الموضوع: سؤال يالربع؟

يالربع بسألكم عن فندق (قراند حياة الدوحه) لليله وحده وشرايكم فيه؟

مواضيع عشوائيه ممكن تكون تعجبك اخترناها لك:

• لأول مره اروح قطر ، دلوني
• استفسار عن المولات
• تكفون ياأهل قطر الافاده؟؟؟؟؟
• دوحة فيستيفال سيتي
• استفسار عااااااااجل الليله ماشي ناخيكم يالربع
• ريتاج رويال الدوحه
• افتتاح مجمع جديد ازدان مول
• أذا تبي تحيره ،، خيره أول رحلة لي لدوحه الخير
• فودافون تبدأ إجراءات التأسيس
• فنادق الدوحة تنتعش في العام الجديد
• اريد ارخص وافضل شقق مفروشة في الدووحة
• لوفتهانزا تُسيِّر رحلات مباشر من الدوحة إلى فرانكفورت
• قلعة الزبارة القطرية من تصوير بومحمد
• اجواء الدوحة في يناير؟
• يا أهل قطر استعدوا لزحمةجاينكم مع الحي كله هذا الويك اند
• قطر الوحيدة خليجياً في تنظيم مهرجانين للفطر والأضحى
• بالنسبه لسكن العزوبيه هع
• يعقوب متجه الى دوحة الخير اليوم ويوعدكم بتقرير عنها
• زيارتي ثاني العيد تكفون افيدوني عن السكن
• تم افتتاح فندق صحتي

جراند حلو وجنب اللؤلؤه بس شرق هوتيل له ميزته بعد فكر بشرق هوتيل بعد

تسلم يا بش مهندس عالرد السريع واللطيف بس طلبي ياطويل العمر فندق 5 نجوم فخم مايتجاوز 1000 ريال ومهم يكون مطل عالبحر انا بحثت في موقع Booking وماطلع لي الا غراند حياة الدوحه. هل فندق شرق هوتيل فيه هالمواصفات او في غيره؟

شرق هوتيل والريتزكارلتون وجراند والانتركونتيننتال والفورسيزون والشيراتون والماريوت كلهم لهم شواطئ على البحر بس يعتمد من شاطئ لشاطئ...كبر الشاطئ وحجمه ووو .... بالنسبه للفنادق اللي ذكرتهم شوف اسعاارهم وحدد لك ثلاث فناادق وعقبها بنحااول نسااعدك بالاختياار ...مثلا الانتركونتيننتال الاقل فخاامه بين الفنادق اللي ذكرتها وست ادوار فقط لكن الشاطئ حقه يمدحونه ومسوي عرض شايفه بالجريد الليله ب 800 رياال

فندق شرق دايما بــ 900 ريال إلا 700 ريال

عندك الله يسلمك الإنتركونتننتال يبدأ من 800 ريال
جراند حياة يبدأ من 900 ريال

غراند حياة وفندق شرق من أجمل فنادق الدوحة

والسعر حدود ال1000 ريال

وفيه عندك الفورسيزون بس السعر أعلى شوي

جراند حياة حلو وحذاه كل الاماكن السياحية المهمه

وحياك الله في بلادك الثانية قطرررررر

والله اشكركم اعزائي:مهندس قطري و قطر تايلند والملهم والنوري على افادتكم الجميله بصراحه قعدت احوس كثير في موقع بوكينغ وعجبني فندق دبليو الدوحه شكله حلو كثير بس مشكلته مايطل ع البحر عموما ابي نصيحتكم وين الافضل فندق غراند حياة الدوحه ولا شرق ولا الانتر؟!!

شرق افضل فندق بقطر

شدعوه أفضل فندق !!!!

أعتقد انك تبالغ يابونواف

طيب يا أعزائي بشيل شرق من القائمه لأنه غالي شوي حصلته بـ 1450
الحين انا حصلت الآتي:

غراند حياة : 1050 ريال
الانتر : 1025
موفنبيك: 725

شرايكم وين الافضل ؟؟!!

المشاركة الأصلية كتبت بواسطة abomuhammad56
http://www.arabtravelersforum.com/tr...8/#post6212558

طيب يا أعزائي بشيل شرق من القائمه لأنه غالي شوي حصلته بـ 1450
الحين انا حصلت الآتي:

غراند حياة : 1050 ريال
الانتر : 1025
موفنبيك: 725

شرايكم وين الافضل ؟؟!!




موفنبييك شيله على طووول لانه مافي شااطئء موجود منطقه الابرااج ۔

جرااند حيااة والانتر على البحر بس ..۔ الانتر صغيررر جداااا مقاارنه بجرااند حياااة ۔وشايف له عرض ب 800 رياال كلمهم دايركت.


بدون تفكيير جرااند حيااة الافضل بين اللي ذكرتهم .....حاول تشووف سعر ارخص من اي مكتب سياحي او كلمهم مبااشر او شوف سعرهم بموقع بوكنج۔

على العموم موقع الفندقين خطيير قريب من اللؤلؤه والحي الثقاافي .

