الموضوع: شقراوي في ايطاليا

المشاركة الأصلية كتبت بواسطة fms


هلا والله وغلا
انا اسف والله لاني تاخرت بالموضوع
ميلانو بالنسبة لي عادية بس حلوه الي يبي اسواق بس لو زرت ايطاليا لازم تزورها لانها من اهم المدن عندهم ولا تطول فيها.
بالنسبة للقلعه ما ادري فيها متحف ولا معرض بصراحه مو متأكد بس بالحديقة الي جنبها كان في مهرجان للعجزة"كبار السن" في شهر اوقست لان اهل ميلان شهر اوقست اجازة الا هالشيبان محد فاضي لهم وهم يسلونهم حفلات حتى عندي لهم صوره وهم يرقصون. وابشر بكتب لكم عن المدينة الي زرتها على بحيره قادرة قريب.



تسلم لي أصابعك والله يالشنب .:113:

المشاركة الأصلية كتبت بواسطة juvy1897


تسلم لي أصابعك والله يالشنب .:113:




الله يسلمك

اقول كانك تلمح لمن قلت يالشنب :114:


عاد هاليومين مخففه مخليه صفر :109:


ما ودي اكتب عن قاردا الا لين تنقلب الصحفه عندي علشان ما تصير الصفحه ثقيله بالصورة

يعني بنتظر كم رد وان انقلبت الصفحه بكتب عنها

المشاركة الأصلية كتبت بواسطة fms


الله يسلمك
اقول كانك تلمح لمن قلت يالشنب :114:
عاد هاليومين مخففه مخليه صفر :109:
ما ودي اكتب عن قاردا الا لين تنقلب الصحفه عندي علشان ما تصير الصفحه ثقيله بالصورة
يعني بنتظر كم رد وان انقلبت الصفحه بكتب عنها



لووووووووووووول

بالنسبه للشنب إنتبه الجو صار بارد :109:

أنا والله متحمس لـ قاردا بشكل مو طبيعي و إنيسطت أكثر لما قريت ردك ياشقراوي انك تبي صفحه جديده عشان تنزل صور و تقرير رحلتك لـ قاردا .

أبشر بعزك والله .:11ight:

هالجزء خاص لك
juvy1897

انا كنت مخطط اني اسكن في باسكيرا خصوصا لمن مدحها اخونا ايطالي والي زادني حماس اني ازورها الاخت سوار


كلمت المكتب الي بالسعودية علشان يدبر لنا ليلتني فيها و تكون بعد ما نجلس في فنيسيا نروح جاردا و في الاخير ميلان ولكن مكاتبين بالسعودية ما عندهم مكاتب تتعامل هالمدينة.

قلت لاهلي نروح وهناك ندور حجز. رحنا و مالقينا حجوزات لانها صادفت ويك اند واجازه في ايطاليا وجلسنا في ميلان اليومين الي هذي.


في اليوم 14 نوينا نروح الى

PESCHIERA



باسكيرا دي قارد ومشينا الصبح و وصلنا الظهر وللاسف الجو كان ممطر وخر علينا اليوم.

قبل ما اتكلم عن المدينة الي زرتها بعطيكم فكره شوي عن البحيره و موقع فيه خريطة و يوضح المدن الي عليها

http://www.gardalake.it/garda-map.html

والبحيره تقريبا تكون بالنص بين ميلان و فنيسيا وعليها مجموعه من المدن انا زررت باسكيرا

كنت متخوف كثير من ناحية التاكسي و المواصلات في البحيره خصوصا اني ما استاجرت سياره

اول ما توصل الى محطة باسكيرا تلاقون محطة باص تنقلكم الى مدن جنبها. وشفت تكاسي تجيب الناس من فنادقهم. بس انا استخدمت رجولي علشان اكتشفها و مركز المدينه مهوب بعيد عن المحطة.

