الموضوع: النوري وخبرا قطر لاعدمتكم ممكن تدخلون

السلام عليكم ورحمه الله وبركاته....
امس كنت كاتب استفسارات بس للاسف تم غلق الموضوع لعدم وجوده بالقسم المخصص بس مو مشلكة

لاني بجد محتاج رايكم اعزائي انا قلت لكم اننا جاينكم باذن الله يوم الاحد ثاني العيد والعودة الخميس يعني ثلا
ايام فقط اول يومين حجزنا ريتاج الريان والثالث الريتز كاريلتون. من موقع بو كنغ ثم الغينا حجزنا لاني لاحضت ان الاخوه مايمدحون ريتاج الريان فقلت نروح لفندق ثاني اريد منكم ارشادي لفندق يكون سعره مناسب له واهم شي نضيف ومرتب وموقعه زين

شفت الماريوت وقلت ياله نضغط الميزانية شوي لقيته يومين مع الافطار ب1700 وشوي بس خفت انها تكون بالقسم القديم لانو مايمدحونه مره فحبيت تعطوني رايكم هل الفندق جميل ويستحق مع العلم ان لو اخذناه بيكون
معظم وقتنا طلعات ولا ناخذ فندق اقل؟؟؟
اسال الله العظيم ان يفرجه عليكم ويرزقكم سعادة الدارين

مواضيع عشوائيه ممكن تكون تعجبك اخترناها لك:

• ونعم بأخواني وخواتي في مطار قطر
• منقول لقطر و ابغي مساعدة
• ليلة خميس
• وش رأيكم يا أهل الخبرة؟؟
• رحلة إلى زكريــــــت غــرب دولة قطــر
• نسبة إشغال فريج شرق الدوحة
• زيارة البحرين وقطر من الرياض وش خطة السير ووش تنصحوني ؟؟
• جاي لقطر بعد عيد الأضحى اتمنى تفيدوني
• لأهل قطر الحبيبة ،،،،، بعد التحية ترشيح أفضل سكن مناسب أماكن تستحق الزيارة
• عندي دورة بمركز الجزيرة للتدريب فأين افضل السكن
• أرجو الإفاده
• أرجو المساعدة بخصوص الفنادق
• أبي فزعتكم يا أهل الكرم
• لا هنتو إستفسار
• استفسار عن ام صلال بارك الله فيكم اتمنى مساعدتكم
• استفسار عن عنوان
• البوردنق ارجو الرد بسرعه
• أسأل عن شاليهات للاستئجار اليومي
• استفسار يا اهل قطر الكرام للرياضيين
• استفسار بشأن بطاقة الهوية الوطنية ومدى قبولها في حجز الفنادق

هلا اخوي

منو اللي مايمدح القسم القديم ؟

انا سكنت بالماريوت مرتين ودايما اسكن في القسم القديم لانه أشرح

واصلا مجددينه كله

لكن القسم اليديد بتلقاه معزول والمصاعد حاطينها اخر شي مدعوسة على جمب

والممرات يوم طلعت لها لقيتها ضيقة والسقف نازل

المهم ان القسم اليديد ضيق صدري

انت كيفك خلهم يعطونك جولة في القسم القديم واليديد واختار اللي يعجبك

وإذا حجزت في الماريوت وتبي القسم اليديد اتصل لهم وأكد عليهم انك تبي في القسم اليديد

بس الشيراتون على فكرة افخم من الماريوت وأحلى منه في الموقع لانه يطل على الكورنيش إطلالة مباشرة

وقريب جدا من مجمع السيتي سنتر وجزيرة اللؤلؤة والحي الثقافي

لكن الماريوت شوي بعيد وعند المطار

وعلى فكرة انا قريت ردك السابق عن الشيراتون واقولك ان الشيراتون فندق عادي كل الناس تسكن فيه

مب علشان هو منتجع تقول ماتبيه

المنتجعات اللي كنت اقصدها هي فريج شرق وحياة جراند وغيرها اللي الواحد يروح لها استجمام

