الموضوع: ميلانوفينيساكومو صيف

السلام عليكم ورحمه الله وبركاته

اقدم لكم تقرير المتواضع خلال سفرتي الاخيرة الى بعض الدول الاوربيه وهي ايطاليا-سويسرا-النمسا-المانيا
وراح اضع في موضوعي هذا بعض الصور وتفاصيل سفرتي الى ايطاليا وبالتحديد ميلانو-فينسيا-كومو

في البدايه كان الترتيب لسفره من شهر مايو وتم اجراء جميع الحجوزات قبل السفره بشهرين ونصف تقريبا وكل حجوزاتي عبر النت طبعا صار تغير كامل على جدول الرحله والسبب ....!!!! راح اذكره في التقرير

الخطوط كان القطريه

وكان سعر التذكره لشخص:252 دينار كويتي
عدد الاشخاص:2
التاريخ:15-7-2010
الايام المخصص لميلانو وفينسيا وكومو: 4 ايام
الفنادق:Ibis Milano Centro في ميلانو وكانت ليله 62 يورو وهو من فئه 3 نجوم
الفندق الثاني في ميلانو وكان Starhotels Rosa Grand Hotel فندق من فئه 4 نجوم وليلته كانت 195 يورو

وصلنا الى ميلان ساعه 7 صباحا وبعد انتهاء جميع اجرائات المطار طلعنا في الخارج ندور تاكسي الصراحه كنت متشوق اني اطلع بره بسرعه واشوف الجو لانه الجميع عارضني على اختياري ايطاليا لانه جوهم حار المهم طلعت بره وماكان الجو حار بس ...........................

كان حار ورطوبه بعد
واخذت تاكسي وشغل العداد وبلغته الفندق وتوكلنا على الله وقالي المسافه تقريبا ساعه مع زحام الدوامات الصبح
وصلنا الفندق وكان حاسبه 92 يورو ولما عطيته 100 يورو رجع لي 10 يورو ستغربت انا منه مأخذ 2 يورو
عملت اجراءات الدخول لفندق وكان Ibis Milano Centro وهو من الفنادق الاقتصاديه وهذا موقعهم على النت
http://www.accorhotels.com/gb/hotel-...ro/index.shtml

طبعا اول ماوصلت نمت وقعدت ساعه 3 وانا ميت من الجوع اخذت تاكسي الى الدومو وتقريبا يبعد عن الفندق 5 دقايق وحاسب التاكسي كان يتفاوت بروحه والرده من 6 الى 10 يورو فقط....

والدومو Piazza Duomo هي اشهر ساحه في ميلانو وترجع تسميتها الى كاتدرائيه الدومو طبعا هي مقصد السياح الاول في ميلانو لما تحتويه من متاحف تاريخيه ومقاهي ومطاعم واسواق ومحلات اغلى الماركات

http://www.kuwaite.ws/

http://www.kuwaite.ws/

الصراحه اذهلتني هذي الكاتدرائيه في جمالها ودقة تصميمها

http://www.kuwaite.ws/

http://www.kuwaite.ws/

http://www.kuwaite.ws/

صور لمقهى zucca cafe milan
http://www.kuwaite.ws/

http://www.kuwaite.ws/

http://www.kuwaite.ws/

http://www.kuwaite.ws/

وهذا بوتيك بردا الشهير
http://www.kuwaite.ws/

بعد الانتهاء من وجبه الغداء في في احد مطاعم الدومو الشهيره نسيت اسمه وصراحه اسعارهم كانت غاليه يعني شخصين بحدود 60 الى 80 يورو
وكان الجو حار حيل وصلت درجات الحراره الى اعلى مستوياتها حتى انهم يقولون انه درجه الحراره هذي ماجاتهم من سنه 1938 طبعا الكلام هذا على ذمه شخص تونسي تعرفت عليه هناك وكان مثال لعربي المخلص الشريف في الغربه عسى الله يوفقه و راح اذكر موقف له معاي في التقرير

وهذا بوتيك لويس فيتون
http://www.kuwaite.ws/

http://www.kuwaite.ws/

وهذا الساحه الدومو
http://www.kuwaite.ws/

http://www.kuwaite.ws/

طبعا انا كنت حاجز سياره عن من المانيا وكنت متواعد مع شخص يوصلها لي الى ميلانو لانه التأجير في ميلان غالي حيل تقريبا الفرق بين المانيا وايطاليا مع نفس السياره مو اقل من 1000 يورو حتى مع اعطاء الشخص عمولة التوصيل
طبعا في تقرير راح اسهب اكثر في موضوع تأجير السياره من المانيا وتحديدا ميونخ

http://www.kuwaite.ws/

http://www.kuwaite.ws/

http://www.kuwaite.ws/

http://www.kuwaite.ws/

هذا كان اليوم الاول لي في ميلانو وكان انطباعي مقبول عن ميلانو في هذا اليوم وتقريبا 90% كان السبب الجو والحراره المو طبيعيه

راح اكمل باقي التقرير بعد ما شوف ردودكم وراح يكون اليوم الثاني في اوت لت سيرفالي

يتبع.......................