تفتقر ايطاليا و مكاتب المعلومات الانفورميشن (i) للخدمه الممتازة. مثلا تكون محدوده بساعات على كيفهم و اوقات الذروة ما يكون مفتوح. مثلا تقفل 12 الظهر وتفتح 4 العصر معناتها تجلس تنتظر الى 4 بدون خريطة ولا تدري وين تروح له. :108:

ما علينا بقولكم وش سوينا بالتفصيل :

اول ما طلعنا من المحطة الا المطر ما يوقف ماشاء الله قلنا نمشي شوي شوي والمشكله ما ندري وين نروح له ما عندنا لا خريطه ولا شيء. و متحمسين ولا يوقفنا لا مطر ولا غيره

رحنا الى وسط المدينه بعد ما سالنا عنه





و بعدها شفنا البحيره وفيها تقدر تستاجر قارب خاص لك او تركب باخره توديك الى مدن ثانية تطل على البحيره.



وبعدها تمشينا على البحيره وكان الجو زين يوقف المطر شوي و يرجع ينزل وهذي مجموعة من الصور:








وبعدها رجعت الى وسط المدينه علشان حضرتهم بيفتحون مكتب الانفرميشن الساعه 4



واخذت الخريطه و موضح فيها كل شيء واخذت بعض البرشورات الموجوده والاشياء الي تستاهل الزياره.

ومن الاشياء الي اعجبتني الملاهي واسمها

GARDA LAND
و موقعهم على الانترنت :

http://www.gardaland.it/en/home.php

انا ما رحت لها لاكثر من سبب الاول الوقت ضيق و ثاني شيء اهلي قالوا ما نبي نروح ملاهي تبي تروح روح وبعدين نتقابل على العشاء والثالث اني رحت ملاهي في صيف 2004 في استراليا وما اتوقع انها بتكون احلى منها.و الرابع ما ودي اهلي يشوفون شيء انا ما شفته ما ابي يفوتي شيء وخامسا الجو الممطر

اخوي راح لها لمن زار باسكيرا يمدح الملاهي

والشيء الثاني الي يمكن اروح له

MOVIE STUDIOS



موقعه على الانترنت :

http://www.canevaworld.it/ms/index_e.php

والشيء الثالث الي يستاهل ان الواحد يزوره بقولكم بعدين لاني هو الي رحت له.

بعد ما جمعت معلومات و اوراق تمشينا بالستي سنتر







و بصراحه حلوه فيها حركه و كافي شوب ومطاعم

وحتى في منطقة جنب البحيره للي يبي يخيم كانت مليانه.

والحين اقولكم الشيء الثالث الي رحت له واعتقد انه يستاهل ان الواحد يروح له هو :

MEDIEVAL TIMES

موقعه على الانترنت:

http://www.canevaworld.it/mt/index_e.php

فكرت اروح له لاني ما عمري دخلت مطعم بنفس الفكره و الشيء الثاني مدح سوار للمطعم هذا

فكرته انك ترجع للعصور القديمة وتعيش كيف ياكلون وطريقة اختيار الزوج لبنت الملك

طبعا بتعطونكم مقدمه قبل ما تدخلون



و راح يقسمون الحضور الى اربع افرقه و يكون في فارس يمثلهم و يتنافسون الفرسان علشان يتزوجون بالاميرة

و الاكل الي يقدمونه لكم ممنوع تستخدمه شوكه او سكين تاكل الدجاجه بيك و الشوربه بصحن حديد له عصى علشان تشرف فيه كانه حق القهوه التركية "الوصف تعبان عندي"

و احلى ما في المطعم لمن تمسك صحنهم الحديدي و تضرب فيه الطاوله انواع الازعاج بس تطلع حرتك شوي.

يكلف العشى للشخص الواحد تقريبا لو ما غلطت 25 يورو.

ونصيحة قبل ما تروح انك تحجز لك مقاعد علشان تضمن انك تلاقي مكان

و الحلو ان الملاهي و المطعم و الاستديو انهم يقدمون خدمه الباص مجانا من محطه القطار الى موقعهم بس لازم تنتبهون متى يمشي علشان ما يفوتكم.

وفي الاخير ملك هذا اليوميات واقف قدام المطعم



وفي اليوم الاخير كان في ميلان وكان كئيب جدا مالي نفس شيء ابدا.

