الموضوع: ضروري جدا بروح لقطر اول مرة اشتري سيارة هالايام وعندي استفسارات

السلام عليكم ورحمة الله وبركاته

اخواني الكرام بروح يوم 25 و26 لقطر اشتري سيارة جديدة من نوع هايلكس وعندي بعض الاستفسارات .

1 - بالنسبة للسكن .. بسكن انا وصديقي .. ونبي سكن نظيف وبسعر معقول بشرط النظافة والراحة وبسعر معقول يعني 300 وفيها فهل تعرفون سكن وفي اي منطقة ووين وصفها وهل عندكم ارقام له .


2 - هل هناك قراء مشهورين في قطر عشان نصلي التروايح معهم .


3 - هل التعامل بالعملة السعودية في قطر زي البحرين يعني مايحتاج اصرف وادفع كل شي بالسعودي .

4 - انا بجي من الرياض .. وعندي شغيل بسيط في الدمام .. فهل يصلح اروح للدمام ثم اروح مع خط الظهران قطر يقولي واحد فيه خط فتحوه هناك .. مع العلم ان سيارتي جيب .. وايهم اسرع اروح من الرياض الى الاحساء قطر ... او الرياض الدمام قطر .


5 - بالنسبة للسيارة .. انا ما اعرف انظمة البيع والشراء هناك .. ولا اعرف شي للجمارك .. فهل تنصحوني اروح معي بفلوس سعودية كاش او اخليها في حسابي او وش اسوي بالضبط لاني في هالموضوع ما اعرف شي مررررررررره .

وانتظركم حزاكم الله خير ضروري .

مواضيع عشوائيه ممكن تكون تعجبك اخترناها لك:

• السفر الى قطر بالبطاقة
• السكن في فندق الجمرك سوق واقف
• لاول مره مسافر لقطر
• افضل الفنادق وسط الدوحة وجبة الافطار ؟
• هل الاجواء منسبه لزياره قطر ايام العيد
• تجربة قطرية رائدة
• الى الجمهور الهلالي
• الرجاء المساعدة يا اهل قطر
• أستفسار بسيط
• كيف الجو ؟؟
• ارجو المساعده و بالاخصبومحمد و اموت بالسفر
• ترانزيت 10 ساعات في الدوحه
• مهم للقادمين من السعوديه لقطر في عيد الاضحى
• ما رأيكم بفندق W Doha Hotel & Residences
• خريطه
• ماافضل الشقق الفندقيه في الدوحه ؟؟
• متى سيفتح فيلاجيو مول ؟
• وش أفضل الكفيهات ألي فيها نقل لمبارة الهلال السد ؟؟
• منح ريجنسي للسفر والسياحة القطرية جائزة أفضل شركة سياحة بالعالم
• مساعدة لرحلة عائلية إلى دولة قطر الشقيقة

يا هلا ورحبا بك أنت وخويك في بلادك

1- بالنسبة للسكن .. بسكن انا وصديقي .. ونبي سكن نظيف وبسعر معقول بشرط النظافة والراحة وبسعر معقول يعني 300 وفيها فهل تعرفون سكن وفي اي منطقة ووين وصفها وهل عندكم ارقام له .

الفنادق الرخصية بتلاقيها داخل الدوحة في وسط الزحمة... ودامك جاي تدور على مواتر.. أنصحك تسكن في طريق سلوى قريب من معارض السيارات، وهذا السكن الوحيد الموجود في ذيك المنطقة:
السراج للشقق- طريق سلوى
رقم تلفونهم (44582811-974+)
استديو (غرفة نوم ومطبخ تحضير بسيط وحمام الله يعزكم )
انترنت مجاني في اللوبي فقط


2- هل هناك قراء مشهورين في قطر عشان نصلي التروايح معهم
إذا بتسكن في طريق سلوى... عندك بيكون قريب من هالفندق مسجد السوق المركزي يصلي فيه الشيخ عبدالرشيد صوفي... من أعذب القراءات... وتراه يطول فحط في بالك
في مسجد ثاني اسمه جامع سعد بن ماجد آل سعد في منطقة المعمورة تبعد غن سكن السراج مسافة 10 دقايق بالسيارة... والجامع كبير ونظيف ومبخر ومعظم المصلين فيه من أهل قطر

3- هل التعامل بالعملة السعودية في قطر زي البحرين يعني مايحتاج اصرف وادفع كل شي بالسعودي .