مواضيع عشوائيه ممكن تكون تعجبك اخترناها لك:

• بلييز ساعدوني جزاكم الله خيرا
• طلب بسيط
• ارجو مساعدتي ولا تحرمونا من نصائحكم
• مافي مشكله
• تنظيمـ باكيج لأوروبا مارس
• فندق في ميلان
• ما أعرف شي أسمه فيزا ممكن تساعدوني
• واخيرا ياايطاليا
• فنادق
• توزيع الايام لرحلة اكتوبرما راي الخبراء
• مدن علي البال في ايطاليا
• حايسه ابغى ارتب جدول لرحلتي
• مسافره ايطاليا اسبوعين في فبراير بليييز ساعدوني
• شهر العسل في ايطاليا النمسا
• جدول وإستفسار لـ رحلة لإيطاليا في أوكتوبر المقبل
• هل صحيح أن ليلتين في فينيسيا البندقية كثيره عليها ؟
• عندي كورس في روما ايام لوسمحتوا ابي برنامج
• في شهر مايو
• اللي رفضوا يعطونهم فيزا يدخلون وأولهم القطريين
• استفسار

حمدلله على السلامه

سجلني من المتابعين

بدايه رائعه......

متابعين ....... احجز مقعدي معك

متااابعين وياك بس مو كلام حر و رطوووبة انت الله يهديك
ايطالياشهر7 و 8 حر و رطووبة لازم تقرأ تقارير الاعضاء الي راح في عز الصيف
انا شخصياا رحت شهر اول 6 الجووووو خيااالي تقدر تشوفة في تقرريرى ( رحلتي الي ايطاليا)
مطر و براد حتى باغرفة بدون مكيف و لازم تتلحف عدل لا تمرض من البرد
الله يوفقك في باقي التقرير ومتابعين

المشاركة الأصلية كتبت بواسطة سياحي كول
http://www.arabtravelersforum.com/tr...1/#post4159291

حمدلله على السلامه

سجلني من المتابعين



الله يسلمك من الشر
ويشرفني مرورك الكريم

المشاركة الأصلية كتبت بواسطة toot11
http://www.arabtravelersforum.com/tr...8/#post4159398

بدايه رائعه......

متابعين ....... احجز مقعدي معك



تسلم عزيزي
ومقعدك محجوز على الفيرست كلاس

المشاركة الأصلية كتبت بواسطة violetq8
http://www.arabtravelersforum.com/tr...5/#post4160235

متااابعين وياك بس مو كلام حر و رطوووبة انت الله يهديك
ايطالياشهر7 و 8 حر و رطووبة لازم تقرأ تقارير الاعضاء الي راح في عز الصيف
انا شخصياا رحت شهر اول 6 الجووووو خيااالي تقدر تشوفة في تقرريرى ( رحلتي الي ايطاليا)
مطر و براد حتى باغرفة بدون مكيف و لازم تتلحف عدل لا تمرض من البرد
الله يوفقك في باقي التقرير ومتابعين



والله يا اخوي ماقلت الى الصج عن الحر كان شي موطبيعي
ودرجه الحراره وصلت 38 درجه والله المكيف مايلحق بالفندق والشمس حنانيه بشكل يشوي
وترى اوربا كلها حاشتها موجه حر رهيبه صادفت اول اسبوع من سفرتي بعدها تعدل الجو

نكمل الجزء الثاني من تقرير ......................

طبعا في نهايه اليوم الاول استلمت سيارتي تقريبا ساعه 12 بليل واصله من ميونخ
طبعا كنت متخوف من القياده في ايطاليا لانه مثلك عارفين مشهورين بسرقه السيارات والمندوب الي وصل لي السياره طبعا اول مره التقي فيه بس كان شغال سابقا مع اخوي وجم واحد اعرفه وكان ثقه
المهم اجر لي السياره لمدة 20 يوم وكان سعرها 1500 يورو وعطيته على التوصيل 500 يورو طبعا المبلغ كله وصل 2000 يورو بعضكم بيقول غاااالي بس لعلمكم السياره الي اخذتها سعرها في ميلانو يتعدى 3000 يورو وكانت
AUDI A5 كشف