و كان الحزن واضح على ايطاليا و اوروبا حتى انها من كثر الحزن اهتزت روما الم على قرب موعد رجعتي و اوروبا بكت حتى انها غرقت بالدموع.

"في اخر الايام جا صرب روما زلزال و اكثر من دوله اوروبية جاهم فيضان"

بس لكل بداية نهايه

وان شاء الله السنه الجايه ازور بلد و اكتب لكم عنه وتستفيدون من تجربتي البسبطه مثل ما انا استفدت الكثير من هالمنتدى.


واي استفسار انا تحت امرك

بصراحه حلوه وتستاهل الزياره

الله يعافيك اخوي وانا تحت امرك بس اسال في اقرب فرصه علشان ما انسى

أنا قد لي مدة عن الموضوع .. :110: :110: :110:

طلعتوا من استريزا ورحتوا ميلان .. وبحيرة جاردا .. ورجعتوا ميلان .. وأنا توني مالحقت عليكم .. :110:

يااااااااااااااااي رحتوا سرميوني .. هيجت الذكريات عندي .. :110: :110: :110:

سؤال .. أنت رحت MOVIE STUDIOS ....؟؟؟؟؟؟؟؟!!!
ولا بس رحت السنتر ..


Medieval Times






و احلى ما في المطعم لمن تمسك صحنهم الحديدي و تضرب فيه الطاوله انواع الازعاج بس تطلع حرتك شوي.



:36_1_33: :36_1_33: :36_1_33: :36_1_21: :36_1_21: :36_9_1: :36_9_1: :36_1_34: :36_1_34:






الوصف تعبان عندي :109: :109:



موب أحسن مني .. :109:


هااااااااااااااااااااااااااااا يارب عجبكم المطعم .. شلون الأجواء .. حلوووه ولا لأ ..؟!!!!! وفضول فيني .. أي فريق كنتوا .. أي لون ...؟؟؟؟!!!!!







كان الحزن واضح على ايطاليا و اوروبا حتى انها من كثر الحزن اهتزت روما الم على قرب موعد رجعتي و اوروبا بكت حتى انها غرقت بالدموع



يمكن أنت مغلط .. تحسب أنها حزينة .. وهي أصلاً فرحانه .. من كثر الفرح تبكي .. على أنك أخيراً بترجع لوطنك .. :109: :109:






"في اخر الايام جا صرب روما زلزال و اكثر من دوله اوروبية جاهم فيضان"



عااااااااش الواثق .. هذا من كثر الصدمة والفرحة على روحتك .. :109: :109:

I joke .. Don't be bored


بعد نهاية الموضوع الرائع .. ومثل ما قلت لكل بداية نهاية ..

يعطيك .. ألف مليوووووووووووووون عااافية على التقرير .. وتسلم الأيادي ..

:smile125:



تقبل تحياتي .. :101:

الله يسلمك سوار و نور الموضوع


اي لك فتره ما شفتك بالمنتدى


بالنسبة لنا ما رحنا الى الاستديو رحنا الى المطعم بس
لان رحنا في استراليا الى Wb وهو نفس الفكره والجو ما كان يساعد.


و فريقنا الاصفر ما تشوفين التاج الي فوقي اصفر

والي فاز فريق الازرق

وبالنسبة للمطعم مره حلو وغريب و حتى اهلي كانوا مترددين انهم يرحون له بس اعجبهم بعد

للاسف ما رحنا الى سيرموني رحنا لمدينه جنبها اسمه باسكيرا

والملاهي تراها مو في باسكيرا في الطريق الي مدينه ثالثه ناسي اسمها.

القرى الي على البحيره قريبه من بعض مره.

وعلى فكره امزجي على كيفك احنا هنا جايين ننبسط مو جايين نزعل


و شكرا لك لانك كنت معي بالبدايه الى النهايه


اخوك فهد

نور الموضوع



منور بصحابه ..






اي لك فتره ما شفتك بالمنتدى



بعد شنسوي .. الدنيا ومشاغلها .. وسرقتنا البوابة العامة .. وبوابة مصر وأسبانيا .. وأمريكا ..






