الموضوع: متفرقات وملاحظات بعد العوده من ايطاليا

السلام عليكم

مساء الفل لكل اعضاء المنتدى الغالين .. اللي ماقصروا في افادة جميع المسافرين

من هالمنطلق حبيت اكتب بعض النقاط المهمه بعد يومين من وصولي الى ارض الوطن

السفر عبر الخطوط السعوديه : الرياض - روما لكن كالعاده حبايبنا في الخطوط يغيروا على كيفهم ومرينا مطار جده وانتظرنا حدود ساعتين تقريبا ثم اكملنا رحلتنا الى روما

العوده كانت ميلانو جده الرياض .. رغم ان الحجز كان ميلانو الرياض لكن زحلقناها لهم هالمره :109:

ساتكلم على شكل نقاط عن البلدان التي زرتها : روما ، فلورنس ، بيزا ، فينيسيا ، ميلانو ، بحيرة جاردا " بيسكييرا" .
[line]
روما

1 - السكن يفضل ان يكون فندقك قريبا من السبانيش ستيبس.
2- الجو كان حارا نوعا ما خلال الايام الفائته في حدود 33
3- قم بزيارة مدينة تيفولي القريبه كبرنامج يوم كامل .. اركب المترو الى محظة بونتي ماملو وستجد هناك باصات تنقلك الى مدينة تيفولي ب6 يورو ذهاب وعوده .. في تيفولي حديقة فيلا ديستي هم الاهم وهي المشهوره بنوافيرها
4- لاتتم زيارة روما الا بزيارة معالمها الاثرية القديمه من ساحات ونوافير واثار .
5- للتسوق من الماركات هناك شارع فياكوندتي وديل كورسو المتقاطعين القريبين من سبانيش ستيبس على فكره كفشت نجم السله الامريكي شاكل اونيل هناك في احد المحلات يتسوق هو وزوجته وقال لي مدير اعماله ممنوع تصور او تطلب توقيعه مانبي احد يدري عنه عشان مايتبهذل مع السياح .. حتى راعي المحل يوم علمته ان زبونه شاكل اونيل ماصدق في البدايه .. الحاصل كنت تقريبا نصفه بالضبط من ناحية الطول :101:
6- رحلات التور الخاصة بشركة 110 جميله تنطلق من محطة تيرمني في باصات من دورين مكشوفه .. الشخص ب 13 يورو.
[line]

فلورنس

1- بلد الفنون والمتعه رائع لابعد الحدود.. لا والله
2- ساحة ريببليكا رائعه في نهاية النهار وبعد الغروب انواع العروض الموسيقية والبهلوانية ، كل ليله فيه واحد مستخف دمه على باله شارلي شابلن بس من جد يموت من الضحك
3- المتاحف مثل الاوفيتسي واكاديميا وقصر بيتي لابد من زيارتها لما تضم من اعمال اكبر فنانيين العالم
4- زيارة الى مدينة بيزا كبرنامج يوم كامل لزيارة برجها الشهير تبعد حدود ساعة ونصف عبر القطار وفي نهاية اليوم العودة الى سكنك في فلورنس.
5- سان لورنتسو ميركاتو سوق شعبي عبارة عن أكشاك منتشره حول كنيسة سان لورنتسو فيها العديد من البضائع الجميله والبسيطه والجلديات الحلوه باسعار تشجيعية .. الحاصل انك اذا كنت ناوي تشتري شنطه جلدية هديه لمن تحب او تشتري جزمه اكرمكم الله فلا تغادر من فلورنس الا وانت مشتريها لانك لن تجد اجمل منها في خارج فلورنس الا الماركات الغاليه المعروفه
6- فلورنس مليانه من أهل المغرب .. حتى اللي مايعرف انجليزي يقدر يدبر اموره هناك بالعربي
[line]


[frame="1 80"]في الرد القادم ساتحدث عن فينيسيا وميلان
والرد اللي بعده سيكون عن ملاحظات عامه حول رحلتي في ايطاليا
اخذت العديد والعديد من الصور وتعبت في التقاط بعضها من ناحية الزاوية ووقت التصوير .. سانتقي الاجمل وساعرض لكل بلد تقريبا صورتين او ثلاث[/frame]

أترككم في حفظ الله
مع أحلى الأماني

مواضيع عشوائيه ممكن تكون تعجبك اخترناها لك:

• ابي مساعده الله لا يهينكم بليز
• اهم الاماكن للتسوق في ميلان و روما ؟ مهم جدا
• افضل الفنادق في ميلان ؟
• تكفون يا خبراء ايطاليا شهر العسل قرب
• إستفسار عن روتشيي
• روما فينيسيا ميلان
• اسهل طريقه للسفر من ميلان الى انترلاكن في سويسرا
• ساعدوني في افضل تقسيم للرحلة
• نقل سيارة مع سائق
• حد يعرف هالفندق بليز جاوبوني
• ايام في ميلان
• رومانسية إيطاليا
• ميلانو عاصمة الموضة والأزياء
• مساعده لعروس
• ما قدرت اخذ موعد من السفاره
• استفسار سريع من اهل الخبره ارجوكم افيدوني
• تجربتي باستخراج فيزا شينجن من السفارة الإيطالية
• مكاتب تأجير السيارات
• احد يساعدني لو سمحتو
• مسافر إلى إيطاليا، عدة استفسارات أرغب من خبراء الساحة إفادتنا فيها

ياعيني عليك أخوي بوبي ...

و الله نقاط حلوه و مميزة و اتفق معك في معظمها و اختلف في بعضها ...

بالنسبة للسكن المشكله لو سكنت عند ميدان اسبانيا يصير الكولسيو و محطة القطار بعيدة عليك احسن لك خلك في الوسط عند ميدان فينيسيا ......

و بالنسبه للشارع اسمه كوندتي و فيا معناها شارع بالايطالي via


و سلمني على شاكل اونيل

هههههههههههههههه ليت من شافك و انت جنبه .....

