الموضوع: رحلتي الى ايطاليا ثم فرنسا نيس و موناكو و كان

السلام عليكم يا اخوان

انا سرت لايطاليا قبل مدة و حابب اني اشارككم الصور واكيد ارائكم تزيدني محبة لتواصلكم معاي


الشكر موصول ومتصل للجميع

مواضيع عشوائيه ممكن تكون تعجبك اخترناها لك:

• خبراء مدينة بيروجا
• استفسار ايام في ايطاليا
• بين روما وبيروجا
• رأيكم في جدول رحلتي واحتاج وجهة نظركم ضروري
• اين يقع موقع قوتشي كافيه
• شقق في روما
• الفزعه يا اعضاء ايطاليا
• المطاعم العربية فى ميلان
• موعد اغلاق الاسواق في ميلان
• باريس الى ميلان الى فينيسيا الى روما
• استفسارات عن كومو
• خصوص حجز الفندق من موقع
• مممكن مساعده وابي استشارتكم وووووشكراااا
• ارجوا من خبراء ايطاليا الدخول
• تحذير
• ارجو المساااعدة حجزنا لايطاليا ومالقيت موعد قريب للفيزا
• دليل بوابة السفر الى ايطاليا
• ايطليانو و اهل الخبره تعالو ابيكم
• ارجوا المساعدة في تخطيط رحلتي في
• مساعدة لمخطط رحلة كامل

السلام عليكم الحمد الله علي سلامتك
ووين الصور؟

الحمد لله على السلامه........ وبانتظار الصور والتقرير....

حياك وبياك يا بني ياس
أعرض ما لديك ،ولك الشكر والتقدير .

حبايبي, الرحلة كانت في 2008 في شهر 6 يونيو.



سرت اغير جو و كان عندي دعوة من بعض الشباب الطليان من ابوظبي للذهاب لميلانو وقضاء بعض الاعمال و تغيير جو, فقلت روح يا ولد غيير و استانس واشرد من هالرمضا


كانت على طيران الاتحاد.

تذكرة الرحلة على ما اذكر كانت ب 2500 درهم و لمدة 8 ايام

مطار مالبينسا








محطة القطار تحت الارض











وصول القطار مال انا








منظر من القطار














لازم تنزل بين المحطات تريح و تحرك الدم الراكد "المحلط"









لزوم التحشيش "تفك الراس"







فاضية المحطة عالصبح

مرحبا اخوي ليش ماحطيت موضوعك في تقارير ايطاليا.............
والله يعطيك العافيه ...
ننتظر باقي الصور.........

في الطريق الى الشقة







احد الطرق الداخلية







الوصول للشقة, منظر للجراج الخاص باصحاب الشقق















المنظر من شباك الشقة

ليش هذا مب مكانه !!

والى هنا اعزائي ننهي الفصل الاول من اليوم الاول من رحلتي الموقرة الى ميلانو


ولنا لقاء اخر يتجدد"تقول كنه مسلسل ثقافي او برنامج تعليمي "



في وداعة الله

وين العرب !!

عقب ما ريحنا في الشقة سرنا نبا نعدل الراس



يعني واحد كابتشينو عند اصحاب الكابتشينو







منظر من الكوفي




هالكوفي مشهور وايد في ميلانو, يقولك اللي ساكن في ميلانو و ما يعرف هالكوفي هذا اكيد يديد في ميلانو او انه مب من ميلانو. ما اذكر اسمه الكامل بس يسمونه "جاتولو". عمر الكوفي فوق ال 70 سنه. كم من عايلة مرت عليه واصحاب الكوفي اثنين. ريال وحرمته. الحرمة عالكاشير تستلم البيزات والريال داخل يسوي سندويشات داخل. مب ربعنا لي كان عنده محل ولا مطعم صدقوني يالس على طاوله بروحه و يعد في هالبيزات و مسوي فيها ارباب.





هذي حالتي بعد شرب الكابتشينو, حالة من الدوخان واللذة المستعصية. احححح



والله يا جماعة ما ذقت احلا و لا اطيب منه. مع اني مدمن كوفي وكابتشينو و مافي مكان ما سرت وجربت الكوفي ماله. بس هناك الكوفي غير, والله غير

معك اخوي متابعين......

اخوي, الحين شو الراي. احول الموضوع لقسم التقارير ولا اخليه مكانه

اطلب من المشرفين نقل الموضوع

عقبها قالولي بنسير مكان طيب, مكان حلو وتحبه وايد, قلنا زين دام سايريين هناك مافي مشكلة





في الطريق






قربنا




اكيد بديتوا تحسوا بالي احس فيه








مافي حد ما يعرفه "الكرويين طبعا"













مدخل السان سيرو "جوزيبي مياتزي"






هذي صورة للملعب من الداخل, انا وصلت متأخر ليلة وحدة ولا كنت لحقت على الاحتفال مالهم بمناسبة الفوز بالدوري الايطالي. فورزا نارازوري









هذي اثار حفلة امس, السماعات الكبيرة ومكبرات الصوت و ارضية الملعب





this is me

ان شاء الله اصير مشرف....

