الموضوع: ما هي اماكن التسوق في هاودز و ويست فيلد و الاكسفورد

المشاركة الأصلية كتبت بواسطة مسترمحمد96
http://www.arabtravelersforum.com/tr...6/#post7619566

السلام عليكم ..
والله الواحد يخجل من المعامله اللي يلاقيها بهالمنتدى الراقي ويستحي من كثر الأسئله اللي سطرحها ومع ذلك يررد عليه بكل رحابة صدر .. وخاصة تحياتي لأخوي ((القطري)) اللي يخجل الواحد من تعاامله ولا يدري كيف يشكره ولا يهونون باقي الأعضاء ولكن ماوجدت من هذا الانسان عن كل سؤا اطرحه الا يرد بكل رحاابه لدرجة الواحد يستحي يسأل ثاانيه .. .. ومع ذلك نطمع بكرمكم جميعا ..

اعذروني ع الأسئله الزايده لأن رحلتي الأسبوع القادم واول مره نروح للندن فلذلك اعذرونا وحنا نطمع بكرمكم ومعلوماتكم ..

اخواني حبيت اسأل عن الأسواق لأن الاهل موصيني عليها فحبيت اسالكم انا حطيت من ضمن البرنامج
1 هارودز
2 ويست فيلد
3 ان شاالله حتكون زياره لبرج شاارد
4 الاكسفورد
هل فيها غيرها الواحد يطمع يروح له لاني دورت واتوقع هذا الموجود .. ترافلجار الظاهر هل هذا سوق وكيف الوصول له ؟؟
5- بيستر فيلج : هل ممكن احد يعطيني طريقة الوصول له .. ؟ لاهنتو
بصراحه انا والاهل راح نقضيها 5 ايام ونص تقريبا .. من صباح الخميس 21-3 الوصول باذن الله الساعه 6 الصباح هذا حلاتها ماراح يوم علينا والعوده 26-3 الساعه 10 يعني نص يووم ..
حنا ثلاثة اشخاص مودنا مو متاحف .. يعني تقريبا في بالي زيارة المدام تسوو ,, لندن زوو .. البق بن .. لندن اي .. صدق او لاتصدق .. هذي المتاحف وطبعا الهيدبارك والرجنت بارك والباكنغهام ..
فـــــــــ ياريت فزعتكم واحد يقترح علي كيف انظم الأيام بصراحه دخت من كثر تقرير لتقرير كيف انظم الأماكن اللي قلتها مع التسوق من دون مايضيع يووم فاضي وكيف ارتبها من الأقرب واكون من الشاكرين وباذن الله ما ننساكم من الدعاء ..
س- هل لندن دنجتون تستحق الزياره ؟؟
بيت الرعب مالمقصود فيه ؟؟
هل لما اروح لمنطقة البق بن ولندن اي ح كوون حوالين النهر ويسهل علي ركووب القوارب ..؟
لما ابغى اروح للجرينتش كيف الوصول لها وهل هي خارج لندن او داخلها يا ليت الافاده والتفصيل من اي محطه ..الخ

وشكرا جزيلا والله لا يحرمكم الأجر ..
ادري كثرة عليكم الأسئله وازعجتكم والعذر والسموحه بس الله لا يحرمنا منكم

شوف اخوي حنا مثلك جدد ع لندن لكن تبغى الصدق
فيه كثيييير اماكن توقعتها قراب من بعض و رتبتها بيوم ع بالي بيمدي عليها لكن لمن اطلعت ع قوقل ايرث كانت بجد صدمه
بعضها بيروح عليك اليوم مشي افتح قوقل ايرث وشوف الاماكن الي رح تمر عليها
ورتب امورك وشوف اقرب باصات ممكن تخدمك ع اساس مايضيع يومك
لان 5 ايام قليله خصوصا الاماكن السياحيه ب لندن تفتح 10 الصباااح وتنتهي 5 العصر
وبحسب ماشفت بجدولنا اقل ممشى ممكن تمشيه نص ساعه !! عز الله طار اليوم

وعليكم السلام ورحمة الله وبركاته

هلا وغلا الغالي

لاهنت على كلامك الطيب وهذا من طيبك وطيب اصلك ..

وان شاءالله ان المولى ايتقبل هالعمل وكلها لوجهه سبحانه ..

^^^

تبون الصدق ..

الاماكن كلها في لندن الفها مشي ^_^

المشي متعه مابعدها متعه ..

ماقصروا الشباب

و أنا مثلك ياعمدة الفها كلها مشي
و لو تعبنا نريح بأي كوفي

مافيه احلى من المشي بلندن

انا مع اخونا القطري : )

اخووي القطري انا حجزت بنفدق هيلتون ميتربول هل استطيع الذهاب مشي لساعة بق بن ولندن ان

للوصول الى قرية بستر فيلج من محطة القطارmarylebone الى محطة bicester nort ثم بالباص 5 دقائق الى bicester village سعر تذكرة القطار ذهاب وعودة 15-27 باوند والباص 1باوند والوقت ساعة بالضبط والاطفال تحت 5 سنوات مجانا وهذه الطريقة اسهل وارخص واسرع وفيه باص من الاكسفورد او الاجول روود لبستر فلج دايركت او بامكانك تستأجر سيارة بسواقها من احد المكاتب السياحية الى بستر فلج ب 80 باوند تقريبا

مشكووورين الف شكر وما قصرتو الله يعافيكم بس عندي استفسار بخصوص o2 هذا سووق ولا وش بالضبط ؟؟ ومشكوورين وما قصرتوا اله لا يحرمكم الأجر ..

The O2 Arena

قبة لندن من الأماكن إللي كان إفتتاحها مع الألفية الجديدة وكانت الحكومة البريطانية متعشًمه إن المكان هذا حيكون له دور أساسي في السياحة تحت مسمى لندن دوم "london dome"

والمؤسف .. إنها قفلت بعد سنة من إفتتاحها ! وبعد صد و رد تم إفتتاحها رسميا في عام 2007 مرة ثانية بشراكة من

O2 mobile company

BMW cars

AEG event

وخلوا إسمها

O2 ARENA

وهذي العالم ما تلعب وخلت المكان يستحق الزيارة وممكن أكثر من مرة

http://www.theo2.co.uk

[ulist][*]ثاني أكبر صالة مغلقة في بريطانيا بعد الصالة المغلقة بمانشستر.[*]أكثر مكان في أوروبا إزدحاماً وعليه فعاليات على مدار السنة..[*]قبل ما يموت مايكل جاكسون .. كان حيسوي حفلات فيها؟[*]مهرجانات الديزني (على الثلج) و سندريلا[*]أغلب مهرجنات السيرك العالمي[*]الستاند أب كوميدي[*]المصارعة الحرة[*]حفلات المغنيين المشهورين[*]سينما[*]مطاعم[*]صالة تزلج[*]نايت كلبزز[*]لاونج[/ulist]

طريق الذهاب لها من لندن اي فيه باص سياحي نهري شركة ثيمز كليبرز

http://www.thamesclippers.com

افضل وسيلة للوصول لجرينتش اواسرع من المترو لو رحت فيه لان طريقها طويل شوي

واي خدمة حاضرين

مشكوورين وما قصرتوا .. شكلي بخليها اول يووم الذهاب لجرينتش عن طريق الرحله هذي وزيارته o2

وبجنبها خط غرينتش وكذلك تلفريك الامارات

المشاركة الأصلية كتبت بواسطة القطري
http://www.arabtravelersforum.com/tr...4/#post7621604

تحب الكعبه ان شاء الله