الموضوع: سنة أولى ايطاليا نصائحي بالصور والأسعار سبتمبر

[align=center]
سنة أولى ايطاليا ( نصائحي بالصور والأسعار )[/align]هذا الموضوع للفقراء مثلي الذين يحبون السفر بميزانية منخفضة ويحبون أن يروا العالم .. ومارح يكون قصة مثل ما هو نقاط يتخللها شرح لنقاط قد يغفل عنها البعض هناك الكثير من القصص التي قد تفيدكم في عمل الجداول ومن .. اهمها قصة اخونا فؤاد ..

الموضوع به صور الرجاء الانتظار للتحميل أيضا تحتاج الى صبر وعزيمة ورواق عشان تقرأ الموضوع .. لأني بصراحة تعبت فحبيت أخلي موضوع للناس اللي مثلي ..


محاور الموضوع :

1- ما قبل السفر . 2- ماذا تفعل في روما ؟ 3- ماذا سترى في فينيسيا ؟

1- ما قبل السفر :
ايطاليا بلد سياحي ويعتمد على السياحة عشان كذا كل شي غالي .. لما تجي تحط الميزانية حدد اذا تبغى تتمشى وتشتري ملابس او تتمشى بس مع كم قطعة .. اللي صار لي أني حطيت ميزانية للتمشيات والملابس والهدايا اللي صار ان الفلوس اللي يقطع اليهود مافيها بركة عندهم .. الملابس ممكن تشتريها من أي مكان ولكن التمشيات صعب ترجع .. المهم اذا قررت السفر الى ايطاليا .. توكل على الله وبعدين :

1- لما تجي تحجز : افضل شهر وافضل جو في ايطاليا هو سبتمبر لأن في اغسطس يقولوا ان السوق يسكر .. كان الجو حلو بشهر سبتمبر شمس ومطر وجو روعة ..
اللي يبغا يسافر ايطاليا كذا يرتب نفسه :
روما 6 ايام بالكثير فينيسيا 3 ايام فلورنس + بيزا 3 ايام

عن نفسي ما رحت فلورنس وندمانة .. ونفسي كان اروح ميلانو بس قالوا سوق ونفسي اروح سيرموني عشان المطعم اللي قالت عليه اختي سوار بس خسارة ما رحت


2- لا تحجز فندق من هنا الا يومين لأن المكاتب اللي بالسعودية لصوص اخذت فندق قالوا ثلاث نجمات طلع نجمتين ولو اني اخذت نفس الفندق من هناك لكان ارخص لي ب 350 ريال في الليلة الوحدة تخيل . انا حجزت من مكتب الطيار . لما توصل هناك شوف الفنادق واسأل عن الاسعار ممكن تروح بالمطار وتقول انا ميزانيتي مثلا 120 يورو لغرفة مزدوجة والحرمة تدور لك . انا ما سويت هالحركة الا في فينيسيا .

3- التأشيرة ممكن تسويها عن طريق المكتب وممكن تسويها انت استوفي الطلبات اللي يبغوها ورح تجيك تأشيرة 90 يوم انا طلبت عشر ايام حطولنا 90 يوم .

4- اشتري نظارة شمسية وشميسية عشان الشمس او المطر من هنا لأنها هناك غالية . يعني الشمسية هنا 15 او 10 ريال هناك تلاقيها 30 ريال . طبعا لازم يكون معاك كاميرا . ولازم تاخذ مكى عشان تكوي الملابس الناس هناك مذوقين بالللبس صحيح اغلبهم سبورات ومزلط وحالتهم حالة بس فيهم ناس مذوقين بقوة .

5- عشان انا كنت مرعوبة من اللصوص اشتريت شنطة من الكترو تلبسها من تحت الملابس او زي الحزام او ممكن شي ينربط بالساق تحط فيه الفلوس او الجوازات وكذا . انا ما استخدمتها بس كنت خايفة على شنطتي .

6- بالمناسبة المسافة تقريبا 5 ساعات الى روما نصيحتي اقرأ الكتاب الايطالي وتعلم كم كلمة يفضل يكون شريط عشان تعرف كيف ينطقوا الكلمات لأن الايطاليين ما يعرفوا يتكلموا انجيلزي بس مرة طيبين ويساعدوك بكل ما عندهم وبالاشارات يمشي كل شي خخخخخخخخخ .

7- اهم نقطة الحجاب انا كنت خايفة لأنهم قالوا ارهاب وما ادري ايش بالعكس كان شي عادي اننا محجبين وانا نويت اتغطى المرة الجاية ان شا الله مالهم شغل في احد الشعب طيب بصراحة .

مواضيع عشوائيه ممكن تكون تعجبك اخترناها لك:

• صور لشاليه يملكه سعودي في ايطاليا
• شاهد فنادق العالم بكبسه زر
• سؤال بخصوص التنقل بين مدن ايطاليا
• عاجل جدا جدا
• عندي سؤال لو تكرمتو عن مطار روما
• ضعنا في ايطاليا والسبب جهلنا في
• ابي مساعده
• السياره والطرق السريعه في ايطاليا
• سؤال الاندر قراوند في ايطاليا
• استفسار عن شقق فندقية بروما
• من يعرف اماكن المساجد و المدارس الاسلامية في ميلان
• رحلة الى ايطاليا
• أقدر أرتب سفره لإيطاليا وماليزيا؟
• الإنتقال من ميلان الى انترلاكن
• وش الحل ؟
• الدول المجاورة لميلانو
• الفرق بين الكومو ولوقانو
• اول زيارة لإيطاليا
• فينيسا وميلان
• منطقة بحيرة جاردا

وصلت روما بالسلامة ماذا ستفعل ؟

1- اول ما تدخل ادعي انكم تكونوا الطيارة الوحيدة لأن المدخل واحد وممر مرة ضيق ويفتشوا واحد واحد وهذا شكل المدخل من برة

لما توصل عشان تاخذ عربية العربية بيورو واحد اصرف من الماكينة وخذ عربية وبعدين خذ الشنط بالمطار روح مكتب الانفروميشن وخذ خريطة مجانا .
2- طبعا قبل ما تروح لازم تقرأ عن ايطاليا هنا بالمنتدى استفيد من الناس وكذا .
3- طبعا رح تاذخ تاكسي احنا ركبنا مع رجال قال 65 يورو واهلي يصرخوا يقولوا كان شفنا واحد ارخص بس طلع ارخص شي وما ندمت الحمد لله ركبنا سيارة مرسيدس كشخة وعطانا عرض من الشركة يرجعنا من أي مكان للمطار 31 يورو . التاكسي هناك غالي يعني ممكن لفة ويوتيرن ياخذ 6 يورو بما يعادل 30 ريال عشان كذا الوسيلة اللي رح تنتقل فيها هي الباصات المترو نزلة درج وانا اهلي كبار بالسن وبعد ما تشوف المدينة .. في الباص تعرف الطرق ومنها فسحة لك بعد .

4- محطة تيرمني هي المحطة الرئيسية فيها قطارات وهي المحطة اللي تنطلق منها كل الباصات عشان كذا لو كنت بأي مكان وضعت اسأل الناس أي باص يروح تيرمني ولما تروح ترميني روح مكتب الانفروميشن قدامك رح تلاقيه واسأل كيف اروح سبنيش دي ستيبس مثلا .. وهو يقولك باص رقم كذا . بالمناسبة الخريطة مهمة جدا فيها جميع المعلومات اللي تحتاجها انا جلست عليها ليلتين وانا اقرأ يكتبولك الباصات وارقامها وكل شي .


5- اول يوم اقترح عليك تروح ساحة اسبانيا وتجلس فيها .. واذا تقدر تمشي شوية اتبع الخريطة واسأل الناس رح تلاقي نفسك رح فونتانا دي تريفي اللي هي نافورة الاماني وفيها فلوس الدنيا والاخرة .. تروح ساحة اسبانيا فيه هناك سوق وواحد بنجلاديشي مو زي اللي عندنا يتكلم انجيلزي وايطالي وعربي بعد يبيع كستناء والا ايش اسمه الثاني خروف البر والله نسيت بس اذكر الوالدة قالت عليه اسم ثاني يبيعوا الكستنا هذي ب 5 يورو يعني ثلاثين ريال .. احنا كنا نحسب خمسة يورو يعني خمسة ريال من زود الدلاخة . في ساحة اسبانيا تشتري بيتزا وعصير وتجلس على الدرج وتتفرج على الناس المنظر حلو والجو والجلسة روعة بحسب اللي انت معهم وبعدين لما تخلص فلوسك اخر الايام روح اجلس هناك الساحة روعة اتوقع هي اللي صور فيها كاظم الساهر اغنيته وكثير من المغنين يصوروا اغانيهم هناك .
مناظر من نافورة فونتانا دي تريفي