بس الشيراتون عادي

وإذا على المنتجعات ترى الريتز بعد منتجع واحلى من الشيراتون بعد

عموما القرار الاخير لك

وإذا عندك اي استفسار انا حاضره

النوري اسال الله ان ينور دربك ويسعدك .....رائعه في سرعه تجاوبك
عزيزتي الي مرددني بصراحة على الشيرتون هو غلا السعر اليلتين ب2300 واحنا تقريبا اكثر الوقت برا...لكن الماريوت مابينه وبين تاج الريان الا500 ريال والمستوى اتوقع يفرق كثير...
هل تقصدين ان موقع الماريوت مو عند الاماكن السياحية لاني اذا جيت برتب التمشيات برتبها ان شا الله على حسب قربها؟؟
انا شفت صور الماريوت ببوكنج فيه صور لشاطي على البحر يرد الروح واتمنى اذا عندك فكرة عن مستوى الافطار عندهم؟؟
اعذريني لو تعبتك بالاسئله بس ودي اكون على بينه جزاك الله الف خير

الافطار حلو ولو دفعتوا زيادة تقدرون تدخلون اللاونج اللي عباره عن قاعة وفيها فطور وعشا ووجبات خفيفه

غير المطعم الرئيسي اللي عندهم واللي يطل على بركة السباحه والبحر , يعني المنظر حلو

والماريوت مب بعيد , بينه وبين الكورنيش دقيقتين يمكن

وعقب إذا وصلت الكورنيش بتلقى كل شي حذاك

وإذا بتقارن الماريوت برتاج الريان فالماريوت أحلى طبعا

وحياكم الله في قطر

بكم تقزيبا الاونج ؟؟ تصدقين على كثر ماسكنت بفنادق خمس نجوم عمري ماسمعتبه .......يعني نقدر على رجولنا نروح للشاطي الرملي؟؟اعذريني بس حاطين صور شاطي رملي لا وبعد جلسه وحركات ....:وهل هو قريب من سوق واقف ومجمع فيلاجيو1otge:

اللاونج موجود في كل فنادق الخمس نجوم بس مااعرف السعر كم في الماريوت الحين

وبالنسبة للشاطئ تقدر تروح له مشي وايد قريب

والماريوت قريب من الكورنيش وسوق واقف وكل الاماكن السياحيه ماعدا فيلاجيو

لان فيلاجيو في منطقة ثانيه

وعلى فكرة جمب فيلاجيو فندق توه يديد مفتتحينه من كم يوم بس

خمس نجوم ويقولون مسويين عرض 315 ريال الليلة

واو رائع خمس نجوم بهالسعر الخرافي ممكن اسمه يالنوري وها هو موجود ببوكنج؟؟

تفضل أخوي

http://www.arabtravelersforum.com/travel614042/

بس أنا ماأقدر أقول لك إذا فخم من داخل والا لا لأني مادخلته والفندق أصلا توه يديد

النوري سعره فقط في رمضان الان 1800 اتوقع بهالسعر الماريوت افضل من حيث الموقع؟؟

::["]مشكوووووورة يالنوري كفيتي ووفيتي
اذن باذن الله راح ناخذ يومين بالماريوت ويوم بالريتز اتمنئ ترتيب هذي الاماكن على هذه الثلاث c"]مجمع فلاجيو وسوق واقف والمتحف وجزيرة اللولوة [/or][/ واذا امكن الاشارة لمطعم في كل من هذه الاماكن حتى نكون على بينه.
اشكر اختي النوري الي ولله ادري اننا تعبناها وبصراحة هي الي تستحق انها تكون سفيرة هالبوابه
[]

المشاركة الأصلية كتبت بواسطة ziyadef
http://www.arabtravelersforum.com/tr...6/#post6012506

: :["]مشكوووووورة يالنوري كفيتي ووفيتي
اذن باذن الله راح ناخذ يومين بالماريوت ويوم بالريتز اتمنئ ترتيب هذي الاماكن على هذه الثلاث c"]مجمع فلاجيو وسوق واقف والمتحف وجزيرة اللولوة [/or][/ واذا امكن الاشارة لمطعم في كل من هذه الاماكن حتى نكون على بينه.
اشكر اختي النوري الي ولله ادري اننا تعبناها وبصراحة هي الي تستحق انها تكون سفيرة هالبوابه
[]