المهم, خذينا تذاكر لجولة الملعب ب 3.20 يورو. تذكرة تشوف فيها الملعب من الداخل من مدرجات و غرف داخلية.





هذي غرفة المدرب. على هذيك الايام كان انشلوتي الله يرحم ايامه بس الحين بينيتيز





غرفة المساج










هذا مكان المقابلات التلفزيونية. شوف الاسلوب و التطور, يعني تبا تسأل اي لاعب او مدرب "من ورا الطاولة" وإذا ما يبا يقدر يروح وما تقدر تجبره عالمقابلة, مب نحن تسحبه من الفنيلة غصب "جاوب اقولك"






هذا المتحف






مجسم خشبي للملعب





]

اخوي اطليانو انت كم مرة سرت ايطاليا

عقبها قالوا شي بزار قريب من قلعة قديمة وجميلة, بنشوف الاثنين رباعة

سرنا

انا ما صورت وايد داخل لاني حسيت بملل و حنيت للربع. ابا العب ورقة "هند"







هالبزار, يعني مب لهناك بس في شغلات حلوة عيبتني بس ما اشتريت


المهم سرنا القلعة الاثرية





يسمونها قلعة او حصن كاستيلو "على ما اذكر"






المدخل






حوالين القلعة شي هالسور او المجرى, كان على زمان اول متروس ماي حماية من الاعداء بس الحين ماشي ماي







فناء القلعة






بوابة الطرف الاخر







هذي نهاية القلعة شي نافورة تشتغل اوتوماتيك بس انا اول ما وصلت سكرت, شكلها عارفة اني ياي






الحبيب








رحلة الخروج من القلعة

كل صيف انا بيطاليا

مافيه صور .........

كيف مافي صور, وهذا اللي جدامي شو. تحف ولا لوحات زيتية. اخوي شكله الصيام مأثر فيك وايد

وهذا كان نهاية اليوم الاول في رحلتي

اليوم الثاني



بداية اليوم الثاني كانت جميلة, وعيت الصبح تقريبا الساعة 8 و كان شي ازعاج من برع البيت. ما دريت شو السالفة لين ما وعيت من الفراش وطالعت من الشباك, شفت منظر عجيب.


مدرسة بجانب البيت واليهال يلعبون. من الصبح يلعبون, فتبادر الى ذهني سؤال سريع. ليش عندنا حصة الرياضة اخر حصة "عقب ما يهلك الطالب من الدروس و يصير ملان و ماله خلق يلعب وعندهم من الحصة الاولى, يمتصوا طاقة الطفل بطريقة رياضية و جميلة" عقبها تبدأ الدروس وهو في قمة النشاط





















المهم, عقبها قالوا بنسير مكان عندنا شغل فيه و عقبها بنسير نتحوط



لحظة الوصول






قريب








لحظة الدخول









يا جماعة, والله لو هالمكان موجود في احدى الدول العربية او الاسلامية صدقوني بيصير متحف من كثر حلاه و المقتنيات الموجودة فيه


بلدية ميلان








تمر و ما تسمع الى "بون جورنو سنيور"










كان شي سمينار و خلص و حاطين اشوية اكل للي يبا ياكل وياهم, عزموني و ما قصرت










غقب قالولي تعال بنسير مكان ثاني








قربنا










افتح يا سمسم









المجلس البلدي في ميلان. كان شي جلسه اشوي وتنام. هدؤء, اسلوب, كلام كبير "ولو اني مب فاهم شو يقولوا"

المهم


ونحن طالعين شفت مظاهرة جدام الباب الرئيسي للبلدية. كانت مظاهرة صامته. ما ادري عن شو هالمظاهرة بس كانت صامته بوجود بعض عناصر الشرطة.













سرت وراهم و صورت








ردينا السوق مرة ثانية






الصورة هاي احرجتني وايد. كل ما ارفع الكاميرا ابا اصور الحرمة اللي على الطاولة الي عدالي ترفع راسها تبا تطلع في الصورة غصب, يمكن 3 مرات. اضطريت اصورها و افتك من شرها "يسار اسفل الصورة"









نفس اليوم كانت شي مباراة ايطاليا - هولندا في امم اوروبا 2008. قالوا لي بنسير عند ناس نطالع المباراة, طليان و يحبوا الانتر مثلك









في الطريق للمباراة و العشا

هلا

اعجبني تقريريك الجميل.....الرحلة كانت مرتبة زي ماهو واضح...