6- ثاني يوم تروح محطة تيرمني طبعا التذاكر حقت الباص والمترو هي نفسها ب 4 يورو تذكرة لليوم كله بواحد يورو تذكرة ل 70 دقيقة بس .. عموما بالباصات مافي احد يشيك على التذكرة عشان كذا بصراحة ما اشترينا الا من تذكرة يورو واحد بس بالمترو لازم تدق الكرت او بالباص لأنه في غرامة اذا ما سويت كذا انا بصراحة ما كنت اعرف عن موضوع الغرامة لأنو ما في احد يفتش وبصراحة البلد غالي .. يعني قلت نوفر شوية .
المهم رح تاخذ الحين باص 110 اوبن اللي يجي دورين اصحك تاخذ أي باص من شركة ثانية باص 110 هو اللي يروح اكثر الاماكن وكل شوي يجي يعني ما رح تنتظر كثير تروح تشتري التذكرة اللي قيمتها للشخص 13 يورو وتعطيك خريطة .. المهم رح تلاقي طابور طوووووووووويل هو هذا حق 110 اوبن تروح توقف فيه بس لا تخاف رح يمشي بسرعة .. تدخل الباص تعطيك سماعة كل مارح معلم رح تتكلم حرمة بالانجيلزي في كذا لغة انت عاير الراديو لين تسمع الانجيليزي . التذكرة بالمناسبة لليوم كله وبصراحة انصحك لا تضيع الفرصة يعني دور بالباص بالصباح واستخدم التذكرة كمان بالليل كل شي رح تشوفه شي ثاني .
شكل الباص واللوحة اللي لما تشوفها توقف عندها



7- الأماكن اللي لازم تشوفها :
الساحات : ساحة اسبانيا - ساحة فينيسيا - ساحة نافونا - نافورة فوناتنا دي تريفي .
الأماكن التاريخية : كولسيوم - الفاتيكان او سان بيترو - قلعة سان انجلو .
الحدائق : انا رحت فيلا بورقيزي وحديقة الحيوان بس . في حديقة اسمها تيفولي ما عرفت كيف اروح لها بصراحة . ولما عرفت ما كان فيه وقت .
برج بيزا المائل في مدينة بيزا تسافر له لازم وانا احس اللي يروح فلورنسا يقدر يروح بيزا لأنهم على نفس خط العرض وبينهم ساعة بس وبيزا بلدة صغيرة جدا .

ساحة فينيسيا
بالمناسبة ساحة فينيسيا جنب محطة تيرمني ومنها تقدر تدخل على الشارع حق ديل كورسو

هذا المكان كنا نمر منه ونفسي اجلس فيه بس ما جلست اللي يعرفه يقول ايش اسمه

- العرب الموجودين في ايطاليا كانوا ملاك الرحمة بالنسبة لي وكنت انبسط لما يمر احد ويقول السلام عليكم .. كنت اسألهم كثير لقيت ناس ضايعين مثلي ولقيت ناس عايشين بالبلد وفاهمين وساعدونا الله يجزيهم خير .

9- بالنسبة للتسوق في ايطاليا السوق عبارة عن شارع وفيه محلات وكلها اسعارها غريبة يعني ماركات واسعار من ابو اربع ارقام طبعا تقدر تشتري وتطلب التاكس فري عشان لما تسافر تسترجعها بس بصراحة الماركات موجودة عندنا انا اتعرفت على ايطاليين ودلوني على اسواقهم الرخيصة وفيها اشياء روعة وتهبل بعد .. اول شي شارع اسمه ماركو انا كان قريب من فندقي بس اتوقع اللي يبي يروح للسوق ياخذ با ص من تيرمني لهانك اتوقع باص رقم 611 . وفيه اماكن ثانية بس والله ما عرفت الاسماء حقتها .. لقيت البنطلون عندهم بما يعادل 10 ريال وتي شيرتات بما يعادل 20 ريال وتكون مرة حلوة وقماشتها ممتازة بس سوق ماركوني كبير وعلى الناحيتين محلات . هذي صور للمحلات وفيه صورة مكتوب 99 يورو يعني الحين هذا عرض خاص والمفروض لما تشوفه يعني تقول رخيص 99 يورو يعني 500 ريال تقريبا



سوق ديل كورسو ممكن تلاقي فيه اشياء وشارع ترايتون كمان بس شارع فينتو زي النار .. على فكرة انا كنت اركب باص رقم 175 عشان اروح الفندق وبالصدفة شفت الشوراع وصرت انزل في كل شارع واذا لقيت شي اشتريت وبعدين ارجع المحطة واكمل . هذا اسم سوق في ديل كورسو فيه جلسات حلوة ومكيف وفيه اشيا حلوة


10 - بالنسبة للباصات لما تنزل عند محطة وانت راجع خلي بالك رح تاخذه من الشارع المقابل . وبعدين تشوف اذا مثلا رقم باصك 175 شوف مثلا هو باديء من وين بدأ من تيرمني وين رح يروح مكتوب اسماء الشوارع والشارع اللي انت فيه يكون محدد باللون الاحمر . انا حفظت اسم الشارع وصرت أي باص اشوفه يروح شارعنا اركب فيه او اروح تيرمني ومن هناك اخذ باصي . طبعا انا ضعت كثير ومشيت كثير كنا نمشي على الاقل ساعة او ساعتين لأننا كنا نضيع بس كان ضياعنا حلو كنا نكتشف اماكن كثيرة بسبب الضياع .

11 – فونتانا دي تريفي اللي هي نافورة الاماني هذي زحمة دايما ليل مع نها ر الناس بالكوم هناك وفيها فندق قدام النافورة اسمه فونتانا يعتبر بالنسبة للمنطقة روعة الليلة فيه اتوقع 1000 ريال او 800 ريال والرجال اعطاني ورقة فيها اسعار اسعارهم ترخص في اللو سيزن .. اللي هو اعتقد شهر يناير وجزي من شهر اوغست .. يعني اللي يسكن بها الفندق يستمتع يروح يتمشى واخر الليل يجلس يتفرج على الناس بالنافورة صراحة روعة .

12- بالنسبة للأكل مرة قلت للرجال هذا فيه خنزير قال لاء بس مقلي بزيت الخنزير وبعدها صرت اخاف اكل .. المهم انا طحت على مطعم قريب مننا اسمه بالعربي ايه الطعامة دي .. اصحابه مصريين واكلهم لذيذ يسووا مأكولات ايطاليا ومصرية بس انا كنت اكل منه لأنه قريب من فندقي هو يقع قريب من محطة بيرميد هناك منطقة بيرميد يعني الهرم معظمها مصريين . طبعا رح تشبع بيتزا وبصراحة البيتزا لزيزة بالمرة . وهناك رح تعطش انصحك تشتري موية من اقرب محل مو من الاماكن السياحية لأنهم يبيعوها غالية الاماكن العادية تبيعها 80 سنت يعني 4 ريال ما بالك بالاماكن السياحية .. وطبعا رح تشتري جيلاتو اللي هو ايس كريم خصوصا اذا كنت تمشي بالحر وتحت الشمس لحظات اتمنى لو انها ترجع . صور من المطعم المصري واصحابه المصريين .. وصور للبيتزا .





13- ساحة نافونا ساحة حلوة والجلسات فيها تهبل .. اجلس بأي مقهى واطلب متوسط الطلبات للشخص 10 يورو مثلا ايس كريم او اناناس مثلا ما انا طلبت .. الاناناس عندهم في ايطاليا زي السكر طعمه يجنن .. . بالمناسبة احنا جلسنا هناك عشان الله يكرمكم كنا نبي دورة المياه وجلسنا بالمقهى عشان هذا السبب ولكن الايس كريم والاناناس والقهوة والجلسة نفسها كانت روعة .
الساحة طويلة وفيها ناس يبيعوا بضايع مقلدة وغالية اصحكم تشتروا موجودة نفس الاشياء المقلدة في سوق وشيقر وعويس وطيبة .. وبعدين الشنطة عندنا ب 15 او 30 ريال تشتريها هناك ب 50 ريال .. ونصابين بالحيل تقول كم هذا يقول 35 يورو تقوم تمشي يجيك يقول خذيها 20 يورو خذيها 15 يورو وفجأة بقدرة الله من كثر ما يلح رح تشتريها وتلاقي الشنطة لفها في كيس وصارت بيدك .. لزقة تراهم بقوة صوماليين وصينين يبيعوا هناك وفي ناس رح تلاقيهم يكتبوا الاسماء بالصيني وفي واحد يسوي الاسماء بالحديد انا شجعتهم عشانهم مسلمين وشريت هدايا وكذا .