قعدت معاه شوي وعرفت الي لي ولي علي وكنت متخوف من سرقتها في ميلانو بس هو طمني انه لو انسرقت ماراح ادفع الى 1200 يورو فقط.!!!! علما بأنه سعر السياره فوق 50 الف يورو

واخذت لفه بليل بشوراع ميلان لتعرف على الطرق اكثر وما اخفيكم اني كنت متخوف بعض الشي من القياده بس بعده اليوم زالت الرهبه تدرجيا

اليوم الثاني كانت وجهتي الى اوت لت سيرفالي ويبعد تقريبا ساعه عن الفندق

وهذي بعد الصور في الطريق

http://www.kuwaite.ws/

http://www.kuwaite.ws/

طبعا الطريق تقريبا كان 70 كيلو منه على طريق سريع رائع جدا استمتعت فيه و بالمناظر الجميله ومحطات الوقود ومطاعم الوجبات السريعه المنتشره طوال الطريق

http://www.kuwaite.ws/

http://www.kuwaite.ws/

http://www.kuwaite.ws/

طبعا وصلت لاوت لك سيرفالي صحيح انه القارمن خربطني شوي بس مارديت عليه وطلع طريقي انا صح
وكان اعتمادي كله على القارمن الي معاي وماكنت استخدم قارمن السياره مع انه اوضح ويبين لك كل تفاصيل الخريطه

http://www.kuwaite.ws/

http://www.kuwaite.ws/

http://www.kuwaite.ws/
انا اول ماشفت الزحمه على برادا قلت يمكن يوزعون بلااااش طلع لا نظام المحل يدخلون الزبائن على دفعات اتوقع خوفا من السرقه مع انهم موقفين بدي قارد طوفه عند الباب يخليك تنسى ليش داش المحل
طبعا نظام الاوت لت نفس البيوت الاوربيه وكل بيت عباره عن محل كبير

http://www.kuwaite.ws/

طبعا السوق كله ماعجبني وماشفت شي يلفت النظر فيه صحيح انه فيه تخفيضات بس البضائع الجيده والمقاسات الصغيره مباعه كل ماشفت شي عجبني ما احصل الى مقاس كبير جدا
والحر ماخلني اقعد اكثر من ساعتين فيه فطلعت بسرعه من الاوت لت ورجعت لدومو وبعد مارجعت تغير الجو والصوره القادمه توضح اكثر

http://www.kuwaite.ws/

http://www.kuwaite.ws/

كاااااان الجو غيم وافضل من اول يوم بكثير نزلت درجه الحراره قليلا ولا زال الحر مستمر
وطبعا كل مارحت الدومو عندي موقف كله اصفط فيه ولا مره شريت بطاقه المواقف مو عناد لا لاني مليت وانا اسئل ومالقيت محلات التوباكو الي يقولون لي عنها
والحمدالله ماعمري تخالفت

http://www.kuwaite.ws/

الى هنا انتهى اليوم الثاني وان شاءالله نكمل التقرير وراح يكون اليوم الثالث في فينسيا ......

يتبع .......................

متابعه معاك ..


و السياره مره حلوه

حمدلله ع السلامة وزييين لحقت الموظوع... يازن ايطالية وخاطرية اروحلها لو يومين.

متاااابعة ونترياااك

المشاركة الأصلية كتبت بواسطة met3ntra
http://www.arabtravelersforum.com/tr...9/#post4162479

حمدلله ع السلامة وزييين لحقت الموظوع... يازن ايطالية وخاطرية اروحلها لو يومين.

متاااابعة ونترياااك



الله يسلمج
وحياج الله منوره التقرير

نتاااااااااااااااااااااااااااابع اليوم الثالث ...........................
وكان مخصص لزيارة فينيسا (البندقيه) بالقطار

السعر:100 يورو لشخص
الزمن:ساعتين
الذهاب:8:30 الصبح والوصول 10:55
العوده:7.55 والوصول10:25

هذي صور صورتها على الطاير وانا بالقطار

http://www.kuwaite.ws/

http://www.kuwaite.ws/

هذي صوره اول ماوصل القطار لمحطه فيرونا (مدينه العشاق روميو وجوليت)
http://www.kuwaite.ws/

http://www.kuwaite.ws/

طبعا هذي الصوره اول ماقربنا لفينسيا
http://www.kuwaite.ws/

وهذي اول ماوصلنا واول صوره لي في فينيسيا طبعا الجسر هذا جدام المحطه

http://www.kuwaite.ws/

http://www.kuwaite.ws/

http://www.kuwaite.ws/

http://www.kuwaite.ws/

http://www.kuwaite.ws/

http://www.kuwaite.ws/

طبعا كانت الرحله على القطار مريحه وكان القطار فاضي تقريبا بس فينيسيا كانت فووووووول كل الجنسيات شفتها
حتى البنغااااالييييه شفتهم خخخخخخخ ماسلمت من شرهم ايطاليا يبيعون جناط تقليد شغل الصين .....
الصراحه ما توقعت انها بالجمال هذا والتمشي في ازقتها روعه وفيها محلات كثيره ومن كل الماركات والصراحه تسوق فيها اكثر من ميلان ومو بس ميلان بسفرتي كلها اكثر مكان شريت منه

