الموضوع: مساافر وابي مساعدتكم

السلام عليكم
انا ان شاء الله ناوي السفر على ماليزيا وهذي اول سفره لي خارج الخليج
مسافر انا وزوجتي وبنتي بعمر السنه عندي كم استفسار
وان شاء الله بتكون يوم 21/11/2012 الى 1/12/2012
وان شاء الله يومين صن واي لاقون
يومين بييانج في بارك رويال
يومين لنكاوي في لنكاوي لاقون (كنت حاب ويستن لكن راح يكون في بعض التصليحات)
وبقية الايام كوالالمبور
حاب منكم تنصحوني بالامكان الي تستحق الزياره في جدول يومي
وعندي استفسار انا حاجز بصن واي اول يوم عند الوصول وعندهم خدمة التوصيل من والى المطار كيف اتواصل مع الفندق
واستفسار ثاني انا بنتي بتكون بالعربيه هل في صعوبه في الموضوع
وكمان حاجز عن طريق الطيران القطري ما رايكم فيه
والطيران الداخلي اير اسيا اذا تم الحجز عن طريق النت من وين اقص البوردنق

عذرا على الاطاله لكن متوقع منكم كل خير
وجزاكم الله الجنه يارب

مواضيع عشوائيه ممكن تكون تعجبك اخترناها لك:

• شهر عسل في ماليزيا وسنغافورة
• رحله في الايام القادمه
• ما هي مميزات وعيوب السفر للسياحه في ماليزيا ؟ وهل هي غاليه ام رخيصه ؟
• شكر خاص اي خدمه عن لنكاوي
• السياحة في ماليزيا
• استفسارات الحجز المبكر لنكاوي مابين الرحلات والمنتجع جدولي
• فندق شيراتون لانكاوي
• بمشيئة الله مسافر ماليزيا الاحد القادم افيدوني بالاماكن
• فنادق برنس
• أرجو ألمساعده بوضع جدول لرحلتي إلى ماليزيا
• ارجوا تنسيق جدول للزيارات ليله
• جدول سياحي 8 ايام بماليزيا فنادق 4 نجوم 2017
• رايكم ياخوان في اختياراتي للفنادق الله يبشركم بجنة عرضها السموات والارض
• عاجل جدا جدا
• مشكلة عند الحجز في بوكينج في فنادق لنكاوي
• هل تنصحون بـ
• رايكم في الفنادق اللي حجزتها
• ساعدوني ضروري
• شقق فندقية في كوالا ولنكاوي
• ساعدوني في رحلتي الأولى لماليزيا

ياهلا والله وغلا ( مهاتير محمد ) ... صح ؟؟؟؟

عندك ياحلو ( 9 أيام ) صافية ... من غير يومي الذهاب والعودة

وأنصحك بهذا الجدول الأجمل والأروع :

يومين سلانجور

ثلاثة أيام لنكاوي

أربعة أيام كوالا

ملاحظات :

* بينانغ ألغيها كي ترتاح في التنقلات

* لنكاوي ( أجمل ) من بينانغ بكثير ... وتغنيك عنها بأذن الله

* الخطوط القطرية من أرقى وأفخم خطوط الطيران بالعالم ... أختيار راقي وممتاز بأذن الله

* العربة للأطفال مريحة ... وأغلب السياح يستخدمونها مع أطفالهم هناك

* في طيران air asia تقص البوردنق مع الحجز ... أو من المطار عند الموظف على الكاونتر

* أنصحك تأخذ تاكسي من المطار إلى صن واي لاقون ( أرخص ) من تكاسي الفندق

* الجدول اليومي بعد الأستقرار وأختيار الجدول العام للرحلة

http://img846.imageshack.us/i/18372567.png/

محتاار لاني فعلا محتار
الحين امس كنت اشيك على الخطوط القطريه كان السعر 4442 واليوم جيت احجز طلع السعر 6689 ليييش معقوله من يوم تغير السعر

شكرا وافي ... ماقصرت

عموما ...

تغير السعر غريب ... ومو معقول يرتفع كذا فجأة

شوف هالموقع وراح يفيدك

http://www.arabtravelersforum.com/travel515438/


http://img854.imageshack.us/i/54436110.png/

سامحني أخوي وافي مشكور وما قصرت يعطيك ألف عافيه بس انصدمت من السعر والحين بجرب هالموقع والله يكتب لنا التيسير
والله يكتب أجرك [left][size=-2]

مرحبا اخوي وافي انا حااايس على اي خطوط اسافر كنت ناوي على قطر بس لما ارتفع السعر خربت الميزانيه
وش رايك ؟؟

حياك الله ... يالصاحب الغالي

والله مدري وش أقولك

لكن وش حيلة المضطر ... غير ركوب الصعب ....

