الموضوع: تكفون أخوكم عريس ومحتار

السلام عليكم
أسعد الله صباحكم ومسائكم
جزاكم الله ألف خير
أخواني أخواتي أنا مسافر وزوجتي بإذن الله بتاريخ 17 نوفمبر 2012 والعودة يوم 28 نوفمبر
وحجزت على الخطوط السعودية ذهاب وعودة بسعر 3556 ريال
وعندي كم سؤال وجاوبوني الله يكتب اجركم :
* وش الفنادق اللي اسكن فيها على حسب خبرتكم.
*توزيع الايام على حسب المدن.
*وش افضل وسيلة تنقل في كل مدينة.
*وش الاماكن اللي تنصحوني فيها اروح لها انا والمدام تناسب العرسان.
* هل سعر التذاكر زين ولا فيه ارخص.

الله يوفق اللي يفيدني في بأي معلومه ويفتح له باب الرزق من الموبايل

مواضيع عشوائيه ممكن تكون تعجبك اخترناها لك:

• بعد بحث تم اختيار مخطط الرحلة رأيكم
• يااهل الخبره ساعدوووني احس اني تووهقت بقووووووووه
• ساعدوني في إعداد جدول لرحلة اليوم شاملا الفنادق
• سؤال
• زيارة البرجين
• بقي تقريبا شهر ع الرحله وباقي مارتبنا اي شي
• استفسار بالنسبة في حجز الفنادق وتذاكر الطيران
• استفسار عن جوهور بهارو
• لو تكرمتو محتاج خبرتكم لتنظيم رحلتي لشهر العسل
• الفنادق
• ارجو من خبراء ماليزيا ترتيب رحلتي
• ارجو النصيحة في هذا الموضوع ولكم الشكر
• هل يستحق الإقتناء
• استفسار
• فنادق
• المساعده في حجز منتجع برجايا ×
• احتاج مساعدتكم الله يووفقكم جميعا
• مشكلة مع ويسترون يونيون
• هل أستطيع زيارة ح الطيور وشلال تمبلر بارك نفس اليوم
• طلب مساعدة من اهل الخبرة

هلا يا عريسنا

بجاوبك ع حسب خبرتي ،، بس قبل اجاوبك بقولك شي ،، ماليزيا حلوة وراح تستانس انت وعروستك وفيها امان بس ...
نجي لبس ، ترى بعض الاعضاء يمدحون بماليزيا تقول انهم في الجنه وتعرفهم من مواضيعهم ... هي حلوة مرة بس ما توصل لدرجة اني اقول خلاص ما بعدها الا الجنة
وبتشوف كلامي قدامك


نجي لتوزيع الايام
اول ما توصل ريح في فندق اسمه قولدن بالم واخذ فيه يوم يكفي عشان عناء السفر
(( تعرف روعة 5 نجوم وفخم فخم بمعنى الكلمة وسعره في متناول اليد ،، ويبعد عن المطار 40 دقيقة بالتكسي ،، وترى اكلهم الله يديم النعمة احسب حسابك ).


وبعده شد حزامك ع لنكاوي واذا تبي نصيحة اخوك لا تزيدها ع يومين فقط تعرف فقط المدينه صغيرة وجوها فيه حرارة بس حلوة ويمداك تفرها في يومين وعندك فيها رحلة المنقروف والتلفريك اهم شي فيها
طبعا الفنادق ع حسب فلوسك
اللي نزلت انا فيه اسمه فور بوينت شرتون لنكاوي 4 نجوم وحلو مره وع البحر وفطورهم ممتاز ما هو زي القولدن بالم الله يديم النعمه


ثم ترجع لحزامك وتشده ع بيننق سواءً بالطيارة ولا بالبوت البحري ومدته ثلاث ساعات وحلو ورخيص ويصير جربت الطيارة والسفينه وقدامك الباص من بيننق الي كوالا العاصمة


طبعاً اذا جيت بيننق علمني اعطيك رقم سواق والله ان تنبسط معه اذا قلت تعال (قال 5 دقيقة انا يجي)
ورخييييص لانه سيارة خصوصي والخصوصي ما يكد هناك بس هالسواق فلة
ويتكلم عربي ويحجزاك بسعر التذكرة بدون اتعاب
*
بيننق فندق فلامنجو حلووو 4 نجوم وموقع خطير والله اني خقيت عنده ع شاطي بيتش وفلوسك هي اللي تحكم الفنادق

ولاتزيد عن يومين في بيننق مع انها وحلوة وتستاهل 3 ايام لكن العاصمة احلى ويبيلك فيها اقل شي 5 ايام

واطلع من بيننق ع العاصمة بالباص تراه ممتع والدنيا كلها خضرة والباص مكيف ومضلل
بس تراه يأخذ 5 ساعات
وكذا يصير ركبت الطيارة والسفينة والباص
طبعا اذا جيت العاصمة ،، تكسي من محطة الباص للفندق اللي تختارة اهم شي يكون قريب من شارع العرب تراه مره وناسة

من بعد المغرب الين 12 او 1 ثم تعود الي عروستك. وتعود اليك *
والفنادق في كوالا حدث ولا حرج من كثرتها
البرنس حلو وسعره نظيف واكله خطير(( يعني لذيذ )) ( قهوة وشاهي ع طول وعطيرات )

ثم بعدها وانا اخوك تعود الي النقطة الاساسية اللي هي
انك تشد حزامك وشناطك وتسلملي ع العشرين الف اللي بتدفعها وترجع لبيت الطفولة

امزح ما كو عشرين الف ع حسب رحلتك

السلام عليكم

المنتدي غير مسؤل عن تواصلك و مكالمتك مع ابو أنس

وهو خالف تعليمات المنتدي ووضع رقمه الخاصة

فتحمل نتيجة تواصلك معه

يا منتدانا الغالي العذر والسموحة
ما كنت ادري ان وضع الارقام ممنوع وابشر ما عاد انت بلاقي رقمي وانا اخوك [left][size=-2]

يا أخ zazaz كيف حكمت اني دقيت على الأخ أبو أنس
كان ممكن تقول قوانين المنتدى تمنع نشر الأرقام وكذا الموضوع ينتهي
وبلاش تقول تحمل نتيجة تواصلك من الموبايل

حصل خير اخواني و ما صار الا العافيه
هو مشرف و يستوجب عليه التنويه لهذه المواضيع وهو مجرد تنويه فقط

المهم وين وصلت في رحلتك وشو سويت وشو ما سويت

هلا أخوي al3dne
الله يعطيك العافيه...ترتيب الرحلة الى الآن ما زلت محتار لكن التذاكر خلاص شريتها وموعد السفر ان شاء الله من 18 نوفمبر إلى 29 نوفمبر يعني الرحلة 10أيام بدون يومي السفر..
الله يكتب مافيه الخير وييسر الأمر من الموبايل

المشاركة الأصلية كتبت بواسطة علاوي العريس
http://www.arabtravelersforum.com/tr...3/#post7222721

يا أخ zazaz كيف حكمت اني دقيت على الأخ أبو أنس
كان ممكن تقول قوانين المنتدى تمنع نشر الأرقام وكذا الموضوع ينتهي
وبلاش تقول تحمل نتيجة تواصلك من الموبايل




وانا قلت انك كلمته؟؟

انت تقوله بينا اتصال مو انا اللي قلته و عشان كذا كان ردي مثل ماشفت

لكن ابشر المره الجايه اسألك وش ودك اكتب طال عمرك!!