و فريقنا الاصفر ما تشوفين التاج الي فوقي اصفر

والي فاز فريق الازرق








و شكرا لك لانك كنت معي بالبدايه الى النهايه



العفوووووو ..
وأنت اللي مشكور على التقرير الحلوو .. واللي أمتعتنا فيه .. ونعتذر عن أنقطاعنا منه فترة ..

ولا تحرمنا من مواضيعك المميزة .. :36_1_1:



تقبل تحياتي ..:101:

مشكووووووووووووووور اخوي شقراوي ... على الصور الحلوه خصوصآ ريتشيوني لأاني مازرتها

........
مجهود جبار ... ماشاء الله علينا ياحقين شقرا والدوادمي ماحناب عاقلين نسافر لأوربا خخخخخخ انا بعد رحت لأيطاليا ومنزل موضوع هنا في هذا القسم لو عندك وقت الق عليه نظرة تشاااااااااااااااااااااو حبيب ألبي

تقرير رائع وجميل ..



ومشكور أخوي .. والله يعطيك العافيه ,,

تحياتي لك أخي شقراوي ..وبعد

رحلة ممتعة جداً .. وطيبة .. جعلها الله في ميزان حسناتك ما تقدمه من خدمات لأخوانك
أخوي شقراوي أنا مقبل على الزواج ولدي أسئلة لك .. وياليت ما تكون ثقيلة ... ولو فيها أي إحراج
تجاهل السؤال تماماً...!!

* كم سعر التذكرة من السعودية لإيطاليا..؟!!
* الفنادق في ( روما - فلورنسا - فينيسيا - أستيرا - ميلانو )..؟؟!!
*هل تتصور 14 يوم كافية لقضاء الهني مون في إيطاليا..؟؟!!
* زوجتي إن شاء الله ستكون متغطية تماماً كما في بلدنا السعودية الله يحميها ... هل في ذلك مشاكل..؟؟!! وهل واجهت صعوبات في ذلك ..؟؟!!

المشاركة الأصلية كتبت بواسطة مبدع إيطالي


مشكووووووووووووووور اخوي شقراوي ... على الصور الحلوه خصوصآ ريتشيوني لأاني مازرتها
........
مجهود جبار ... ماشاء الله علينا ياحقين شقرا والدوادمي ماحناب عاقلين نسافر لأوربا خخخخخخ انا بعد رحت لأيطاليا ومنزل موضوع هنا في هذا القسم لو عندك وقت الق عليه نظرة تشاااااااااااااااااااااو حبيب ألبي



عفوا اخوي مبدع ايطالي

اي تطورنا صرنا نروح اوروبا ونسدح في بحرهم و نتمشى عند اثارهم

ان شاء الله بقرا موضوع وعلى فكره انا قريت مواضيع كثيره للاعضاء وهذا الشيء الي ساعدني يعطيك العافيه وباقي الاعضاء

وان شاء الله تروح ريتشوني لانها تستاهل وحلوه خصوصا بالصيف لان اي وقت ثاني ما تنفع لان ما فيها الا بحر

واسف لاني تاخرت بالرد

المشاركة الأصلية كتبت بواسطة KanKon


تقرير رائع وجميل ..
ومشكور أخوي .. والله يعطيك العافيه ,,



الله يعافيك وشكرا لك لانك قريت الموضوع ورديت

تسلم اخوي كان كون

المشاركة الأصلية كتبت بواسطة AbO SaMi


تحياتي لك أخي شقراوي ..وبعد
رحلة ممتعة جداً .. وطيبة .. جعلها الله في ميزان حسناتك ما تقدمه من خدمات لأخوانك
أخوي شقراوي أنا مقبل على الزواج ولدي أسئلة لك .. وياليت ما تكون ثقيلة ... ولو فيها أي إحراج
تجاهل السؤال تماماً...!!
* كم سعر التذكرة من السعودية لإيطاليا..؟!!
* الفنادق في ( روما - فلورنسا - فينيسيا - أستيرا - ميلانو )..؟؟!!
*هل تتصور 14 يوم كافية لقضاء الهني مون في إيطاليا..؟؟!!
* زوجتي إن شاء الله ستكون متغطية تماماً كما في بلدنا السعودية الله يحميها ... هل في ذلك مشاكل..؟؟!! وهل واجهت صعوبات في ذلك ..؟؟!!