أحجز أي رحلة رخيصة ... لأن الوقت تأخر بصراحة

عندك ( السيرلانكية - الأتحاد - طيران الأمارات ) وبأذن الله تلقى رحلات رخيصة

http://img835.imageshack.us/i/46991783.png/

الله يحقق لك مبتغاك
لقيت على الاتحاد من البحرين ابوظبي كوالالمبور الترانزيت طويل بس الله يعين
شكلي بحجز عليها
اذا حجزت خبرتك مالنا غنى عن استشارتك

ولايهمك ياغالي ... معك بأذن الله للأخير

بس أنصحك تنتظر يومين أو ثلاثة ... يمكن تلقى رحلة مناسبة ... بترانزيت أقل

على فكرة ... كم سعرها ؟؟؟

http://img835.imageshack.us/i/46991783.png/

مشكور ما تقصر
شخصين ورضيع ب 4600

ماشاء الله تبارك الله ... والله سعر مميز وراااائع ...

توكل على الله وأحجز التذاكر ... والترانزيت ربي يعينك عليه

لكن عندي وجهة نظر أخوية

ليه ماتترك ( الرضيع ) هنا عند أهلك ... لأنه راح يتعب ويتعبكم ...

السفر بالأطفال ( عذاب والله ) ... ويقيد كثير من تحركاتكم ...

أسف على التطفل ... لكن نصيحة أخوية

http://img835.imageshack.us/i/46991783.png/

الله يسعدك ويخليك
هههههه انا ودي بس المدام الشرط الوحيد بالسفره تاخذها معنا وكمان عندها كم دواء فلازم تكون معنا
ان شاء الله احجز عليها الله يكتب لنا الخيره

أجل ... الله يحفظكم ... في حلكم وترحالكم

وأتأسف عالتدخل ... والتطفل ... في خصوصياتكم ...

http://img835.imageshack.us/i/46991783.png/

مرحبا وافي والحمدلله تم الحجز على الخطوط الاماراتيه
من يوم 20/11الى1/12
عندي كم سؤال الله يعافيك حبيت اسال عن الترانزيت بدبي لان بنوصل دبي الساعه 8 يوم 1 ونطلع لدمام اليوم الثاني العصر
هل فيه خدمات بالمطار مطعم سكن اي شي ودي اعرف
الشي الثاني
مانستغنى عن رايك في ترتيب رحله حلوه
انت قلت لي رايك بالبدايه انو الافضل نستبعد بييانغ بس انا ودي ازورها شرايك
الفنادق
صن واي لاقون ..سلانجور
بارك رويال..بييانغ
لنكاوي لاقون..لنكاوي
ترايدرز..كوالالمبور
يهمني رايك ..

هلا والله حبيبي ...

طبعا النظام يلزم خطوط الطيران بتوفير سكن للمسافرين إذا كان الترانزيت أكثر من ( 8 ساعات )

وطبعا فيه فنادق قريبة من المطار ... وفيه غرف فندقية بنفس المطار ... للأيجار ... وفيه مطاعم كثيرة

أما الفنادق فهي رووووعة بصراحة .. وأنصحك بأعتمادها

وطبعا الأيام عندك ( 10 ) بالضبط ... وهذا تقسيمها الأجمل :

يومين سلانجور - ثلاثة لنكاوي - يومين بينانغ - ثلاثة كوالا

الله يرزقك جنه عرضها السموات والارض
ان شاء الله بحجز الفنادق ولي رجعه معك

هلا ب امير المنتدى وافي
الحمدلله تم حجز الفنادق والطيران الداخلي
من 21الى 23
صن واي لاقون
و
من 23الى 25
بارك رويال بيياننق
و
من 25الى 28
لنكاوي لاقون
و
من 28الى 1
ترايدرز كوالالمبور
*يخصص يوم لجنتق

والحمدلله تواصلت مع مكاتب الطيران الاماراتي وقالو فيه فندق الى موعد الرحله

وسامحنا تعبناك يالغالي

ما تقصر يالغالي
ويعطيك العافيه على كل شي ما شفنا منك قصور ابد احنا الي اتعبناك

عندي استفسار اللحين طيران اير اسيا على كل شي سعر المقعد والحقائب ؟؟

مرحبا يا اخوان و الاخ وافي
عندي استفسار الحين حجزت فندق من بوكينق كان بسعر 1731 وسحب من الفيزا 2008 ليييش انا اول مره احجز من البوكينق واول مرا استخدم الفيزا
وكمان الله يعافيكم حاب تقرير عن بوتراجايا اذا موجود او خبروني هل تستحق الزياره

