الموضوع: استفسار للقطري وللاداره

السلام عليكم ورحمة الله

بغيت مساعده للبحث عن شقق في لندن وخاصه شقق مريم اللبنانيه واسعارها ،،

مواضيع عشوائيه ممكن تكون تعجبك اخترناها لك:

• استفسار عن فندق مهم
• خطة سفر لايـرلـنـدا وسكوتلندا و
• أقدر أسترجع التاكس من بوكينج دوت كوم
• الريف الانجليزي 🇬🇧🇬🇧
• هيلتون متروبول او كمبرلاند رأيكم؟
• أبوعبدالله وباقي الخبرا طالبتكم الله يرضى عليكم
• استفسار عن الفيزا
• اول مره اسافر بريطانيا ارجو مساعدتي بالمشوره وخط السير للرحله
• شقق لندن
• جدول رحلتي الى بريطانيا الايجابيات والسلبيات
• اتمنى التفاعل من الاعضاء الكرام في رحلة بلد الضباب
• حد عنده معلومات عن
• هل أستطيع دخول بريطانيا بالفيزا الإيرلندية؟؟
• افضل وأفخم فندق؟
• استفسار بخصوص الابلكيشن فورم للفيزا
• موقع السفارة مايقبل البطاقة الائتمانية
• المستندات المطلوبه للفيزا للزوجه
• لـ خبيرين بريطآآآنيآآآ آستفسآرآت بسيطه
• الجديد حول بورمث ستي
• مدينة الضباب بعدستي

أخي الفاضل بعد اذن السمي والاداره أنصحك اخذ فندق اول يومين وبعدين تروح المكاتب افضل

ماقصر بوعبدالله

اخي الفاضل
بالنسبة للشقق الافضل انك تراها عيانا ... يعني مثل ما قال الاخ بوعبدالله احجز فندق يومين وشوف الشقق بنفسك .. ما انصحك بالمكاتب لانهم بصراحه يجيبون العلة بشققهم اللي مثل وجوههم
اذا كانت اقامتك طويله يعني شهرين واكثر ( للعلاج مثلا لا سمح الله ) انصحك بشقق الوست اند كواي في منطقة الباجنتون رااااااااااقيه وجديده واسعارها للاقامه الطويله جدا حلوه
اما اذا كانت الاقامه قصيره للسياحه والتسوق عندك 3 مناطق
اولها : منطقة البارك لين
وتصنف بانها من المناطق الراقيه لكن بصراحه اكثر مافيها شباب وفشخره على الفاضي وفيها كذا اختيار مثل1- ( الغرافنر هاوس ) عنده فندق وعنده شقق فندقية اختار اللي يناسبك ( رأيي فيها حلوه لكن مع الوقت تحس بالكآبه بسبب الالوان - اسود وابيض ورمادي - يجيب الكدر والغم وغالي وهو مايستاهل لكن ذكرته للامانه لاني جربته)
2- 55 park lane ( ففتي فايف بارك لين ) شقق فخمه ( رأيي فيها روووووووووووووووووووووووووووووعه بدون كلام وحلوه وتهبل وكل اللي تبي قوله عنها لكنها غاليه 1500 باوند لليله الوحده وما تصلح تحجزها اذا معاك صغار لان التأمين عليها خيالي وحلوه حق واحد وزوجته يعيشون يومين دلع- احلى شقة سكنتها - )

منطقة المايفير :
1- شقق فندقية ( ascot mayfair ) فيها خدمة تنظيف وبوفيه افطار صغير ( رأيي فيها جيده لكن اثاثها قديم وماحبيتها قعدت اسبوع وطلعت ماقدرت اكمل وسعرها 11 الف في الاسبوع )
2- شقق ( go naitev mayfair ) رائعه جدا جدا من حيث الموقع والنظافه والاثاث ( كنا اول ناس تسكنها لانهم توهم مفتتحينها وسعرها جدا حلو 40 الف لمدة اسبوعين)

منطقة العرب ادجوار روود : لوووووووووووووووووووووووووووووووووووووووووووعه كررها مليون مره ماتصلح للعوائل نتيجة الصخب والهيلق وخصوصا بالليل تنقلب غرزه من الشيشه والسكارى
وكل اللي ذكرتهم تقدر تحجز عن طريق النت بدون مكاتب بأنك تدخل على مواقعهم

بالنسبه للفنادق :
1- فندق land mark في المارليبون يجننننننننن وسعره حلو
2- فندق الملينيوم في سلون ستريت حلو
3- فندق الدورشستر في البارك لين يهبل وتقدر تدخل على التقارير اللي عنه وتتأكد

اتمنى لك سفره موفقة