طيب يابش مهندس سؤال اخيرررر ولو اني عارف كثرت الاسئله .۔ حصلت عرض بفندق شرق ب 1000 ريال و غراند حياة ب 900 اخر كلام وشرايك اي واحد افضل؟

ابداااااا ما كثرت اسئله احنا حااضرين .........سؤالك الاخيرر صعب اخااف انصحك بشي وبعدين تقول مهندس نصب على امممممممم كل فندق له ميزته ممكن تشووف مواقعهم على النت .......وومكن تشووف تقااريرر لل الاعضاااء.............شوف شرق انا سكنته مرتين قبل لا يفتح جرااند حيااة عباره عن فلل على الشاطيء كل فيلا فيها تقريبا ثمان غرف طبعا بيعطونك غرفه وحده داخل الفيلا ...وكل فيلا فيها الرسبشن الخاص فيها ............ بنصحك بالنصيحة الاتيه .....۔ اذا بتاخذ غرفه وحده خذ في شرق لان مستوى الغرف احسن من جرااند وفيه بعد احسن مكان لعمل المسااج بقطر اذا كان ودك تعمل جلسات مسااج....۔ جراند حيااة فيه غرف فندقيه سمعت ان مستواها اقل من شرق بس ميزته انه فيه شاليهات غرفتين وثلاث غرف ..۔ فا بما انك بتاخذ غرفه وحده خللك على شررق .....بس جراند حياة بجانب اللؤلؤه والحي الثقاافي فأنت وراايك

والله يابش مهندس شكلي بعزم على غراند لأن شفت آراء النزلاء عن فندق شرق في موقع بوقينج وكثير منهم قالوا ان مشكلته الوحيده الازعاج لانه قريب من المطار بينما غراند مافيه ازعاج وشورك وهداية الله.

اخوي ابو محمد ماادري ايش اقول لك ....كغرفه وحده افضل تاخذ شرق الا اذا بتاخذ شاليه كبيير خذ بجراند لان الشاليهات الكبيره مو متوفره بشررق۔ بشكل عاام كلا الفندقين ممتاازين انا دخلت على موقع فندق جراااند شكل الشااطئ كبيير مرره وحلوووو ومثل ما قلت لك انه قريب من اللؤلؤه والحي الثقااافي فخلااص توكل على الله وبعدين ما راح يضرك شي لانها مجرد ليلة وحده لو كانت اكثر من الليله كنت بقول لك خلي نص المده بشرق والنص الثااني لجرااند۔ تحياااتي لك ونتمنى نشوف تقرير ولو بسسيط عن رحلتك لقطرررر

شررررررررررق

والله كلامك حيرني عزيزي مهندس يعني انا مايهمني في الفندق وجود الشاليه او كبره كثر مايهمني فخامة الغرفه واطلالتها على البحر وموقعه قريب من الاماكن السياحيه فكلامك عن شرق اعجبني لكن هل صحيح ازعاج فيه بسبب قربه من المطار وهل موقعه ممتاز، بالنسبه لغراند انا بصراحه شفت الصور وما احس انه فخم كثير بس يمكن موقعه مميز، بالنسبه لفندق الانتر شرايك فيه اتذكر احد الاخوان قالي صغير ۔ شو رأيك؟

الانتر فعلا صغير مررره ....۔ جراند حياة اكبر من شرق هوتيييل وشاطئه اتوقع اكبر من شررق وقريب بعد من الحي الثقافي واللؤلؤه .....۔ شرق يمكن الغرف افخم شوي ومنتجع ماادري ليش احس براااحه فيه .بالنسبه للازعااج نعم يوم سكنته كنت اسمع صوت الطيارات احيانا بس مو واجد.....۔ القراار بيدك اعزم وتوكل

يا اخوي توكل على الله
واسكن في جراند حياة لانه موقعه افضل من موقع فندق شرق من حيث قربه من الاماكن السياحية

طيب ياشباب اخر كلام الريتز كارلتون ولا غراند حياه ؟؟!!

ما يفرق كلهم جنب بعض تقدر تمشي من جراند الى الريتز مشي وتستمتع بشاطئهم ومطاعمهم

وين الافخم كغرف؟

ما عندي خلفيه انشاء الله الشباب يفيدونك

عساك عالقوه مانستغني عنك وعن راي الجميع ياليت تفيدوني يالربع بأسرع وقت ابي بس اعرف وين الافخم كغرف واطلالته عالبحر احلى : غراند حياة ولا الريتز كارلتون ودمتم سالمين

الريتز جاي على شكل برج اتوقع 18 دووور يعني لو بتاخذ بالادوار العليا بيكون احلى من جرااند . جرااند اكبر من الريتز لانه منتجع على شكل شاليهاات وفلل اما الفندق مااتوقع انه يعدي الست او السبع ادواار ۔ من نااحية الغرف الريتز اقدم بس سمعت انه مؤحرا تم تجديده .....۔ يعني صعب الاختياااار

المشاركة الأصلية كتبت بواسطة abomuhammad56
http://www.arabtravelersforum.com/tr...2/#post6227512