ننتظر جديدك اخوي و كثر من الصور لا تخليها وحده والا ثنتين خلها عشرين والا ثلاثين


تحياتي لك ....

الف شكر لك أخوي على هذه المعلومات بأنتظار الصور والمعلومات عن المدينة (فينيسيا وميلان )

روعه والله هالاسلوب الجميل
:113: :113:
قراتسي

:113: نقاط حلوووه خاصه للي للمسافرين الجدد أمثالي ....
يعطيكم الف عافيه :113: :113: :113: :x1: :x1:

الاخوه والاخوات الاكارم i6ali fend لينا دلع yanbaui
شكرا لكم جزيل الشكر على المرور السريع والعابر على موضوعي

نكمل رحلتنا وملاحظاتي السريعه والخفيفه حول فينيسيا وميلانو

بسم الله

[line]
فينيسيا
1- الجو عامة رائع وساحر وصادفنا فيه جو غائم وامطار خفيفه كانت من اجمل الاجواء الحالمه .
2- ركوب الجندول وجوله في الممرات المائيه لابد منها وعادة تكلف مابين 70 الى 120 يورو للجوله الواحده حدود 45 دقيقه ، ركوبه في حدود الساعه السادسه مساءا اراه الاجمل لصفاء الجو وقتها وبرودة الشمس وكثرة السياح على جنبات الممرات .
3- عند وصولك لمحطة قطارات فينيسيا هناك طريقتين لتنتقل الى فندقك مع حقائبك اما باستخدام الباصات المائيه وهي نوعا ما مزدحمة وتحتاج تمسك سرا مش بطال او تاخذ تكسي مائي ياخذك لوحدك مباشره نحو باب فندقك .
اختياري الشخصي : عند قدومك للمدينه استخدم الباص المائي لتتعرف وتشاهد المدينه .. وعند المغادره اطلب التاكسي من استقبال فندقك ليوصلك مباشره الى محطة القطارات حتى تغادر المدينة بسهوله وسرعه .
4- افضل مناطق السكن المنطقة الواقعة بين ساحة سان ماركو وجسر ريالتو .
5- ثلاثة ايام اعتقد انها كافية للاستمتاع بفنيسيا .. والاسواق لديهم تتميز فقط باعمال التطريز البسيطه وفن الزجاجيات الثمين .. غير كذا مافيه زود
[line]


ميلانو

1- زيارة ساحة الدومو واسواقها المجاوره ضروريه خصوصا السوق الذي بناه أرماني في عام 1950 من ثمانية طوابق .
2- البعوض ازعجنا وبهذلنا ولعب فينا لعب خصوصا في الليل في مقاهي ومطاعم ساحة الدومو .. يعني اذا غابت شمس يومك وانت في ساحة الدومو .. كيف الحال :109:
3- زيارة للأندية مثل ميلان والانتر وملعب سان سيرو " للشباب فقط "
4- والبنات عشان مايزعلون شارع بيونس ايرس وشارع مونتينابليون مليانه بالبضائع والماركات الخياليه والله يكون في عون اللي راح يدفع ..

صح نسيت انهم رفعوا الرواتب... لا اجل استانسوا :115:

5- قمنا بزيارة بحيرة قاردا " مدينة بسكييرا " كبرنامج يوم كامل.. من محطة ميلان للقطار الى محطة بسكييرا حدود ساعه ونص .. ومن محطة قطار بسكييرا هناك باصات مجانية تنقلك لمدن الالعاب

زرنا مدينة الالعاب المائية اكوا بارك رغم انها اكبر مدينة العاب مائيه في اوربا الا انها خياس مقارنة بغيرها وزرنا Movie studio وهي مدينة العاب تعرض الافلام المشهوره امامك بشكل تمثيل مباشر وتوضح اساليب بعض الخدع السينمائيه شاهدنا عروض رامبو وعرض تيرميناتور 2 وشاحنة المغامرات .. المدينة رائعه لابعد الحدود وستقضي وقت ممتع لن تنساه في حياتك .. لانك عمرك ماراح احد يروعك مثل كذا :x1:
على حدود الساعه 7 تعشينا في مطعم عرفته عن طريق مقالات احدى الاخوات جزاها الله خير هو مطعم وعرض Medieval Jimes Resturant & Show عبارة عن حرب بين عدة فرسان وزبائن المطعم تم تقسيمهم كجمهور لكل فارس .. فكرة هذا المطعم والعرض موجود في موضوع عن سيرميوني للاخت سوار
الحاصل ان فريقنا الازرق انهزم وفاز الاحمر كالعاده
مدينة الالعاب المائيه والموفي ستديو والمطعم جميعهم متلاصقين ببعض
لم يكن هناك وقت اضافي لزيارة قاردا لاند ولبعدها عن المنطقه التي كنا فيها
[line]


[frame="1 80"]في الرد القادم ملاحظات عامه حول السفر الى ايطاليا وهي عبارة عن ملاحظات بسيطه وعامه غير مرتبطه بمدينة معينه [/frame]


اراكم على خير
تشاااو

مشكووووووووووووووووور على هالمعلومات الرائعة والوصف الحلو :113:
بس حبيت استفسر استفسار بسيط وش أفضل السكن في بسكييرا ولا سرمويوني
أنا رايحة بعد أسبوعين ان شالله ومحتاااااااااااااااارة وشكرا :101:

روعة مشا الله .. يعني احسن شي انك توك راجع من ايطاليا خليتنيني اتشجع لأني بروح بعد اسبوع ان شا الله ..

اهم شي سؤالي ..

ليش ما احد يتكلم عن الاماكن اللي بفينيسيا انا ما اعرف شي بفينيسيا خير شر .. يعني غير اننا نركب الجندول ونقرأ رواية تاجر البندقية فيه .. ايش بعد ..

السؤال الثاني ..
ينفع اروح من روما لبيزا ؟ والا بعيد كم رح يكون بالقطار .. بالمناسبة اتشجعت اروح لفلورنس من كلامك ..

والحين قلبي يعورني ودي اروح ميلان بس خلينا هالسنة نتعرف على ايطاليا واذا الله احيانا ان شا الله نروح ميلان ..


