الموضوع: رايحه لندن ومحتاجه مساعداتكم

السلام عليكم ورحمه الله وبركاته


انا ان شاء الله هروح لندن هالصيف بس عندي استفسارات كثير وابي مساعدات من خبرات شخصيه مو نقل من مواضيع احد

اولا ابي افضل طيران درجه سياحيه كراسيهم مريحه وواسعه واذا كان معي ادويه تحتاج تلاجه ايش اسوي وهل تدخل معي المطار والتفتيش ولا لا. ؟

ثانيا العلب المضغوطه القابله للاشتعال تدخل ولا لا وبالنسبه للروحه من المطار الى لندن كيف اروح وش افضل طريقه غير مكلفه وتوديني لوسط لندن وابي فنادق مو مسكونه هههه وايش افضل اسكن بفندق ولا شقه ؟

ثالثا بالنسبه للقطارات المترو والباصات الحمرا شلون اشترك فيها واروح واجي لاني موفاهمه شي وغير هذا شلون افرق بين الباص الي يسوي سياحه على لندن وبين الباص العادي وخريطه المحطات وكذا ومتى يجي المترو؟

رابعا ايش افضل اسكن بالمنطقه الي قريبه من البق بن وعين لندن ولا قريب من شارع الاكس فورد ولا قريب من الهايد بارك مع العموم اني ابي شي قريب من الاسواق يعني امشي لها برجولي.

خامسا متى تفتح الاسواق والمحلات والمطاعم بالصباح ومتى تقفل باليل ؟

سادسا ابي جميع الاماكن السياحيه الي بلندن بس متى تفتح ومتى تقفل وبكم التذاكر او مجانا وهل اقدر اشري التذاكر من مكتب هنا او لا ؟

سابعا ابي اعرف كم اجيب معي ملابس شتويه وانا راح اتسوق ان شاء الله ومادري اجيب شنطه فاضيه ووين احطها بالروحه وبالنسبه للضرايب على المشتريات كم ياخذون تقريبا وشلون استرجعها ووين مقرهم بالمطار ؟

ثامناً بالنسبه للاتصالات داخل لندن وخارجها يعني اتصل مع اهلي وكذا شلون اسوي اشتري شريحه اول ماوصل ولا اخذ معي من السعوديه وكم تكلف ومن وين ؟

تاسعا ابي جدول منضم للاماكن السياحيه والاسوق والمطاعم واماكن الترفيه ابي جدول حق اربع ايام او خمسه بحيث يكون منضم ومرتب وازور كل الاماكن وبحيث تكون الاماكن القريبه من بعضها بيوم واحد وكذا.

عاشراً ابي اعرف شلون احمي نفسي من السرقه وكيف يسون الحراميه هناك وانا راح يكون معي الكام والجوال والايباد والبوك طول الوقت شلون اسوي عشان اتفادا اي سرقه ؟

واخيرا ابي مساعدات منكم ومواقف صارتلكم حلوه عشان احطها بالاعتبار وشينه عشان تفاداها و ادري طولت عليكم اسفه بس تحملوني ههههه من الموبايل

مواضيع عشوائيه ممكن تكون تعجبك اخترناها لك:

• تنظيم رحله الى بريطانيا
• اخطط لرحلة عائليةلبريطانيا بعد العيد ولم يسبق لنازيارتها أتمنى أجدهكما احلم بها
• هل اقدر اروح من لندن الى ريدنق و ارجع في نفس اليوم؟ ارجوكم ساعدوني
• تجاربكم أفضل وسيلة مواصلات من مطار مانشستر الى منطقة البيكادلي
• اريد تجربتكم في هل الفندقين
• اود أن اسال علي ايجار السكن
• كم تكلفة القطار من محطة ماريليبون ل بستر فيلج ؟؟
• لندن في شهر ديسمبر
• مساعده تكفون الله يعافيكم
• الاسبوع القادم السفر ان شاء الله محتاج لكم
• المدن السياحيه
• ابحث عن مكان ريفي قريب من لندن
• رأيكم يهمني لو سمحتوا
• شقة اجار بلندن
• سؤال حول شركات السياحة
• اسعار الفيزاا والشنقن
• كيفية استخراج الفيزا البريطانية لدول مجلس التعاون الخليجى
• استفسار بخصوص الغرف
• طيران برناي
• استفسار عاااجل عن الفيزا

وعليكم السلام ورحمة الله وبركاته

برد باللي أعرفه ، وبخصوص الجداول ، بنقل لك كم موضوع حاطينهم الأخوان وأنصح بالاطلاع عليهم وفيهم فايدة