هلا واللع واخوي ابو سامي

جزاك الله خير اخوي واي سؤال تحت امرك وبحاول اجاوب على الي اقدر عليه.

بالنسبة لسعر التذكره ناسي كم كان بس رحنا على الخطوط الاماراتيه وكانت دبي روما والعوده ميلانو دبي

اسعار الفنادق ما عندي فكره عنه لاننا نختار الفنادق مره وحده و ندفعها مع بعض اعطاني المكتب التفاصيل بس ناسيها والله ويختلف السعر من شهر الى ثاني بالصيف في بعض المدن الي زرناها كان "لو سيزون" الاسعار تكون مناسبة خصوصا ميلانو في شهر 8 فاضيه.

و مستوى الفنادق الي سكنا فيها جيده و اسعارها كانت مناسبة في فنادق افضل و في مواضع افضل بس تكون غاليه شوي.

بالنسبة لي السكن على حسب الشخص و ميزانيته.

- 14 يوم شهر عسل حلوه مره ومناسبة في ايطاليا لان العرب فيها قليل نسبيا و سهوله التنقل في المدن.

- بخصوص الغطا ما اعتقد فيه اي مشكله يمكن مرات راح تلاحظ ناس تناضركم متعجبين بس ما في اي ازعاج لا يهمكم احد.

والله يوفقك ان شاء الله و تروح وترجع بالسلامه

وتاخرت بالرد لاني ما انتبهت ان في ردود جديده اسف مره ثانيه واسف لان التفاصيل الماليه ما عندي خبر فيها لاني مو انا الي دافع :109:

يعطيك العافية يا شقراوي .. وبارك الله فيك أخوي .. الحقيقة يكفيني تقريرك هذا
وبالنسبة للفنادق وغيرها إيطاليا شهيرة بالسياحة .. ولهذا أجد موااااااااقع جميلة وجميلة جداً لقيتها بالخرائط يحدد لك الفندق أمامك والسعر .. ومن هنا سوف أحدد مكان الفندق وسعره .. والله ييسر الباقي وناخوك .. إن شاء الله

تحياتي لك شقراوي

أبوسامي

بعد التحيه
ما شاء الله صور رائعه

المشاركة الأصلية كتبت بواسطة الرومانسي2


بعد التحيه
ما شاء الله صور رائعه



تسلم اخوي الرومانسي على المشاركة

واتمنى انك استفدت من الموضوع

والحمد لله ان الصور اعجبتك


اخوك فهد

مبدع يا شقراوي .. مببببببببببببدع .. بس الصراحة طولت علينا ..
يعني لازم نعطيك إجازة دايم عشان نشوف جديدك ؟

برافوووووووووو برافووووووووووو

المشاركة الأصلية كتبت بواسطة mhenaidy


مبدع يا شقراوي .. مببببببببببببدع .. بس الصراحة طولت علينا ..
يعني لازم نعطيك إجازة دايم عشان نشوف جديدك ؟



هلا والله ابو ابراهيم

نور الموضوع

وعقبال ما اسافر انا وانت ومعنا عزوز علشان نكشخ بالبدله :109:

متى يجي الصيف علشان الواحد يسافر

مشاء الله رحلة خياليه وتصوير جميل ومبدع وتخطيط حكيم لرحلة ولا اروع

اتمنى اخوي بس تزيد معلوماتي عن منطقة مجوري الي تحدثت عنها انها مشتركه بالحدود بين ايطاليا وسويسرا ؟؟

المشاركة الأصلية كتبت بواسطة الفرزدق


مشاء الله رحلة خياليه وتصوير جميل ومبدع وتخطيط حكيم لرحلة ولا اروع
اتمنى اخوي بس تزيد معلوماتي عن منطقة مجوري الي تحدثت عنها انها مشتركه بالحدود بين ايطاليا وسويسرا ؟؟



يعطيك الف عافيه اخوي على كلامك.