طبعا تشتهر في فينسيا محلات بيع الاقنعه الجميله اشكال والالوان مثل الصوره هذي
http://www.kuwaite.ws/

وصراحه التمشي فيها ذكرني بفلم ال باتشينو تاجر البندقيه

عجبتني الصوره هذي وحبيت اصورها لكم
http://www.kuwaite.ws/

http://www.kuwaite.ws/

http://www.kuwaite.ws/

http://www.kuwaite.ws/

طبعا الاسعار فيها فلكيه شوي وغااااليه يعني تأجر لك قارب علشان تفتر فيه يقولك 100 يورو ولما عطيته طاف وسحبت عليه لحقني وقاااالي 80 يورو قلت اسحب شوي يمكن ينزل بعد جان يعطيني طاااااااااف
http://www.kuwaite.ws/

طبعا بعد اخذ جوله على المدينه صكنا الجوووع وفي ايطاليا مالك غير البيتزا الايطااااااليه الشهيه

http://www.kuwaite.ws/

http://www.kuwaite.ws/

http://www.kuwaite.ws/

http://www.kuwaite.ws/

http://www.kuwaite.ws/

http://www.kuwaite.ws/

http://www.kuwaite.ws/

طبعا هذي صوره لساحه سان ماركو الشهيره في فينسيا

http://www.kuwaite.ws/

http://www.kuwaite.ws/

http://www.kuwaite.ws/

طبعا المكان اكثر من رائع وكانت زحمه بشكل كبير على دخوووول الكنيسه طبعا املك اوقف في الزحمه لو الدخول بالمجان

http://www.kuwaite.ws/

وهذي صوره من المقهى الي كنت قاعد فيه

http://www.kuwaite.ws/

http://www.kuwaite.ws/

http://www.kuwaite.ws/

http://www.kuwaite.ws/

http://www.kuwaite.ws/

http://www.kuwaite.ws/

http://www.kuwaite.ws/

طبعا فينسيا جميله بس الي شفته انه يوم كافي عليها ورحله صبح ورده بليل بالقطار كافي لعدة اسباب منها
1-المدينه يوم واحد تستكشف فيها كل شي .
2-اسعار الفنادق والمطاعم والمقاهي مبالغ فيه جدا.

نكمل بكره مع مدينه كومو والموقف المضحك الي صار لي .......................

اول شي حمد لله على السلامه مع انها متاخره
الله يعطيك العافيه على هذا التقرير اللي جا في وقته
انا راح اكون في ميلان تقريبا 5 ليالي و من ضمن جدولي
زيارة فينيسيا و غيرها من المناطق القريبه رحلة يوم كامل
لكن اللي محيرني اوقات الصلاة وين اادي صلاتي اذا صادتني صلاة الظهر
او العصر و انا ما ابي ااجلها الين الليل هل يوجد هناك اماكن اقدر اصلي فيها
مسجد او مكان مخصص للصلاة اتمنى اللي عنده معلومه يجاوبني
تحياتي لك و منتظره باقي التقرير على احر من الجمر


الــروح

شيخ على ربعه ( إسمٌ على مسمى )
الحمدلله على سلامة الوصول
تقرير رائع ومجهود تشكر عليه
واصل التقرير ونحن متابعين
ولك أجمل التحايا .

ok
سؤاال!! الروحة فى يوم ما يكون تعب فى المشى ؟؟ لانك تستكشف المدينة فى يوم!؟

المشاركة الأصلية كتبت بواسطة الــروح
http://www.arabtravelersforum.com/tr...3/#post4165293

اول شي حمد لله على السلامه مع انها متاخره
الله يعطيك العافيه على هذا التقرير اللي جا في وقته
انا راح اكون في ميلان تقريبا 5 ليالي و من ضمن جدولي
زيارة فينيسيا و غيرها من المناطق القريبه رحلة يوم كامل
لكن اللي محيرني اوقات الصلاة وين اادي صلاتي اذا صادتني صلاة الظهر
او العصر و انا ما ابي ااجلها الين الليل هل يوجد هناك اماكن اقدر اصلي فيها
مسجد او مكان مخصص للصلاة اتمنى اللي عنده معلومه يجاوبني
تحياتي لك و منتظره باقي التقرير على احر من الجمر


الــروح



الله يسلمك من الشر
الاسلام دين اليسر والسماحه اخوي العزيز
اجمع واقصر وماشفت انا مساجد ولا مصليات هناك

الحمدلله على السلامه

سجلني من المتابعين ان شاء الله

تقرير رااااائع ب .... س كيف كانت تنقلاتك داخل فينسيا تاخذ تكسي...