صور من ساحة نافونا والمقهى الذي جلسنا به وبعض المشتروات



14- الاوتيل انا طلبت من المكتب اني ابغى فندق جنب محطة تيرمني بس انا ما كنت اعرف حطني جنب محطة اسمها بيرميد بعيدة بالمرة عن وسط البلد بس انا كنت مستمعة اركب ببلاش واتفرج على البلد الفندق اسمه بيرميد من السعودية تاخذ الليلة ب 650 ريال من روما من نفس الفندق يعطوك ياه 70 يورو يعني 450 ريال الفرق 250 ريال كل ليلة الفندق كان نجمتين فيه فطور الفطور عبارة عن كروسان وقهوة وزبدة وعصير اناناس او برتقال ومربي وبس .. ما في مصعد بس الحمد لله كنا بالدور الاول التلفزيون خربان والثلاجة بالقوة تشتغل وعشان تولع المكيف لازم تتصل بالاستقبال وتقول شغلوا المكيف .. بس احنا ما كنا نجلس بالفندق الا ساعة النوم .. على فكرة ممكن تاخذ رحلات من الفندق وتسأل الناس بالاستقبال .. وبصراحة ما عندي استعداد ادفع اكثر من 1000 ريال بالليلة في فندق .. الفنادق غالية عشان كذا رح تضطر تاخذ من فنادق ثلاث نجوم ونجمتين .. انا بالبداية كنت خايفة الفندق مافيه سيكورتي ولا شي بس البنت اللي بالاستقبال بس ربي حمانا الحمد لله .. وجنبنا كان فيه مقهى انترنت وكان فيه سوق ومطاعم والمنطقة عموما حلوة بس بعيدة شوي طبعا ما في احد يشيل الشنط بالفندق لأنه نجمتين والله انكسر ظهري شي مو طبيعي بس الشي الملاحظ في ايطاليا ما يطلبوك بخشيش زي الدول العربية تعطيهم اللي تعطيهم ياه وبعدين كل واحد يخدم نفسه خصوصا بالشنط والسفر وكذا اذا تبغى تعطي بخشيش تحط 10 سنت او 20 او 50 سنت او يورو يقدروك بقوة . صور من الفندق حقنا فندق بيرميد


15- بالنسبة للجوال احنا خلينا جوالاتنا دولية ما تسوى نشتري شريحة على 16 يوم .. وبعدين ما استخدمناها اللهم الاهل بالسعودية كلمناهم مرتين وعليها . طبعا لما توصل الجوال رح يقولك مرحبا بك في ايطاليا ويعطيك رقم الخطوط السعودية والسفارة غلط .. عشان كذا خذ رقم الهاتف 06844851 انا كنت رح ارسل فاكس للسفارة بدل ما اروح اسجل الجواز بنفسي بس خفت ورحت بنفسي مع ان الفندق فيه فاكس ولكن انصحكم لا تروحوا السفارة مشوار على الفاضي واستقبالهم صحيح حلو وتجلس مع القنصل وكذا والسفارة مافيها شغل عشان كذا سووولي قضية لما صورت السفارة من برة ومسحولي الشريط .. المهم ارسل فاكس واشتري راحة بالك . المهم نكمل سالفة الجوالات فيه ثلاث شركات تيم وفودافون وشركة ثالثة انا اخترت تيم يقولوا انها احسن شركة رح تجيك ر سالة اختار المشغل اختار تيم وخلاص .


16 - بالنسبة للكولسيو اول ما تنزل من باص 110 هو اول محطة رح يكون تنزل فيها تروح تتمشى فيه ووقت ما تبغى تروح للمحطة توقف هناك يجي باص كل 10 دقايق تقريبا المهم الدخولية للكولسيو 10 يورو بصراحة الطابور طويل المهم شفت اسعار الجروبات قالت النفر 18 يورو ما رضيت وقنا بالطابور جا رجال وقال جروب بالانجليزي والظاهر انهم تابعين لنفس القائمين على الكولسيو كان 13 يورو قلنا 13 يورو اهون من 18 يورو ورحنا ودخلنا على طول انا جلست مع الجروب والحرمة كانت تشرح بس كنت اخر وحدة ومني شايفة شي عشان كذا تركتهم وصرت كل ما اشوف جروب مرشدهم يشرح بالانجيلزي اوقف شوي معهم وبعدين طنشانهم وجلسنا نتصور . جنب الكولسيو فيه الفور امباريالي بس انا ما دخلته رحت اتصورت من برة وطنشته كل شوي ندفع دخوليات عشان مقابر .. طبعا اهلي كانوا يزمجروا كل شوي جايبتنا بيوت مكسرة ومقابر .. وهذا من احد اسباب عدم استمتاعي بالاشياء التاريخية . قبل ما انسى الكولسيو اكثر من دور الدرج حقه مؤلم قديم وشكله يخوف اذا معكم احد كبير لا تتهوروا وتطلعوه انا قلبي عورني على اهلي بس عشان ما كنا نبغى نفترق .. الكولسيوم من الداخل والخارج





17- بالنسبة لحديقة الحيوانات فيه تخفيض للناس فوق 65 سنة انا اخذته لأهلي وبصراحة البنت هناك طيبة ومتعاونة جدا الدخولية 8 يورو للشخص واذا تبغى تروح الريبتال هاوس تدفع 2 ونص يورو الحديقة كبيرة بالمرة ويعطوك خريطة احنا اول شي ركبنا القطار النفر بواحد يورو تشوف الحديقة كلها بعدين رحنا الريبتال هاوس يركبوك في شي زي الطيارة ويحطوا فيلم لمدة ستة دقايق يجي عجوز وحرمة دمهم خفيف يقالهم .. المهم يخلوك تشوف الحيوانات اللي انقذوها لحديقة روما وبعد كذا تدخل مكان تشوف جميع انواع واشكال الزواحف اشكالها غريبة سلاحف وتماسيح وثعابين وكذا بالمناسبة دورة المياه موجودة بالريبتال هاوس نفسه ونظيفة بعد ملاحظين اني اتكلم عن دورة المياه كثير ايوة ما علينا المهم نكمل .



18- لو كنت تبي توفر الدخولية لحديقة الحيوانات فيه مواقف السيارات برة فيها مدخل للحديقة جنب البوابة اللي تدخل منها انا لو ادري كان دخلت منه والله ضاعت الفلوس في الدخوليات ..

ماذا سترى في فينيسيا ؟؟؟

1- تروح تيرمني تشتري التذكرة التذكرة رايح جاي من روما لفينيسيا على قطار اليورو ستار وهو احسن القطارات 78 يورو للشخص اول شي تروح مكتب الانفروميشن وتاخذ رقم يجي دورك تقول للرجال وين تبغى تسافر واي تاريخ وهو يعطيك القطارات اللي بهذاك اليوم وانت تختار وبعدها رح يقولك عند أي كاونتر تروح توقف لأني رحت وقفت بكاونتر غلط بعد طول انتظار .

2- التذكرة تصمها زي اسمك كل شي فيها له دلالة انا صار فيني مقلب عطاني التذكرة من روما الى فينيسيا ميستري مو لفينسيا لوتشيا فينيسيا ميستري تبعد 15 ميل عن فينيسيا لوتشيا اللي فيها التمشيات المهم انا ما نزلت في فينيسيا ميستري لأن القطار اصلا مشي ومافي احد جا راقب علينا بس بالرجعة اشترينا تذكرة بواحد يورو تركب أي قطار من فينيسيا لوتشيا رح يوقفك في فيينسيا ميستري وتنتظر قطارك هناك بس عشان لا تدوخ خذ التذكرة روما – فينيسيا لوتشيا . وعموما لو صار فيكم مثلي الجهاز كل شوي يقول اسماء المحطات . بالتذكرة رح يكون مكتوب رقم المركبة والمقاعد ورقم القطار اتعلم ميف تقرأ التذكرة ومارح تضيع ابدا انا ما خليت احد بالمحطة ما سألته اهلي شكاكين يقولوا يمكن غلط ليش نوقف هنا ما ادري ايش . بس الحمد لله كل شي كان ماشي تمام .
Corrozz 11 يعني المركبة 11 من القطار
Posti 24 ,27 يعني المقعدين رقم 24 و 27

3- وصلنا فينيسيا لوتشيا رحت وسمعت كلام اخونا في الله ايطالي وكانت مغامرة لأننا ما نعرف اسعار الفنادق وكنت احاول ادخل المنتدى بس ما كنت اقدر اكتب المهم رحت مكتب الفنادق وطلبت اوتيل وقلت لها ابغا شي بحدود 100 يورو قالت خذي فندق ماركوني ثلاث نجوم 120 يورو الليلة وقالت لي هذا ارخص شي عندي اخذت الفندق ورحت وفي فينيسيا يبيعوا الخريطة 2 يورو مهي ببلاش المهم علمتني أي باص اركب الله يهديهم ما يعرفوا انجيلزي يعني يقولوا الارقام غلط الحرمة قالت خذي باص 98 وهي قصدها 28 لأنه اصلا مافي باص مائي رقمه 98 المهم الفندق طلع عند جسر ريالتو كنا نتمشى ونرجع نجلس بالفندق ونتجول بالمنطقة كل الدنيا والسياحة هناك موظف الاستقبال اللي اسمه كارلو انسان متعاون جاب لنا عروض عشا بمطاعم وعروض سياحية تشوف فيها فينيسيا كلها زي الباص حق 110 بس باص مائي وشركة ثانية .. واعطانا الفندق جولة مجانية لمصنع الزجاج وشرحوا لنا كيف يصنع الزجاج بالنفخ وقعد الرجال قدامنا يسوي كذا شي اتذكرت ايام كنت بالمدرسة وكنت معلمة الكيميا مستنفرة على صنع الزجاح ثلاث اسابيع وهي تعلمنا الرجال في خمس دقايق علمنا وبعدين طلعنا لسوق الزجاج وكنت زعلانة لأنو ما كان معي فلوس اشتري هناك الاكسسورات الزجاجية غريبة السلاسل والخواتم وكل شي كان غريب غالي بس غريب ومافي مثله .

4- نصيحة لوجه الله خذ فندق ما يكون وسط حواري في فينيسيا عشان لا تدخل بحواري وتضطر تركب تاكسي خاص حط الفلوس في فندق على الشارع العام احسن لك .

