الموضوع: استفسارات محتاجة الى مساعدتكم عن ماليزيا

زى ما تفضل خبيرنا الرائع بوهلا ( وافى )

الصنواى براميد ( التاور )4 نجوم

الصنواى لاقون 5 نجوم

عطنى نوع الغرفة و اخبرك و احدد لك فندقكم !

رحلة المانغروف ليس بهذه الخطورة على الاطفال و لكن الحرص و الحذر واجب لمثل هذه الرحلات

عليكم بلباس سترة النجاة موجودة فى القارب

يامراحب ... ياسيد العشاق

حجزك كما ذكرنا لك ... في ( البيراميد تاور ) ... أربعة نجوم

وهو فندق راااقي جدآ .. وأسطوري بصراحة ... وموقعه ( خيالي )


http://img24.imageshack.us/i/81623915.png/

تسلم حبيبي وافي و ما قصرت يالغلا
اللحين فيه حاجة مضايقتني لاني ما انتبهت لها الا بعد ما خلصت حجوزاتي
اليوم الكامل اللي بيكون عندي في سيلانجور بيكون يوم الثلاثاء
و اللي عرفته من التقارير انه مدينة الألعاب صنواي لاجون تكون مقفلة في هذا اليوم للصيانة

بس اللي عرفته بعد انه اذا كانت في فترة اجازة المدارس لماليزيا .... الالعاب تكون مفتوحة طول ايام الاسبوع
يا ليت تفيدوني اذا بتكون مفتوحة في يوم الثلاثاء 30 اكتوبر

شاكر لكم مقدما

للأسف يوم 30 أكتوبر ماعندهم إجازة
لا إجازة مدرسة ولا عيد وطني
هذا الكاليندر حقهم
http://www.onestopmalaysia.com/holidays-2012.html

افضل ان تقضى هذا اليوم فى مدينة بوتراجايا و بحيرة الماينز

او الذهاب الى مرتفعات جنتق



رحلة موفقة

هلابك ( همس العشاق ) ...

أتفق مع حبيبي ( الأسفار ) ...

أستغل هذا اليوم في زيارة ( بوتراجايا وشلال سونغي تواه ) ...

http://img687.imageshack.us/i/11488099.png/

تسلموا يالغاليين (الاسفار متعتي) & (وافي) و لا هنتوا
الشور شوركم و التوكل على الله .... بعيد ترتيب جدول هذا اليوم على بوتراجايا

اللحين جا في بالي استئجار السيارة في لنكاوي ... الاستلام و التسليم في نفس المطار
بس انا بجي لنكاوي عن طريق الخطوط الماليزية من كوالالمبور ... و بعدين بطلع من لنكاوي عن طريق خطوط اير اسيا الى بينانق
سؤالي ... هل فيه مطار واحد في لنكاوي يخدم كل الخطوط ... والا فيه مطارين مثل كوالالمبور؟؟

و بالنسبة الى موضوع استئجار السيارة ..... انا بجلس في لنكاوي ثلاث ليالي
يا ليت تقولوا لي رايكم من عدة نواحي .... من ناحية توفير اسعار التكاسي .... و من ناحية اكتشف كل مكان في لنكاوي ..... و من ناحية انا اللي بصير اتحكم في وقتي اطلع و ارجع في الاوقات اللي ابيها و اروح الاماكن اللي ابيها و بيني و بينكم هذي اهم نقطة بالنسبة لي

يا ليت تقولوا لي رايكم و شوركم

هلا بك
لنكاوي فيها مطار واحد فقط
من رأيي تستأجر السيارة ثاني يوم أوفر لك
أنت راح توصل لنكاوي العصر وعلى بال ما تخلص إجراءاتك وتأخذ تاكسي للفندق يكون على المغرب
ولنكاوي بالليل مافيها حركة يعني بتنام إلى ثاني يوم الصبح تصحى الساعة 9 تفطر
والساعة 10 يجيك حق رحلة المنقروف يأخذكم إلى المرفأ اللي تنطلق منه الرحلة وهو بعيد حوالي ساعة أو ساعة إلا ربع
على بال ماتوصل هناك ويجي دورك وتركب القارب ساعتين في البحر وتخلص ويرجعكم التاكسي إلى الفندق يكون جات الساعة 5 عصراً
فلما تجي تحسبها تلاقي أنه من أمس االساعة 5 عصراً إلى اليوم الساعة 5 عصراً ما أحتجت لسيارة خاصة ولو كنت استأجرت من المطار
ماكنت إستفدت منها ويكون انحسب عليك يوم كامل
لذا الأفضل وأنت راجع من رحلة المنقروف تقول لصاحب التاكسي وصلني لأقرب مكتب تأجير حتى لو في المطار لأن المطار قريب
تروح وتسأجر سيارة ثم تنطلق بها إلى آخر يوم ويصير ينحسب عليك يومين فقط
وحققت الإستفادة القصوى من السيارة

موفق إن شاء الله

طبعاً تقدر تروح إذا عرفت تدل المكان

بالنسبة للنكاوي بما أنك بتوصل الساعة 3 ظهراً
على بال ماتخلص من المطار وتروح الفندق وتستلم الغرفة تكون صارت الساعة 4 ونص تقريباً
عندك وقت تقدر تسوي فيه أشياء كثير
وأفضل شيء أنك تتفق مع صاحب التاكسي اللي يوصلك من المطار على جولة 4 ساعات الساعة سعرها 25 رنقت
يأخذكم جولة في لنكاوي يلفك بكم تتفرجون على المدينة ويوديكم على ميدان النسر تتمشون وقت الغروب وتجلسون لكم شوي
ثم يوديكم مطعم تتعشون وترجعون وأنصحك بمطعم القصر قريب من منتجع بلانجي بيتش أكلهم ممتاز وعندهم قسم للعائلات بسواتر