الحمدلله على السلامه وتقرير روعه

متابعين وبقوووووووه

المشاركة الأصلية كتبت بواسطة ابوجبير
http://www.arabtravelersforum.com/tr...8/#post4165478

شيخ على ربعه ( إسمٌ على مسمى )
الحمدلله على سلامة الوصول
تقرير رائع ومجهود تشكر عليه
واصل التقرير ونحن متابعين
ولك أجمل التحايا .



الله يسلمك من الشر
وان شاءالله راح اواصل باقي التقرير

المشاركة الأصلية كتبت بواسطة met3ntra
http://www.arabtravelersforum.com/tr...8/#post4165538

ok
سؤاال!! الروحة فى يوم ما يكون تعب فى المشى ؟؟ لانك تستكشف المدينة فى يوم!؟



لا ماكو تعب ابد
انا اشوف انه يوم كافي
والمدينه مو كبيره

المشاركة الأصلية كتبت بواسطة الاوزونه
http://www.arabtravelersforum.com/tr...7/#post4170947

الحمدلله على السلامه

سجلني من المتابعين ان شاء الله



الله يسلمج
ياهلا ومرحبا

المشاركة الأصلية كتبت بواسطة شيء22
http://www.arabtravelersforum.com/tr...9/#post4173999

متابعين لك
تقرير حلووو
كنت متحمسه ع الاوت لت سيرفالي
اجل مو ذاك الزود ..
موفق ومتابعين



شوفي الاوت لت حسب معرفتي حظ نصيب
يعني ممكن تزوينه وتحصلين الي تبينه ويزروه في وقت ثاني شخص ومايحصل شي
دام تعنيتي ورحت ميلانو زوريه ماهو خساره

المشاركة الأصلية كتبت بواسطة toot11
http://www.arabtravelersforum.com/tr...3/#post4175683

تقرير رااااائع ب .... س كيف كانت تنقلاتك داخل فينسيا تاخذ تكسي...



تسلمين
والله مشي كله وفيه تاكسي مائي اذا حبيتي
المشي فيها حلو وماتحسين بالتعب المقاهي كثيره

المشاركة الأصلية كتبت بواسطة faisal 4545
http://www.arabtravelersforum.com/tr...4/#post4176654

الحمدلله على السلامه وتقرير روعه

متابعين وبقوووووووه

الله يسلمك من كل شر
وياهلا ومرحبا

نتااااااااااابع الجزء الثالث والاخير في رحلتي الى ايطاليا وكانت في كومو

كومو هي احد اكثر المدن الايطاليه التي تشهد اقبال من السياح وهي مدينه صغيره تحضنها بحيره جميله
وسنتر صغير قريبه من سويسرا تقريبا اقل من 7 كيلو ونت في سويسرا وتشتهر بصناعه الحرير حيث تعتبر مصانع الحرير في كومو ذروة مجال صناعة الحرير في الأزياء العالمية ولا يبعد عنها اوت لت فوكس تاون تقريبا اقل من ثلث ساعه ومن خلال زيارتي لها يوم يكفيها يعني اذا كنت رايح الى سويسرا بعدها ريح فيها يوم واطلع بعدها واذا جولتك ايطاليه فقط تعال لها الصبح وارجع قبل غروب الشمس المسافه بينها وبين ميلان 53 كيلو تقريبا اقل من الساعه.

صور من الطريق

http://www.kuwaite.ws/

http://www.kuwaite.ws/

http://www.kuwaite.ws/

http://www.kuwaite.ws/

http://www.kuwaite.ws/

http://www.kuwaite.ws/

http://www.kuwaite.ws/

http://www.kuwaite.ws/


طبعا الطريق شوي وعر وصعب القياده فيه خصوصا اني اول مره كنت اسوق بنفس الاماكن هذي وفي اوربا كلها بس الحمدالله الامور كلها كانت تمام وبعد ماوصلنا لكومو توجهت لفندق وكان Palace Hotel من فئه 4 نجوم ومطل على البحيره وسعره 195 يورو وكان مقصد لسياح الخليجين لاحظتهم بكثره في الفندق وبخصوص تقيمي لفندق
الصراحه غرف الفندق عادية جدا ذكرتني بفنادق شرق اسيا ابو نجمتين وسعره مبالغ فيه الصراحه افضل مافيه موقعه اما البحيره مباشرة