مشكور أخوي على هالاطراء وبالعكس هذا واجبنا

بالنسبة للأماكن انتوا لازم تروحون كتارا وسيتي سنتر

هالأماكن مهمه ومادري ليش نسيت تذكرهم

بس انت متى بتوصل علشان أعرف أسوي لك جدول

يعني على الساعه كم ؟

ان شاء راح نغادر المنطقة الشرقية 3فجرا يوم الخميس ثاني او ثالث ايام العيد حسب تمام الشهر والعودة ان شاالله يوم الاحد يعني ثلاث ايام والفندق اتوقع حجزنا بدا12 .....يعني نكون واصلين قبل في الصباح ونشوف لنا مكان نروح له اول ماناصل بعدين الفندق....
جزاك الله خير يالنوري

اشوف ان الدبليو احسن من الماريووت ماادري كم سعررره تقدر تشيك . طبعا الماريووت بجانب فندق ومنتجع شرق هوتيل يعني تقدروون تروحون اي وقت شرق هوتييل وتتمشوون فيه .

بالنسبة للمطااعم ممكن تتعشوون يوم باحد مطااعم سووق واقف طبعا مااقدر اذكرها لانها كثيره في الهندي والايراني والعراقي واليمني والشرق اسيوي ووووو كثيررره مررره . بالنسبه للحي الثقاافي ممكن تشوف خان فااروق المصري او سكر باشا التركي بس بالعااده خاان فاارووق زحمه ولازم الحجز قبل . بالنسبه لفيلاجيوو فييه كماان اكثر من اختياار للمطااعم

إذا بتوصلون الصبح تقدرون تروحون فيلاجيو تفطرون هناك لانه بيكون اقرب مكان لكم وانتوا داخلين قطر

وعقب ماتخلصون الظهر روحوا الفندق وارتاحوا وبالمسا روحوا سوق واقف تمشوا وتعشوا

بتلقون خيارات كثيرة للمطاعم والقهاوي وانتوا اختاروا اللي يعجبكم

واليوم الثاني تقدرون تروحون المتحف الاسلامي وبعده سيتي سنتر تتمشون وتتغدون وتدخلون السينما لو تبون

وعقب ارجعوا الفندق ارتاحوا وبالمسا روحوا جزيرة اللؤلؤة

واليوم الثالث تقدرون تروحون مجمع اللاند مارك او ترجعون حق فيلاجيو لو عجبكم

وقريب المسا روحوا الحي الثقافي وتعشوا فيه

ولاتنسون تمرون على الكورنيش حتى لو بالسيارة لان المنظر هناك ماينفوت

الأخ باشمهندس

فندق دبليو مايسوى بيزة ومدخله ضيق ويلوع الجبد

غير ان سعره غالي عاد على شنو ماادري

ومافي مقارنه بينه وبين الفنادق اللي اختارها الأخ

النوري ومهندس القطري لااملك الا ان ادعو العظيم القدير بان يفرج لكم ويسر اموركم ويرزكم سعادة الدارين

المشاركة الأصلية كتبت بواسطة النوريq
http://www.arabtravelersforum.com/tr...2/#post6012942

الأخ باشمهندس

فندق دبليو مايسوى بيزة ومدخله ضيق ويلوع الجبد

غير ان سعره غالي عاد على شنو ماادري

ومافي مقارنه بينه وبين الفنادق اللي اختارها الأخ

ميزة الدبليووو الغرف جميله واثاث راقي غير عن الفنادق الاخري

المشاركة الأصلية كتبت بواسطة مهندس قطري
http://www.arabtravelersforum.com/tr...2/#post6015792

ميزة الدبليووو الغرف جميله واثاث راقي غير عن الفنادق الاخري



بالعكس اخوي الغرف مظلمه انا شايفتها كأنها حق واحد ياي بيرقد على طول

إذا تبي نصيحتي أخوي خذ الموفنبيك - تاور أول يومين سعره حلو بحدود ال600 ريال للغرفة بدون أفطار
نظيف ويعتبر أجدد من الماريوت وأفضل من ريتاج الريان

وخذ بعدها ليلة في عالم الفخامة - منتجع وفندق شرق (موقعه جنب الماريوت)

خلاص حجزنا يالغالي يعطيك الف عافيه