5- اكتشفت ان جسر ريالتو ممكن بالمشي توصل منه لساحة سان ماركو ..
6- فينيسيا مافيها شي غير انها جزيرة من الجمال الفاتن والمناظر الخلابة .
7- جولة بالجندول تكلف 70 او 100 يورو بس انا قلت له خذني وقت اقل ودفعت 50 يورو اهم شي عندي كان اني اركب الجندول لأنك في فينيسيا رح تطفش من البحر كل شوي رح تركب باص مائي ..
8- تذاكر فينيسيا غالية في المواصلات تذكرة الساعة خمسة يورو تذكرة 24 ساعة 10 يورو للشخص بس ما دققوا علينا عشان كذا اشتريتها اول يوم بس وبعد كذا ولا اشتريت شي .
9- فينيسيا بلد الاناقة يعني احنا قلنا موية وما ادري ايش طلع بالعكس البس كويس واتشايك عشان لما تدخل المحلات يحترموك الناس هناك انيقين بقوة .
10- امنية حياتي اني اروح فلورنس او فرينيز على قولتهم بس خسارة ما قدرت اروح .
11- فينيسيا حلوة ويومين قليل عليها فيها اماكن كثير ما رحتها انا جلست فيها بس يومين ساحة سان ماركو وجسر ريالتو وفي شي عند السالوت ما شفته .
12- في ساحة سان ماركو رح تطلع الكنيسة اللي هي ستة ادوار الدخولية 6 يورو وبعدين رح تدخل الدوج بالاس .. وفي اشياء ثانية كل يوم كان يغيروا الصورة مرة بيغ بن ومرة برج ايفل واشوف الناس طابور بس كنا تعبانيين وما رحنا .. وفي سوق في ساحة سان ماركو وجلسات حلوة وانا جلست بناءا على نصيحة اخونا فؤاد صاحب موضوع رحلتي الى ايطاليا بالصور جلست في مقهى مافيه عزف عشان لا تطلع الفاتورة عالية 90 يورو جلسنا هناك والجلسة ترد الروح كان النفر 8 – 10 يورو يعتبر عادي بالنسبة لساحة سان ماركو .. طبعا من 8 – 10 يورو هذا يعني انك تطلب مثلا بيبسي او عصير برتقال او شيبس .. وتسمح لك الحرمة تجلس لو ثلاث ساعات اهم شي تطلب حاجة .. والناس كلها تسوي كذا .. في ساحة سان ماركو فيه الحمام تشتري بواحد يورو الكيس وتأكلهم يطلعوا فوق راسك وياكلو من يدك انا كيفت عليهم وعشان كذا ضيعت كل فلوسي على الحمام وكانت امي تصرخ وتجيب لي بسكوت وتقول وفري الفلوس حرام علييكي احنا اولى فيها .. والله لحظات خيالية خصوصا لما ينزل المطر وانت بالساحة .

13- وانت راجع لبلدك من مطار فامتشينو خلي معاك فلوس السوق حلو وبدون ضرايب وفيه عندهم كل شي 12 يورو على بالهم زي محل كل شي بريالين .. .

14- في اشياء كثير ببالي ولكن ما ادري احس حاست الدنيا فوق راسي .. اكتشفت ان كتابة التقرير صعب موسهل .. وبصراحة ياخذ وقت .. ادعولي اذا استفدتو من الموضوع ..

15- هذي اخر كلمة قرأتها واحنا رايحين نركب الطيارة في عودتنا باي باي روما .. عرفت لحظتها ان ايام ايطاليا انتهت ورح نرجع خلاص كنت مشتاقة للسعودية غرفتي اشتقت لها ... بس الحين نفسي ارجع لايطاليا بصراحة . الصور رح تلاقوها بين الموضوع الحين رح انزل الموضوع اول .. والى رحلة اخرى مع عاشقة الترحال .

الأخت عاشقة الترحال

الحمدلله على السلامه

تفاصيل هامه وجيده

...

طحتي مثل ما طحت انا في مقلب الفنادق

صراحة اللي بيروح روما بالذات يحاول يسكن في فندق خمسة نجوم
ولا بيتفاجأ بفنادفهم الـ 3 و 4 نجوم أنها معدومه جداً وما تستحق نجمه واحده

أكرر روما فقط اما باقي المدن الفنادق فيها أفضل شوي

موضوع أكثر من رائع ويستحق التثبيت

[blink][align=center]تكاليف السفر : [/align][/blink]التذكرة : 3000 ريال او 2700 ريال
التأمين 180 ريال للناس تحت 65 والضعف اذا كان معكم من هو فوق 65
الفيز ا : 162 ريال عن طريقك عن طريق المكتب 300 ريال .

الفنادق ثلاث نجوم الليلة 100 يورو الى 120 يورو في روما وفينيسيا ..
متوسط الصرف اليومي 50 يورو للشخص .

طبعا لأنك رح تجي ايام تصرف اكثر ورح تجي ايام تصرف اقل . اذا ماسك نفسك 30 يورو او 20 يورو - اذا مبحبح الدنيا والدعوة فشخرة توصل 100 - 200 يورو للشخص .. واذا انت بالمتوسط 50 يورو باليوم ..
اما اذا ناوي تشتري ملابس حط ميزانية مثلا 500 يورو للملابس او 1000 يورو خلال السفرة كلها وهذي تحطها على جنب .
احنا سويناها 50 يورو والفلوس اللي زادت رحت سوق ماركو اخر يوم واشتريت الهدايا وفي كم شي لقطته اثناء الرحلة ..

اوووووووووووووووووووف تقرير قوي جدا :113: :113:
وكمان سريع سريع
والله ماني ملحقه اقراء
بس بصراحه روعه :x1: :x1:
الف شكر ويعطيك الف عافيه :113:

الحمدلله على السلامه

تقرير قوي ومفصل جزاك الله خير أختي

ولكن عندي استفسار وش جاب الطعس ذا ذكرتيني بطعوس الدهنا مسوين اقوياء نتحدى الخوف هناك

لا وبصراحه حنا اذا رحنا مدن وطلعنا مسوين سفاري على غفله واذا شفنا البر نسوي انفسنا انه اول مره نشوف بر
وفي بعض المرشدين السياحيين مايعرفون شيء عن البلد الي هي السعوديه حتى وان عرفوا نغير مفهومهم عنها ونقول حنا اصلا مانشوف بر كلها طبيعه وخضار .

عاد وانا اقولها اتخيل اخواني جالسين يجهزون الاغراض ويحرتوني أجي عشان نروح مقناص الربع الخالي ولا واطلع وانا اسولف لهم عن الديره الي جيايين منها ولا يعوطوني وجه بعد يقولون اخلص وش تبي من المطعم البخاري لحم ولا دجاج من اسمع الكلمه هذي اسلم امري وأعرف اني بالسعوديه والتفت ورى اشيك على السليب حقي والسلقه تغمز لي تقول مردك لنا .


اسف اني دخلت عرض بالموضوع لكن من حر مافيني يوم شفت الصور الطيبه هذي والتفصيل الطيب وشفت الطعس الي ناقز ذا وناشب لي في كل مكان



تقبلي تحياتي


أخوك مدمن أندونيسيا

الأخت عاشقة الترحال

الحمدلله على السلامه

تقرير اكثر من رائـــــــع ماشاء الله عليك

كل الشكر لك اختي على هالتقرير المميز

[align=center]





الـــــــــــــحـــمــد اللــــــــــــــــــه عــــــــــــــلـى الــــــــــــــــســلامـــه ..

وســـــــــــــــــــــلامــــــــــة الأســــــــــــــــــــــــفـــار .. :36_3_11: :36_3_11:



يارب ستانستي .. تدرين أمس كنتي طاريه على بالي .. أنتي وأحب روما ومكادي و سالكس
وأقول يارب ستانسوا باايطاليا .. وطولوا علينا .. بس مثل ما يقولون من طول الغيبات جاب الغنايم

تلسم الأيادي والله لا يحرمنا منج .. تقرير جمييييييل .. وصور أجمل .. تسلمين يالغاليه ..



وعلى قولة أختي دلع بموضوع أختي راعيه العيون ..






انا ملاحظه هاليومين
تميز لا مثيل له لنساء البوابه الايطاليه :106:



الله يزيدهم ..









تروح ساحة اسبانيا فيه هناك سوق وواحد بنجلاديشي مو زي اللي عندنا يتكلم انجيلزي وايطالي وعربي بعد يبيع كستناء



هذولا موجودين في ساحه نافونا .. بكثرررره .. ولا يغرونج ما يعرفون إلا كلمتين عربيه .. ولا شافوا المحجبات يقعدوا يقولوها .. أنا كنت أكرهم وما أحب أمر من جنبهم .. غصب نشتري من عندهم ..






احنا كنا نحسب خمسة يورو يعني خمسة ريال من زود الدلاخة



عندنا وعندكم خير .. ومن زود دلاختي .. لا جيت بحط بخشيش حطيت عشر أو عشرين يورو .. أقول لا حرام تحطون لهم يورو .. أو 50 سنت .. على بالي ريال .. أحسب أني بالدوحه .. :101:






وتتفرج على الناس المنظر حلو والجو والجلسة روعة



هذي الساحه لها الكثير من الذكريات لدي .. تخيلي يومين كان نروح لها .. تحسبين أن حنا زهقنا .. لا أبد .. إلا راعيين المحلات زهقوا من كثر ما يشوفونا موجودين .. وخاصه الحراس الموجودين على المحلات .. تدرين أكثر الشارع هذا محلات الماركات .. وخصوصاً محل دي آند جي .. الحارس الموجود وده يكفخنا ويمسحنا من على الأرض :109: :109: .. من كثر ما نجي الساحه هذي .. شنسوي قاعدين شهر بروما .. لازم نروح كل يوم .. وهذي الساحه ما أجملها بشهر ابريل .. 4 بالميلادي .. روووووعه .. يحطون على المدرجات الورود عاد أنتي تخيلي أشكال وأنواع وألوان من الورود .. شكلها جنان






صور من المطعم المصري واصحابه المصريين



مستعدين المصريين للتصوير .. ايطاليا عموماً راح تلاقين فيها أخوانا المصريين بكثره .. وفي فينيسيا بالتحديد أكثر

وعلى الفنادق .. أهم شي يكون الفندق نظيف ومرتب .. لأن حرام تحطين 1000 ريال على بس كم ساعه راح تجلسينها بالفندق واللي هي وقت النوم .. لأن أغلب الوقت راح تكونون طالعين ..






