الموضوع: مساعده من أهل قطر والبحرين

السلام عليكم ورحمة الله وبركاته ....


حبيت استشيركم يا اهل قطر والبحرين في الشقق الفندقية اللي عندكم ، لاني يايه قطر بتاريخ 18/6 انشاءالله لمدة يومين وبعدين بسير البحرين، أبغي اعرف اسعار الشقق واذا أروم احجز عن طريق موقعهم (ان وجد)....:101:

مواضيع عشوائيه ممكن تكون تعجبك اخترناها لك:

• أريد مطعم راقي في مكان راقي بليز
• يا اهل قطر يا اهل الكرم والشيم يا اهل المحبه والوفاء محتاجكم لا تخلوني
• لو ماعليكم امر يا أهل قطر تفضلو
• هل يوجد شقق مفروشة في قطر
• اين تباع النظاره الشمسية م
• إنطلاق مسابقة الدعو قرناس شاهين
• فندق دبليو الدوحة يقدم مزايا حصرية
• عاجل جدا
• واحة كيوتل تستقبل أكثر من ألف عائلة في اليوم
• أمي خاطرها تشوف قطر
• هل تم افتتاح المتحف الاسلامي؟
• مساعدتكم لاهنتم في اختيار شقه او فندق اقتصادي في زيارتي إن شاءالله
• طلب مساعده من اهل قطر و الجميع
• عندي فقط ليلة ونصف نهار في الدوحه
• سؤال عن الخطوط القطرية
• صور ستى ماريوت دوحة
• ما رأيكم بهذه الشقق يا أهل الدوحة
• شروط تأجير السيارات مكان محطة النقل الجماعي او شركة الساحل
• ابحث عن خياطة الثوب القطري افصل ثوب قطري
• أستفسار عن مواقف السيارات في مطار الدوحة أو مكان آخر مناسب

في البحرين

عندج شقق السيف الفندقيه

و عندج فندق ميركيور اللي بالقرب من مجمع السيف ايضا فيه شقق فندقيه و يمدحونه كثير

يا هلا ومرحبا في بلدك الثاني البحرين
انا مع كاس عسل في نصيحتها للشقق وللفندق وعندك ايليت القريب من مجمع الدانه ومجمع البحرين وتوجد شقق اكثر للعوائل عندك الفنادق الي تكون جريبه من السوق مثل الشيراتون او الهلتون الي ما عرف اسمه الحين هولدي ان دبلومات اما من نا حية الشقق عند في منطقة الجفير والبعض ما يخطرلي اسمه بس توجد شقق نضيفه وممتازه للعائلات مثل ايليت

اختي الكريمة
يوجد موضوع جديد فيه صور لشقه جميله
دخلي عليه وشوفيها يمكن تعجبك سعر الليله 50 دينار بحريني
بس تراها شي شوفي بعينك احسن

اختي بالنسبه لقطر

عندك شقق رتاج رزيدانس ، شقق حلوه ومظيفه وتوها مفتوحه من اشهر قليله ، صحيح ان شكلها الخارجي صغير ، بس كل اللي راحوا لها يمدحونها. وعندهم غرفه وصاله ومطبخ وغرفتين وصاله ومطبخ و3 غرف وصاله ومطبخ ، واعتقد بان سعرهم 850 الى 900 ريال اذا كان الحجز عن طريق الاستقبال في الشقق . يعني افضل لك تحجزين من مكتب سياحه .
ممكن تشوفين توقيعي اسفل فيه رابط وصور لشقق رتاج .

في البحرين :
عليك باحد المكانين:
1- فندق وشقق ميركوري غراند السيف بقرب من مجمع العالي والسيف 10 امتار فقط ، شقق من احلى ما يكون من قبل فتره كنت انا والعائله فيها ، وهي قمه في الفخامه ، وشقه عندهم صاله وغرفه وحمام او صاله وغرفين وحمامين .

وهي جدا حلوه . وسعرها من اللفندق مباشره 1000 ريال للصاله والغرفه و 1400 ريال للصاله والغرفتين ، واذا اخذتيها عن طريق مكتب سفر وسياحه ، راح يكون سعرها 650 ريال .

2- اجنحة السيف في ضاحية السيف ، سعرها بحدود 500 ريال وموقعها حلو ولكن مش مستوى ميركوري غراند ، يعني حلوه ، .

يعني لو تبغيني اعطيها تقدير راح اعطي ميركوري ممتاز واجنحة السيف جيد مرتفع .

.ارشح وبقوه ميركوري ، على فكره عندي صور ميركوري راح احطها قريبا .

صح بالصور افضل

أختي "كاس عسل" مشكوره و ما قصرتي :101:

" بو سلمان " و " رجل شرقي" تسلمون على المعلومات ( كفيتوا و وفيتوا) ، وانشاءالله بحجز عن طريق مكتب سياحي افضل مثل ما قلتوا...

يعطيك العافيه اخوي رجل شرقي ماقصرت يالغالي