الموضوع: انا بنزل في قطر يوم واحد ابي رايكم وين اروح وين اسكن

الاخوة الاعضاء بعد التحية انا سأنزل مطار الدوحة 6ساعات في الذهاب ويوم في العودة لان الرحلة ترانزيت لذا اود ان اعرف منكم هل اخرج من المطار في 6ساعات وهل يوجد سوق او فندق او مكان جميل قريب من المطار اذهب اليه ام انتظر في المطار سوف يكون هذا في يوم الاربعاء من الساعة 7 مساء الى 1 ليلا.
بالنسية للعوده سانتظر يوم كامل وسيكون وقت الوصول 7مساء والاقلاع 5مساء من اليوم التالي يمكن يكون السكن على الخطوط القطرية عندكم معلومات عن الخطوط القطرية كخدمات في الطيارة اولاً والفندق اللي تسكن فيه رحلات الترانزيت ثانياً

اي معلومات حلوه تفيدني لا تبخلون علي.



[move=right]استأجر سيارة بسواق في الست ساعات واتمش ولا اسوق انا ولا ايش ؟؟؟؟[/move]


اخوكم الصغير kash سابقا طفران حاليًا

مواضيع عشوائيه ممكن تكون تعجبك اخترناها لك:

• رجال قطر فديتكم ابي بانورما مع السائق
• اول سفره لي لقطر وارجو منكم المساعده
• إطلاق شركة دوحة لاند للضيافة لتشغيل فنادق في قطر
• ابي فنادق قريبة من الصالة الرياضية باسباير زون
• لو سمحتوا يا أهل قطر
• برنامج سياحي لــ أيام في قــــــــــطر
• ممكن احد يدلني على طريق الحسا قطر؟
• تفويض السيارة
• مطعم طرزان الدوحـة
• ابي اجابه دقيقه على سؤالي بشان الحجز
• مساعدتكم في رحلة عائلية ل قطر
• ثلاث ايام في قطر
• ودي ارقام شقق في قطر ؟
• خلال اسبوعين ان شاء الله في قطر مع العائلة نضموا لي جدول سياحي لمدة ايام
• كيف الجو ؟؟
• غــزوة بوشاهيــن لدولــة قطــر
• سؤال للاشقاء في قطر الحبيبة
• ودي استاجر سياره
• فضلاً لأمراً طلبتكم ياهل قطر
• الخطوط الجوية القطرية تسيّر رحلتين يومياً إلى سنغافورة

هلا أخوي kash بك في الدوحة ...

الصراحة آنا ما أنصحك تتطلع من المطار لأن الدوحة صايرة زحمة يعني شي مب طبيعي :108: و الشوارع مكسرة فالأفضل انك تقعد في المطار..وأصلاً الخطوط الجوية القطرية صايرة تحط إعلانات في الجريدة حق اللي بيسافروون عليها انهم لازم يتواجدون في المطار قبل 3 ساعات عالأقل نظراً للزحمة الشديدة.. وأي استفسار آنا حاضرة :101:

تحياتي :106:

انا انصجك بنصيحة عكس الاخت موني :

وهي ان تخرج وتشوف الدوحة وخاصة بان المطار في قلب الدوحة على البحر يعني تطلع من باب المطار انت في الدوحة .

وتستطيع ان تذهب الى المجمعات والمولات ولك ان تحتار اما :

1- سيتي سنتر الدوحة ويبعد عن المطار بالكثير ربع الى 20 دقيقه وتتجه له عن طريق الكورنيش لان هذا الطريق ليس به اي تصليحات او خلافه فهو طريق هاي وي ، وتستطيع ان تصل الى السيتي سنتر .وهو يبعد عن المطار بالكثير 15 كيلوا .

2- المول : وهو يبعد عن المطار خمس دقائق فقط وهو بالقرب من النادي الاهلي ويبعد 5 كيلوا تقريبا عن المطار .


ولكن انصحك في السيتي وذلك لكبره ولوجود التكاسي بالاستمرار امامه .


غير كذا لا تفكر بالدخول الى الدوحه والتوغل الى داخلها لان اغلب الطرق تحت التعبيد وذلك استعدادا للاسياد .



وتحياتي

رجل شرقي
الدوحة

مـــونـــي:24:
رجل شرقي:24:

اشكر لكم التجاوب والله يعطيكم العافية بس ودي اعرف وش المول اللي خمس دقايق من المطار مول مغلق مكيف فيه مطاعم حلوه
. وشكرًا

هلا أخوي kash...