أنصحك تحول العملة إلى الريال القطري إذا فعلاً بتشتري سيارة، لأن العملة السعودية غير متداولة في المحلات العامة مثل البحرين، وعشان ما تخسر... جيب المبلغ بالريال السعودي وحوله في قطر في حالة إذا قررت تشتري وهذا أفضل لك.


4 - انا بجي من الرياض .. وعندي شغيل بسيط في الدمام .. فهل يصلح اروح للدمام ثم اروح مع خط الظهران قطر يقولي واحد فيه خط فتحوه هناك .. مع العلم ان سيارتي جيب .. وايهم اسرع اروح من الرياض الى الاحساء قطر ... او الرياض الدمام قطر .

الطريق بين قطر والرايض والدمام صاير مثل المثلث، عادي تروح قطر أول أو الدمام .. في طريق مختصر اسمه طريق العقير، إذا رايح من قطر إلى الحسا بتواجه قبل 25 كيلو من وصولك الحسا مخرج إلى الدمام..

نصيحة... قبل لا تدخل حدود السعودة إلى قطر... عبي سيارتك بنزين من السعودية أرخص لك. أسعار البترول عندكم 45 هللة-60 هللة للتر... في قطر 85 درهم-1ريال..

5- بالنسبة للسيارة .. انا ما اعرف انظمة البيع والشراء هناك .. ولا اعرف شي للجمارك .. فهل تنصحوني اروح معي بفلوس سعودية كاش او اخليها في حسابي او وش اسوي بالضبط لاني في هالموضوع ما اعرف شي مررررررررره

خل عندك الفلوس بالعملة السعودية.. إذا قررت تشتري سيارة بعد ذلك حول إلى العملة القطرية... للعلم السيارات التي تسمح باستيرادها إلى المملكة لازم ما تتعدى 5 سنوات... يعني لاتاخذ سيارة أقدم من 2006..

والله يوفقك

جزاك الله خير بوفهد وكتب الله اجرك .. اتصلت بالفندق اللي حطيت رقمه وتم الحجز ..واعتذر عن التاخر في الرد لحصول بعض الظروف ..
اشكرك مرة اخرى واسئل الله ان يوفقك في هذه الليالي المباركة

1-فيه فنادق قريبه من سوق الذهب ورخصيه انا استاحرت اول العام لوحدي بـ 150 ريال ونظيفه وحلوه



2-ما عندي علم للآسف




3-لا والله اكثرهم ما يتعاملون الا بالقطري اذاك بالرياض مر البطحاء قبل تطلع يعطونك بآقل فرق





4-اكيد الرياض ، خريص ، الهفوف ، قطر






5-يالغالي انا شريت من هناك جيب جي كس ار 2007 واسهل من السهاله شريته من المعارض ورحت وفحصته بـ 200 ريال
ورحت انا وصاحب الجيب لمعرض على طريق سلوى واعطيته 800 ريال شالمه التامين وكل شييييي وعطيت صاحب السياره العربون ورحت لمنفذ سلوى ودخلت الحد عندنا في فرع للراجحي وسحبت منه تقريبا 110 الف ريال سعودي وابلغت عنه عندنا في الجمرك لان النظام اذا اكثر من 60 الف تبلغ عنه وبس شافوا المبلغ وكتبوا لي ورقه اعطيها للجمرك في قطر وانا جالس بالسياره ورحت للمعرض وكان جنبه بالظبط مصرف وحولي الفلوس الى قطري تقريبا طلع بـ 105500 ريال قطري
وخلصوا السياره وعطوني اوراق الجمرك وركبوا عليها لوحة الجمارك واول ما وصلت الجمارك القطريه تعبئه اوراق شي روتيني يمكن خلال نصف ساعه يمكن انا وتقريبا 4 الى 5 سيارات كلها جمرك وبعدها اعطوني اوراق وتسعير السياره ووصلت الجرك السعودي وما اهتموا لتسعيرة قطر لان عنده زي الكتاب في جميع السيارات وفئاتها وحسبولي 5% تقريبا بـ4800 وطلبته في الـ 800 وشالها يعني صفت على الجمرك 4000وركبوا لي لوحات جمارك سعوديه وشالوا القطريه
وعاد اذا اشتريت بآبلغت بالتفاصيل
وآي استفساار حاضرين

