موفقة حبيبتي مبلغك بيكفي
وإن شاء الله بتتهني بالسفر وموقع الفندق بنص البلد بجنبه سوق الصالحية وخلفه الحمراء
وبآخر الشارع فيه محلات بوظة أسمه دامر أنصحك تدوقي من عنده وهو مشهور بالمنطقة
كونك بنص البلد فكل مشاويرك بالتكسي قريبة وسهلة والحمدية بتبعد عنك ربع ساعة مشي
إذا بدك قطنيات عليك بسوق الحريقة هاد أفضل سوق وأرخص بس كمان فاصلي دوري
بنصحك تروحي على مطاعم طريق المطار رح تكون زيارة من العمر وفي بجانبهم ملاهي
وممتعة
وبالنسبة للفطور لازم تروحي على الشعلان وهو قريب جدا من الفندق في بنص سوق الشعلان محل أسمه بوز الجدي فيه عنده فطورات شامية بتجنن
وكمان لازم تتنشطي وتفيقي الساعة 6 الصبح وتروحي لخلف الجامع الأموي وتشربي قهوة بالنوفرة إلها طعم تاني الصبح
وبس تخلصي روحي أفطري بمطعم بيت ستي عنده فطاير على الصاج بتشهي حولين البحرة
وإذا بدك تشتري لبس إلك روحي حبيبتي على سوق الجسر الأبيض والحمرا والصالحية هي أجمل شي
وأفضل الحلويات عند مهنا في فرع قديم بالمرجة بس قليله بدي يللي ممتاز
في مطعم بنفس شارع بوظة دامر أسمه فطيرة روما بيعمل بيتزا رااااااائعة لازم تجبيه
وبالنسبة للزحمة الله بعينك
والله لو أنا بالشام كنت أخدتك لأجمل الأماكن بس الله ما كتب
يالله إن شاء الله بتنبسطي وأي شي بدك ياه من عيوني
وخبري الشام إني مشتاقتلها ومشتاقة لأهلي كتيررر :110:
وعلى بالي أغنية
مشتاق يا سوريا مشتاق يا أهل الشام
موفقة حبيبتي عندي خبرة بكل الأسواق والمحلات بس الأسعر أعذريني صرلي سنة و3 شهور بعيدة عن بلدي :110:وقالولي أهلي في غلاء وطبعا هي موجة غلاء عالمية وأي سؤال من عيوني:106:
المفضلات