سووولي قضية لما صورت السفارة من برة ومسحولي الشريط ..



:109: :109: :109: زين ما سوو شي فيج ..






قبل ما انسى الكولسيو اكثر من دور الدرج حقه مؤلم قديم



لا تذكرني . صحيح أنا حبيت الكالسيوم .. بس اليوم اللي رحت فيه الكالسيوم كنت لابسه كعب .. بالعون أنا ما ألبس كعب .. أحب الشي المريح .. بس ما أدري وش جاني ذاك اليوم إلا ألبس كعب .. ورحت فيه للكالسيوم طبعاً كرهت حياتي .. وتعبت .. وكل شوي الكعب داخل بين الأرضية .. كان مأساه ذاك اليوم بالنسبة لي .. :110: :110:







قبل ما انسى الكهربا هناك 220 فولت .



ما شاء الله عليج .. في كل شي .. :113: :113:






اتذكرت ايام كنت بالمدرسة وكنت معلمة الكيميا مستنفرة على صنع الزجاح ثلاث اسابيع وهي تعلمنا الرجال في خمس دقايق علمنا




:109: :109: :109: :109: :109: :109: :109:
الله يرجك ياعاشقه الترحال .. والله موتيني من الضحك ..
أنا كان ودي أروح مصنع الزجاج بس للأسف ما رحت .. أن شاء الله مره ثانيه ..







في ساحة سان ماركو رح تطلع الكنيسة اللي هي ستة ادوار الدخولية 6 يورو



معقووووووله .. أحنا دخلناها من غير رسوم .. كان الدخول مجاني ..







جلست في مقهى مافيه عزف



ذكرتيني بموقف صار لي .. في أحد المقاهي الموجوده في ساحه سان ماركو .. مره كنت جالسه ومكيييفه .. على الموسيقى .. وخاصة الكمان .. ولأني أحب الكمااان وأموووووت عليه .. كنت مستانسه .. وكان مخفف من الهم اللي بقلبي .. (إذا تبين تعرفين شنو الهم رجعي لموضوعي لايطاليا وعرفي ليش كانت النفس موصله حدها عندي ذاك اليوم) .. طبعاً أنا الحين داخله بالجووو والموسيقى عاجبتني .. وجالسه أشوف البنات الخبل اللي معد أشوف شي إلا رجيلهم من كثر الحمام اللي عليهم .. وشوي إلا ذاك اللي واقف فوق راسي .. وماسك الكمان ويبتسم .. أنا أقول خير يوبا وش تبي .. قام ولا يعزف وأنا منصدمه وش فيه هذا .. خلص وبتسم .. ابتسمت .. رد عزف .. وأنا الحين مستانسه مخلي الكل وقاعد يعزف فوق راسي .. خلص مره مرتين ثلاث .. وكل مره لا خلص ابتسم .. وانا أقول خييير فيه شي .. طلع الأخ يبي بخشيش على عزفه قلت أوكي .. عطيته بس قال لا لا لا :36_1_30: :36_1_30: .. أنا خليت الكل وعزفت لج .. يعني تعطيني دبل .. وانا قاعده مو مصدقه .. طلع الأخ يعزف علي وأنا الغبيه مستانسه وكل مره يخلص يعيد العزف وانا فرحانه .. وعلى بالي يعزف لي .. طلع كل ما زاد العزف زاد البخشيش .. وشسوي أمري لله عطيته .. ولو أنه حرام فيه 100 يورو



سوري طولت عليكم .. صار ردي كنه حلقه ..

لي تعليقات أخرى ولكن احترمت نفسي شوي وقلت ركدي يابنت طلعتي عيون البنيه .. والناس بيحسبون هذا جزء هي منزلته ..



[/align]

المشاركة الأصلية كتبت بواسطة سحابه


[align=center]أختي عاشقة الترحال

تقريرك رائع

وبيكون أروع إذا أتممت قراءته إن شاء الله

والله ألحين أنا مستعجله بس قلت والله ما أطلع وانا مارديت عليها


تسلمين يالغاليه
والله يعطيك العافيه [/align]





و انا نفس كلام اختي سحابة ...

و لي عودة بعد قراءة الموضوع كامل و كنت أتمنى اختي عاشقه انك طرحتي الموضوع على شكل حلقات أفضل من أنك تكتبيه مره وحده .......

و بالنسبه للصوره هذي .....




المكان هذا هو ميدان الجمهوريه piazza della rebublica وهو قريب من محطة القطارات و المبنى الي في الصوره هو فندق و فيه تحت محلات و قهاوي و فيه بعد محل ماكدونالدز في الزاويه و هو مكان عادي لا يقارن بـ نافونا دي تريفي ولا الميادين الثانيه .....

بس ميزته أنه يتفرع منه via nazionale الشارع الوطني , الي يعتبر شارع للتسوق و ينتهي بـ ميدان فينيسيا ....


لي عوده .......

:x1: :x1: :x1: :x1: :x1: :x1: :x1: :x1: :x1: :x1: :x1: :x1: :x1:
روعة ، روعة ،روعة.
ما شاء الله عليج يا عاشقة الترحال .
عيني عليج باردة ، وعلى موضوعج بعد ، (من أول ساعة ***** نجوم).
شكرا لك على المجهود الذي بذلتيه في إعداد التقرير.
الله يعطيج العافية .

ماشاء الله عليك يا عاشقة الترحال عيني عليك بارده تقرير ولا اروع صراحه شوقتينا على ايطاليا وانا صراحه بروح لها شهر عسل في شهر 1/2006

في الحقيقة انا داخلة من الجامعة ولو دروا عني لكانوا ذبحوني ...

اختي دلع سوار السيدة الدرجة الاولى سعدت جدا بمشاركتكم خصوصا سحابة اللي جبرت بخاطري سوار قعدت اضحك وانا اقرأ كلامك 100 يورو يا مفترية بخشيش

ايطالي والله ما اقدر اسويه على حلقات يمكن انشغل وتنطفي شعلة الحماس الشي الاهم اني كنت اعصب لما كنت اقرأ القصة وبعديت اتحمس الاقي ردود بدل ما الاقي بقية القصة وانا كمبيوتري يشتغل بالبركة ولك ان تتخيل شخص يسبح ويقول اذكار الصباح والمساء والصفحة بعدها ما تحملت ..

اشكر كل اللي ردوا ..

becks-23 - مدمن اندونيسيا ... شكرا لتواجدكم ..

مدمن اندونيسيا والله من جد دخلت عرض تونا طالعين من محاضرات والمخ عاطل عن العمل .. وفي بنات ملقفوين نفسهم يعرفوا انا ايش قاعدة اسوي عشان كذا رح اسكر الحين

[frame="2 80"][glow=990099]الأخت عاشقة الترحال

الحمدلله على السلامه

نحن متسمرين امامك الشاشة لمتابعة رحلتك الشيقة فلاتتأخري علينا

تحياتي[/glow][/frame]

بعد التحيه


اختي عاشقه الترحال ..

يعلم الله انك كفيتي ووفيتي .. معلومات غير انها شامله ..

فهي واقعيه .. من تجربه واقعيه

تحياني لك .. واشكرك من جديد على هذه المعلومات القيمه

يعطيك الف عافيه :106: :106:

يعطيك الف عافيه اختي عاشقة الترحال

اخر الفرسان سلمت على المرور ..

رحال شكرا لمرورك ..

دلع يعافيك يا قمر |...
ايطالينوا شرف لي ان تكون هنا ..

موضوع رائع وشكرا على المجهود والصور

يعطيك الف عافيه

تقرير راااااائع :x1:

و مجهود تشكرين عليه أختي.. كفيتي و وفيتي الله يعطيك العافيه... :smile:

كل عام وانتم بخير ..

الاخ الكريم باسل الريامي شكرا لمرورك

ميلانو هنا يا مرحبا يا مرحبا

بوتشيكا هلابك يا قمر ..

ايطاليانو شكرا لتواجدك الكريم .. وانت بالصحة والسلامة كل عام وانت بخير ...