موضوعك جميل جدا واحلى شي انك تحط الاسعار في بعض الاشياء ..

جزاك الله خير ..

[align=center]انواع الابداع المختصر في موضوعك
بس بصراحه الجو مره ما يشجع في روما 33 وشمسهم يقولون حاره :112:
سؤالي الجو في 9 سبتمبر بكون احسن
بللللللليز قلي انه احسن لان في نظري50% من السفره الجو
سؤالي الثاني مثل الاخت اللي سالت عن الروحه لبيزا وش افضل من روما والا من فلورنس
ننتظر ردي :smile:
تحياتي[/align]

بداية ..شكرا للجميع على المرور وعلى كلماتهم التشجيعيه

* بالنسبه للاخت مكادي :
انا بصراحه لم اسكن في منطقة بحيرة قاردا انما كانت زياره يوم كامل من ميلانو وفي نهاية اليوم رجعت الى سكني في ميلانو ..
لكن اذكر فيه فندق شاهدته خلف محطة قطار بسكييرا اسمه Garden Hotel
ميزته قريب جدا من محطة القطار والباصات المجانيه الى جميع مدن الالعاب تنطلق من امامه مجانا

اتوقع فيه اعضاء كثيرا جربوا السكن وهم اعرف مني في هالجانب
لكن لو كنت راح اسكن لما ترردت في السكن في بسكييرا .. اذكر الظاهر اخوي ايطالي اذا مانسيت سبق وجرب السكن في بيسكييرا

[line]

* أختي عاشقة الترحال :
عقبال ماتروحي وترجعي بالسلامه انشاء الله

بالنسبه للبندقيه :
عند ركوب الجندول احرصي على شخص يعرف انجليزي صح عشان يعطيكم نبذه عن بيوت بعض الشخصيات التي برزت في البندقيه مثل بيت المفكر جوته وبيت كازنوفا والبيت الذي ولد فيه الموسيقار موزارت .
ساحة سان ماركو تحتاج زيارة خاصه مع زيارة للكنيسه ان امكن .. ولابد من زيارة برج الكنيسه المرتفع باللون الاحمر على جانبها والصعود بـ 6 يورو اذا مانسيت للشخص الواحد .. بس النظر من فوق شي بانورامي رائع .
جسر الريالتو .. واكيد انه مهم لان كل رواية شكسبير كان اليهودي دايم زابن عند هالجسر
طبعا قصة بناء الجسر له قصة تمس تاريخنا كمسلمين .. عاد انتي حاولي تعرفي كيف ؟

في فينيسيا الاستمتاع في كافي او مطعم مطل على ممر مائي له طعم خاص وخيالي لن يتكرر ابدا

بالنسبه لزيارة بيزا وفلورنس .. بصراحه كثير من مدن ايطاليا تستحق الزياره وانا شخص مغرم بالفن والرسم والنحت وزيارة فلورنس كانت مهمه جدا لي شخصيا .. ونفسيا كنت مستمتع فيها لابعد الحدود
لم اجرب القطار من روما الى بيزا لكن اتوقع انها نفس المشوار من روما الى فلورنس بالضبط لان بيزا وفلورنس في اقليم توسكان وعلى خط عرض واحد
انصحكم اذا ماراح تمروا ميلان اقل شي لاتتركوا فلورنس فيها بضايع حلوه وبلد هادى وجميل وناس اهل فن وذوق من جد .
[line]

عزيزي ابو مزه مزاز
الظاهر الليله مكثر جرعة الفول :109:
نرجع لأسئلتك اللي ذكرتني باختبارات الوزاره في التوجيهي
بالنسبه للسؤال الاول : ان اكرمكم عند الله اتقاكم .. لا تعليق
السؤال الثاني : تقدر تشحن جوال لكن سيارة ما اتوقع
السؤال الثالث : اسأل سليمان العيدي يمكن يعرف .. مادري والله
السؤال الرابع : اقول ذاكر دروسك اختبارات الصيفي قربت

انا افهم واستسيغ كل خفة دمك واستهبالك يابو مزه .. لكن ايش اللي جابك هنا ..

من جد مفاجأه

ياجماعه لا احد يشره هذا واحد من الزملاء ومستخف دمه :114:

[line]

الاخ saleks
اتوقع الجو راح يتحسن كثير .. واذكر فيه واحد من الاعضاء قبل فتره وضع درجات الحرارع المتوقعه خلال كل شهر لمدن ايطاليه
بالنسبه زيارة برج بيزا اكيد من فلورنس افضل لانها اقرب من روما
روما بيزا يمكن تاخذ ثلاث ساعات
فلورنس بيزا حدود ساعه وربع


بالتوفيق للجميع على مشاركاتكم ودعمكم :x1:

ملاحظات عامه حول السفر الى ايطاليا:

1- روما وميلان تستخدمان نظام الميترو داخل البلد .. فيه فكره بدل ما كل مره تشتري تذكره .. تقدر تشتري مجموع التذاكر التي تتوقع راح تستخدمها من اكشاك الصحف ..غالبا الملاصقه لمحطات المترو .. احيانا تتوهق بالات لاتقبل الا عمله معدنيه وتكون غير متوفره لديك .

2- في التنقل بين المدن قطار اليورو ستار كان الاجمل بلا منازع.

3- اذا كنتم شباب وملامحكم عربيه حاولوا ان لا تلفتوا النظر في محطات المترو بسواليف او ضحك او اي شيء يلفت الانتباه .. ان حصل ذلك سيتقدم لك عسكري متخلف ويطلب جوازك مباشره امام الناس وسين وجيم مثل متى وصلت ايطاليا متى راح تطلع يعني بالعربي بسرعه فارق حصلت لي مرتين للاسف وعوملت انا وزملائي كاننا مجرمين .

4- كثير من لوحات محطات الباص فيها اخطاء الافضل ان تسأل استقبال فندقك قبل ركوب الباص .