وين الافخم كغرف؟




حياك الله أخوي بو محمد

بالنسبة للأفخم كغرف

بعطيك إياها بالترتيب (على حسب تجربتي)

- شرق ( الأفخم بلا منازع)

- بعدها الريتز كارلتون (خاصة بعد التجديد)

- بعدين غراند حياة

أتمنى أكون أفدتك

ممتاز طيب بالنسبه من قرب الريتز من الاماكن السياحيه وشرايكم؟

ابشركم انتهت معاناتكم معاي خلاص حجزت الريتز كارلتون ورح اوافيكم بالاخبار لاحقا
كل الشكر لكم اعزائي وخصوصا مهندس والملهم

متى جااي قطررر يا بو محمد

هلا بيك مهندس
بإذن الله خلال اسبوعين

المشاركة الأصلية كتبت بواسطة abomuhammad56
http://www.arabtravelersforum.com/tr...8/#post6238448

ابشركم انتهت معاناتكم معاي خلاص حجزت الريتز كارلتون ورح اوافيكم بالاخبار لاحقا
كل الشكر لكم اعزائي وخصوصا مهندس والملهم



ماسوينا شي يالغالي

وحاضرين لأي مساعدة

تسلم ياخوي الملهم انت واخوي مهندس طيب يالأجاويد انا حجزت بالريتز كارلتون بعد الخصم علشان شركتنا متعاقده مع عدة فنادق بـ 950 ريال هل تعتقدون ان سعر جيد؟
الشي الثاني الي حاب اسألكم عنه ودي اذا تتكرمون تعملون لي جدول لأني بوصل الظهر وبمشي اليوم الثاني العصر يعني ودي استغل اليوم كله، طبعا انا رايح مع زوجتي بس فشنو رايكم وين أروح؟

افاااااااااا بس يووم واااحد مدد شوووي ما يمديك تسووي شي .........۔

رووح الفندق الظهر واستلم الغرفه وريح شوي ......عقبها العصر روح فيلاجيو تمشو ا هناك واحضروا سينما اذا ودكم عقبها روحوا سووق واقف وتعشوا هناااك.

اليوم الثااني الصبااح : زور اللؤلؤه والحي الثقاافي بجاانب بعض وممكن تتغدوون هنااك۔

اشوفه احسن جدوول لانك بتزور فيلاجيو وسووق واقف والحي الثقاافي والؤلؤه .
وترجعوون بالسلااامه

والله تسلم يامهندس ودي اطول بس انشالله الجايات اكثر بس بصراحه جدول حلو كثير بس ماقلت لي السعر 950 زين؟

950 ممتااز كثير ماراح اتحصل احسن منه ماااافي امل بالعااده فووق الالف رياال

ثاااااااانكس غاااااايز
الرحله كانت جداااا حلووووه
اول شي فندق الريتز فخم بمعنى الكلمه خصوصا اللوبي أعجبني جدا ولاحظت ان غراند حياة جنبه وشكله بعد فخم
اول ماوصلنا ضيعنا شوي على ماوصلنا الفندق صارت الساعه 7:30 المغرب حطينا الاغراض بعدين انطلقنا لمجمع فيلاجيو طبعا ضيعنا شوي بعدين وصلنا تعشينا بمطعم الفارسي وشفنا فلم يلوع الجبد ماكملناه وطلعنا ورحنا الفندق اليوم الثاني
رحنا مجمع لاجوونا خذنا كم فره بعدين رحنا المارين وتغدينا بمطعم ليزا اللبناني مررح القعده حلوه بعدين رحنا المتحف واخر شي سوق واقف

مشكووورين جميعا ع النصائح الجميله

شكر خاص لك عزيزي مهندس قطري

المشاركة الأصلية كتبت بواسطة Abomuhammad56
http://www.arabtravelersforum.com/tr...0/#post6366450

ثاااااااانكس غاااااايز
الرحله كانت جداااا حلووووه
اول شي فندق الريتز فخم بمعنى الكلمه خصوصا اللوبي أعجبني جدا ولاحظت ان غراند حياة جنبه وشكله بعد فخم
اول ماوصلنا ضيعنا شوي على ماوصلنا الفندق صارت الساعه 7:30 المغرب حطينا الاغراض بعدين انطلقنا لمجمع فيلاجيو طبعا ضيعنا شوي بعدين وصلنا تعشينا بمطعم الفارسي وشفنا فلم يلوع الجبد ماكملناه وطلعنا ورحنا الفندق اليوم الثاني
رحنا مجمع لاجوونا خذنا كم فره بعدين رحنا المارين وتغدينا بمطعم ليزا اللبناني مررح القعده حلوه بعدين رحنا المتحف واخر شي سوق واقف

مشكووورين جميعا ع النصائح الجميله

شكر خاص لك عزيزي مهندس قطري



فديت خشمك بو محمد اهم شي انبسطت بالرحلللة ............... اجل انت اللي كان عندك الجمس وامضيع وكنت أأشر لك تعااال ............۔

ايواااا هذا انا جمس احمر مكسور الصطاب الي وره ههههههههههه يسلموووو يابش مهندس

الحمدالله على السلامه اخوي ابومحمد