بخصوص المول مثل ماقال أخوي رجل شرقي قريب من المطار وهو عبارة عن مجمع تجاري متوسط الحجم مكيف فيه سوبرماركت ومطاعم مثل أوبرا كافيه وستار بكس وشليز ومطعم إيطالي ومحلات ملابس وغيرها والطابق الثاني فيه مطاعم مثل ماكدونلز ودجاج كنتاكي وعلى ما أعتقد مطعم صيني... واذا طارت عنك الطيارة على مسؤولية رجل شرقي :109:

تحياتي :106:

مرحبا أخوي kash...
بالنسبة لمجمع المول التجاري هو قريب من المطار وهو مجمع متوسط الحجم مكيف وراقي وفية سوبرماركت ((ميغامارت)) ومحلات ملابس وغيره بالنسبه للمطاعم في الطابق الأرضي يوجد فيه مطعم شليز وأوبرا كافية ومطعم إيطالي وستاربكس والطابق الثاني فية ماكدونالز ودجاج كنتاكي وعلى ما أعتقد مطعم صيني... واذا طارت عنك الطيارة على مسؤولية رجل شرقي :109:
تحياتي :106:

المشاركة الأصلية كتبت بواسطة kash


مـــونـــي:24:
رجل شرقي:24:

اشكر لكم التجاوب والله يعطيكم العافية بس ودي اعرف وش المول اللي خمس دقايق من المطار مول مغلق مكيف فيه مطاعم حلوه
. وشكرًا



ايه مول مغلق ومكيف وفيه كوفي شوبات ومحلات تسوق ..

يعني مول حديث .


واسمه (( المول ))

في المطار بالقرب من النادي الاهلي ، اول ما تطلع من المطار على طول لا يمين ولا يسار او دوار هذا هو دوار النادي الاهلي وعنده المول .



تحياتي

رجل شرقي
الدوحة

اخوي kash

ماقصروا الاخوان

واي خدمة احنا حاضرين


اخوك
القـــطــــــري

واسمحلي عالتأخير

طمنا وش صار عليك .. عطنا اخبااااااارك مبين الدوحه صارت زحمه الله يرحم زمااااااان اول

المشاركة الأصلية كتبت بواسطة @ابوفيصل@


طمنا وش صار عليك .. عطنا اخبااااااارك مبين الدوحه صارت زحمه الله يرحم زمااااااان اول





:suprise::suprise::suprise:

اسف على التأخر
الله يعطيكم العافية ماقصرتوا وش ذا المعلومات يعني الواحد يحس انه قد نزرل بمطار الدوحة والمول شباب وصبايا اخوكم نازل بمطار الدوحة بالساعة 6:50 الاربعاء 19 الجاري يعني بعد ثلاثة ايام وبطير الساعة 01:35 بعد منتصف الليل يعني يمدي على التمشي بالمول والعشاء صح ساعتين ونصف وارجع للمطار .

المشاركة الأصلية كتبت بواسطة kash


اسف على التأخر
الله يعطيكم العافية ماقصرتوا وش ذا المعلومات يعني الواحد يحس انه قد نزرل بمطار الدوحة والمول شباب وصبايا اخوكم نازل بمطار الدوحة بالساعة 6:50 الاربعاء 19 الجاري يعني بعد ثلاثة ايام وبطير الساعة 01:35 بعد منتصف الليل يعني يمدي على التمشي بالمول والعشاء صح ساعتين ونصف وارجع للمطار .



الطيارة تنزل السياعة 7 مساءً
تطير مرة ثانية الساعة 1 ونص

يعني
تطلع من المطار الساعة 7 ونص
توصل المول 8
لين تاكل وتتمشى فيه تطلع منه 10 أو 10 ونص بالكثير 11
توصل المطار 11.15 مع الزحمه واسوء الظروف

يبقالك ساعتين وربع !!!!!
هذي لتخليص امور الجوازات في المطار وما إلى ذلك

يعني الوقت المسموح لك من وجهة نظري 3 ساعات ونص في الدوحـــــة

انصحك انك ماتبعد عن منطقة الموووول .. أو منطقة الكورنيش ..

لأنك إذا بعدت راح تتوهق مع زحمة الدوحة والتكسيرات الي صايره !!!


بالتوفيــــــق

صح انا مع الاخوان لاتروح الستي تراه بعيد مع هالشوارع التعبانه والزحمه...خلك في المول..ادخلوا سينما لان سينمتهم صغيره ومافيها وايد ناس..وقعدوا في مطعم وتمشوا في السوق فيه محلات قليله لكن حلوة..
بعدين المجمع راح يسكر الساعه 10 ممكن تدخلون الجمعيه تاخذون شي بسيط او ترجعون المطار

[move=up]الله يعطيكم العافية وماقصرتو[/move]

اولا مرحبا بك اخوي كاش بتنور الدوحه
ومشكورين الاخوان اللي افادوك بالمعلومات الطيبه
وانت ضيف علينا ولازم نقوم بحقك
وعشان ماندخل في الرسميات لاوصلت الدوحه انشالله وحسيت انك تبي تطلع من المطار انا في الخدمة فاضي وماعندي شغل وحتى لو كان عندي افضي نفسي عشانك وانشالله اسويلك جولة سياحية تعجبك
راسلني على الخاص ومايصير خاطرك الا طيب

السلام عليكم




اخواني اهل قطر خط عودتي من ميونخ عبرالدوحه وعندي يوم انتظار

ابغى مطعم حلو للعشا وايش الاماكنالحلوة اللي اقدر اروحها خلال هالفتره الوجيزة .
وجزاكم الله خير.




كنت بكتب نفس الموضوع شكرا للجميع

حياكم الله في قطر ----- بما انكم جالسين فتره بسيطه يعني _ (( سويعات قليله ))

ما لكم ألا المول وانصحكم تعشون في مطعم بايلا وانصحكم تاكلون لازانيا
والمره الجايه انشألله تجون وتجلسون جلسه عدله