الموضوع: شارع ريجينت شارع اكسفورد

السلام عليكم ورحمة الله وبركاته .. عندي استفسار بسيط ..
كم يبعد شارع ريجينت عن شارع اكسفورد و هل شارع ريجينت فيه ماركات و محلات و كافيهات و مطاعم
يا ليت تردو علي ضروري لو سمحتوا بليز

مواضيع عشوائيه ممكن تكون تعجبك اخترناها لك:

• هل تتوقف القطارات عن العمل من منتصف شهر ديسمبر حتى نهايته ؟
• اول سفرة لي الى لندن و محتاج فزعتكم
• مساء لندني لاروع اعضاء منتدانا الغالي لندن في مارس ؟؟؟
• رحلتي الى لندن بعد العيد وابحث عن سكن ناسب
• عملة بريطانيا
• يوم في لندن ومانشيستر وجلاسكو لكن محتار ولدي استفسارت
• مخطط رحلة الي هولندا بلجيكا باريس لندن وطالبة المساعدة ياخبراء
• كشتتـنا بالريف الإنجليـزي الليك ديسترك مصوّرة
• استفسار ضروري عن شقق
• لندن وعيالي فبراير او ابريل ؟
• محتاج جدول شهر عسل للندن وماجاورها من دول اوروبا (14 يوم)
• بغيت اعرف وين مكانه بلندن
• عاجل استفسار عاجل عن منطقة البحيرات والذهاب اليها
• ابي شركة اتصالات زينة للايفون والمكالمات
• مواعيد التاكس فرى
• مسافر الي بريطانيا و اريد المساعده
• لا تبخلون علي بردودكم
• أخواني وأخواتي طلب ضروري جدآ لأني رايح لندن بالمدام رحله علاجيه
• الدخول من بلفاست الى اي مدينة بريطانية اخرى
• في وقت الكريسمس هل الوقت مناسب لزيارة منطقة البحيرات؟

شارع الريجنت يتقاطع مع شارع الاكسفورد بعد محطة البوند ستريت امشي شوي ستشاهدين محل اديداس بالزاويه ومقابله نيكست هذا بداية شارع الريجنت ستريت

نعم به كل شي والماركات موجودة فيه او في السالون ستريت بالنايتسبريدج قبل الهارودز

تعاااالي هذي لعبتي

ياستي شارع الريجنت يتقاطع مع اكسفورد مثل ماتفضل فارس الجبيل
اذا انتي جاية مشي من اول الاكسفورد من ماربل ارتش - سلفرجز - بوند ستريت ستيشن كملي مشي واستمتعي بالاكسفورد
لحد ماتوصلين تقاطع كبير عند اكسفورد سيركس
بيصير عندك 4 زوايا زاوية فيها بينتون
زاوية فيها Nike
زاوية فيها Teens
وزاوية فيها H&M
انتي يااختي اللطيفه بيصير بينتون على يمينك وبتلفين بعده يمين وبتدخلين بشارع الريجنت الكبير الجميل الواسع اللي مبانية فخمة وانيقه ولونها ابيض
بتلقين فيه محلات كثيرة اشكال والوان من اهمها واشهرها ابل ستور
بعدد لك المحلات اللي اذكرها
fcuk - h&m - mango - gap - burberry - accessorize - 7 man kind
banana republic - cos - jigsaw - clarcks - hoss intropia - furla - michael kors
- body shop - disegual - superdry - sting - other stories - hollister - barbour
zara - hobbs - armani exchange
وفيه ديبارتمنت ستور مبناه من برى حلو ومن جوى يشبه باقي الديبارتمنتس ستورز فيه لبس وميك اب وتشاكلت وشوز وكل شي
اسمه Liberity هذا تلفين باللفة اللي banana republic وبين cos وتلقينه كبير وكأنه من المباني الالمانية

الكفيات اللي فيه
concerto - royal cafe
طبعا فيه العالمية المشهورة بس بشوارع فرعية زي pret
المطاعم
vera swamy
اجمل مطعم هندي موجود عالشارع طبعا لوحته بنفسجي ولازم تدخلين بالشارع الفرعي عشان تدخلينه
وفيه جنبه كفي نرويجي اظن ومطعم مدري وشو ماقد دخلته
و فيه ناندوز بس مو عالشارع بالضبط بيكون في وحدة من اللفات لكن بتشوفينه وانتي بالشارع
فيه لفة نسيت اسمها صراحة زي القوس تدخلين من جهة وتطلعين من الجهة الثانية على الريجنت مرة ثانية
فيها مطاعم ايطالية وكفي ايس بار ومطعم مغربي
مررره رايقة
نرجع للريجنت .. بتلقين موجود هناك Godiva
وصالون Tony & guy