هذي صوره لفندق اول ماوصلت

http://www.kuwaite.ws/

http://www.kuwaite.ws/

طبعا الي تشوفنه بالصوره فوق الشكل الدائري الي لونه بني هذا يسمونه الموقف الذكي طبعا ساعه على ماصفطت فيه

وهذي بعض الصور المقتطفه من البحيره

http://www.kuwaite.ws/

http://www.kuwaite.ws/

http://www.kuwaite.ws/

وهذي واجهة الفندق من الامام

http://www.kuwaite.ws/

واخير هذا الموقف السري اذا رحت السنتر مع انه قريب من فندقي
زين انهم ماصادوني

http://www.kuwaite.ws/

مع انه صار لي موقف مضحك في كومو وهو اني كنت ابحث عن محل اجهزة كهربائيه ووبحثت في جهاز القارمن الي معاي وطلع لي خيارات كثيره واخترت اقرب محل وطلعت له ودخلني السنتر وقعد يحوووس فيني داخل وفي دهاليز صعب تدخلها السياره والناس تطالعني نشبت لهم نشبه ومتوهق بنفس الوقت
شوي ولا يشوفي شايب ايطالي وقفني وقالي ممنوع دخول السيارات في السنتر الوقت هذا وقلت له انا مضيع وماقصر دلني طريق الخروج بس كان موقف لا يحسد عليه والحمدالله عدت على خير ومن بعدها السيارت ماطلعت من الفندق هههههههههه
في النهايه اتمنى تقرير المتواضع يعجبكم
وراح اكمل الباقي في البوابه السويسريه والنمساويه و الالمانيه حيث انه رحلتي كانت
ميلان-فينيسا-كومو-لوقانو-لوسيرن-زيورخ-زلمسي-كابرن-سالزبورغ-ميونخ-ميلان


مع السلامه
مع تحيات
شيخ على ربعه

يعطيك العافيه اخوي تقرير جميل والصور رائعه خخ
صارلك مثل موقفي عصبو الناس حست حست لين طلعت خخخ ....
مشكور على التقرير الحلو.........

ذيب يا شيخ على ربعه ,,,!!!

[font="arial black"][size="5"][color="blue"]أجل موقف السري وحتى في ميلان تصفط بأي مكان وببلاش

المشاركة الأصلية كتبت بواسطة بوعبدالله عاشق سويسرا
http://www.arabtravelersforum.com/tr...9/#post4180019

يعطيك العافية على العلومات المفيدة
ماعليك امر انا رايح شهر 9 ميلان ونص يوم في فنيسيا وسويسرا وناوي استاجر سيارة اذا ممكن تفيدنا بموقع مكتب التاجير
وبخصوص فنيسيا ليش مارحت بالسيارة ؟؟ هل القطار افضل ؟



الله يعافيك
اخوي الكريم انا الوضع كان معاي غير شوي لاني بديتها من ميلان ونهيتها في ميلان وقبلها كنت في ميونخ
فأخذت سيارتي من المانيا جابوها لي الى ميلان وسلمتها في ميونخ ورجعت ميلان بالقطار شوف شركات السيارات العالميه مثل سكست-بدجت-هرتز-يورب كار
انا سيارتي كانت من يورب كار
وبخصوص سؤال ليش مارحت فينسيا بالسياره
لاني ماراح استفيد منها في فينسيا راح تكون بالمواقف طول الوقت والمسافه مو قريبه بعد
تقريبا فيها 3 ساعات وربع وانا رايح الصبح وراجع بليل لو راح ابات فيها كم ليله اخذت سيارتي
وحبيت اجرب القطار وانصح فيه الصراحه

المشاركة الأصلية كتبت بواسطة اطليانو
http://www.arabtravelersforum.com/tr...1/#post4180871

يعطيك العافيه اخوي تقرير جميل والصور رائعه خخ
صارلك مثل موقفي عصبو الناس حست حست لين طلعت خخخ ....
مشكور على التقرير الحلو.........



الله يعافيك
والله لا يعيده من الموقف
الصراحه انحرجت خخخخخخ

المشاركة الأصلية كتبت بواسطة نوووووف
http://www.arabtravelersforum.com/tr...7/#post4181107

ذيب يا شيخ على ربعه ,,,!!!