اسعدني وجود تقريري ينضم الى جواهر التقارير في بوابة ايطاليا

فأهلا وسهلا بك اخي الكريم

ويعطيك العافية على هذا المجهود

لا يووووجد صووور في التقرير

موجودة الصور طال عمرك, بس يمكن كان شي مشكلة في رفع الصور من المصدر.

مرحبا بك مليون

عندي كم من فيديو ابا ارفعهم على المنتدى. بس اعتقد ان شي مشاكل في الرفع

تقرير جميل وسرد حلو للتفاصيل
وانا متابعك ولاكن لم تضهر الصور لى
دمت بكل الود

السلام عليكم يالربع, اسمحولنا عالتاخير, كان عندي اشوي مشاكل في المنتدى ما قدرت ادخل وتم حلها


المهم, ويييين وصلنا



اليوم الثالث




الربع هنالك قالوا شي مشوار نبا نسير له وعقبها نغير جو, سرنا











في الطريق





















خلصنا المشوار و سرنا نتحوط



الحبيب يسوق


_______________________________________

Luini

ما اذكر بالضبط وين مكانه بس اللي اذكره انه كان قريب من الاماكن السياحية داخل ميلان, يعني ما خذنا وقت لي وصلناه




قالوا هذا من اشهر المطاعم او الكافتيريات في ميلان, قديم وايد و معروف. واكله لذيييييذ



والله يا شباب انا كنت متغدي قبل لا اييه بساعة, بس من حلات الاكل كليت حبتين من الشسما هذا, الفطاير




وهذي صورة صاحب المحل, اتاري جده او ابو جده الي افتتح المطعم سنه 1888 ميلادي












وهذا الحبيب عقب ما ترس التانكي,

المهم


قالوا شي شارع معروف للتسوق, عطور, ساعات و ثياب. على ما اذكر اسمه "دي نابليوني"

















والله الشارع كان طيب يا شباب, وايد شغلات اشتريت,













هذي وصلة للفيديو اللي فوق

تمينا نحوط بين السكييك, من محل لي محل, ومن دكان لي دكان









عيبني هالمنظر, البلكونة مرة عالشارع












اللي جدامي هاي راعية سوالف, اسميها تستهبل وايد, ولاااااااا كلمة انجليزي, كلا اشارات او ايطالي










مافيا مدري ال كابون













يا عيني عالحبيب.





يقولوا هذا نهر اثري, يعني المنطقة اللي حوله كلها اثرية, واغلب المحلات اللي هني تفتح اخر الليل لاصحاب الليل , وفي روايه اخرى يقولك هالمنطقة للعشاق و المحبين, يعني اللي يحب وحدة يسير هالمكان يعشقها ويرد بلاده

اسمحولنا عالتاخير يا شباب, كانت عندي اشوية ظروف و الحين


عدنا

يا بووو احمد والله ما كو صور و لا انا متابع معاك

كيف ماكو صور ياخوي, واللي اشوفه الحين شو. مدري اظني شي مشكلة في الموقع الثاني لتحميل الصور. تصير معاي مرات بس الحين الصور موجودة. لا حول ولا قوة إلا بالله العلي العظيم

والله هاذي حاله. كل يوم هالمشكلة موجودة ويا الشباب. بس انا اشوف الصور

المهم يا شباب, هذا اليوم الرابع ونحن سايريين فرنسا بالسيارة.

اغلب اليوم الرابع كان في السيارة ومافي هذيك الزود من الصور. اغلبها منظر طبيعية عالطريق




بداية الرحلة في الطريق السريع, كان شي اتاوة او ضريبة طريق نفس المفروضة عندنا في دبي

تكملة الموضوع

تدرون اغلب الطريق او المناطق الايطالية القريبة من فرنسا اغلبها سهول او اماكن منخفضة, يعني اشوية سهول ومراعي و قليل من الجبال. كل ما تقرب من فرنسا كل ما تزيد المرتفعات.

صور من الطريق



قربنا وايد من فرنسا









احد الانفاق














نفق اخر










والله مناظر جدا جميلة, تعبت وايد يا ناس من انشراح النفس في هالاماكن.