5- للسعوديين : السفاره السعوديه بجانب حديقة فيلا بورقيزي في روما لمن أراد تسجيل جوازه استباقا لاي مشكله لو قدر الله .

6- تحدثت مع عدد من الطليان واحدهم باللفظ الصريح البجيح قال اغلب اهل ايطاليا يكرهون السعوديين بالذات قلت طيب انا اضحك واسولف معك .. تكرهني بعد .. قال لا لكن ما احبك .. حاول انك ذكي في التعامل مع النقطه هذي بالذات

7- التنقل بالتاكسي غالي جدا .

8- ملاحظتي الاخيره : أهل روما لاحظت فيهم جلافه شوي .. وأهل فلورنس كانوا الاروع

[frame="1 80"]في ردودي القادمه ساضع بعض الصور المنتقاه لما سبق وان زرته [/frame]

والله خوفتني من المعلومات الاخيرة .. عموما احسن مارح نحتك فيهم ان شا الله .. بس المسافة من روما لفلورنس يعني ساعة وحدة ؟
لو ابي اروح فلورنس يمديني بيوم واحد اروح وارجع ؟

والمطاعم هناك وين رحتوا وين جيتوا ؟ غالية والا رخيصة ؟ في اكلات سريعه ؟ وامي تقولك يقلوا الاكل بزيت الخنزير وانت بكرامة والا لاء ؟ لأ نها مسوية استنفار وشرت جبنة كرافت والله اللي يشوفنا يقول مهاجرين .. المهم ياريت تتذكر كل المعلومات وتكتبها لنا الله يسعدك ..


بالنسبة لفينيسيا الحين كيف اروح للاماكن كلها بالجندول ؟
جسر ريالتوا جنبه شي والا بس جسر ؟
وساحة سان ماركو الواحد يقضي فيها يوم كامل يعني ؟
ما جبت سيرة عن مصنع الزجاج ؟


معليش يا بوبي بس انا مرة متحمسة والسفر قرب وانا حاسة نفسي رح اضيع هناك ..

ستغرب الايطاليين يكرهوننا وهم اسهل سفاره تمنح الشنجن في السعوديه وبعدين على حد علمي انهم ما يعرفون من العرب الا السعوديين لانهم هم قبلة المسلمين

بعد التحيه



اشعر بنكهه خاصه .. وبطعم مختلف في هذا الموضوع :101: واحد جايع
فالاسلوب ممتاز .. مع ان الكلام عامي .. وما لفت نظري فعلا هو التعليقات الساخره .. على الزابن شكسبير في هناك واحد يجلس في الليل يعزف على القيتارات .. في نفس المكان الظاهر
والحين عرفت ليه :115:
تحياتي لك ولا سلوبك المميز فعلا
وارجو ان تكون هذه البدايه لمواضيع رائعه



تحياتي

اختي عاشقة الترحال :

من روما لفلورنس حدود ساعتين ونص على قطار اليورو ستار وكان من دون محطات توقف اثناء السير ..
يوم واحد لايكفي لزيارة لفلورنس ..

بالنسبة للمطاعم .. ماكدونالد وبرجر كنج بالاضافه للمطاعم الصغيره والكافتريات تقدر تطلبي انواع البتزا الخاليه من اللحوم مثل المارجريتا او انواع باستا من دون لحم مثلا سباجيتي او لاسانيا .. بالاضافه للسلطات .. اما سالفة زيت الخنزير اول مره اسمع فيها .. أهم شي الواحد يسأل يكون الطعام مافيه خنزير او واين ..

على طاري الأكل .. مره في روما وفي اعلى السبانيش ستيبس . كان فيه كشك ماكولات بسيطه مع مشروبات .. البائع بذكائه عرف اننا مسلمين من اسلوب سؤالنا .. أخذنا معه سواليف طويله .. بالاخير قلب يتكلم عربي .. طلع بنقالي كان يشتغل في بلدية منفوحه 12 سنه


موضوع فينيسيا .. انتم اركبوا في رحلة سياحيه مع راعي الجندول بالضبط مثل عربات الخيول عندنا في بعض المتنزهات .. اثناء رحلتكم هذي راح تمروا في القنوات لبيوت بعض المشاهير يعني تشوفوها وانتم ماشين في المويه ..

جسر الريالتو مكان اثري وبداخله سوق وبجانبه عدد من المطاعم والكافي
السان ماركو طويل عليها يوم كامل .. لكن فينيسيا بصفه عامه مدينه هادئه ومدينة استرخاء يعني زيارة بسيطه لمعلم مهم .. بعد كذا جلسه حلوه في كوفي .. بعدها جلسه في الفندق .. بعدها تطلع تتسوق شوي ..
يعني كلها مزاج في مزاج.. لاتضغط عمرك لان اثارها اللي تستاهل الزياره لاتقارن بروعة الجو والمكان ..

مصانع الزجاج كنت انوي زيارتها في جزيرة مورانو المجاوره لكن للأسف لم أتمكن من ذلك لضيق الوقت .. اتوقع لو يفيدك احد من الاخوان هنا او يتم استفسارك من استقبال فندقك في فينيسيا .

بالتوفيق سفره سعيده وكل شي تتوقعيه صعب راح تكتشفي بساطته وسهولته بمجرد وصولك


اخي ريان الرزين :
يبدو انك لم تطلع على شروط تأشيرة ايطاليا بالتفصيل والا لماقلت ماقلته .. الواقع تماما عكس ماقلت

الاخوه رحال وايطاليانو .. ردودكم تشريف لموضوعي شكرا على الاطراء

يعطيك العافيه اخوي الرائع جدا :113: :113: :113:

أخوي بوبي ..

يعطيك العافية على ملاحظاتك .. جدا جدا مهمة ..

اذا ممكن تعطيني فنادق بحكم خبرتك .. في ميلان وفينيسيا وروما ..

مواصفات الفندق ..

1- يكون قريب من المطاعم والمقاهي أو من الأسواق يعني لو الواحد جاع ما يضطر انه يركب باص ولا مترو عشان يروح ياكل ..
2- قريب من مترو أو محطة باص ..
3- سعره يكون متوسط .. لا يتعدى ألف ريال ..

