الموضوع: السلام عليكم ورحمة الله وبركاته الفزعة يالربع

السلام عليكم ورحمة الله وبركاته

معاكم اخوكم بومنوة من البحرين .. وودي بمساعدة من اهل الخبرة والسفر

انا ناوي ان شاء الله اسافر لماليزيا انا وزوجتي وبنتي منوة عمرها ٧ شهور

واحنا اول مرة نروح لها ..

والتاريخ مبدئيا من ٣٠ سبتمبر الى ١١ اكتوبر ..

ودنا نطير بالبحرين ونوصل ماليزيا ونروح صن واي لاقون نقعد فيه المدة الكافية

وبعدها نطير نروح لنكاوي ونقعد فيها المدة الكافية.. وبعدها كوالالمبور وبعد نقعد فيها المدة الكافية..

ياريت اهل الخبرة يفيدوني بجدول الرحلة والطيران والمدة .. وهل من الضروري زيارة بيننغ ؟؟

وودنا في فنادق تكون اسعارها مناسبة وبين الـ ٤ نجوم الى الـ٥

وانا ميزانيتي في تذاكر السفر الدولي والداخلي والسكن ١٠٠٠ دينار بحريني اي ١٠٠٠٠ ريال سعودي اي ٨٢٥٢ رنجت ماليزي..

هل هي كافية او لا؟؟

وخلوا في بالكم اني راح اسوي الرحلة عن طريق مكتب سفريات!!

انتظر نصيحة اخواني اهل السفر والخبرة الماليزية

وتقبلوا مني فائق التحية والاحترام..

اخوكم/ بومنوة
مملكة البحـــــرين

انتظر نصيحة اهل السفر

مواضيع عشوائيه ممكن تكون تعجبك اخترناها لك:

• ارجو منكم المساعده باسرع وقت
• ليالي في كوالالمبور ممكن تختارون لي الاماكن التي تستحق الزيارة
• فنادق سوبانج
• استفسار عن الاجواء في شهر اكتوبر في لنكاوي و بينانج
• بعد بحث طويل لمدة شهرين تقرياً صممت جدولي وأحتاج نصائحكم قبل الاعتماد النهائي
• شرايكم في الفنادق؟
• استفسار عن الفلل في الصنواي لاجون
• استفسار بخصوص استئجار سيارة بدون سائق
• لعشاق ماليزيا مساعدتكم بليز
• الفزرعة احتاج جدول ليومين ببينانغ و ايام بكوالا
• الجولة في العاصمة الادارية بماليزيا
• اذا وصلت المطار
• استفسار بسيط
• سؤال عاحل عن الفنادق ؟؟
• اصحاب الخبرة بالفنادق ارجو التكرم وأبداء الراي
• كيف يستمتع كبار السن بالسفر إلى ماليزيا ؟؟
• استفسار عن فنادق لنكاوي للمختصين
• حجز الفنادق المبكر جدا وطيران اير اسيا
• استفسار ي اهل الفنادق
• استفسار عن

هلابك حبيبي ( بو منوة ) ... والله يرزقك بأحلى ... وأجمل ... رحلة

عندك ياقمر ( 10 أيام ) .. وهذا التقسيم الأجمل

يومين سلانجور ( فندق الصن واي لاقون )

أربعة أيام لنكاوي ( فندق اللنكاوي لاقون )

أربعة أيام كوالا ( فندق الجراند ملينيوم )

* من سلانجور إلى لنكاوي ... طيران air asia ... والمسافة 50 دقيقة

* من لنكاوي إلى كوالا ... طيران air asia ... والمسافة أيضا 50 دقيقة

المطلوب حاليا :

حجز الفنادق والطيران الداخلي من النت أو مكتب سياحي ...

وصدقني ياغلاهم ... من النت ... أرخص .. والطريقة سهلة

بأنتظارك ياغلانا ...

http://img835.imageshack.us/i/46991783.png/

كفو عليك يا وافي واشكرك على ردك السرييييييع

الله يجزيك خير واتمنى لك التوفيق في حياتك يالغلا

انا ماعندي مشكلة اني احجز الطيران الداخلي والفنادق من النت..

بس انا ماعرف طريقة التقسيم اخاف تكون صعبة !!!!! يعني انا دخلت موقع اكسبيديا

وحاولت اسوي الرحلة بس اني ماعرفت له عدل.. ،اخاف اسوي شي غلط بصراحة !!!

يا ريت تدلني على الطريقة الصحيحة او نحاول نلتقي اذا كنت بالشرقية وانسوي الرحلة..

او يا ريت تعطيني ايميلك عشان التواصل او حتى الواتسب حقك..

بس انت قصدك يعني الطيران الدولي احجزه عن طريق مكتب.. والطيران الداخلي والفنادق من النت ؟؟

بانتظار ردك يالقلب

10 ايام تكون :
2 سلانقور ( فندق صن واي لاقون - واذا غالي عليك عند الهليتون بس بعيد عن المدينه المائيه )
3 لنكاوي ( فندق الشيرتون )
5 كوالالمبور ( ماريوت مرا حلو بس ماني عارفه كم سعره ( وابحث عن فنادق في شارع العرب افضل )

والطيران الداخلي كلفنا لشخصين من كوالا لبينانغ ومن بينانغ للنكاوي ومن لنكاوي لكوالا
2000 ريال سعودي


بالتوفيق

شكرا على الرد الوافي يا اخوي طيارة

وانا قلت لكم حدي في اسعار التذاكر والفنادق والطيران الداخلي..