هلا حبيب قلبي ( محتار )

الحساب صحيح ... لأن الفندق خصم المبلغ مع الضريبة ( 16% )

وتفضل الحسبة :

( المبلغ 1731 × الضريبة 16 % ) = 2008 ريال

وبخصوص ( بوتراجايا ) ... هذا التقرير الوحيد عنها حسب علمي

http://www.arabtravelersforum.com/travel90251/

http://img145.imageshack.us/i/63556963.png/

يعطيك العافيه ريحتني كنت حاسب حساب اني بدفع الضريبه بالفندق لانهم كاتبين غير مشمول

طيب وافي انا عندي بلاك بيري اقدر اشتري شريحه من المطار ويفعلون لي الخدمه وبكم تقريبا
ويجزاك الف خير

هلا قلبو

الخصم طبعا يكون شامل الضريبة ... يعني ماتدفع شيء عند الوصول

وبخصوص البلاك بيري ...

أشتري شريحة ( سيلكوم أو دي جي ) وفعل فيها البلاك بيري ....

رسوم الخدمة بحدود ( 22 رنقت ) لمدة أسبوعين ...

بس لاتطلع من المكتب إلا بعد التأكد من تفعيل الخدمة ... وجرب بنفسك

http://img560.imageshack.us/i/49726160.png/

الله يسعدك كيف تحط البلسم على الواحد اجابات تبرد الخاطر
ماننحرم من تواجدك
طيب الله يسعدك انا بنتي عمرها بيكون وقت السفره سنه وثلاث اشهر يعني تحتاج اكل هل فيه مطاعم توفر مثلا رز الابيض ,الخضار ,وهل فيه مثلا سوبر ماركت اقدر اشتري منه زبادي ؟

تسلم والله ياغلانا

الرز الأبيض تلقاه في أغلب المطاعم ... لأنه مفضل عند الصينيين ...

وبخصوص ( الخضار ) ... المطاعم العربية عندهم وجبات بالخضار ( تؤدي الغرض )

أما ( الزبادي ) ... والله مدري ... ماعمري شفته بماليزيا

http://img560.imageshack.us/i/49726160.png/

الحمدلله طمنتني على معدة بنتي خخخخخخخخ
الله يسعدك ويرزق اهلك برك

يسلمك ربي ... يالغالي

الله يسهل أمركم ... ويوفقكم برحلتكم يارب

http://img560.imageshack.us/i/49726160.png/

امين وياك يارب

http://img685.imageshack.us/i/32174548.png/

مرحبا اخوي وافي
بغيت اسالك كم عدد ساعات النهار
واوقات الصلاه هل هي ثابته ؟؟

هلا والله ياغالي

تفضل هذا الموقع العالمي ( الباحث الأسلامي ) ... وراح يفيدك بأذن الله

فيه مواقيت الصلاة في كل مكان بالعالم ....

http://www.islamicfinder.org/index.php?lang=arabic

المشاركة الأصلية كتبت بواسطة mm7taar
http://www.arabtravelersforum.com/tr...5/#post7250715

الله لا يحرمك الأجر أن شاء الله....

مشكؤوور أهنيك على طيبة نفسك من الموبايل

بعد قلبي والله .... الطيبك طيبك ياغلاهم

http://img96.imageshack.us/i/67613455.png/

بغيت اسال الله يخليكم هل في مطار بييننق ومطار لنكاوي مكاتب لتاكسي زي مطار كوالالمبورر
ولا اطلع برا المطار اشوف لي تاكسي

هلا بحبيبي الغالي ( محتار ) ...

أخبارك ياقمر

كل المطارات الماليزية فيها مكاتب ( رسمية ) للتكاسي ... وأسعارهم موحدة ...

ومن رأيئ المتواضع ... المكاتب الرسمية ... أفضل وأنسب ... وأكثر أمان

http://img715.imageshack.us/i/96915377.png/

الله يخليلك غاليك يارب
هذا الي انا ابيه ما ابي اقعد ادور بين التكاسي ابي مكتب اريح واظمن

المشاركة الأصلية كتبت بواسطة mm7taar
http://www.arabtravelersforum.com/tr...3/#post7260793

الله يخليلك غاليك يارب
هذا الي انا ابيه ما ابي اقعد ادور بين التكاسي ابي مكتب اريح واظمن

يب يب

http://img715.imageshack.us/i/96915377.png/