وما ابي اغلبك وتدور في النت .. أبي شي انت شفته أو جربته ..

وشكرا

تسلم بوبي
على هذه النقاط وما قصرت

جزاك الله خير يا بوبي .. خلاص انا بكرة مسافرة ان شا الله ننبسط مثل ما انبسطت وارجع لكم بتقرير وافي .. احس الامور اتلخبطت بمخي الله يستر بس .

شكرا للجميع على المشاركه

راح ابدا بعرض الصور ... والمعذره مقدما لان حجمها كبير نوعا ما وذلك لاني اردتها بوضوح عالي حتى استفيد منها في وضعها كخلفيات واعمال اخرى .. لذلك ساضع الرابط من دون عرض الصوره .. حتى لاتسبب لخبطه للموضوع بسبب كبر الحجم

اولا صور من روما :

الفيتوريانو http://www.free-hoster.cc/users/amm/...C01187.psd.jpg

فونتانا دي تريفي " نافورة الخرافات " http://www.free-hoster.cc/users/amm/Italia/DSC01248.JPG

صوره لحدائق فيلا ديستي في تيفولي http://www.free-hoster.cc/users/amm/Italia/DSC01273.JPG

صوره علويه للسبانيش ستيبس ومعها شارع كوندتي http://www.free-hoster.cc/users/amm/Italia/DSC01306.jpg

صوره لكنيسة الفاتيكان http://www.free-hoster.cc/users/amm/Italia/DSC01370.JPG

صورة للمسرح الروماني الكولوسيو " تنفع خلفية سطح مكتب " تبهذلت في اختيار زاوية مناسبه للتصوير وارتفاع مناسب وكانت هذي هي الاجمل http://www.free-hoster.cc/users/amm/Italia/DSC01380.JPG

سأضيف في الردود القادمه المزيد من الصور عن المدن المتبقيه

تشااااااااااااااااااااااااااااااو

مشكوور بوبي على الصور الجميله وياليت تورينا صور باقي المدن

تشااو

ماشاء الله الصور حلوه والاجواء باين عليها مررره جنان غيووم وسحب
شوقتنا للصور الباقيه
بانتظار البقيه

q2c
yanbaui
شكرا جزيلا على مشاركاتكم

نكمل باقي الصور لمن لديه صبر في تحمليهم .. اكرر الاعتذار من كبر حجم الصور بسبب حرصي على رفع دقة الصور قدر الامكان

الان صور من فلورنس وبيزا :

الدومو في فلورنس" منظر جانبي قبل الغروب " http://www.free-hoster.cc/users/amm/Italia/DSC01399.jpg

بونتي فيكيو او جسر فيكيو الجسر الوحيد الذي لم يتم تدميره خلال الحروب التي واجهتها فلورنس ويظهر السوق المعلق بجانب الجسر http://www.free-hoster.cc/users/amm/Italia/DSC01406.JPG

منظر للكنيسه وبيت المعمدان وخلفهم مباشره برج بيزا وواضح كيف مايل بقوه http://www.free-hoster.cc/users/amm/Italia/DSC01427.JPG

منظر لبرج بيزا المائل " لحظات ماقبل الغروب " http://www.free-hoster.cc/users/amm/Italia/DSC01436.jpg


اتمنى لكم الاستمتاع مع جميع الصور

المتبقي صور مختاره بعنايه من فينيسيا وميلان وصور من العاب قاردا والمطعم مع العرض

يعطيك العافيه وماقصرت الى الامام

بوبي قسم بالله صور ولا أروع ،


عندي استفسار عن نوع الكاميرا الي تستخدمها عادة في سفرياتك ، لأني ناوي وحدة،،

يرحمك الله وه

الف شكر لك اخوي العزيز على هذه المتفرقات :113: :113:
عمل جبار اتمنى ان تواصل على هذا العطاء :113: :x1: :x1:

يعطيك الف عافيه اخوي الكريم

ملاحظات كثيره سأعود

للتعليق عليها قريبا

اشكر الجميع على المشاركه واثراء الموضوع

اخوي ايطالي مسافر كيف الحال

راحت سنه كامله تقريبا

حياك وبياك اخوي ابو سامي

اول شي راح ابين لك الظروف المحيطه اثناء تواجدي في ايطاليا
كانت بالضبط بعد شهر من تفجيرات لندن اللي صارت في المترو واللي نفذوها شبان هنود .. وقتها كان تنظيم القاعده هدد ايطاليا بعمليات مشابهه .. لذلك يمكن حصل الشيء هذا معنا في ذاك الوقت بالذات
حاليا اتوقع النظره خفت كثير


* بالنسبه للفيزاجمعت كل المتطلبات اللي طلبوها وجهزتها من تأمين وكشف حساب ثلاث اشهر وتعربف من العمل وبالراتب وشغلات ثانيه يمكن انساها
وأعطيتها مكتب الصرح للسفر والسياحه وهم اللي تابعوا مع السفاره .. يعني ريحوني من وجع راس ومراجعات السفاره .. يوم جهزت الفيزا دقوا على جوالي وقالوا تعال جهز جوازك .. اخذوا تقريبا حدود 250 ريال اذا مانسيت عن كل شخص كاجراء اداري لمتابعة الفيزا.
كانت بالنسبه لي بسيطه جدا لاني ببساطه لم اتابع الاجراءات الروتينيه المكتب قام بكل شيء.