وفيه محل الالعاب المشهور Hamlyes
طبعا لو كملتي مشي بالريجنت بتوصلين لحد البيكاديللي
أي لفة بتدخلين معها على امتداد الريجنت بتوديك لمكان حلو سواء مطاعم \ كفيات \ محلات ....
فيه منطقة اسمها carnaby street مرة جميله تطلعين لها من عند قاب اللي في الريجنت وبتشوفين لوحة مكتوب عليها الاسم وسهم
كل اللي فيه اجانب شوارع ضيقة فيها محلات ومطاعم وكفيات توسع الصدرررر



انصحك تستخدمين برنامج الخرائط اللي في الايفون مرررة بينفعك وبيوصلك لاي شي تبغينه

واحس اني ناسية شي بس مدري وشو

اما اذا انتي تبغين ماركات وتقصدين فيها designers
لاتروحين للريجنت
روحي salone street طبعا من عند هارفي نيكلز تدخلين للشارع لين تخلص المحلات وتركبين باص وتروحين ل sloane square وتكملين هناك
وروحي كمان ل south kinsington

وbond street

طبعا التسوق في الشوارع يعتمد عالاستكشاف لانها عبارة عن دوااااعيس
وكمان روحي لمجمع ويستفيلد اللي في شبردبوش

انا اشهد ان هالاسواق لعبتكم مالي فيها بصراحه لكن شرح الاخت لوللي ولا اروع

طيب يا lullabyايش اسم البرنامج ؟ و يا فارس الجبيل انا اقصد ان لو كنت في شارع ريجينت و ابغا اروح شارع اكسفورد مشي كيف اقدر ؟

وشككككرا يا lullaby و يعطيك العافية افدتيني كثثير .. و شكرا يا فارس الجبيل يعطيك العافية .

محطة اكسفود سيركس هي نقطة البداية لكل من الشارعين

هيفاء شرحت لك لولابي كيف تروحي من الاكسفورد لريجنت ستريت تراه تقريبا امتداد للاكسفورد



لولابي تكفيييين الحقينا باسم البرنامج

افضل برنامج انا استخدمه شخصيا للاندقراوند Tube map مره رهيب وبسيط ونافع جدا جدا

و نصيحة لا تروحين الاوت لت اللي في بيستر فيليج

مررا قديمة الاشياء \\

اليوم رحت مااشتريت

بس اتمشيت في Bicester Town
و اعجبتني مررا و تغدينا و قضينا وقت حلو

و اكلنا فطاير الكريب بالنوتيلا

و سحبت ع التسوق

فارس انا ودي ببرنامج للباصات لاننا مانستخدم الاندرقراوند..


برنسس انا رحت بيستر فلج اكثر من مره .. مره اشياء حلوه و مره لا على حسب الزياره

السلام عليكم

وصباحكم الخير جميع


ام العيال الباصات بسيطة جدا ابعطيك طريقة وشرح لها تغنيك بأذن الله عن اي برنامج


ركزي معاي


اذا جيتي اي موقف للباصات بتلقين خريطة ملصقة بالقزاز حق الموقف وكذلك بيكون عمود لوحه صفراء بجانب الموقف به ارقام للباصات اللي توقف في هذا الموقف وكل ماعليك هو البحث عن اسم المنطقة المراد الذهاب لها وبتلقينها مرتبه بالحروف الابجدية وبتحصلين رقم بجانب اسم المنطقة طابقي هذا الرقم مع اللوحة الصفراء اذا هذا الموقف يوقف فيه الباص المراد او لا يعني مثلاً


انتي في الماربل ارش جيتي الموقف وتبين تروحين النايتسبريدج والارقام في اللوحة الصفراء مثلا 27-414-c2
شوفي اسم النايسبريدج بتلقين جنبه تقريبا رقمين او ثلاثه مثلا 3-27-414
معناه ان الموقف هذا يمر عليه الباصات الي تروح للنايسبريدج وارقامها تتطابق مع اللوحة الصفرا واول مايجي باصك الي بنفس الرقم اركبي معاه وانتي متطمنه انه بيروح للنايسبريدج


ارجو ان شرحي واضح

اسم برنامج شامل للباصات + الاندرقراوند ( Tube Deluxe )

يا فارس الجبيل امممم طيب البرنامج عبارة عن ايش ؟

عباره عن تخطيط رحلة بالباص او الاندرقراوند من نقطة a الى نقطة b

ماعليك الا ادخال الاسم المراد الذهاب له واسم المحطة الي انت فيها وهو يرسم لك خط السير واسماء المحطات الي بتمر فيها