مشكوره اختي عاشقة الترحال
موضوع جنان :113:
ذكرتي كل شي من a to z

أبي رايج بشكل عام عن روما... هاه تنصحين ابها والا !!!!! :114:
وكم يوم تستاهل :114:

مدري ليش أخذت إنطباع عن رومااا ......انا اللي يروح لها يتبهدل ويتمرمط :114:

المشاركة الأصلية كتبت بواسطة بنت البحرين


مشكوره اختي عاشقة الترحال
موضوع جنان :113:
ذكرتي كل شي من a to z

أبي رايج بشكل عام عن روما... هاه تنصحين ابها والا !!!!! :114:
وكم يوم تستاهل :114:

مدري ليش أخذت إنطباع عن رومااا ......انا اللي يروح لها يتبهدل ويتمرمط :114:




حرام عليك روما من اجمل مدن العالم
وبصراحه البسطه فيها عن جد بسطه

يعطيك الف عافيه على هذا الموضوع الرائع للغايه

[align=center]




قعدت اضحك وانا اقرأ كلامك 100 يورو يا مفترية بخشيش



:109: :109: :109:
أي ضحكي .. والله ما قدرت .. قعد يطالعني بعيونة وده ياكلني بعيونه .. بتدفعين ولا ايش .. وبنفس الوقت .. علشان يغطي العصبية اللي بعيونة .. يبتسم ابتسامه تذوب الصخر .. ما قلت إلا أمري لله .. ودافعة بلا .. وعطيته ..

أختي بنت البحرين .. بالعكس روما حلوووه .. ومع أن كثير ما تعجبهم .. بس روما لها طابعها الخاص .. روما تجمع كل مدن ايطاليا فيها .. روما مو الكل راح يفهمها ويحبها .. لأن مثل ما قلت لج لها طابعها الخاص .. بس متأكده لازرتيها ماراح تندمين ..


تحياتي ........ :smile: [/align]

الاخت الغالية عاشقة الترحال
صور حلوة وموضوع ممتاز الله يعطيكي العافية على جهودكي .
تقبلي تحياتي

بنت البحرين .. تسلمي على المشاركة .. روحي يا ستي يا روما وانبسطي روما عبارة عن ايطاليا مصغرة .. فيها اشياء كثيرة حلوة وبعدين اخونا ايطالي قال حكمة حلوة ممكن تخلصي روما بسرعة ولكن فيه اماكن ممكن تجلسي فيها بالثلاث ساعات ما تملي مع انه مافيها شي زي مثلا نافورة فونتانا دي تريفي روما روعة .. روما بالنهار غير روما بالليل ورح تعرفي الفرق مثلا بساحة نافونا يسوون عروض وكذا وميدان اسبانيا .. اهم شي يكون معاك رفقه حلوة ورح تنبسطي ان شا الله ..

بالمناسبة احنا كنا نضيع لأننا بكل ثقة ندخل الحواري ونلف ونستكشف وكانت لحظات مؤلمة تحت الشمس واحيانا اخاف لما نكون بالليل واحس ممكن احد يهجم علينا مرة كنا انا والوالدة بس والساعة احدعشر بالليل وضعنا كنا بس نبي نشتري ايس كريم والا جيلاتو ونرجع للوالد بس ضعنا ضيع مو طبيعي بس ربي ستر وربي سخر لنا ناس طيبين ..

الخلاصة روما انقالت فيها امثال .. والامثال اللي انقالت ما انقالت هباء منثورا بالفعل روما ما انبنبت في يوم .. تشوفي المعمار تستغربي كيف شيدوه من زمان ..

روما عبارة عن مناطق اثرية اكثر شي و الحدائق حلوة ..

روحي على ضمانتي بس استفيدي من المعلومات واسألي اذا نويتي وما في احد رح يقصر معك وانا اولهم ..

سوار قلت لأمي انك دفعتي 100 يورو بخشيش ما صدقتني ...

سوار والله انك رهيبة ... نفسي كان اروح البلدة اللي فيها المطعم اللي حكيتي عنه .. ايش اسم المطعم اللي تصيروا فيه زي الفريق والفرسان وكذا لون ؟؟؟

بالا ... شكرا للمشاركة والله فرحت ان فيه ناس بتقدري موضوعي .. الله يسعدكم كلكم ..

هلا والله بأختنا عاشقة الترحال

بصراحه موضوع في غاية الروعه

وتقرير ولا اروع

مميز في طريقة الكتابه

ولو اني اخذ عليك في انزاله دفعه واحده

فهذا الشي يسبب بعض الملل لبعض القراء المستعجلين

وما اكثرهم

ولكن ترى لي عوده وتعليقي سيكون دقيق اولا بأول

عاشقة الترحال : عسى الله يعطيك ألف عافيه على هالموضوع و المعلومات المفيده جدا .

مرحبا ... اغطرف ... ألولش .. وش اسوي بس ... ايطالي مسافر في موضوعي يا هلا وسهلا .. والله يا ايطالي نفعتني اوراق موضوعك خصوصا اللي مفصل فيها اسماء الحدائق والاماكن التاريخية وارقام الباصات .. والله دعينالك انا والاهل .. كلمة شكر مارح توفيك حقك ولكن جزاك الله خير

موضوع الفنادق اللي بفينيسيا استفدنا منه كثير .. بس الاسعار كانت متغيره وبعضها لما كنا نسأل عنه محد يعرفه ياليت تحط ارقام تيلفونات اذا تقدر ..

بخصوص انزال الموضوع دفعة وحدة .. انا ادرس بكلية صعبة شوي وصعب اطول على الانترنت عشان كذا جلست اسوي الموضوع دفعة وحدة .. والاهم من كذا اني لما جيت اروح ايطاليا ما كان عندي من المعلومات غير صفر .. عشان كذا كنت اعصب لما افتح موضوع ويجي بعده مليون رد وبعده تجي الحلقة الثانية وانا كمبيوتري يشتغل بالبركة يعني تجلس تقول جميع الاذكار والصفحة ما انفتحت ..

شكرا لكل مواضيعك وشكرا انك شاركت بموضوعي .. رح انتظر عودتك ان شا الله ..

الكابتن فهد ..

يا هلا وسهلا ... الله يعافيك شكرا على الاطراء ..

الاخ جافي 1879

الله يعافيك .. شكرا لتوجدك وحضورك ..

المشاركة الأصلية كتبت بواسطة عاشقة الترحال


مرحبا ... اغطرف ... ألولش .. وش اسوي بس ... ايطالي مسافر في موضوعي يا هلا وسهلا .. والله يا ايطالي نفعتني اوراق موضوعك خصوصا اللي مفصل فيها اسماء الحدائق والاماكن التاريخية وارقام الباصات .. والله دعينالك انا والاهل .. كلمة شكر مارح توفيك حقك ولكن جزاك الله خير

موضوع الفنادق اللي بفينيسيا استفدنا منه كثير .. بس الاسعار كانت متغيره وبعضها لما كنا نسأل عنه محد يعرفه ياليت تحط ارقام تيلفونات اذا تقدر ..

بخصوص انزال الموضوع دفعة وحدة .. انا ادرس بكلية صعبة شوي وصعب اطول على الانترنت عشان كذا جلست اسوي الموضوع دفعة وحدة .. والاهم من كذا اني لما جيت اروح ايطاليا ما كان عندي من المعلومات غير صفر .. عشان كذا كنت اعصب لما افتح موضوع ويجي بعده مليون رد وبعده تجي الحلقة الثانية وانا كمبيوتري يشتغل بالبركة يعني تجلس تقول جميع الاذكار والصفحة ما انفتحت ..

شكرا لكل مواضيعك وشكرا انك شاركت بموضوعي .. رح انتظر عودتك ان شا الله ..





1- بالنسبه لكلمتان اغطرف و ألولش بحث عنهما في المعاجم العربيه والعالميه

ماعرفت وش معانيها بس ان شاء الله يكون خير :101:

2- الله يخليك انت والاهل وهذا من طيب اصلكم اسأل الله ان يجمعنا نحن وانتم وجميع الاعضاء في جنات

الخلد......آمين آمين

3- بالنسبه للأسعار ان ذكرت انها ستتغير من موسم لآخر.

4- معذوره والله اهم شي نستمتع بموضوعك الجميل ولي عوده بأذن الله.

المشاركة الأصلية كتبت بواسطة عاشقة الترحال


[align=center]
سنة أولى ايطاليا ( نصائحي بالصور والأسعار )[/align]هذا الموضوع للفقراء مثلي الذين يحبون السفر بميزانية منخفضة ويحبون أن يروا العالم .. ومارح يكون قصة مثل ما هو نقاط يتخللها شرح لنقاط قد يغفل عنها البعض هناك الكثير من القصص التي قد تفيدكم في عمل الجداول ومن .. اهمها قصة اخونا فؤاد ..

.



ما شاء الله فقراء وتسافروا ايطاليا :109: :109:

الله يقطع سوالفيك اجل الى يسافروا لاسيا وافريقيا

وش نقول عنهم ميتين جوع

على العموم كلنا فقراء الى الله

وانا بصراحه متحمس لموضوعك

المشاركة الأصلية كتبت بواسطة عاشقة الترحال


[size=5][align=center]
محاور الموضوع :

1- ما قبل السفر .