اليوم اتصلت في مكتب وقالي التالي :

يومين سيلانقور صن واي لاقون

٤ ايام لنكاوي في لنكاوي لاقون

٥ ايام كوالالمبور في فندق بيكولو

شامل الطيران الدولي والداخلي بـ ١١٨٣٠ ريال يعني ١١٨٣ دينار بحريني يعني 9761 رنجت ماليزي

هل السعر مناسب او لا ؟؟ واذا حجزت عن طريق النت هل بيكون السعر اقل وايد ؟؟

انتظر ردودكم يالحبايب

هلا بأهل المنامه

ياخوي بصراحه سعرهم كثير والنت أصرف لك مدام عندك بطاقة فيزا فصدقني ماتحتاج لأحد من المكاتب
هي خطوات واخذها خطوه بخطوه
اول شي
1_ حدد تاريخ سفرك وكم عدد ايام إقامتك بالضبط
2_ إحجز طيران دولي وضبط كل شي بما يخص الرحلات
3_بعد حجز الطيران الدولي الحين راح تعرف تواريخ وصولك ومغادرتك بالدقيقه يعني تقدر ترتب جدولك
4_ حدد المدن اللي راح تزورها وبالترتيب وكم عدد ليالي اقامتك
5_بعد ماحددت المدن وكل شي إبدا بتحديد تواريخ اقامتك في كل مدينه حسب تخطيطك يعني مثلا يوم 1/9 تكون في كوالا وبنفس اليوم تمشي لنكاوي يعني 1/9 يكون حجزك في فنادق لنكاوي ويوم 4/9 راح تمشي لـ بينانغ يعني راح تحجز الفندق في بينانغ من يوم 4/9 ومثلا بترجع لكوالا يوم 7/9 يعني راح يكون حجزك في فنادق كوالا يوم 7/9
وهكذا
6/ بعد ماحددت تواريخ اقامتك وحددت تواريخ اقامتك في كل مدينه عندها خلاص انت عرفت انك بتروح للنكاوي يوم 1/9 وبينانغ يوم 4/9 وكوالا يوم 7/9 كذا تدخل موقع طيران آسيا الاقتصادي وتحجز لك رحلات على هذي الايام لتنقلاتك طبعا فيه تنقلات بالباص والتاكسي وهذي امرها سهل تحجزها من هناك

وبكذا انت رتبت رحلتك وضبطت امورك بدون الحاجه لأي مكتب او شي وبالعكس النت تقدر تشوف الفنادق كلها قدامك وصورها وتعليقات الزوار عليها من واقع تجربتهم وتشوف اسعارها بنفسك وتبحث عن اللي يناسب ميزانيتك وتقدر تعدل وتغير حجوزات الفنادق باللي يريحك

العمليه بسيطه وصدقني تراها متعه لما انت تضبط حجوزاتك وتخطط لنفسك تكون السفره أحلى واحلى لان حط في بالك المكاتب تبحث عن الربح وبالتالي تأخذ نسبه في كل شي يعني مثلا سعر الرحلات الداخليه عندهم دبل سعرها في النت

ودائما اقول العاقل خصيم نفسه

اتمنى اكون افدتك

اشهد انك كفو يا خوي عبدالهادي منصور ..

والله ياخي مثل ما قلت لك انا ما قد جربت واخاف اغلط في شي في تنظيم الرحلة والاوقات واهناك انتوهق ياخوي..

والله افدتني وااااااااااااايد بس انا خايف من التطبيق العملي والله

هلابك اخوي

ابد يالغالي انت اتبع الخطوات وحدد تواريخ وايام اقامتك وحجوزات الطيران والباقي هنا فيه شرح في مواضيع خطوه بخطوه من الاخوان
ومع ذلك راح يعطونك الاخوان جدول محدد لكل مدينه والاماكن اللي تزورها فيهااا
وحجز الفنادق سهل جداا مادام الفيزا معك وفيه موضوع كامل يشرح خطوه بخطوه كيف تحجز الفندق من الموقع
وكمان راح نعطيك في كل مدينه عدة فنادق على حسب ميزانيتك والفنادق هذي مجربه ومعروفه من قبل اعضاء المسافرون العرب
لاتخاف من التطبيق لان الجميع هنا راح يساعدك

أخوي الغالي ( بو منوة )

ماقصر الحبيب الغالي ( عبدالهادي ) ... وكلامه عين الصواب

الحجز من النت ( أسهل مما تتخيل ) ... وكل العالم يحجزون بكل سهولة

وأتمنى منك تقرأ موضوعي هذا ... وصدقني راح تستفيد

http://www.arabtravelersforum.com/travel750185/

http://img818.imageshack.us/i/93292914.png/

اخوي عبدالهادي منصور

الاخ وافي بزمن جافي

اشكركم على تواصلكم معي بس مثل ما قلت لكم انا اخاف اني اغلط بشي من ناحية الاوقات .. الاوقات اقصد فيها موعد الرحلات الدولية والداخلية هل تتناسب مع وقت خروجي من الفندق

او لا !!!

شكلي هالمرة بروح عن طريق مكتب لأنها اول مره.. والمرات الجاية احجز عن طريق النت ...

وانا راح احط برنامج الرحلة موعد اقلاع الطائرة في الرحلة الدولية والرحلات الداخلية وموعد وصولها وكذا .. واذا فيه اي نصايح بلغوني يا اخوان

اخوكم \ بومنوة