[font="arial black"][size="5"][color="blue"]أجل موقف السري وحتى في ميلان تصفط بأي مكان وببلاش




خخخخخخخ ربج ستر بخصوص المواقف
وبخصوص عدم ذهابي الى فينسيا بالسياره راح اردج عليج
1-المسافه بينهم تقريبا 300 كيلو يعني 3 ساعات وربع رايح و3 ساعات وربع راد وانا رايح الصبح وراجع بليل يعني راح على اليوم
2-لو تبين تحسبينها روحه مع رده فيها 600 كيلو يعني راح اعبي بانزين تقريبا مره ونص والبانزين غالي يعني راح يكلفني تقريبا 130 يورو.
3-ماراح استفيد من السياره في فينسيا لانه مافيها طرقات وراح اركنها في المواقف وراح يأخذون 25 يورو تقريبا.
3-حبيت اجرب القطار خصوصا انه المحطه في ميلان لا تبعد الى دقيقتين عن فندقي بدون مبالغه .

هذي الي خلاني اروح بالقطار واترك السياره في الفندق

جزاك الله خير .. مشكور عالرد .. بس سؤال ثاني بتعبك معاي

اي فندق سكنت وكم سعره

وكم سعر تذكرة القطار ذهاب وعودة ..واشلون مواعيد القطار 24 ساعة
وهل يفضل الحجز المسبق للقطار عن طريق النت ؟

المشاركة الأصلية كتبت بواسطة بوعبدالله عاشق سويسرا
http://www.arabtravelersforum.com/tr...4/#post4186994

جزاك الله خير .. مشكور عالرد .. بس سؤال ثاني بتعبك معاي

اي فندق سكنت وكم سعره

وكم سعر تذكرة القطار ذهاب وعودة ..واشلون مواعيد القطار 24 ساعة
وهل يفضل الحجز المسبق للقطار عن طريق النت ؟



في ميلانو سكنت فندقين
ايبس 3 نجوم وليلته تقريبا 60 يورو
والثاني ستار روز 4 نجوم وليلته 195 يورو
وفي كومو سكنت بليس القصر وليلته كانت 190 يورو
والقطار سعره 100 يورو ذهاب وعودة
لا اتوقع اول رحله الصبح ساعه 7 واخر رحله بليل 10
اكيد افضل لك تحجز مسبق من النت
وشكرا

سلمت ياغالي , وحمد الله على سلامتك , ومتابعين معك للاخر , دمت بود , , ,

المشاركة الأصلية كتبت بواسطة waleed8818
http://www.arabtravelersforum.com/tr...9/#post4193309

سلمت ياغالي , وحمد الله على سلامتك , ومتابعين معك للاخر , دمت بود , , ,



الله يسلمك يا الغالي
ونبيك تظبطنا عاد
السفره الجايه المشروع امريكا

تقريريك جميل
استمتعت بقراءته
يعطيك العافية والحمدلله على السلامة
وطبعا احلى مافي رحلتك الموقف اللي صارلك في كومو كني اتخيل شكلك واشكال الناس وهم يطالعونك هههههههههههههه

المشاركة الأصلية كتبت بواسطة just women
http://www.arabtravelersforum.com/tr...2/#post4199902

تقريريك جميل
استمتعت بقراءته
يعطيك العافية والحمدلله على السلامة
وطبعا احلى مافي رحلتك الموقف اللي صارلك في كومو كني اتخيل شكلك واشكال الناس وهم يطالعونك هههههههههههههه



تسلمين اختي العزيزه
والله يعافيج
اي والله موقف محرج كاااان

تقرير رائع وجميل
فية من المتعة الكثير عالعموم الحمد للة عالسلامة ومشكور على الطرح والتفاصيل
دمت بود

يعطيك العافيه اخوي

يعطيك العافيه اخوي

المشاركة الأصلية كتبت بواسطة bufahad
http://www.arabtravelersforum.com/tr...1/#post4235171

يعطيك العافيه اخوي



الله يعافيك اخوي
وحياااك الله

المشاركة الأصلية كتبت بواسطة q8
http://www.arabtravelersforum.com/tr...9/#post4236619

يعطيك العافيه اخوي



الله يعافيك
وحياااك الله

تقرير رائع , يعطيك العافية .
استفدت منه الكثير ...
عندي سؤال المحطة اللي تروح منها لفينيسيا قريبه من الدومو ؟؟
ودي تشرح لي رحلة القطار هل هي ع طول لفينيسيا والا توقف في كم محطه ؟
كل الشكر ..

