاكلون بفنادق خمس نجوم او مطاعم خمس نجوم
عندكم بيزا هت وملحقاتها ومثيلاتها واسعارها معروفة بالعالم كله متقاربة جدا
واذا رحتوا الحسين ...
والا اقول لك؟
اقري كلامي ، وروحي شوفي تقارير الاعضاء ورتبي جدول سياحي لكم
خذي وقتك يوم يومين اسبوع وانتي تقرين وتبحثين بالمنتدى
وبعدين تعالي لي وانا اقول لك ارشادات كثير
مثل الحسين؟؟ لازم تعرفون اسعار الطلبات اللي تبون تطلبونها قبل
والا راح ينصبون عليكم
سهراتكم بالحسين او شارع جامعة الدول العربية المقاهي تقدم وجبات عشاء جيدة وليست غالية فهي تنفع جدا للسهران ياكل بدون ما يروح ياكل في مكان آخر ثم يرجع
مطعم سمك قدورة بشارع جامعة الدول كويس جدا واسعاره بحسب السمك فيه سمك اصلا غالي وفيه سمك رخيص
يا الله روحي رتبي جدولك وتعالي
المفضلات