الموضوع: اتمنى احد يفيدني بمنطقه للسكن في بريطانيا للسياحه

و عليكم السلام

سأقو بنقل استفساركم للبوابة المختصة
استفسارات بريطانيا

رحلة موفقة

وعليكم السلام ورحمة الله وبركاته


اخي الكريم تقصد داخل لندن الكبرى ام خارج لندن حدد


اذا داخل لندن من المعروف ان كل ماقربت للسنتر اكيد السعر بيكون اعلى اولا لتوفير الوقت والجهد في الوصول للاماكن السياحية والتسوق




يوجد مناطق قد تكون ارخص وجميلة كالكينغستون وشيلسي ولكن ستحتاجون لمواصلات




وان شاء الله الاخوان مايقصرون

بورنموث ، منطقة ساحلية جنوب لندن

الاخ فارس

مافهمت قصدك بلندن الكبرى ام خارج لندن

انا ابي منطقه سياحيه وحلوه وماتكون زحمه مثل لندن يعني ابي منطقه لحين ماعرفوها العرب وايد لكن فيها اماكن سياحيه وترفيهيه

لانك عارف انه شهر 6 و 7 لندن اتكون مزدحمه بالعرب يعني ماتحس انك مسافر

الاخ عبدالله

ممكن تعطيني معلومات عن المنطقه من الموبايل

برايتون حلوه منطقه ع البحر وفيها ملاهي بسيطه
تبعد عن لندن بالتاكسي ساعه ونص تقريباً ..
ماشفت فيها عرب كثير تقريباً البقالات بس مو كثير زي لندن ..
فيها اسواق شعبيه ومول اسمه تشرتشل سكوير
الشارع الي عليه المجمع للأسف مو متذكره اسمه لكن مليان مطاعم وكوفيهات كثيره
وشارع فيه حركه كثيره وناس رايحه وجايه ..
انبسطنا فيها لولا برودة الاجواء

مثل ما قال اخوي مشاري برايتون والمناطق الجنوبيه حلوه

تسلم اخوي مشاري

اقدر احصل معلومات اكثر عن المنطقه ولو عندك صور لها

وهل توجد مطاعم حلال ؟!

الاخ يوسف ممكن تذكر لي اسماء المناطق الجنوبيه ولو عند صور

واذا احد يقدر يعطيني اسماء الملاهي في المناطق واسماء المطاعم الحلال و الاماكن السياحيه اللي ممكن ازورها سوى حدائق او بحيرات او اي شي حلو .. في اي منطقه حتى لو لندن لاني ممكن اسكن في اي منطقه واروح لندن بالقطار لزياره الاماكن ..

والسموحه منكم .. من الموبايل

الاخ فارس تسلم على الرد

في نقطه حبيت اوضحها انا الاخت ولست الاخ .

بخصوص نوعيه السياحه بغينا انزور مناطق طبيعيه وملاهي واسواق وبحيرات وحدائق

يعني بصراحه هاي اول زياره لنا لبريطانيا مانعرف وين انروح و وين الاماكن اللي ممكن انزورها

ومثل ماتعرف انه في الصيف لندن العاصمه نفسها اتكون مزدحمه بالعرب

وبما انها اول زياره لبريطانيا ودنا انزور اماكن حلوه وماتكون مزدحمه بالعرب يعني عشان انحس انه فعلاً سافرنا لدوله اوروبيه

ومايمنع من زياره بعض الاماكن الحلوه اللي في العاصمه لندن نفسها بالقطار لمده كم ساعه وبعدها نرجع للمنطقه السكن

واسفه على الاطاله .. من الموبايل

أختي الفاضله انصحج منطقة ريدنج

مدينة Reading الانجليزية هى تبعد

عن لندن ثلث ساعة بالقطار السريع من محطة بادنتن وهي منطقة هادية

وحلوي وفي مجمعات قريبة من بعض وعن نفسي حبيت المنطقة وهدوئها

تقريبا الساعة 7 ليلا يبدا الهدوء طبعا بالصيف عكس لندن فيها حياة

لساعة 12 ليلا وموفق باذن الله الكريم

وأي خدمه احنا حاضرين

المشاركة الأصلية كتبت بواسطة noorqatar13
http://www.arabtravelersforum.com/tr...6/#post7659616

تسلم اخوي مشاري

اقدر احصل معلومات اكثر عن المنطقه ولو عندك صور لها

وهل توجد مطاعم حلال ؟!

الاخ يوسف ممكن تذكر لي اسماء المناطق الجنوبيه ولو عند صور

واذا احد يقدر يعطيني اسماء الملاهي في المناطق واسماء المطاعم الحلال و الاماكن السياحيه اللي ممكن ازورها سوى حدائق او بحيرات او اي شي حلو .. في اي منطقه حتى لو لندن لاني ممكن اسكن في اي منطقه واروح لندن بالقطار لزياره الاماكن ..

