المشاركة الأصلية كتبت بواسطة شامي مبندق
http://www.arabtravelersforum.com/tr...5/#post2150845
أختي نجود ... تجي وترجعي بالسلامة ...
هي برنامج متواضع وشامل ... آمل أنك تاخذي فيه ويعجبك :24:
حنقول أنك توصلين الشام .... ترتاحين وتستيقظي صباحا والتوجه لروتانا كافيه أو موكا آند مو لفطور غربي ( قهوة وكروسان ) أو مطعم ست الشام ( قرب الميريديان ) للفتات والفول ...
تروحين سوق الحميدية وتشوفين الجامع الأموي .... ترتاحين بقهوة النوفرة وتشربين شاي أو قهوة ...
بعدين الغدا بمطعم الكمال بشارع 29 أيار ...
العودة للفندق للراحة ... النزول بعد الظهر لمنطقة الحمرا والصالحية ... والعشاء بمطعم جيمني ... لو حابة أكل فاست فود ... كنتاكي قريب منه ( منطقة أبو رمانة )
*** طبعا أختي المطاعم هي كلها مشهورة ومين ما سألتي بيدلك ... المهم يكون أبن الشام ، لأن في زوار كتير من برات الشام ومابيعرفوا الشام منيح ... فيا بيدلوكي غلط يا بيقلولك ما بنعرف :108: ***
المهم هي خلصنا اليوم الأول .... العودة للفندق للراحة وللإنطلاق مبكرا للسفر .... يفضل السفر يكون على الساعة 6.30 ... يعني بيكون الجو رطب والسيارات أخف عجقة ...
بتسألي عن طريق حلب .... وبتطلعي على الأوتستراد ... وبتتجهي مع الإشارات الطرقية الموضحة على الطريق ... واذا حسيتو أنكم تهتوا ... ممكن تسألو أي شخص أو استراحة على الطريق ... ( أنا أبن البلد واللي بسافر كتير مرات بنسى الطريق فبسأل ) ... المهم الفطور هيكون باستراحة هادي غاردنز ... وهي الإستراحة بتكون برات حمص .... طبعا الأوتستراد بيمر من برات المحافظات ... يعني ما بتفوتوا جوات حمص !!!
بنخلص الفطور وبننطلق للادقية ....
بتنزلوا بفندق .... ( اذا بدكون في فندق لاليتش مرتب ... وفندق هارون ... هدول بقلب البلد ) لو بدكون عالبحر ( فيه المريديان وفيه الشاطئ الأزرق ) ... المهم بترتاحوا شوي بالفندق ... وبعدين بتنطلقوا على كسب ... طبعا كمان فيه لافتات ... وممكن تسألوا على الأكيد .... قبل ما توصلوا لكسب ... فيه طريق بياخود العقل بيوصل على البحيرات السبع أو سد 8 آذار على ما أذكر ... ممكن تنزلوا وتعملوا جولة بالقارب ... ونكملوا لكسب ... وتشالما ... وتوصلوا لقريب الحدود التركية .. في مطعم على أيدك اليسار بيطل على البحر وبياخود العقل ... وأكلو طيب ... بتتغدوا فيه .....
طبعا الوقت حيمر بسرعة من المناظر والطريق ... وهيك بيكون صار الوقت لترجعوا بنفس الطريق لللادقية قبل ما تعتم الدنية ... وبتنزلوا لقلب البلد وبتتمشوا بشارع 8 آذار وساحة الشيخ ضاهر والتفرعات منها بتوصل لأسواق شعبية حلوة .....
العشا بيكون عند منتجع فيو عالبحر ... مجموعة مطاعم بتختاروا اللي بيعجبكون ...
أو اذا بدكوت أكل خفيف ممكن مطعم داون تاون ... بعد الجمعية المعلوماتية وقريب من كوكتيل الصوفي ... (( برجع وبقول المحلات مشهورة وبسؤال واحد لشخص أو تنين بتصلوا للمكان بعونه تعالى ))
المهم بعد العشا ... العودة للفندق والنوم ...
الإستيقاظ صباحا للسباحة ... والتوجه مرة ثانية لكسب وتحديدا غابات الفرنلق ... والفطور هناك بالفطائر اللذيذة على الصاج ...
ومن ثم متابعة المسير نحو ضيعة سلمى ... وهي ضيعة كلها أسلام وجميلة جدا .... ثم العودة للاذقية للغداء ... ممكن مطعم سمكمك بفرعه الثاني على البحر ....
العودة للفندق للراحة ومن ثم النزول لمنطقة الأميركان ... سوق جميل ولكنه صغير نوعا ما ... يفضل السير ضمنه مشيا .. ومن ثم النوجه للكورنيش للسير على البحر ... العودة لشارع الأميركان للعشاء ضمن مقهى اكسبريسو كافيه أو ايتاليان كورنر ... أو ممكن تختاروا أي مطعم من هنيك ....
العودة للفندق والإستعداد للذهاب لحلب .....
(( بنوقف هون لشوف اذا عجبك الموضوع أو لأ ... وبكمل بحلقة قادمة عن حلب .... :109::109: ))
يعطيك العافيه روعه ومبدع كمل في انتظارك
:smile127:
المفضلات