الموضوع: ساعدووني بليز مباراة الانتر والاي سي

بسم الله الرحمن الرحيم

السلام عليكم ورحمة الله وبركاته

شباب انا ان شاء الله ناوي اسافر ايطاليا بتاريخ 12 - 11 - 2010 لأجل احضر مباراة الانتر والاي سي بتاريخ 14 وان شاء الله برجع الامارات تاريخ 19 - 11 - 2010 .. شفت وايد مواقع تختص بالتذاكر والاسعار متفاوته .. اللي بغيت اعرفه هل هناك موقع مضمون يعني حد من الشباب مجربنه .. وكيفية توصيل تذاكر المباراة ؟!

وثانيا .. اتمنى من الشباب الحلوين يضبطونا بجدول .. علما احنا شخصين ونحب الادفنشر لوووول

يعني لو نروح مدينتين ثلاث بيكون شي رااائع

انتظر مساعدتكم يالنشاما

مواضيع عشوائيه ممكن تكون تعجبك اخترناها لك:

• محتاراسئلة أبي لها اجوبة
• استفسار عن ايطاليا والسكن
• اعزائي ارجو المساعده
• أستفسار عااااااجل
• إيطاليا
• بسافر ومعاي بيبي
• خبراء ايطاليا أرجو مساعدتي
• عن الافطار كم سؤال ؟
• هل اول سفره بالفيزا الاسبانية الي لميلانو ايطاليا
• لمن يريد الاستفسار عن اى شئ متعلق بايطاليا و خاصة شمال ايطاليا
• اول مره الى ايطاليا و عندي كم سؤال لو سمحتوا
• خريطه مترو الاماكن السياحيه
• استفسار عن مواقف السيارات في ميلان
• وش رأيكم بالسفر بالسيارة اوالقطار روما فينيسيا
• ماهي المدن الايطالية التي يمكن زيارتها من زلامسي
• ساعة في روما
• مواعيد السفاره
• رحلتي الشتوية للديار للأوربية تقرير مصور
• إعادة شهر العسل وهدية التخرج ميلان فينا زيلمسي ساسبرغ ميونخ
• فندق انتوني بالاس

هذا موقعين ممتازين لشراء التذاكر وممكن يرسلونها لك الى عندك او الى الفندق.........

http://www.worldticketshop.com/ticke..._milan_tickets

http://www.sportsemotions.com/en/eur..._milan/serie_a

مشكورة اختي ويزاج الله خير على الروابط .. حد جرب واشترى منهم ؟؟

مارديتو علينا بخصوص الجدول ؟!

هلا اخوي ...
يومالوصول 12-11 اليوم هذا لاوصلتو ريحو وتمشو بالدومو وتعشو وردو نامو خلللص يوم الاول..
اليوم الثاني13 روحو كومو الساعه 9-10 وتمشو وتعشو وردو نامو
يوم 14 اجلسو في ميلان لحضور المبارات والبسو لبس يدفئ لان لنا يومين ماشفنا الشمس مطر وبررررد اهم شي بالملعب لاتنسى القفزات والقبعه والمضلله والبس عدل علشان ماتسخن وتخرب الرحله
يوم 15 روحو لبحيرة ميجوري بحيره فيها اربع جزر لاجيت تحجز التكت احجز للاربع وكل وحده اجلسوفيها ساعه وتغدو هناك مع العلم ان في كل جزيره اكشاك للتذكارات وكوفي ومطعم وبعجبكم ان شاء الله ....
يوم 16 من الصباح الساعه 8او9 الصبح لفينيسيا ...
http://www.arabtravelersforum.com/travel421399/
يوم 17 روحو لبحيره جاردا الصباح مبكر الساعه8 ومنها تمرون شبه جزيره سير ميوني وممكن تمرون مدينه فيرونا وتردون الساعه 8-9 وتنامون
يوم 18 ممكن تروحو لسفاري بارك ...حديقه حيوانات تدخل بالسياره وتمشي بين الحيونات الله يستر من الاسد وحيد القرن ...فيها مطاعم وكوفيهات وحديقه الديناصورات مدينه اللعاب صغيره...
يوم 19 لوحابين وفيه وقت تسسوقون او ممكن تلغون سفاري وتخلو يوم 18 تسوق و19 توديع ميلانو والعوده للوطن...

بالنسبه للتنقلات بالقطار وانت بلدك احجز كل القطارات اللي تبي اوفر وقت واضمن لان احتمال مابتلقى اذا وصلت ...
بالنسبه للتذاكر المبارات جربت
Worldticketshop
ممتاز ويوصاون للفندق ......

مشكوووووووور يالغالي كفيت ووفيت الصراحه وبيض الله ويهك

بس برج بيزا وين ؟؟ ههههههه

المشاركة الأصلية كتبت بواسطة Spain pain
http://www.arabtravelersforum.com/tr...0/#post4351510

مشكوووووووور يالغالي كفيت ووفيت الصراحه وبيض الله ويهك

بس برج بيزا وين ؟؟ ههههههه



ماقلتلي انك تبيه
خخخ
عادي شيل اي يوم موعاجبك وخل بداله بيزا ممكن تروح بالقطار من ميلان الصباح بالقطار السريع ساعه وشوي والقطار العادي حدود 3 ساعات وترجعون بالمساء لميلان تري برج بيزا يكفيه نص يوم ...
بس احجز القطارات من الحين ...

السلام عليكم,,,

تذاكر المباراة لم تطرح بعد,, التذاكر في الانترنت غالية جدا

تستطيع الحصول عليها عن طريق الConcierge الخاص في الفندق اللي بتسكن فيه اذا كان فندق محترم

مشكووور الغالي واااايد افدتني الصراحه

بس كيف يحجزون القطارات ؟

السموحه منك اخوي على كثرة الاسئلة بس ماقد زرت ايطاليا وماعندي علم عنها

رحت اسبانيا مرتين ومشيت امووري هههههه

http://www.raileurope.com/index.html
ممكن تحجز عن طريق النت وممكن تحجز من مكتب سفريات بمدينتك تحجز لكل القطارات ....

المشاركة الأصلية كتبت بواسطة spain pain
http://www.arabtravelersforum.com/tr...4/#post4355984

السموحه منك اخوي على كثرة الاسئلة بس ماقد زرت ايطاليا وماعندي علم عنها

رحت اسبانيا مرتين ومشيت امووري هههههه




عادي اخوي احنا بالمنتدى من جميع الاعضاء بالخدمه ومساعده اخوننا ومشاركه خبرات...
والله يوفقك..

الله يسلمك الغالي ماقصرت وبيض الله وجهك يالسمي