أولا حدد لنا موعد السفر عشان نعرف وش تحتاج من ملابس ، صيفية أو شتوية


ثانياً ، أسعار الطيران ترتفع في موسم الصيف بسبب الأقبال الكبير على السفر


وعن تجربة شخصية ، كان أفضل سعر طيران هو الاتحاد ، وكان موعد السفر في شهر يناير ومعروف طيران الاتحاد مريح وخدمة ممتازة ، وبخصوص الأدوية ماعندي خلفية


افضل وسيلة للوصول إلى وسط لندن ، هي استجئار سيارة مسبقا وتجيكم المطار وهذا رابط لموضوع يفيدك
http://www.arabtravelersforum.com/travel349761/



وبخصوص بطاقة التنقل الأسبوعية ، تقدر تاخذها من أي محطة أندرقراوند وسعرها حوالي 30 باوند ، وتشمل زون 1 وزون2 للأندرقراوند وتشمل الباصات الحمر

طبعا الفرق بين الباصات السياحية والعادية ، أنه السياحية يجي لونها بني وبيج ، والباصات العادية لونها أحمر

بخصوص منطقة السكن ، الأفضل السكن قريب من الهايد بارك والأكسفورد ستريت

بخصوص الأماكن السياحية ، ماعندي خلفية متى تفتح بالضبط لكن هي بفلوس مو مجانا ، وعلى ما قريت مسبقا من الأخوان السعوديين ، قالو انه في مكتب بالسفارة يبيع ، وممكن تشتريها اون لاين

بخصوص الملابس ، حدد لنا وقت السفرة ، ولاتاخذ شنطة فاضية ، تقدر تشتري من هناك ، لكن بتكون غالية نوعا ما ، الكبيرة ممكن تكلفك حوالي 60 باوند

وبخصوص الضرايب ، مثال كالهارودز أو السلفرجدز ، عندهم مكاتب بمجمعاتهم يعطونك ورقة الضرائب ، يعني بعد ماتشتري وتخلص ، تسال السكيورتي ويدليك على المكان

وتروح لهم وتعطيهم الفواتير والجواز ، ويسوون لك اياهم ويعطونك ورقة ، وبعدين وانت طالع للمطار ، تروح قبل وقت الجك ان بساعتين او 3 وتلقى المكتب في الطابق اللي تحت صالة المغادرة وممكن يدلونك عليه هناك

وتروح لهم وتصف بالطابور وممكن يطلبون منك الأغراض اللي اشتريتها عشان يشوفونها ، لذلك اقولك روح من وقت عشان تخلص بعدين تسوي جك ان

بالنسبة للاتصالات ، أفضل شركة للمكالمات الدولية هي ليبارا

وافضل شركة لاستخدام الانترنت للهواتف الذكية هي شركة 3

لندن فيها كاميرات مراقبة كثيرة ، وان شاء الله الوضع يكون امان ، ولكن تجنبوا مناطق السكارى وخصوصا في وقت متأخر من الليل لتفادي أي مشكلة

وانتوا طالعين للمطار للعودة إلى ارض الوطن ، تجنبوا حمل أي مواد سائلة إلى داخل الطائرة ، كالعطور والكريمات وغيرها أنها راح تتصادر ، مافي مشكلة لو كانت بالشنطة اللي تروح داخل الطيارة ، اما شخص يحملها معاه ممنوع

ثاني شي ، اذا كانت اغراضكم كثيرة ، انصحكم بالشحن عشان ماتدفعون رسوم اضافية بالمطار ، يعني تقدرون تشحنون الأشياء اللي ثمنها قليل وحجمها كبير

والأشياء الثمينة وحجمها خفيف اخذوها معاكم عشان التاكس فري

واتمنى أكون جاوب على اكبر قدر ممكن من استفساراتك واسمح لي

وبحط لك رابط كم موضوع اطلع عليهم بيفيدونك

http://www.arabtravelersforum.com/travel800432/




http://www.arabtravelersforum.com/travel645656/




http://www.arabtravelersforum.com/travel546272/




http://www.arabtravelersforum.com/travel797061/




http://www.arabtravelersforum.com/travel810244/




http://www.arabtravelersforum.com/travel825851/




http://www.arabtravelersforum.com/travel825779/

وهذا الموضوع فيه جدول مرتب للاماكن القريبة من بعض ممكن يفيدكم
http://www.arabtravelersforum.com/travel829607/