المشاركة الأصلية كتبت بواسطة طالبكم
http://www.arabtravelersforum.com/tr...6/#post4282656

تقرير رائع , يعطيك العافية .
استفدت منه الكثير ...
عندي سؤال المحطة اللي تروح منها لفينيسيا قريبه من الدومو ؟؟
ودي تشرح لي رحلة القطار هل هي ع طول لفينيسيا والا توقف في كم محطه ؟
كل الشكر ..



المحطه هي ميلان سنترالو تقريبا اسمها جذي
لا قريبه 10 دقايق
رحله القطار ساعتين وثلث تقريبا توقف خلالها تقريبا 6 محطات

والله يعافيك وسفره موفقه

المشاركة الأصلية كتبت بواسطة شيخ على ربعة
http://www.arabtravelersforum.com/tr...5/#post4283075

المحطه هي ميلان سنترالو تقريبا اسمها جذي
لا قريبه 10 دقايق
رحله القطار ساعتين وثلث تقريبا توقف خلالها تقريبا 6 محطات

والله يعافيك وسفره موفقه



اوووووف 6 محطات ,,,
يعافيك ربي يا شيخ

المشاركة الأصلية كتبت بواسطة طالبكم
http://www.arabtravelersforum.com/tr...0/#post4283570

اوووووف 6 محطات ,,,
يعافيك ربي يا شيخ



ايه بس ترى ماتطول بالوقوف مو اكثر من دقيقتين او ثلاث ونت ماشي
الى بعدو ...

اللي بعدو سلامتك ,,

ماشاء الله عليك اخوي شيخ على ربعه روعه في صياغة تقريرك وابداع في ألتقاط الصور

متابعين معاك ولا تطول علينا وانا اخوك

اخوكـ/ م ط ر 212

المشاركة الأصلية كتبت بواسطة م ط ر 212
http://www.arabtravelersforum.com/tr...9/#post4295849

ماشاء الله عليك اخوي شيخ على ربعه روعه في صياغة تقريرك وابداع في ألتقاط الصور

متابعين معاك ولا تطول علينا وانا اخوك

اخوكـ/ م ط ر 212




تسلم عزيزي على التشجيع
والله في تكمله في التقرير بعدها رحت سويسرا والنمسا والمانيا
بس العجز ومايسوي

يعطيك العافية على هالتقرير الحلو

وبانتظار القادم

ماقصرت على هالتقرير الممتع كنت بميلانو نفس وقتك وفعلا كان الجو مو طبيعي مع انه مو اول مره نروح لها بالصيف بس هالسنه بزيااااده
بلحق التقرير في باقي البوابات
لاهنت

المشاركة الأصلية كتبت بواسطة كويتية^رحالة
http://www.arabtravelersforum.com/tr...5/#post4302115

يعطيك العافية على هالتقرير الحلو

وبانتظار القادم



الله يعافيج
وشرفني مرورج

الاودي لها رونقها باوربا بس الاجار 2500 مع التوصيل زين و ممتاز
و صورك لفنيسيا الرومنسية حلوة و كومو فندقك اكيد مو نفس شرق اسيا اوربا عموما
بي كفاية التمشي بابراد و سوف سرفالي متعب ب مقاساتة الكبيرة

المشاركة الأصلية كتبت بواسطة maha ksa
http://www.arabtravelersforum.com/tr...2/#post4302662

ماقصرت على هالتقرير الممتع كنت بميلانو نفس وقتك وفعلا كان الجو مو طبيعي مع انه مو اول مره نروح لها بالصيف بس هالسنه بزيااااده
بلحق التقرير في باقي البوابات
لاهنت





ايه كان حار والله
وحياك الله

المشاركة الأصلية كتبت بواسطة violetq8
http://www.arabtravelersforum.com/tr...4/#post4380024

الاودي لها رونقها باوربا بس الاجار 2500 مع التوصيل زين و ممتاز
و صورك لفنيسيا الرومنسية حلوة و كومو فندقك اكيد مو نفس شرق اسيا اوربا عموما
بي كفاية التمشي بابراد و سوف سرفالي متعب ب مقاساتة الكبيرة



ايه والله لها نظرتها بس طلعت علي 2000 مو 2500 مع التوصيل

ومشكور على المرور

تقرير روعه ماشاء الله تبارك الله

ألف شكر لك على التقرير الرائع..

المشاركة الأصلية كتبت بواسطة ][نبع العطاء][
http://www.arabtravelersforum.com/tr...0/#post4557420

تقرير روعه ماشاء الله تبارك الله

ألف شكر لك على التقرير الرائع..




تسلم وحييياك الله

معلومات قيمه و مفيده
و جهد يستحق الشكر
بارك الله فيك و حفظك

مشكورين جدا
ويعطيكم الصحه

بارك الله فيك يا شيخ
تسلم الايادي