وعليكم السلام ورحمة الله وبركاته
أخوي أنا بالنسبة لي راح أذكر إللي سويته في رحلتي الأخيرة للندن وبصراحة رغم روحتي للندن أكثر من مره بس هذي المره كانت غير لأني أستفدت مع زوجتي من كلشي ... المهم ما راح أطول عليك ... ولا راح أطلع عن راي اخواني وخواتي إللي جاوبوا ع السؤال .. بس ردي بيكون من واقع تجربتي الشخصية ...
أول شي تذكرة الباص السياحي مدتها يومين فحاولت أستغلها أفضل استغلال وأقصد البق باص (Big Bus) لأن في شركة ثانية عندها باص سياحي بعد يسوي جولات سياحية... وقمنا بالتالي:
أول يوم رحنا بالباص السياحي وزرنا أنا وزوجتي كل المعالم على الخطين الأحمر والأزرق وفي اليوم من الصبح لحد الظهر ومن بعدها خذينا فترة راحه للصلاة والغدا ورجعنا كملنا جولتنا واستغلينا الباص قبل ما يتوقف في الوجهة النهائية من اليوم الأول ونزلنا متحف مدام توسو ..
وفي اليوم الثاني بما أن أحنا خلصنا كل المعالم السياحية على الخطين فكانت جولتنا في الباص ثاني يوم ننزل في معظم المعالم السياحية ونصور وخصوصاً المعالم السياحية لبعيده عن فندقنا وبجذي استغلينا الباص السياحي أفضل استغلال واستغلينا مدة التذكرة أفضل استغلال
وبقت بعض المناطق إللي كنا نبغي نقعد فيها فرحنا لها (بالاندرقراوند) ببطاقة اويستر ... وعندك تقريري عن لندن الموجود في توقيعي تقدر تطلع عليه..
يعني الخلاصة يا طويل العمر الجولة بالبق باص أفادتني في إني جفت كل المعالم السياحية المعروفة على مدى يومين وبطاقة اويستر فادتني في إني أروح المناطق إللي جفتها بجولة البق باص وأعجبتي وحبيت أقضي فيها وقت أكبر بعد انتهاء مدة تذكرة الباص السياحي...
وتقبل خالص تحياتي
ورحلة سعيدة بإذن الله ...
المفضلات