1- ما قبل السفر :
ايطاليا بلد سياحي ويعتمد على السياحة عشان كذا كل شي غالي .. لما تجي تحط الميزانية حدد اذا تبغى تتمشى وتشتري ملابس او تتمشى بس مع كم قطعة .. اللي صار لي أني حطيت ميزانية للتمشيات والملابس والهدايا اللي صار ان الفلوس اللي يقطع اليهود مافيها بركة عندهم .. الملابس ممكن تشتريها من أي مكان ولكن التمشيات صعب ترجع .. المهم اذا قررت السفر الى ايطاليا .. توكل على الله وبعدين :

1- لما تجي تحجز : افضل شهر وافضل جو في ايطاليا هو سبتمبر لأن في اغسطس يقولوا ان السوق يسكر .. كان الجو حلو بشهر سبتمبر شمس ومطر وجو روعة ..
اللي يبغا يسافر ايطاليا كذا يرتب نفسه :
روما 6 ايام بالكثير فينيسيا 3 ايام فلورنس + بيزا 3 ايام

عن نفسي ما رحت فلورنس وندمانة .. ونفسي كان اروح ميلانو بس قالوا سوق ونفسي اروح سيرموني عشان المطعم اللي قالت عليه اختي سوار بس خسارة ما رحت


2- لا تحجز فندق من هنا الا يومين لأن المكاتب اللي بالسعودية لصوص اخذت فندق قالوا ثلاث نجمات طلع نجمتين ولو اني اخذت نفس الفندق من هناك لكان ارخص لي ب 350 ريال في الليلة الوحدة تخيل . انا حجزت من مكتب الطيار . لما توصل هناك شوف الفنادق واسأل عن الاسعار ممكن تروح بالمطار وتقول انا ميزانيتي مثلا 120 يورو لغرفة مزدوجة والحرمة تدور لك . انا ما سويت هالحركة الا في فينيسيا .


4- اشتري نظارة شمسية وشميسية عشان الشمس او المطر من هنا لأنها هناك غالية . يعني الشمسية هنا 15 او 10 ريال هناك تلاقيها 30 ريال . طبعا لازم يكون معاك كاميرا . ولازم تاخذ مكى عشان تكوي الملابس الناس هناك مذوقين بالللبس صحيح اغلبهم سبورات ومزلط وحالتهم حالة بس فيهم ناس مذوقين بقوة .

.




فعلا ايطاليا غاليه ولكن تستاهل الزياره كل سنه.

1- فعلا اغلب الناس الى ما ارتاحوا في ايطاليا هو سبب عدم اختيارهم للقوت المناسب.

وان شاء الله تزوري فلورنسا الحبيبه لقلبي وكذلك كل المناطق في السنه القادمه.

2- بالنسبه لي ما احب احجز من هنا ابدا.

4- فكره ممتازه ان تشتري الحاجات المهمه من هنا :x1: .

المشاركة الأصلية كتبت بواسطة عاشقة الترحال


[size=5][align=center]

1- ما قبل السفر . 1- ما قبل السفر :

6- بالمناسبة المسافة تقريبا 5 ساعات الى روما نصيحتي اقرأ الكتاب الايطالي وتعلم كم كلمة يفضل يكون شريط عشان تعرف كيف ينطقوا الكلمات لأن الايطاليين ما يعرفوا يتكلموا انجيلزي بس مرة طيبين ويساعدوك بكل ما عندهم وبالاشارات يمشي كل شي خخخخخخخخخ .

7- اهم نقطة الحجاب انا كنت خايفة لأنهم قالوا ارهاب وما ادري ايش بالعكس كان شي عادي اننا محجبين وانا نويت اتغطى المرة الجاية ان شا الله مالهم شغل في احد الشعب طيب بصراحة .



6- فعلا لكن في الاماكن السياحيه يتكلموا انجليزي بكثره

وبالنسبه لطيبتهم فهم طيبون للغايه وانا ارهان على ذلك

بعكس الاسبان والانجليز والالمان.

7- الحمد لله انك ذكرتي هالنقطه لأنها بصراحه مهمه جدا.

المشاركة الأصلية كتبت بواسطة عاشقة الترحال


وصلت روما بالسلامة ماذا ستفعل ؟


2- طبعا قبل ما تروح لازم تقرأ عن ايطاليا هنا بالمنتدى استفيد من الناس وكذا .

3- طبعا رح تاذخ تاكسي احنا ركبنا مع رجال قال 65 يورو واهلي يصرخوا يقولوا كان شفنا واحد ارخص بس طلع ارخص شي وما ندمت الحمد لله ركبنا سيارة مرسيدس كشخة وعطانا عرض من الشركة يرجعنا من أي مكان للمطار 31 يورو . التاكسي هناك غالي يعني ممكن لفة ويوتيرن ياخذ 6 يورو بما يعادل 30 ريال عشان كذا الوسيلة اللي رح تنتقل فيها هي الباصات المترو نزلة درج وانا اهلي كبار بالسن وبعد ما تشوف المدينة .. في الباص تعرف الطرق ومنها فسحة لك بعد .

4- محطة تيرمني هي المحطة الرئيسية فيها قطارات وهي المحطة اللي تنطلق منها كل الباصات عشان كذا لو كنت بأي مكان وضعت اسأل الناس أي باص يروح تيرمني ولما تروح ترميني روح مكتب الانفروميشن قدامك رح تلاقيه واسأل كيف اروح سبنيش دي ستيبس مثلا .. وهو يقولك باص رقم كذا . بالمناسبة الخريطة مهمة جدا فيها جميع المعلومات اللي تحتاجها انا جلست عليها ليلتين وانا اقرأ يكتبولك الباصات وارقامها وكل شي .


5- اول يوم اقترح عليك تروح ساحة اسبانيا وتجلس فيها .. واذا تقدر تمشي شوية اتبع الخريطة واسأل الناس رح تلاقي نفسك رح فونتانا دي تريفي اللي هي نافورة الاماني وفيها فلوس الدنيا والاخرة .. تروح ساحة اسبانيا فيه هناك سوق وواحد بنجلاديشي مو زي اللي عندنا يتكلم انجيلزي وايطالي وعربي بعد يبيع كستناء والا ايش اسمه الثاني خروف البر والله نسيت بس اذكر الوالدة قالت عليه اسم ثاني يبيعوا الكستنا هذي ب 5 يورو يعني ثلاثين ريال .. احنا كنا نحسب خمسة يورو يعني خمسة ريال من زود الدلاخة . في ساحة اسبانيا تشتري بيتزا وعصير وتجلس على الدرج وتتفرج على الناس المنظر حلو والجو والجلسة روعة بحسب اللي انت معهم وبعدين لما تخلص فلوسك اخر الايام روح اجلس هناك الساحة روعة اتوقع هي اللي صور فيها كاظم الساهر اغنيته وكثير من المغنين يصوروا اغانيهم هناك .
مناظر من نافورة فونتانا دي تريفي

[/img]




2 احم احم هذه احلى دعايه لهذه البوابه. :106: :106: .

3- انتبهوا من التاكسي في اوروبا كلها اكبر حراميه.

4- ما شاء الله عليك فكره صائبه جدا.

5- ههههههههههههههههههه اعجبتني خمسه يورو = خمسه ريال :109: :109: :109:

المشاركة الأصلية كتبت بواسطة عاشقة الترحال


- العرب الموجودين في ايطاليا كانوا ملاك الرحمة بالنسبة لي وكنت انبسط لما يمر احد ويقول السلام عليكم .. كنت اسألهم كثير لقيت ناس ضايعين مثلي ولقيت ناس عايشين بالبلد وفاهمين وساعدونا الله يجزيهم خير .

9- بالنسبة للتسوق في ايطاليا السوق عبارة عن شارع وفيه محلات وكلها اسعارها غريبة يعني ماركات واسعار من ابو اربع ارقام طبعا تقدر تشتري وتطلب التاكس فري عشان لما تسافر تسترجعها بس بصراحة الماركات موجودة عندنا انا اتعرفت على ايطاليين ودلوني على اسواقهم الرخيصة وفيها اشياء روعة وتهبل بعد .. اول شي شارع اسمه ماركو انا كان قريب من فندقي بس اتوقع اللي يبي يروح للسوق ياخذ با ص من تيرمني لهانك اتوقع باص رقم 611 . وفيه اماكن ثانية بس والله ما عرفت الاسماء حقتها .. لقيت البنطلون عندهم بما يعادل 10 ريال وتي شيرتات بما يعادل 20 ريال وتكون مرة حلوة وقماشتها ممتازة بس سوق ماركوني كبير وعلى الناحيتين محلات . هذي صور للمحلات وفيه صورة مكتوب 99 يورو يعني الحين هذا عرض خاص والمفروض لما تشوفه يعني تقول رخيص 99 يورو يعني 500 ريال تقريبا



13- ساحة نافونا ساحة حلوة والجلسات فيها تهبل .. اجلس بأي مقهى واطلب متوسط الطلبات للشخص 10 يورو مثلا ايس كريم او اناناس مثلا ما انا طلبت .. الاناناس عندهم في ايطاليا زي السكر طعمه يجنن .. . بالمناسبة احنا جلسنا هناك عشان الله يكرمكم كنا نبي دورة المياه وجلسنا بالمقهى عشان هذا السبب ولكن الايس كريم والاناناس والقهوة والجلسة نفسها كانت روعة .
الساحة طويلة وفيها ناس يبيعوا بضايع مقلدة وغالية اصحكم تشتروا موجودة نفس الاشياء المقلدة في سوق وشيقر وعويس وطيبة .. وبعدين الشنطة عندنا ب 15 او 30 ريال تشتريها هناك ب 50 ريال .. ونصابين بالحيل تقول كم هذا يقول 35 يورو تقوم تمشي يجيك يقول خذيها 20 يورو خذيها 15 يورو وفجأة بقدرة الله من كثر ما يلح رح تشتريها وتلاقي الشنطة لفها في كيس وصارت بيدك .. لزقة تراهم بقوة صوماليين وصينين يبيعوا هناك وفي ناس رح تلاقيهم يكتبوا الاسماء بالصيني وفي واحد يسوي الاسماء بالحديد انا شجعتهم عشانهم مسلمين وشريت هدايا وكذا .

