السلام عليكم ورحمه الله وبركاته
صباح / مساء الخير
شحال كلن بحاله؟؟
اولا مشاءالله منتدى كل مايخطر في بالك عن السفر موجود واعضاء خدومين بالتوفيق للجميع والله يعطيكم العافيه على هالخدمات اللي تقدمونها للي محتاجين استفتارات مثلي
اولا انا واخواني نفكر نسافر طبعا لانها فكرتي ماحد تبرع يسال ولا يستفسر
الخطه يكون السفر بتاريخ 6/4/2014 الى 13/4/2014 لحد الان اخترت الاتحاد لطيران جيكت على الاسعار تقريبا 4 الاف وشي لشخص
استفساري بخصوص الطيران:
1- الحجز متى افضل وقت يكون وهل بيكون اماكن 4 اشخاص مع بعض ولا لازم انا اطلب واذا اطلب متى ؟
2- متى اكون في المطار وشو اخذ معاي غير التذكره والجوازات؟
3- التذكره اقدر اطبعها من الموقع اون لاين صح؟
4- الفيزا بخصوص اهل الامارات شو صار عليها خلاص تكنسلت؟؟ انا سمعت نرسل ايميل ويوم تيي الموافقه نطبعها وناخذها معانا اذا هالكلام صح و من وين ايب الايميل ومتى ارسله وشو ممكن اكتب لهم؟
بخصوص السكن نبي نكون قريب من شارع الاكسفورد وشارع العرب والهايد بارك بس بوكينق يدوخ كل ما اشوف الاراء في سلبي وفيه اجابي اللي يهمني النظافه والامان ويكون المكان شوي وسيع لان نحن 4 اشخاص وبنكون مع بعض
بحط كذا اسم وعطوني رايكم واللي ينصحني بشي مجرب اكون شاكره لكم
Presidential Marylebone / Mayfair
Stylotel
Astor Court Hotel
ماقدرت احط روابط الفنادق لاني جديده موجودات في موقع بوكينق
وبخصوص التوصيل للفندق من مطار هيثرو انا قرأت موضوع بس عندي سوال اتصلهم ولا احجز اون لاين واذا حجزت اون لاين يحتاج اتصل عند الوصول؟؟ واقدر احجزها لرجه يعني نخبر اللي وصلنا يرجعنا في يوم موعد الرجعه؟
وعندي سوال بخصوص مطار هيثرو سمعت انه زحمه اذا زحمه بدون اي مضايقات مش مشكله خاصه ان الاغلب حريم
وسوال بخصوص الاغراض يعني نقدر ناخذ معانا قهوه وشاي وحليب ومن هالاشياء واذا في شي ممنوع شو ؟؟
وسوال محيرني جدا المبالغ وبطاقه البنك كيف؟؟
عندي بطاقه بنك ابوظبي الاسلامي اقدر استخدمها ولا في بطاقه ثانيه؟؟ وهل احول المبلغ بالكامل من هنيه ابا شرح مفصل جزاكم الله خير عن هالموضوع اكثر شي ما افهم فيه
طبعا من المواضيع اللي شفتها فهمت ان فيه زون 1 و 2 ولهم بطاقه نسيت اسمها المهم اني اعرفها خخخ اللي هي لمده اسبوع تنفع فالقطارات والباصات طبعا القطارات ما فهمت شي فيها وحبيت الباصات بس ابي اسماء محطات التوقف وارقام الباصات وخط سيرهم شفت موضوع بس مافهمت
سوري اسالتي وايد تحملوني
جزاكم الله الف خير مقدمامواضيع عشوائيه ممكن تكون تعجبك اخترناها لك:
- تحمست وألغيت موعدي بالسفارة لأني أبي أغير الموعد ولكني توهقت ممكن تفيدوني ؟
- منطقة البحيرات وجمال الريف الانقليزي
- استفسار عن شراء ملابس شتويه من لندن
- استفسار رحلة لباريس و لندن كيف تكون افضل خطة لها
- مساعدة لتخطيط لرحلتي
- London
- مسرحية
- مزارع الفرواله ؟
- لـــــــــــــــنــــــــــــــــــــــــــدن اللي لها بحن وأشتاااااااااااااااااااااق
- لــــــنــــــدن لأول مـــرة أهم الأماكن في إسبوع ؟
- هل تؤثر دورة الألعاب الأولمبية في زيارة لندن هذه السنه؟
- سؤال بخصوص
- ميزانية رحله الى لندن باريس؟؟ ساعدووني
- ألتون تاورز ياراعين مانشستر نبي خبرتكم
- ماهو أفضل مطعم لبناني في لندن؟
- شقق
- اخواني اصحاب الخبرة بخصوص فيزا ايرلندا
- اخر طلبات السفارة البريطانية تحديث
- محتار بين فندقين
- خبراء ال افيدوني
المفضلات