* التذكره اذا ماكنت واهم بحدود 3300 الرياض روما - ميلانو الرياض

* بالنسبه للميزانيه احنا جلسنا هناك حدود 19 يوم تنقلاتنا كانت بالقطار .. كنا ثلاثة اشخاص اثنين عزاب وواحد متزوج
المتزوج تعب في الهدايا كثير
تقريبا كل شخص دفع مابين 11 الف - 13 الف
في الاكل اثنين كانوا خفيفين جدا بسبب الرجيم
يمكن غيرنا تزيد الميزانيه الف زياده بسبب الاكلات

*اخوي ابو سامي بالنسبه لمسأله الحجاب الكامل .. والله المسأله شخصيه بحته
في احد ازقة فينسيا كنا ناكل في مطعم بالدور الثاني ودخلت علينا عائله سعوديه بكامل حجابهم الشرعي ومعهم بنات ماتشوف يد الواحده منهم " ماشاء الله عليهم "
لكن نوعا ما اعتقد تلفت النظر خصوصا في الاماكن العامه .. لكن الانسانه الواثقه من نفسها اذا وجدت شخص يدعمها ماراح يهمها احد مادامت تؤدي واجب عليها
اذكر اخونا الخبير ايطالي سبق ان سافر هناك كذا مره مع زوجته بالحجاب الشرعي الكامل ولم يواجه أية مشاكل اطلاقا بل كان مستمتع في تلك الزياره لأبعد الحدود

لاتنسى انك في بلد ماراح احد يقولك انت ليش لابس كذا ؟؟

بالتوفيق اخي الغالي وأي سؤال احنا في الخدمه

يعطيك الف عافية على هذه النقاط الرائعه

لي عودة لتكملة موضوعك

يالله وش رفع الموضوع هذا

اذكر كتبته عام 2005



ياحلو ذيك الايام ..

لكل الشباب ابشروا راح ارد على كل استفسار بشكل موسع انشاء الله بس عطونا فرصه

الموضوع الكبير يرتفع فوووووق ولا يوقف ... افا عليك بس..

انا بأنتضار ردك...

المشاركة الأصلية كتبت بواسطة عاشق شواطي
http://www.arabtravelersforum.com/tr...9/#post1337409

اشكرك اخوي على الموضوع الاكثر من رائع وجميل بس بصراحه ولا موضوع طلعت الصور ،، بس عندي اسئله كثييييره ابي اعرف من اروح لايطاليا وش ازور وين الاماكن الي اروح لها وش الامكان الي يعني يعتادونها الزوار وهل في اماكن يعني تقصد مباشره للاستجمام وهل الطقس هناك رائع وبارد وفيه طبيعة وخضره هناك بكل مكان وبحيرات ولاسعار الميزانية كم احتاج هناك لقضاء 15 يوم وكم يكفي من يوم اجلس هناك وش الاماكن تنصحني اروح لها وكيف نظام السفر هناك انا قريت التنقل بقطارات مو زينا بسيارات للكورنيش والهاف موون وليه قطارات المدينه الي تروح لها مو تجلس بها وبس وتصير هي مكانك قريت مواضيع تنقل بين المدن طيب المدن هذه ليه تروح لها وليه اصلا تنقل بين المدن المدينة الي انا فيها ماتكفي ومدنهم مو كبيرة زي الخبر والدمام



الغالي عاشق شواطئ .. اماكن الزياره كثيره مره انت حدد المدن وابحث عن كل مدينه هنا في المنتدى وراح تحصل مواضيع كثيره وبالتفصيل

بالنسبه للطقس في ايطاليا .. غالبا في الصيف لا يكون باردبل يكون معتدل .. ان كان اختيارك للطبيعه والخضره فهناك دول تتفوق على ايطاليا بمراحل في ذلك

بالنسبه للشواطئ والاستجمام فهناك جزيرة سردينيا تعتبر قبله للطبقه المخمليه هناك

بخصوص الميزانيه ذكرت ميزانية رحلتنا في احد ردودي السابقه هنا وبالتفصيل

القطارات خيار امن ومثالي للتنقل

اتمنى لك التوفيق عزيزي

الغالي الحبيب ايطالي مسافر

انت تطل في الموضوع من صيفيه لصيفية .. يعني سنه كامله بين ردودك

وكل مره تقول لي عوده .. وماشفنا شي :106:

ياخي الله يسهل امورك

تكفيني طلتك وتشريفك لموضوعي

حيااك وبياااك يالغالي:24:

انتضر ردك للأستفساراتي .. من 4 ايام ....

فصولي ابشر من عيوني

واسف على التاخير:106:


بالنسبه لفلورنس اذا انت ناوي تزور روما اعتقد احسن تطلع من روما الى فلورنس وتقضي يوم فيها مثلا بعد كذا تواصل لميلان ... اذا ماعندك نية بقاء في فلورنس المسافه تقريبا واحده من روما الى فلورنس ومن ميلان الى فلورنس

اذا انت من عشاق الفن والنحت والرسم فلورنس هي قبلتك .. اذا ماعندك اي اهتمام في المواضيع هذي لا بد ان تمر مدينة بيزا اللي تبعد عن فلورنس حدود 90كم على فكره فلورنس وبيزا من مدن مقاطعة توسكان

....

بالنسبه لبحيرة قاردا يطل عليها عدد من المدن مثل بسكييرا وسيرميوني وكلها قريبه جدا من بعض ومدن الالعاب والمطعم بين المدن... فيه خريطه توضيح لبحيرة قاردا وكل المدن المحيطه على اساس تتصور الموضوع .. فيه ناس تروح بسكييرا وناس سيرميوني وكلهم نفس الشي لان مدن الترفيه بين المدينتين

http://www.gardalake.it/
شوف فيه ايقونه قاردا ماب احفظها وهو عبارة عن ملف PDF

انا شخصيا طلعت من محطة القطار الرئيسي في ميلان وباستخدام مكينة التذاكر بالكريدت كارد حصلت محطة بسكييرا واخذت تذاكر عليها .. عند وصولنا لمحطة بسكييرا .. خلف المحطه هناك مثل اكشاك انتظار للباصات المجانيه التي تنقلك الى مدن الالعاب.. ستجد ان الراغبين في زيارة الاكوا بارك " ملاهي مائيه " والموفي لاند والمطعم الخاص بالفرسان . جميعهم ينقلهم باص واحد لان هذه جميعها متلاصقه بالجدار يعني كلها جمب بعض.. لكن اللي يبي يزور قاردا لاند وهي مدينة ملاهي ضخمه جددددااا هذي لها باص خاص فيها لانها شوي بعيده عن الثلاث اللي كلمتك عنها من شوي