صور من ساحة نافونا والمقهى الذي جلسنا به وبعض المشتروات




15. طبعا لما توصل الجوال رح يقولك مرحبا بك في ايطاليا ويعطيك رقم الخطوط السعودية والسفارة غلط .. عشان كذا خذ رقم الهاتف 06844851







18- لو كنت تبي توفر الدخولية لحديقة الحيوانات فيه مواقف السيارات برة فيها مدخل للحديقة جنب البوابة اللي تدخل منها انا لو ادري كان دخلت منه والله ضاعت الفلوس في الدخوليات ..




فعلا العرب ممتازون في كثير من الاحيان

لكن اياك واياك من الثقه الزائده

9- بالنسبه للسوق ابو اسعار رخبصه فلك كل الشكر على هذه المعلومات .

13- فعلا ساحه في غاية الروعه وجزاك الله الف خير على تشجيع المسلمين.

15- نصيحه في غاية الروعه.

18- كل دقه بتعليمه :101:

يعطيك الف عافيه اختي على هذه التكمله الرائعه

الى ايطالي مسافر ...

1- اغطرف والولش .. يعني زي كذا : لوووووووووووووووووووووووووووووووووووووووووووللاي
يبغالك تشوف مسلسل عباس الابيض في اليوم الاسود لازم كل يوم يغطرفو يسموها زغرودة ..

2- اللهم امين الله يجمعنا بالجنة يارب .
3- يا ايطالي صدقني والله أي احد يقدر يسافر ايطاليا انا جلست مع بريطانيين وتعرفت على سياح والله الناس تحط ميزانيات على قد حالتها المادية .. يعني فيه ناس تقولك اذا سافرت اصرف بس يقعدوا كم سنة محبوسين بالرياض .. وفيه ناس مثلي يسافروا بأي ميزانية ويقضوها جبنة كرافت وشابورة امي اخر الايام .. امزح ما لجئنا لها الوسيلة الا لأننا خفنا من الاسعار بس كانت امي تجبرنا ناكل الاشياء هذي عشان الشنطة لا تثقل .. عموما انا حسيت اننا مهاجرين فاتك منظر الوالدة وهي تحط علب تونا وجبنة وشابورة قال يمكن ينسرق يصير نجلس بالاوتيل وناكل هالاكل الحمد لله لا انسرقنا ولا شي وكل يوم مطاعم والحمد لله .
4- عارف يا اخ ايطالي مسافر .. حكاية الخمسة يورو = خمس ريال نفعتني كنت اضحك على ابوي وامي واقول ابغا فلوس تعطيني 20 يورو اقول ايش اسوي فيها والله يحسبوا الفلوس قليل يقوموا يعطوني ازود ..
5- على فكرة بالنسبة للغة انا تشجعت منك قرأت بموضوع انك تمسك كتاب وتقرأ صفحة وتحفظها وثاني يوم تنساها قلت مهو احسن مني سويت طريقتك .. الجملة الوحيدة اللي حفظتها كويس : كومي تيك ياموا ؟ هلكت الايطاليين ما خليت احد ما سألته ايش اسمك بس كانوا مبسوطين وتعرفت على ناس كثير بالطريقة هذي كنت احسب معناها بالبداية كيف حالك وكنت اقول ايش فيهم ليش يقولوا اسمائهم .. بس والله صار عندي اهتمام باللغة الايطاليه لغتهم سهلة جدا حلاوتها انها تقرأ زي ما تكتب ..
6- حلوة تنفعي مدرسة سياحة في ايطاليا .. والله اخجلتم تواضعنا .. على فكرة انا مفكرة افتح مكتب سياحة ياخذ الناس جروبات من السعودية لقيت كل الناس تروح جروبات وعروضهم حلوة خصوصا لو انت ما تعرف بالبلد شي احسن تكون مع جروب ها ايطالي مسافر .. تشاركني ؟ لووووول
7- الله يسعدك ويجزيك خير .. حسيت ان في احد مهتم بموضوعي .. نفسي يستفيد احد ما قدر سافر ايطاليا واشوف يستفيد او لا ء ..

عوفيت يا ميلانو لتشجعيك الكريم لي ..

روووووعه جدا اختي عاشقة

ماشاء الله عليكم باين انها رحلة سعيده

لكن مازلت عند رايي .. احذر من سفر الشباب لاحظ يعني عزاب مو عوائل
لانهم راح يحصلوا مضايقات من اشباههم العربيه خصوصا في المترو

بوبي .. شكرا على المرور ... يمكن نظريتك صحيحة انا حسيت انها تسهلت لنا كثير لأننا عائلة

يعطيك الف عافيه اختي عاشقة الترحال
موضوع مميز وفيه الكثير من الفوائد

الله يعافيك الفارس الاسود .. شكرا لهذا التواصل ...

[grade="FFA500 FF6347 008000 4B0082"]اختي عاشقة الترحال :101:
يعطيك الف عافيه
موضوع روووووووووووووووووووووووعه :x1: :x1: [/grade]

يعطيك العافيه عاشة الترحال
مجهود رائع

من جد تقرير رااااائع جدا
وتفصيل أيضاَ على المقاااس
(( هذا الموضوع للفقراء مثلي الذين يحبون السفر بميزانية منخفضة ويحبون أن يروا العالم .. ))






والصور كمان حلووووه


والملاحظات أحلى ،،،،،



وننتظر مزيد من الإبداع ،،،‘‘‘‘‘‘،،،،،‘‘‘‘‘

دلع يا هلابك .. شكرا على هذا التواصل والتشجيع ..

الاخ الكريم ايطالينو ... شكرا على المشاركة .. وجودك هو اكثر من رائع ..

الاخ ابراهيم ... اشكرك على تعليقك .. شكرا على التشجيع .. وقد ما نسافر قد ما نجيب تقرير بس نبغى مين يدعمنا ماديا تدري عاد فقراء لوووووووووول

واو صرت مسافر متميز وناسة .. طبعت اسمي ووريته اهلي .. هو على أي اساس تتغير الاسماء عدد المشاركات والا شلون ؟

المشاركة الأصلية كتبت بواسطة عاشقة الترحال


19- فيه بطاقات وصور تذكارية عن البلد فيه ناص يبيعوا الصورة الوحدة 50 سنت نصابين رح تلاقي اماكن تبيع 20 كرت بواحد يورو الكروت هذي تنفع لما ترجع وتهدي للناس تكتب عليها الاهداء .

20- شارع فينيتو فيه سينما وفيه مطاعم حلوة وفيه الفنادق الفخمة وسوق اغلبه ماركات .


27 - اليورو يعادل 5 ريال اصرف من السعودية احسن لك من السعودية تصرف اليورو 4ونص تقريبا او 4 و 60 هللة . قبل ما انسى الكهربا هناك 220 فولت .

28- الدولار عندنا بالسعودية ثابت عشان كذا لو كان الدولار برة مرتفع اكسبها فرصة واصرف من هنا بالدولار وبيعه هناك يطلع لك فرق بس انتبه لا يكون الدولار نازل برة .. كل 81 يورو يعادل 100 دولار .

29- لا تاخذ ملابس كثيرة خذ مثلا بنطلون جينز والباقي تي شرتات لأنك انت اللي رح تشيل الشنط دايم غير الاشياء اللي ممكن تشتريها . يفضل تكون الشنط من النوع اللي ينسحب الشنط لأنك رح تمشي كثير بالشنطة خصوصا في فينييسا
.



اختي عاشقة الترحال هذه النصائح ذهبيه

يعطيك الف عافيه عليها

وعلى قول المثل

ال يسأل ما بضيع

ةاقول انا الى يقراء تقرير عاشقة الترحال

عمر امه ما يضيع

المشاركة الأصلية كتبت بواسطة عاشقة الترحال



21- حديقة بورقيزي جنب حديقة الحيوانات عشان كذا انصحك تروح يوم كامل المنطقة هذي تروح تيرمني ومن هناك تاخذ باص 910 تنزل عند الحديقة بالمناسبة السفارة السعودية جنب حديقة بورقزي بس دخت عشان اوصلها .. المهم حديقة بورقيزي فيها متحف اللي هو الفيلا انا دخلت لحالي 8 يورو الدخولية والله تخلف راسمين المسيح واعضاؤه التناسلية والناس متأثرة وانواع الدلاخة ومسكتني وحدة بريطانية وقال انها اعجبت فيني لأني مهتمة باشياء النصارى واستحيت اني دخلت المكان والله .. المهم في شمال الحديقة رح تمشي وتعدي من شارع الحديقة كبيرة تسأل عن البالون وهما يقولها بالوني تروح المنطاد روح بايام الاسبوع لا تروح بالويك اند يصير غالي المهم الاطفال ستة يورو والكبار 18 يورو ايام الويك اند وايام الاسبوع 15 يورو واللي فوق 65 سنة 11 يورو بس بصراحة اللي فوق 65 سنة الواحد يخاف عليهم يطلعوا بالمنطاد .. المهم تطلع 15 دقيقة تشوف روما من فوق منظر بانورامي خيالي ..
صور للمنطاد



.



حرام عليكي ما طلعتيه

كان شفتي منظر غير طبيعي

بصراحه فوتيها

لكن المرات الجيات اكثر

وان شاء الله تجربيها