الموضوع: اقتراحات للزياره الثانيه لقطر

انا واهلي لنا جيه ان شاء الله لقطر

من 25 رمضان الى خامس العيد

وقد زرت قطر السنه اللي راحت في ثاني يوم من عيد الاضحى والصراحه الفعاليات مرره حلوه

ودي اعرف هل راح يكون فيه فعاليات العيد !!!

وايش فتح شيء جديد سوق او منتزه او كذا شي

ووين احصل اماكن المسرحيات والحفلات وكيف اعرف جداولها

مواضيع عشوائيه ممكن تكون تعجبك اخترناها لك:

• الزيارة الأولى لقطر الحبيبة
• «القطرية» تحصل على لقب أفضل شركة طيران بالشرق الأوسط
• في مركز الجزيرة للتدريب سأمكث العشرةهذا ما حصل
• دوار القلعة مطاعـم البنــدر باي باي
• كيف الوصول إلى فندق رتاج ان ؟؟؟؟؟؟
• سؤال عن المهرجانات
• دولة قطر من الفضاء
• ابي فزعتكم
• محتاج مساعدتكم اول مره اسافر قطر
• عندي ترانزيت في قطر ساعات
• نازل على قطر لمدة ليالي
• عملة قطر
• شقق مفروشة في قطر
• متجه الى قطر الاسبوع الجاي وابي الفزعه من أهل قطر
• سؤال حول أقرب الفنادق لجامعة قطر
• هل يوجد مشروع او برج جديد في قطر؟؟للافادة
• رحلة عمل لقطر بس ابي استفسر منكم
• مدينة صيف الدوحة الترفيهية تفتح أبوابها للجمهور
• افيدوني
• أخواني في قطر الحبيبة

هلا أختي تنورين قطر إن شاء الله

بالنسبة للفعاليات المفروض تكون موجوده في المجمعات التجاريه وسوق واقف ويمكن كتارا لكن ماعندي فكره عنها

خصوصاً انهم الحين يسوون فعاليات رمضان وللحين ماتفرغوا حق العيد

وبالنسبة للأماكن اليديده يقولون افتحوا مجمع عندنا اسمه وذنان مول بس أنا مادخلته

وبالنسبة للمسرحيات اللي أعرفه ان هناك بتكون مسرحية ان شاء الله اسمها ( الشعب يريد ) اظاهر سياسيه

بطولة عبدالعزيز جاسم

وهالمسرحية بتكون إن شاء الله في مسرح قطر الوطني إذا ماخاب ظني

والمسرح حلو وراقي ونظيف وأنصحج تحضرينها

والتذاكر تشترينها من شباك التذاكر في المسرح

والمسرح قريب من الكورنيش ترى

اهلييييين

تونا وصلنا للدوحه ولحقنا على بيتزا هت وتسحرنا

عاد ابغى رايكم بكرا وين اروح !!!!


كتارا قريت في موقعهم اخر يوم للفعاليات بكرا ان شاء الله

لو رحنا له هل ينفع للفطور !!!

وجلسات الشاطئ عامه !!

اي اخر يوم للفعاليات الرمضانيه هو بكره , وبخصوص المطاعم والله ماجربتهم في هذا الشهر لكن اكيد فاتحين والافضل هو المطعم المصري + الهندي من وجهت نظري ..

ونعم جلسات الشاطئ عامه جدام الناس , مافي شي خاص ..

أنصحك تروحي لسوق واقف .. وسوق فلاجيو .. ومنتجع سيلين لكنه مو في الدوحه حيث يبعد عنها حوالي 100 كم .... وأنا إن شاء الله راح أكون في قطر 5/10 أنا والعائلة وإن شاء الله ابي ازور منتجع سيلين

سؤال اليوم p;

سوق واقف يفتح وقت الفطور !!!!!

عذراً على التأخير.... لكن للفائدة

سوق ماقف هالأيام مفتوح من الصباح إلى منتصف الليل كونه الآن في موسم

وجميع المطاعم مفتوحة وقت الفطور

بالتوفيق

هلا والله اختي
انا راح ارتبلج كل الاماكن السياحيه وان شاء الله تكفى وكل اماكن راح اقولك في اي منطه


الخطه الاولى

1- جزيرة الؤلؤه ( جزيرة اصطناعيه )
2- لاجونا مول ( مجمع ويوجد فيه اطول برجين متعرجين في العالم جديد الافتتاح )
3 - كتارا ( حي ثقافي جدا فخم )
4 - سيتي سنتر ( اضخم مول في قطر واكبر مول في الشرق الاوسط من سنة 1999- 2004)
ـــــــــــــــــــــــــــ

الخطه الثانيه
1- الكورنيش
2- المتحف الفن الاسلامي
3 - سوق واقف
ـــــــــــــــــــــــــــــ

الخطه الثالثه1- اكوابارك ( مدينة مائيه )
2 - فيلاجيو مول ( احلى مجمع في قطر)
3 - حياة بلازا مول
4 - حديقة الحيوان + دريم بارك ( حديقة حيوان وداخله مدينة ملاهي حلوه للكبار وللصغار )
5 - وذنان مول ( مول صغير وعائلي فقط )
6 - سباير زون

ــــــــــــــــــــــــــ

طبعا فوق رتبتلك الاماكن كلها وراح اعيد كتابتهم اهني ملخص عنهم
المولات ( من اكبر الى اصغر )
1- سيتي سنتر
2- فيلاجيو مول
3 - لاندمارك
4 - لاجونا مول
5 - حياة بلازا
6 - وذنان مول
7 - ذا مول
8- رويال بلازا
9-سنتر بوينت
ـــــــــــــــــــــــــــــ
الاماكن الترفيهيه ( تستحق الزياره )
1- سينمات في مجمع ( ستي سنتر + فيلاجيو + لاندمارك + رويال بلازا + ذا مول )
2- اكوابارك
3 - دريم بارك
4 - جوندلينيا (رهيبه وهي اكبر مدينة العاب مغلقه في قطر واغلبها للكبار )
5 - جنغل زون ( روووووعه للطفال مابين 5 - 13 )
ــــــــــــــــــــــــــــ
اماكن مفتوحه تستحق المشي1- كتارا
2 - جزيرة الؤلؤه
3 - الكورنيش
4 - سباير زون


ورحله سعيده

قطر حلوه حلوه حلووووه


مررره مبسوطين فيها

الحين انا في كتارا

رحنا فيلاجيو والمول وحياه ولاند مارك وستي سنتر اكثر من مررره ,, بس المواقف يطفروووووون بالواحد


وواقف رحنا له وان شاء الله بكرا بنروح له مره ثانيه

والؤلؤه ومرينا على لاجونا بس لسا مافتح


وصرت من اشد متابعين جريده الرايه

وبعد بكرا اكوا بارك وبعده رحعتنا ان شاء الله


وشكرررا غلى كل اللي ردوو لي وان شاء الله انزل كم صووره من تصويري :$

شفتكم بكتاارا تا كلون شباتي وتشربون كرررك

يالله عاد ناطرين الصور لاتطولون لوول هههه

الحمدالله انكم مستانسين ونبي تقرير صغير حلو من يدج تحطين فيه كم صوره وتقولين الاجابيات والسلبيات عن قطر واي ملاحظه عن السياحه والتطور الخ ..

وشكرا