جسر معلق في الطريق لفرنسا

فيديو الطريق من ميلان

انا لاحظت شي, اني اسوق بسرعة بس الناس هناك اسرع مني, فتسألت !! هل انا مسرع مثل ما اظن ولا السرعة عندهم شي عادي

جسر معلق بين جبلين




شوف السرعة




بدايات فرنسا












هذا ميناء مدينة نيس





مرينا على مدينة نيس بالسيارة, كانت جميلة و هادئة, بس لاحظت كثرة الافارقة فيها

وصلنا الشقة







كنا في شقة مطلة عالبحر من سطح العمارة تقدر تشوف اغلب المكان, يسمي "دي مونديلو"






واحد من الربع,





ما يشبه الرئيس الاسباني

















هذا الفندق عدالنا اسمه "Cannes à partir de la bocca"






من خلف المبنى























هذا الموقع اللي كنت فيه في فرنسا

43°32'55.58"N

6°59'9.11"E


افتحوا الجوجل ايرث وحطوا الرقم و بيطلع المكان بالضبط

ولنا لقاء اخر, بحاول خلال هاليومين اكمل بقية الايام في فرنسا

الووووه, يا ناس

والله معك ياخوي بس مافيه صور .......
لاتزعل من جد مافيه صور

اخوي التفاصيل ولااروع واحنا متابعين
ومعك حتى بالبوابة الفرنسية بس الصور على هالوضع ماراح تطلع
بالنسبة للفيديو ممتاز وشفناة

دمت بود

السلام عليكم, السموحة عالتاخير يالربع. وشو الحل يا جماعة. الصور ما تطلع شو السبب ما ادري

اشكرك ياخوي, عطيتني دافع في الحياة...... !!

استمتعت من بدايته الى اخرة..........

جعلني امر على موضوعك مرة اخرى

وعلى هذا يستاهل التثبيت وبجداه

هلا والله. يسلموا الانامل يا شيخة

اخوي llvlloto اعتقد ان عندك مشكلة. لان الصور موجودة وواضحة بعد

حاول تتواصل ويا الادارة

اسمحولنا يالربع عالتاخير,

ان شاء الله بوافيكم بالجديد



"تسمع وكانك ترى"

المهم يالربع, ثاني يوم الصبح بعد وصولي لمدينة "كان" قمت الصبح "اول مرة اسمع واحد يقوم الصبح "

محلل بيزات الكاميرا صح


هذا من سطح العمارة "مرة اخرى"










الطرف الآخر من الساحل "دي مونديلو, باي 2"






مسوي فيها عمرو دياب اوني عاد, لبس كاجوال ومحد عرفني اني عربي

صور من الساحل اللي مقابل السكن مالي.

اتمشى جدام اشوي, عدال كافي روما اللي عالشارع, شربت كابشتينو هناك, غيرت جو, و كملت رحلتي


شفت صورة من الكرتون, قلت اتصور وراها





انزين غطي جسمك عسب تطلع الصور حلوة, سوي شي مثل الناس. ابدا ما تبين بو الشباب, يعني جسمك صح منخش ورا الصورة





مبنى من المباني التاريخية في "كان"


مريت عالمرسى












المهم الربع اللي هناك شي بينهم عيوز ايطالية, قالولي قبل لا اطلع من البيت ليش ما تاخذ السيكل مالها بدل ما اتعب عمرك بالسيارة و موقف و اتسخن اشوي, استعمل السيكل و سوي رياضة و غير جو, قلنا حاضرين.


المهم

تكملة موضوع السيكل






المهم انا يوم وصلت المرسى ما عرفت كيف اصور عمري, شفت واحد شكله شحات, جاكيت جلد اشوي متقطع و صلب السيجارة وصل للقطنة و مو متحلق. المهم سألته ممكن تصورني "الصراحة سألته وانا خايف يقوم يركض بالكاميرا واكل تبن انا"

رد قالي حاضرين "ركز على حاضرين"قالها بالعربي ""

صورني, خلص, كمل طريقه بين اليخوت الحلوة هاذيل, ركب يخت عنابي وروح. اخو ال لزين طلع راهي بس يحب الستر و يخاف من الحسد


صور من المرسى













المهم كان عدالي مبنى ابا اوصله بسرعة, بس ما بقولكم شو اسمه "سوف تأتيكم الاحداث متتالية "


نزلت من السيكل وصورت اشوي عدال المبنى المعني

اضغط عالوصلة لتعرف المبنى "للي راحوا "كان" من قبل"

صور من مبنى كان للأحتفالات

المهم, في نفس اليوم قالوا لي الربع بنسير مصنع للعطور قريب من هني يعني 15 او 20 دقيقة بالكثير, اسمع المصنع "فراجونارد". مصنع قديم للعطور الفرنسية و متحف وتقدر تشتري بعد من عندهم



رحلة الطريق

المصنع من الداخل


هذا محل البيع





وهذا المصنع القديم, تقدر تشوف كيف كانوا يصنعوا العطور من قبل




























وهذا موقع المصنع على الشبكة العنكبوتية

http://www.fragonard.com