انا بصراحه ما كان عندي معلومات كثير عن بحيرة مجوري"Maggiore" ولكن قبل ما امشي بايام قليله مدحها لي اثنين من اصحابي وقالي من احلى القرى على البحيره اسمها" ستريزا"Stresa" ومثل ما كتب في الموضوع ان هالبحيره مشتركه بين ايطاليا و سويسرا.

وانا والاهل الحمد لله انبسطها في اليوم الي رحنا له للبحيره.

وهذا راي السواح الي زارها من موقع الياهو:






Beautiful mountains, beautiful lake. Not too touristy. Things to do--stroll along the lake, a boat ride, ride a cable car up into the mountains.

الله يعافيك على المعلومات القيمة

ياسلام عليك ياشقراوي

أنا لي زمان عن البوابة وافتقدت الإبداع لأني كنت مشغول في بوابات أخرى. لكن صراحة إبداع وذكرتنا ببلدنا الأم، إيطاليا الجميع، الصور أعجبتني كثير لكن بالرغم من حرفيتك في التصوير إلا أن الحقيقة أيضا هي أن إيطاليا متحف فني رائع، فكل صورة جميلة مهما كان مصورها...

تحياتي لك وتستاهل التثبيت يابطل...

أخوك ferdinando di medici

المشاركة الأصلية كتبت بواسطة ferdinando


ياسلام عليك ياشقراوي
أنا لي زمان عن البوابة وافتقدت الإبداع لأني كنت مشغول في بوابات أخرى. لكن صراحة إبداع وذكرتنا ببلدنا الأم، إيطاليا الجميع، الصور أعجبتني كثير لكن بالرغم من حرفيتك في التصوير إلا أن الحقيقة أيضا هي أن إيطاليا متحف فني رائع، فكل صورة جميلة مهما كان مصورها...
تحياتي لك وتستاهل التثبيت يابطل...
أخوك ferdinando di medici



يعطيك الف عافيه وبالنسبة لايطاليا انا دايم اقول الواحد وهو يتمشى بشوارعها كانه داخل متحف من تماثيل و مباني و نوافير.

:106: مرحبا اخ fms بصراحة آنا اول مرة اقرا تقريرك جداجداجداجدا ممتع وعجيب وعجبني وايد وايد
بس حسافة كان ناقصه انك تذكر عن فينيسيا وأسواقها والاماكن السياحية اللي فيها وكذلك الاماكن السياحية في ميلان وفي سؤال ياليت تقدر تجاوبني عليه اشلون اروح حق اسواق الاتليت من ميلان واشلون استعمل الباصات في فينيسيا وميلان وخصوصا ان معي ولدي الصغير وعمره سنة ونص بليييييز fms رد علي بسرعة لاني مسافرة في شهر 7 واتمنى الاسواق ما تسكر في ميلان في هذا الشهر بليييز الرد بسرعة:110:
اختك من الكويت : الروح الحزينة:110:

موضوع رائع يعطيك العافية
بس ليه مافي احد يتكلم عن التسوق
اي حقوق المرأه يا رجال

ابغى احد يكون سافر باليورو ستار من روما الى ميلانو او العكس يقول كم مدة الرحلة يا جماعة الله يعكيكم العافية

المشاركة الأصلية كتبت بواسطة elro7_el7azena


:106: مرحبا اخ fms بصراحة آنا اول مرة اقرا تقريرك جداجداجداجدا ممتع وعجيب وعجبني وايد وايد
بس حسافة كان ناقصه انك تذكر عن فينيسيا وأسواقها والاماكن السياحية اللي فيها وكذلك الاماكن السياحية في ميلان وفي سؤال ياليت تقدر تجاوبني عليه اشلون اروح حق اسواق الاتليت من ميلان واشلون استعمل الباصات في فينيسيا وميلان وخصوصا ان معي ولدي الصغير وعمره سنة ونص بليييييز fms رد علي بسرعة لاني مسافرة في شهر 7 واتمنى الاسواق ما تسكر في ميلان في هذا الشهر بليييز الرد بسرعة:110:
اختك من الكويت : الروح الحزينة:110:



هلا والله اختي الروح الحزينة انا اسف لاني تاخرت بالرد لاني ما دخلت المنتدى الفتره الي فاتت

فينيسيا صغيره نسبيا و افضل منطقة هي سان ماركو وفيها المحلات ومثل ما قلت لازم تسالين عن السعر في اكثر من محل لان ممكن تلاقين شيء في محلين باسعار مختلفه.