والسموحه منكم .. من الموبايل

يب عندي لها صور رح انزلها بموضوع مستقل بإذن الله
وبخصوص المطاعم الحلال حنا نروح لمطعم هندي مررره قريب من الفندق
اصحابه هنود مسلمين والاكل نوعا ما لذيذ .. نفس الشئ محلات الفيش اند شيبس
مليانه برايتون تبيع بطاطس ودجاج ومشروبات بارده وحاره ووو والي تبغين زي البوفيهات نظامها
الملاهي هي اتوقع الوحيده في برايتون بس ترى جدا بسيطه اتوقع اربع العاب للكبار والباقي
الكترونيه وحقت الحصن هاللي تدور وكذا انا مالعبنا لان الجو باااااااارد جدا جدا
اسم الملاهي برايتون بير .. اذا تبغين اسم الفندق الي اخذناه هذا هو
The Queens Hotel and Spa
موقعه جدا ممتاز وكل شئ قريب منه .. خذي برضوا الخريطه من الرسبشن
والموظفين رح يدلونك ع اهم الاماكن في برايتون ..
وفيه حركه افتحي جوالك وروحي كلمة الخرايط
واكتبي الي تبغين بالانجلش ويطلع لك وين موقعه
وموقعك اذا انتي قريبه منه او لا مررره استفدت منه
كنت اكتب اي شئ ابغاه وابحث عنه اذا قريب توكلنا ع الله
اذا بعيد استبعدناه وبصراحه الاجواء ماساعدتنا ابددد
المشي في برايتون جدا ممتع

تسلم اخ مشاري على الرد وان شاء الله انتظر موضوعك عشان انقرر

تسلم الاخ ابو عبدالله

وان شاء الله راح ابحث عن المنطقه واشوف صور لها من الموبايل

مشكوره اختي Mshare على الصور الجميلة

ونطمع في تقرير مصور نستفيد ونستمتع فيه وياكم عسى الله يهنيكم


برايتون اذا ماحبيتوا تباتون فيها بلامكان اخذ رحلات من لندن لنهار كامل من الصبح لين اخر النهار وفيها زيارات لمزارع الفواكه وانشطة حلوه وشاطيء البحر حليو لانه حصى مو رملي
واذا بتباتون ليلة او ليلتين فيها انصحكم بزيارة السفن سسترز بجانبها لكن انتيهوا ( خطره على الاطفال )


هذا اقتباس من كلام احد الاخوه عنها


تتمتع هذه الهضاب بجمال خلاب للغايه. ويمكن زياره سفن سستر seven sister والتي هي جزء من الهضاب تبعد نصف ساعه بالباص من بريتون وهي سبع هضاب تطل علي البحر مباشرة والمشي في هذه المنطقه متعه لا تنسي . ويمكن زياره ديفلز دايك devils dyke وهي جز من امتداد الهضاب وتبعد من برايتون 10 دقائق بالباص رقم 77.





هذا والله يكتب لكم مافيه الخير ويحفظكم

تسلمين اختي على الصور

بس حبيت استفسر اكثر المنطقه بالصيف اتكون مزدحمه عني تنصحينا انزورها او لا لاني راح اروح اول شهر 6 وبقعد تقريبا اسبوعين

وبطبعنا ما انحب الاماكن اللي اتكون مزدحمه وايد

الاخ فارس

بخصوص السفن سستر من اي ناحيه اتكون خطره على الاطفال يعني وقت السفر بنتي ان شاء الله راح يكون عمرها 6 شهور
هل ممكن انزور السفن سستر او ماتنصحنا من الموبايل

6 شهور الله يحفظها ويبلغك فيها اقصى طموحك

مشي على التلال الخطورة تكمن في الجرف الخطير الي على البحر لو احد ماانتبه له ممكن يطيح وهي ممتعة للي يحبون المشي في تلال خضراء على مد البصر والبحر من وراءه واذكر كذل فلم شفته عن المنطقة اكتبي في اليوتيوب سفن سسترز وبيجيك مقاطع عنها توضح ماذا اقصد


واي خدمة اخرى حاضرين

امين يارب تسلم اخوي

ان شاء الله راح ادخل اليوتيوب اللحين واشوف وتسلم مره ثانيه على المساعده من الموبايل

والله ماعرف اذا زحمه او لا
بس بيني وبينك وقتكم بالذروه يعني بريطانيا كلها بتكون زحمممه
وبرايتون حسب ماقريت يحبونها الناس يومين بالكثير لانها هادئه جداً ومافيها صخب وزحمة لندن من الموبايل

تسلمين اختي

اي عارفه عشان هالسبب مب عارفه وين نسكن من الموبايل

مرحبا في احد من الاخوان ممكن يساعدني

يعني يختار لنا المناطق او يسوي لنا جدول متكامل

يعني كل يوم وين انروح وشنسوي

وشنهي المناطق اللي نسكنها و انزورها

من تاريخ 4/6/2013 الى تاريخ 22/6/2013

التواريخ قابله للتغير

لانه لين اللحين ماحجزنا

والسموحه منكم من الموبايل

السلام عليكم

مافي احد من الاخوان ممكن يساعدني

محتاجه احجز باقرب فرصه قبل ماتروح علي الفنادق والتذاكر

لانه شهر 6 الكل يسافر

التواريخ ان شاء الله مبدئياً بتكون من 6/6/2013 الى تاريخ 21/6/2013 من الموبايل