هذا موقع يفيدك نوعا ما وفيه اشياء كثيره انا مازرتها يمكن انت تجربها وتفيدنا عنها بعد عودتك:24:
http://www.gardainforma.com/en/funparks/index.html

..................
بالنسبه لترتيب الوقت في زيارة بسكييرا .. اهم شي وصلناها بدري يعني وصلناها حدود 8 صباحا واللي ساعدنا ايضا تواجد اماكن الترفيه متلاصقه ببعض يعني كنا نتنقل بينها على ارجولنا .. يعني متلاصقة بالجدار .. يعني تتخيل كنا في مدينة الالعاب المائيه نسمع اصوات بعض الانفجارات من موفي لاند اللي بجمبنا

ترتيبنا لذاك اليوم كان كالتالي
الافطار كان في ميلان مبكر جدا .. بالقطار وصلنا بسكييرا من 8.30 الى 9 ص .. باستخدام الباصات المجانيه التي تنقل لمدن الترفيه اتجهنا الى اكوا بارك " اكوا تعني مويه " قبل ماخش اكوا بارك حصلت اعلان للمطعم والعرض عند مدخل اكوا بارك وكانوا كاتبين الافضل انك تتصل وتحجز لك مقاعد . عندهم عرضين الاول الساعه السابعه مساءا والثاني الساعه التاسعه .. كلمتهم وحجزت ثلاث كراسي كاسلوب احتياطي على اساس نضمن كل شي وماتتعكر الامور :101:

جلسنا في اكوا بارك لحدود الساعه 2 يمكن

بعد كذا اخذنا سندويتشات وبيزا خفيفه كغداء .. على الساعه ثلاث جلسنا في الموفي لاند من عرض لعرض ومن خدع لخدع لحدود الساعه سبعه الا ربع

طلعنا ركض للمطعم وقسمونا عند الباب كفرق ودخلنا المدرج الداخلي للعرض .. العرض مع العشاء خلص تقريبا حدود الساعه 9 م حدود الساعه 11.30 كنا في فندقنا في ميلان .. كان يوم حافل جداا ومليء بالوناسه وسعة الصدر

كنت اتمنى لو جلست في بسكييرا يومين واسكن في احد الفنادق هناك كترتيب مسبق للرحلة ... لان مدينة قاردا لاند كانت مغريه وماقدرنا نزورها ماكان معنا وقت .. فاضطرينا نرجع لميلان لان حجوزاتنا في ميلان ساريه


بالنسبه للباص المائي في فينيسيا راح يوقف في محطات محدده وانت منها تنتقل ماشيا لفندقك .. تقدر اول ماتوصل تطلب تاكسي مائي وراح يوقفك عند باب فندقك لكن التكلفه راح تكون حدود 60 يورو للتاكسي


بالنسبه للميترو والقطارات بالعكس اشوفها مثلها مثل غيرها من الدول .. مناسبه جدا وعادي وماعليك من احد

نظام الباصات عندهم داخل المدن لايعتمد عليه كثيرا لازم تسال قبل ماتركب لاتعتمد على اللوحات وبس

اخيرا لا تنسى ان رحلتي كانت مع شباب .. يمكن لو تسال واحد من الزملاءهنا االي جربوا السفر مع العائله يمكن تحصل تنبيهات مانتبهنا لها

اتمنى لك رحلة سعيده فصولي

بالتوفيق عزيزي :106:

يا سلام عليك والله كفيت و وفيت... بس والله تأخرتو بالمدينه الترفيهيه .. الى الساعه 11:30 باليل..؟؟

وين الباص الي جابكم من المحطه مجانا موجود ينتضركم الساعه 11:30 ..؟؟

وبعدين القطار فيه رحله له الى ميلان تقريبا الساعه 12 باليل..؟

هل هو خطر للعائله هذي الأوقات و لا انت الي شفته عادي..؟

اما اكوابارك ذي انا شكلي ببدلها اروح لمدينت الألعاب قاردا لاند احسا من اكوابارك سباحه و قلق وحريب وحوسه..


لاكن استغربت من شي....






طلعنا ركض للمطعم وقسمونا عند الباب كفرق ودخلنا المدرج الداخلي للعرض .. العرض مع العشاء خلص تقريبا حدود الساعه 9 م حدود الساعه



وشو العرض ذا ..؟ غير الموفي لاند؟ يستاهل ؟؟


الموفي لاند تروحله اي وقت و لا له مواعيد ..؟؟




اااااخر سؤال ... كم التذاكر؟؟؟؟ موفي لاند و الكوابارك و المطعم مع العرض و الملاهي .. وفيه شي غيرهم بعد حولهم نروحله رجليه؟؟

انا ان شاالله جاي فينيسيا يوم 27/8
حنا اثنين عطوني برنامج حلو حق يوم واحد لان رحلتي يوم 28/8 من مطار فينيسيا

وكم التكلفه لنا حق شخصين لمدة يوم واحنا مبسوطين

علمآ ان بنوصل ان شاالله السعه 2 الظهر قدوما من جنيف باالطياره

والمغادره من بكره الساعه 3:30 ومتى اكون با لمطار وهل اني اقدر اقص البوردنق بدري الصباح واشحن

العفش ولا اروح للمطار الا قبل الرحله ب نص ساعه

وطلبي الاخير وش افضل فندق ماركوني والا كازنوفا

فصولي

هلا وغلا فيك والمعذره على التاخير في الرد

طلعنا من المطعم الساعه 9 .. الساعه 11.30 استقرينا في فندقنا اللي في ميلان

من طلعنا من المطعم حدود الساعه 9 كان فيه باص ينتظرنا وعلى طول وصلنا لمحطة القطار ..

احنا طبعا اخذين حسابنا .. اول ماوصلنا الصباح بدري قصينا تذاكر العوده الى ميلان وتكون بعد الساعه 9 يعني احتياط ..