جزاك الله خير يا جبر الخواطر كلامك افادني كثيراً .. انا بشتري هايلكس جديد غمارتين لكن قالوا لي ان موديل 2012 راح ينزل قريباً فذلك بخلي السفرة سياحة وبأجل الشراء بعد العيد ..وبإذن الله بنزل تقرير عن السفرة .

طيب يا اخوان ترتبون لي جدول زيارة للأماكن التالية لاني اول مرة اروح قطر ولا ادل شي فيها .. مع العلم ان سكني في شقق السراج اللي على طريق سلوى حيث حجزت يوم 25 و26 .. والأماكن هي :


سوق واقف
الحي الثقافي
جزيرة اللولو
سوق فيلاجو
حديقة سباير .. وهي جنب فيلاجو

مع العلم اني ابغا اصلي التروايح يوم في سوق واقف ويوم في الحي الثقافي .. لاني شفت صور مساجدها في مواضيع بالمنتدى وارتحت لها .. فيالت ترتبون الجدول بحيث اصلي يوم في مسجد الحي الثقافي ويوم في سوق واقف .
وكذلك انا ما يمديني اصرف العملة في الرياض .. فـ وين اقرب مكان اصرف العملة فيه في قطر .. لان كأني سمعت ان حول منفذ سلوى مكان لصرف العملات .

وللتذكير .. انا بمشي يوم 25 الساعة 2 الظهر من الرياض .. وحجزي يوم 25 و 26 .. وجزاكم الله خير وياليت الرد عاجلاً قبل وصولي غدا عشان افتح الموضوع اول ما اوصل وانا في شقق السراج

وعلى فكرة اخواني .. فيه واحد يقول ان هالفندق مسوي عرض موب صاحي في رمضان مقارنة بمستواه وهو ان الغرفة ب 370 فوشرايكم فيه ووين موقعه واهم شي هل فيه افطار مجاني
واحد يقدر جزاه الله خير يجيب لي رقمه لاني ما اعرف للموقع هذا وحاولت اجيب رقمه ولا قدرت:
http://www.booking.com/hotel/qa/gran...ml?aid=1329869

هذا رقم الفندق : 44455555 974+

جفت تقرير عن الفندق ما شاء الله تحفه كأنك في فنادق اوربا لكن عيبه الوحيد في بركت السباحه , وعن الفطور اتوقع العرض مايشمل الفطور لكن عند الجيك ان جرب واسألهم يمكن يراعونك ويعطونك فطور مجاني لانه باين عليه فندق مهتم على نشر اسمه بسرعه ..

الفندق قريب من فيلاجيو وهو مطل على حديقه سباير ..

ومادامك اليوم واصل الدوحه بذن الله , اجوف انك بعد الجيك ان وتريح شوي تطلع على حديقه سباير وتتمشى فيها الى وقت الفطور وتفطر في مجمع فيلاجيو وتاخذ لك نظره سريعه وعلى الساعه 7 ونص تتجه الى كتارا اول لان في فعاليات وخيام رمضانيه واليوم اخر يوم والله يعينك على الحر , وبعدها تقدر تزور اللؤلؤه وتمشى فيها مع اني مانصح في هذا الجو الجار لكن مايمنع انك تاخذ نظره وفكره عن المكان ..


واليوم الثاني تقدر تروح الظهر الى مجمع فيلاجيو وتتمشى فيه وتجوفه كله , والساعه 4 تنطلق على سوق واقف وتجوف الزحمه والناس اللي تغرض عشان العيد وتجوف اجواء السوق العجيبه في هذي الايام وتتفطر فيه وبعد الصلاه حاب انك تجلس فيه تقدر لانه الصراحه مكان ماينمل منه ..

لكن احب انوه بخصوص مسجد كتارا مادري اذا يأدون صلاه التراويح فيه او لا , تأكد قبل روحتك ..