بالنسبة للاوتليت اهلي كانوا يبون يرحون له بس المشكله انه بعيد شوي ولو بنروح بالقطار فيه تبدل قطار و لا رحنا له ولا عندي معلومات عن الاسماء الي فيها المحلات.

بالنسبة لفنيسيا سهل تدفين العربه في القارب الي ينقل الناس و فيه مساحات كبيره للعربه.

اما في ميلانو ما ادري بصراحه.

الاسواق في ميلانو على ما اعتقد تقفل شهر 8 اما 7 يكون فيها تخفيضات على ما اعتقد.

اتمنى اني اقدر اساعدك اكبر بس لان اهتمامي بالاسواق قليل.

المشاركة الأصلية كتبت بواسطة عاشقة اوربا


موضوع رائع يعطيك العافية
بس ليه مافي احد يتكلم عن التسوق
اي حقوق المرأه يا رجال



هلا والله اختي عاشقة اوروبا

يعطيك العافيه على الرد بالنسبة لحقوقكم ماخذينها و زياده و في ايطاليا راح تنبسطون اذا كنتم تحبون الاسواق لانه التمشية هناك لازم يكون فيها سوق

اتمنى الاخوان يسعدونك بالاسواق لاني ما اهتم فيها كثير ولا كان ودي اساعدك

المشاركة الأصلية كتبت بواسطة كمونه


ابغى احد يكون سافر باليورو ستار من روما الى ميلانو او العكس يقول كم مدة الرحلة يا جماعة الله يعكيكم العافية



بالنسبة لمده الرحله 4 ساعات ونص

و تقدرين تشوفين اوقات الرحله ومدتها من موقع شركة القطارات الايطالية

http://www.trenitalia.com/en/index.html

و ان شاء الله تروحين وترجعين بالسلامة

سؤال كمان هل يوجد بينها وميلان قطار سريع الرجاء الرد بسرعة

المشاركة الأصلية كتبت بواسطة كمونه


أخوي الله يعطيك العافية بس ممكن سؤال كم استغرقت الرحلة بالقطار من ميلان الى البحيرة ستريزا



الله يعافيك اختي

اي نعم في قطار بين ميلانو و بحيرة ستريزا و مده الرحله بالقطار من ساعه الى ساعه ونص ويعتمد على عدد المحطات الي يوقف فيها القطار

بس اهم شيء اذا كنتي بترجعين بنفس اليوم تأخذين مواعيد القطارات الراجعة.

الله يعطيك العافية على الرد لكن اذا ما ثقلت هليكم سؤال مهم قبل ما اروح من وين اشتري بطاقات الاتصال من ميلانو الاقيها في المطار وهل تشتغل على طول ولا لا انا عرفت ان سعرها 20 يورو بس من وين انا اعرف من وين في روما بس ما اعرف في ميلانو وطبعا ممكن استخدمها في كا ايطاليا ولا لا واشكركم الشكر الكثير مع تقديري لكم على الاهتمام بالرد دائما

شكرا اخوي على ردك وما قصرت

تقرير جميل ... و اسلوب حلو وسلس

احسن شي الواحد يودي معه 10 صناديق ببيبسي يبسط فيهم في الدوم يبيعهم يصير ملياردير

يعطيكم العافيه شباب

عذبوب
صادق خصوصا اذا جاهم الحر بيشترون منك وهم مبسوطيين

أخوي الشقراوي..
سبحان مغير الأحوال .. قبل سنة كنت انت في إيطاليا .. و رجعت منها و حكيت لنا عن اللي صار لك فيها .. و الآن أنا رايح ميلان في سبتمبر إن شاء ، وانت في آخر الدنيا و لا نقدر ناخذ نصايحك عنها ..
إن شاء الله أشوفك على المسنجر و آخذ العلوم الزينة .. لأني مسافر سويسرا (جنيف-بال-زيورخ-لوقانو) ومنها على ميلان (سبعة أيام). يعطيك العافية .. و دمت بخير.

