بسم الله الرحمن الرحيم
أشكركم اشد الشكر إخوانى على مجهودكم الطيب فى دعم إخوانكم المسافرين بالمعلومات القيمة
ولقد إستفدت منها كثيرا فى زيارتى الأولى إلى كوانزو بالصين وانا المرة دى هعرضلكم المشاكل الشخصية اللى واجهتها عشان تتفادوها وإن شاء الله تكون زيارتكم موفقة مليار المية وكأنك زرت الصين قبل كدا ولو حتى أول مرة
الأكل أول حاجة الأكل فى الصين لا يناسب تماما مجتمعاتنا العربية وريحته كانت مقرفة جدا بالنسبة لىّ
عشان كدا لازم تاخد معاك معلبات فى شنطتك من بلدك مثل
(جبنه بيضة مربى تونة لبن بدرة بسكوت شاى زيت شعرية سريعة التحضير لانشون فول سكر خد كل اللى تحبه)
واللى رأيت إنى هضيفه بإذن الله المرة القادمة فراخ بانيه كفته وبعض المشويات المثلجة وهضعهم فى ice box
لأن الفراخ فى الصين مذبوخة غير شرعى . وكمان خد معاك موقد كهربى هيساعدك جدا فى تسخين الاكل
أما بقى العيش فده قصة كبيره لازم تاخد معاك عيش لأنه نادر جدا هناك لأن أكلهم معتمد على الرز
فالعيش بيتعمل فى محلات عربية وسعره غالى فخد معاك عيش كتير على قد ما تقدر
أى عيش وتنشفه وهناك تنديه بميه وهيبقى زى الفل
كدا خلصنا من مشكلة الأكل
الفندق حاول تختار الفندق يكون قريب من مكان تجارتك
مثلا لو نظارات يبقى الفندق فى سوق النظارات لو كمبيوتر يبقى قريب من سوق الكمبيوتر وهكذا
تالت حاجة اللغة
الشعب الصينى مش بيتكلم غير اللغة الصينية ونادر جدا لما تلاقى حد بيتكلم إنجليزى
فلو مش معاك مترجم هتتعب شوية وللعلم مكانش معايا مترجم والأمور إتيسرت الحمد لله
المواصلات حاول تستخدم جميع المواصلات على حسب مشوارك
ممكن تاخد موتوسيكل او المترو او التاكسى
إكتب العنوان بالصينى من على جوجل وبعدها إنزل إسأل الناس او المترجم بتاعك
اخيرا تغيير العملة وده شىء مهم جدا
أكبر عمليات النصب بتحصل فى تغيير العملة وهى خطيرة جدا
حاول لما تغير الفلوس بتاعتك تغيرها من مكان مضمون يكون حد نصحك بيه من قبل
وإياك تغير فلوس من حد مجهول او أى حد فى الشارع
لأن الفلوس المزورة كتير جدا وأعمال النصب كتير جدا جدا
وحصل معايا إن واحد نصب عليا فى ألف ونص ريممبى ولكن الحمد لله ربنا ستر وعرفت أجيبه
والحمد لله رجعت بلدى سالم غانم
أتمنى أكون وصلت معلومة
وفى إنتظار إستفساراتكممواضيع عشوائيه ممكن تكون تعجبك اخترناها لك:
- الفزززززززززززعه
- استفسار
- ياشباب هام جدا للي جاب معه اغراض من الصين وش قالوا لك الجمارك
- من يشترك معي ونجيب كونتينر
- متى دوام القنصليه الصينيه في جده ايام العيد؟؟؟
- استفسار بخصوص هونج كونج
- تكاليف التنقل بالتاكسي ومواعيد فتح واغلاق الامكن والوقت المستغرق للزيارة ورسوم الدخول
- سفرتي بعد ساعات الى هونج كونج وما اعرف شي
- انا الان فى كوانزوا ومحتاج توجيهاتكم
- رحلتي العائلية الى هونج كونج من 10/3/2016 الى 18/3/2016 يومياً يوم ب يوم باذن الله
- أستفسار رحلة عائلية
- المسافرون لغرض شراء تشطيبات لمنازلهم ضع تساؤلك هنا
- استفسار عن رحله لهونج كونج ومكاو
- ياجماعة الخيررررر ساعدووووووووووونييييييييي
- استفسار بخصوص جوانزو في شهر اكتوبر
- اتمنى تساعدوني في كتابة طلب فيزا الصين
- استفسار صغير رجاء من اهل الخبرة الرد عليه وشكرا
- سؤال بخصوص الأسواق اللى تبيع بالحبة
- مالنا غناة عن اهل الخبره
- استفسار من الاخوه الكرام حول تمدرس الاطفال من فضلكم المساعده والمشوره
المفضلات