اختيار قاردا لاند حلو ... لكنها كبيره جدا وبنفس الوقت بعيده شوي عن المنتزهات الثانيه يعني ماتقدر تتنقل على رجولك بينهم .. وشخصيا لا عرف وسيلة نقل بينهم

المطعم هذا غير موفي لاند.. هذا مطعم وعرض في نفس الوقت .. مبني المطعم عباره عن قلعه قديمه وكل اسلوب التقديم والجو داخل المطعم اسلوب عصور القرون الوسطى في اوريبا ... كل الزوار قبل الدخول يتم تقسيمهم الى فرق وكل فريق يمثلهم فارس يعني خيول حقيقيه وسيوف وضرب عيني عينك .. طبعا انواع الحماس كل الفرق تشجع فارسها .. يتم تقديم العشاء لك اثناء هذه الاجواء الحماسيه ..
أهم شيء انتبه لاتاكل اصبعك من الحماس


أسعار التذاكر .. بصراحه ناسي والله

اتمنى لك صيف سعيد فصولي

تقرير رائع جدا وموضوعي للغايه .. وافتقدنا مثلها في هذه البوابه

التي بدأت تدب فيها الروح من جديد ..


تحياتي لك

كفيت ووفيت اخوي..

الي فهمته منك اني اذا نزلت من محطت القطار الى المدينه ذي الي فيها الأماكن الترفيهيه .. اقص تذكرت العوده وبما انانا عائله اقصها افضل الساعه 5 مثلا .. طيب و الباص الي يودي من المنتزهات لمحطت القطار كيف مواعيده ..؟

هل الأكوابارك تستاهل وحلوه حيل؟؟ ووش فيها المدينه ذي بعد نزوره ..؟ ولا مايمدينا.؟

أخونا الغالي والخبير الايطالي


Boby


تقرير رائع وأسلوب فظيع وسرد احترافي

لك مني كل الود والتحية

شكرا لكل الاخوان اللي مروا على الموضوع وشرفونا

اخوي مقهى .. المعذره على التاخير اخوي كلي اسف

اخوي فصولي المعذره نسيت الموضوع

الاكوا بارك ماتستاهل الزياره

الوايلد وادي في دبي احلى منها .. فيه شغلات كثيره تقدر تزورها انا ماذكرتها لاني مازرتها وموجوده في الروابط في الصفحه الثالثه

حبيب قلبي نوبه سياحيه ...
انا عارف انك الان في سويسرا لكن الله يسهل امورك .. وانبسط قد ماتقدر
انشاء الله بكرا ادق عليك ونتطمن عن اخبارك

عزيزي بوبي ممكن تشوف لي خط رحلتي هذا في القطار هل يمشي بكل سلاسة ولا لازم وقفات و حوسة

روما
فلرونس (فيرنزي)
رميني
ميلان
بالترتيب

بالنسبة للقطار هل يكون قطار سريع او القطارات البطيئة
وهل يحتاج احجز قطار قبل رحلتي بيومين؟ او اجي المحطه واحجز على طول واركب

مشكور على النقاط المهمه وبتفيدنا ان شاء الله
وجزاك الله خير

مرحبا أخووي ....


ذكرت مطعم اللي كانه بالعصور الوسطى ....

قريت عنه بالمنتدى بس ضيعت الموضووع وضيعت الورقه اللي سجلت المعلومات فيها ...

فلو سمحت ممكن تعطيني معلومات مفيده ...

كيف اقدر اروح له من فينيسيا .. مع العلم اني محدده يووم نروح فيه لمدينة سرميوني ...
هل هو موجود بنفس المدينه ؟؟
وهل هي قريبه من فينيسيا لو رحناها بالقطار ؟؟؟

وايش اسم هذا المطعم مشان نرووح له ؟؟؟
وعلى حسب كلامك انت حصلت بروشور فيه ارقاام للمطعم عند بوابة قرادا بارك ... يعني بروح نفس المكان ويمكن احصل نفس البروشوور

المشاركة الأصلية كتبت بواسطة شذى الجوري
http://www.arabtravelersforum.com/tr...3/#post2276673

مرحبا أخووي ....


ذكرت مطعم اللي كانه بالعصور الوسطى ....

قريت عنه بالمنتدى بس ضيعت الموضووع وضيعت الورقه اللي سجلت المعلومات فيها ...

فلو سمحت ممكن تعطيني معلومات مفيده ...

كيف اقدر اروح له من فينيسيا .. مع العلم اني محدده يووم نروح فيه لمدينة سرميوني ...
هل هو موجود بنفس المدينه ؟؟
وهل هي قريبه من فينيسيا لو رحناها بالقطار ؟؟؟

وايش اسم هذا المطعم مشان نرووح له ؟؟؟
وعلى حسب كلامك انت حصلت بروشور فيه ارقاام للمطعم عند بوابة قرادا بارك ... يعني بروح نفس المكان ويمكن احصل نفس البروشوور



بالنسبه للمطعم اسمه مدفالي تايم رسترنت اند شو بجنب اكوا بارك وبجنب موفي لاند طبعا تطلعين لهم من محطة القطار اللي بفينيسيا على محطة بسكيرا وسيرموني اسم محطها مو سيرموني اسمها ناسيه بصراحه بس انها المحطة اللي بعد بسكيرا على طول
وتستغرق من فينيسيا ساعه ونصف وراح تلقين البروشرات عن كل شي لان المدينه متميزه بالملاهي اتوقع مافيه غيرها بالديره واتوقع بما انك بتروحين لسيرموني ما يحتاج تروحين لها من فينيسيا روحي لها من سيرميوني لان بين سيرميوني وبسكيرا 10 دقايق

السلام عليكم
تقرير رائع وجميل

أخي Body

ياريت تخبرنا أكثر عن فلورنس
حيث اني سأكون بها 11 شهرا القادمة

ما المطاعم التي تنصح بها وهل البيتزا خضار والباتسا
تعمل بزيت نباتي ام ماذا؟

الحياة هناك اهي اطباع الناس الفلورنسيين


شكرا مقدما