طب انا ابا البرنامج الي يوصفلك اماكن لندن مو حق الباصات ؟ ممكن

لا انا ابا برنامج يوصفلي اماكن السياحية بلندن مو حق الباصات ؟ ممكن

المشاركة الأصلية كتبت بواسطة فارس الجبيل
http://www.arabtravelersforum.com/tr...5/#post7895425

عباره عن تخطيط رحلة بالباص او الاندرقراوند من نقطة a الى نقطة b

ماعليك الا ادخال الاسم المراد الذهاب له واسم المحطة الي انت فيها وهو يرسم لك خط السير واسماء المحطات الي بتمر فيها



عفوا بس انا ابا اسم البرنامج حق الاماكن السياحية مو الباصات ؟ ممكن

Back
سوووري هيفا من امس مادخلت النت :$

برنامج الخرائط او maps
هذا برنامج افتراضي بالايفون مايحتاج تحملينه
تفتحينه وتحطين اسم المكان اللي تبغينه مثلا تكتبين oxford circus بيطلع لك المكان وعليه دبوس احمر
ومكانك الحالي عليه دبوس ازرق
وبس تتبعين الطريق لين توصلين

البرنامج هذا دقيق يطلع لك الكفيات الصيدليات البنوك


وممكن بدل ماتدخلين اسم المكان .. تقدرين تدخلين احداثياته
مثلا w1b4jj
وبيطلع لك محل TM Lewin

طبعا اسهل طريقة انك توصلين مكان سواء مع تاكسي او عن طريق الماب تستخدمين الاحداثيات
وبتلقينها في وصف اي محل دايما w1 هي منطقة اكسفورد واللي حولها
وكل منطقة تبدا بحرف ورقم والباقي يتغير

بعطيك اسماء برامج مرررة حلوة ومفيدة عالايفون كلها عن لندن
ااذا رحتي طقطقي فيها لين تتعلمين عليها
tube map
london pocket guide
city mapper
time out london
bus london
journey pro
metro
london map
around me
google maps
salah for falah
trip advisor


طبعا اي مكان تبغين تروحين له عن طريق الخريطة تقدرين تشوفين اقرب اندرقراوند له
وممكن تطلعين من النت اسماء محطات الاماكن اللي تبغينها

يعني مثلا مثلا
تبغين تروحين لترافلقار سكوير
اقرب محطه عنده هي charing cross
ممكن تروحين عن طريق الاندرقراوند عالخط الاسود
وممكن تروحين بالباص


وفيه كمان حركة اسهل من كذا تدخلين قوقل ماب
وتكتبين اسم المكان اللي تبينه
تلقين عاليمين خيارات كثير اختاري الحصول على الاتجاهات
A حطي اسم موقعك الحالي
B حطي اسم الموقع تبين تروحين له

بعدها اختاري طريقة الوصول تبين تروحين ع رجولك , بالسيارة , باص او اندر قراوند
وبعد كذا بيطلع لك شرح مفصل للي تبغينه
يعطيك رقم الباص والا اسم المحطه ويبين لك اذا فيه تبديل

المسألة تحتاج ممارسة وبعدها بتلقينها بسيييييييييييييطة وش حلوها

بالنسبة لي تعلمت عالباصات بالصدفه رغم ان لي سنين مافكرت اركبها احس الاندرقراوند اسهل
لكن لقيت الباصات امتع واونس ..

طيب حبيبتي كيف w1 و اسم المكان ما فهمتك ممكن توضحين ؟

بس هذا كله يحتاج نت صح ؟؟

شي اساسي هناك
خذي لك شريحة من شركة 3 لانها انترنت غير محدود + اتصالات دولية رخيصة

بالنسبة للاحداثيات مو انتي تجيبينها بتلقينها في وصف اي محل تبغينه
سواء في النت او في بروشور
وممكن عن طريق برنامج الخرائط لما تكتبين اسم المكان ويطلع لك تصغطين عليه ويعطيك احداثيات المكان

اخ فارس شرحك وااااضح جداً جزاك الله خير خصوصاً اني راكبه باصات لندن من قبل فصارت الصوره اوضح

و جززاك الله خير على البرنامج باذن الله احمله و ادعي لك

حياكم الله

ماقصر المشرفين والخبرا

تمشي على شارع الاكسفورد وتخلي الهايد بارك على ظهرك

لين توصل محطة الاكسفورد سيركس وبعدها تلف يمين بتحصل نفسك في الرجنت استريت

http://www.arabtravelersforum.com/travel811990/

تطبيق الآيفون رااااااااااااااااااااااااااااااااااااااائع ,,

يعطيكم العافية ع المعلومات القيمة ,,,أسأل الله أن يجعله في موازين حسناتكم جميعاً .

يعطيكم العافية ما قصرتوا معي