رحلة موفقة إن شاء الله

طبعاً تقدر تروح إذا عرفت تدل المكان

بالنسبة للنكاوي بما أنك بتوصل الساعة 3 ظهراً
على بال ماتخلص من المطار وتروح الفندق وتستلم الغرفة تكون صارت الساعة 4 ونص تقريباً
عندك وقت تقدر تسوي فيه أشياء كثير
وأفضل شيء أنك تتفق مع صاحب التاكسي اللي يوصلك من المطار على جولة 4 ساعات الساعة سعرها 25 رنقت
يأخذكم جولة في لنكاوي يلفك بكم تتفرجون على المدينة ويوديكم على ميدان النسر تتمشون وقت الغروب وتجلسون لكم شوي
ثم يوديكم مطعم تتعشون وترجعون وأنصحك بمطعم القصر قريب من منتجع بلانجي بيتش أكلهم ممتاز وعندهم قسم للعائلات بسواتر

رحلة موفقة إن شاء الله

سلام شباب
بغيت اسال .... هل فيه احد راح المعبد اللي موجود في جنتق
ياليت اذا فيه احد راح له قبل .... يقول لي اذا يستاهل الواحد يحطه في المخطط والا لا

الله يصبحك بالخير
أخي الفاضل
لايجوز زيارة المعابد الوثنية التي يعبد فيها غير الله وهي من الأماكن التي بيغضها الله عز وجل
حيث يعبد فيها غير الله
وللأسف منتشرة كثيراً في ماليزيا لذا يجب الحذر من زيارتها

شكرا اخواني على تنبيهي الى هذي النقطة
فعلا شي كنت اغفله ... و سبحان الله بعض الاحيان الواحد من كثر ما يبي يستكشف تروح عن باله اشياء اساسية
الله يبعدنا عن الاشياء المحرمة و المكروهة

و الله يجزاكم خير

هلا شباب
بغيت اسالكم وش ارخص التكاسي الموجودة في ماليزيا
انا اذكر قريت في بعض التقارير انه الاسعار تختلف على حسب لون التاكسي

و سؤال ثاني بخصوص شواطئ كل من (لنكاوي) و (بينانق)
هل الالعاب البحرية الموجودة على الشواطئ لها اسعار ثابتة والا تتغير من شاطئ الى شاطئ
و وين اقدر القى ارخص الشواطئ في (لنكاوي) و وين ارخص الشواطئ في (بينانق) اذا كان فيه فرق في الاسعار

تسلموا و شاكر لكم مقدما

يامرحبا ... وهلا ... وغلا بك ( همس العشاق )

التكاسي ( الحمراء ) هي الأرخص .. والأكثر تواجد في الشوارع

أتفق معهم ... وخصوصا الماليزيين الأصلين المسلمين ... هم الأطيب

وبخصوص الشواطئ ... تفضل التفصيل بأختصار :

شواطيء لنكاوي ( رومانسية وشاعرية ) ...

وشواطيئ بينانغ ( صخب ولعب ) ....

وبس

http://img443.imageshack.us/i/88226473.png/

هلا بك ياغالي
شواطي لنكاوي نعم فيها ألعاب بحرية وكل شيء
(راجع تقارير لنكاوي
وبينانج مو فيه شواطيء غالية وشواطيء رخيصة
لا
هو في نفس الشاطيء شاطيء باتوفرنجي الشهير
لكن كل واحد يعطيك سعر
طريقة بدائية أول مايشوفونك يجون الهنود والصينيين جري عليك تبغى برشوت تبغى دباب
وكل واحد يعطيك سعر
لازم من المكاسر ولازم يكون عندك تصور عن الأسعار علشان تعرف إذا يستحق أولا

موفق إن شاء الله

تسلم اخوي المغادرون على التوضيح و ما قصرت يالغلاا

قرب السفر و ما بقى الا كم يوم
اللحين ابي مساعدتكم و لا عليكم امر في الكاش اللي احمله معاي

انا حاط في بالي تقريبا ميزانية 7000 ريال سعودي لكل الفترة (14 يوم) اللي راح اقضيها في ماليزيا ... طبعا هذي ميزانية الصرف اليومي من غير طيران و لا سكن
هل الميزانية كافية والا ازيدها؟؟
و ابي شوركم ... كم اصرف الى رنقت ماليزي قبل لا اروح هناك
و هل اصرف مبلغ بسيط الى دولار والا ما يحتاج؟؟

شاكر لكم مقدما

حياك ياعمده

وينك ياهووووه ... وحشتنا

بأذن الله تكفيك ( 500 ريال يوميا ) .... مصروف يومي من غير التسوق طبعا

يعني ( 14 يوم ) ... تكفيك 7000 ريال بأذن الله

لكن لابد طبعا من الأحتياط ... أجعل في الفيزا ( 2000 ريال ) أحتياط ...

الطريقة الأفضل لحمل المبلغ :

أصرف من هنا ( 5000 ريال إلى رنقت ) ... وخذها معك كاش ...

وخل معك ( 2000 ريال ) من فئة ( 500 ) تصرفها هناك أفضل

http://img141.imageshack.us/i/19055463.png/

تسلم ياعسل ... وكلنا والله بخدمتك ... ونتشرف 🌹

تسلم وافي يا قلبي و الله لا يحرمنا منكم ان شاء الله

سؤال جا في بالي اللحين ... الكهرباء اللي يستخدموها في ماليزيا 110 و الا 220؟؟

هلابك حبيبي

الكهرباء في ماليزيا ( 220 فولت + 240 فولت ) ... ماعندهم 110

http://img560.imageshack.us/i/74472072.png/