أخوي شقراوي أحنا محتارين في أختيار البلد بين: أستراليا - إطاليا - أسبانيا وبما أنك زرت البلدين وش أفضل لعائله مع أطفال أستراليا إطاليا والي يرشح بلدان ثانيه جزاه الله خير وشكرا

لقرب الصيف .... تم الرفع لهذا الموضوع المتميز

يالله علي سحر هذا البلد اشكر اخوي علي صور

[السلام عليكم ياجماعة الخير

الصور ماطلعت عندي ليش ..............اللي يعرف طريقة لاخراج الصور يقول لي


ومشكوريين
http://www.**********.com/ http://www.**********.com/

رااااااااااااااااااااااااائع:x1: :x1: :x1: :x1:

امتعتني حروفك وصورك اخي الكريم

كل التقدير والمحبة

تقريرك روعه ماشاء الله ..


يعطيك الف عافيه

ارفع لك القبعة اخوي على هالتقرير اللي اكثر من روعة

صراحة انا مخطط لرحلة في الصيف القادم لايطاليا وراح استفيد من تقريرك بشكل غير طبيعي

لدرجة اني طبعته وخليته عندي


وانتظروا تقريري عقب الصيف الجاي

شكرا مرة اخرى

يعطيك ألف عافية اخوي على هالتقرير اللي أكثر من رائع

لكن ياليت تعطينا فكرة عن اسماء الفاادق وأسعارها ونصيحة منك بخصوص مواقع الفنادق خاصة في ريتشوني

يعطيكم العافيه والله وشي حلو ان الموضوع اعجبكم


بالنسبه للفنادق والله ما اذكرها الحين الرحله كانت عام 2005 و اكيد في اشيا جديده طلعت والاسعار اختلف بس لو تبي اساعدك من عيوني والله ندور مع بعض على فندق و يكون سعره معقول.

الله يعطيك العافية

تقرير أكثر من رائع


شكرا لك

الله تقرير روووووووعه :24: وماقصرت استفدنا كثيرا وعساك على القوه

بس ماقلت وين بتسافر السنه هاذي ونبي تقرير مع صورك الجميله

انا شقراويه وابغاك تخدمني بعض الشي انا باسافر الاسبوع الجاي ان شاء الله وعندي 8 ايام فابغاك تنصحني بافضل الاماكن بحكم ان الوقت ضيق ياريت تردلي باسرع وقت اذا مافي كلافه وافضل طريقه للتنقل واهم شي السكن ابغا سكن في شقه مررررررررره صغيره لاني انا وزوجي ورضيع ورخيصه قبل كل شي لو 50يورو

سبحان الله كذا إيطاليا سبق لي أن ذهبت أسبانيا و اليونان ولاكن أيطاليا بلا منازع إذا ساعدة الضروف إن شاء الله رايحين لها

ماشاء الله زرت اماكن وايدة اخوي fms

عليكم بالعافية

تقرير حلو وصور حلوة

ويعطيك العافية


مشاركاتي ....


http://www.arabtravelersforum.com/travel228674/

http://www.arabtravelersforum.com/travel234650/

http://www.arabtravelersforum.com/travel199276/

http://www.arabtravelersforum.com/travel222528/

http://www.arabtravelersforum.com/travel235741/

http://www.arabtravelersforum.com/travel226492/

تقرير جميل
زحبيت أسأل عن السوق في ايطاليا والملابس

الله يعطيك الف عافية انا أن شالله اخر الشهر رايح رحلة بالعائلية والاطفال والجو بيكون ربيعي
بس احتاج إلى مترجمعة تكون مرافقة معي وش تنصحني فيه وكيف اقدر احصل عليها من اي مكتب

ألف شكر لك