المشاركة الأصلية كتبت بواسطة wewe150
http://www.arabtravelersforum.com/tr...3/#post6521253
السلام عليكم ورحمة الله وبركاته
بعد ما شاهدت المدح اللي في رحلة الايمان (شركة نرسيان الذهبية )
قررت اني احجز عن طريقهم لانهم فعلا ارخص من موقع بوكينق مثلا وارخص من الفندق
كان ذلك يوم الجمعة
طبعا دقيت على رقمهم يوم الجمعة ورد علي واحد
قلت ابي احجز قال اوكي واخذ جميع البيانات مني
طيب كم احول يا استاذ قال الاول اتأكد فيه امكانية ولا لا
وراح ندق علي بكرا على اخر النهار
قلت طيب انا انتظركم بكرا
يوم السبت
انتظر الاتصال انظر الاتصال لكن خلص النهار ولا فيه اتصال
وادق عليهم لكن لا حياة لمن تنادي التلفون يرن ولا مجيب !!!!!!!
ارسلت رسالة لجوالهم دق علي واحد قال انا ماني في المكتب بس اول ما اجي ادق عليك واعتذر لي من هالكلام
الاخ جا للمكتب ونساني ولا دق
كذا انا استوت عندي الامور وقلت شركة نرسيان على وزن نصبيان
يوم الاحد
اتصل علي اخ وقال استاذ وليد احنا سوينا حجز مبدئي لك في الفندق المطلوب
طيب اوكي قلت طيب وين المعلومات قال ارسلنا الرسالة راجعت جوالي ما لقيت شي
قلت له ما في شي قال راح تجيك الان قلت اوكي طيب لو ماجاني شي قال اتصل
قلت ما راح تردون وامس اتصلت كم مره ما رديتو قال راح ارد عليك انا لا تخاف
جاتني الرسالة
مجموع مبلغ الحجز زايد بدال ما يكتبون 3000 ريال مكتوب 4400
بالاضافه ان التحويل على شخص اسمه برناوي وليس على المؤسسة
على طوول دقيت قلت يا اخ مايصير يعني انا ما اعرف اجمع ولا كيف
قال لا تغيرت الاسعار قلت ايوا والموقع ليش مافيه حتى خبر قال المسؤول عن الموقع مش موجود
قلت يعني الموقع يعتبر مش تابع لكم في الوقت الحالي وجميع المعلومات ممكن تكون خطأ
طبيب ليش ما يصير التحويل على حساب المؤسسة قال هذا برناوي راعي المؤسسة
قلت له خلاص كنسل الحجز ماعاد ابي شي
والسلام عليكم
تبي تعذرهم تقول ضغط ما ضغط
لكن مو موسم ضغط بالعكس حنا في موسم منخفض
والشركة قديمة يعني المفروض يصير عندها خبره في التغلب على جميع المشاكل
تعلمت شي ان لا انخدع بالمظاهر
شركة ليس لها دقه في المواعيد ممكن توهقني هناك
مساء الخير عليك اخي الكريم وعلى جميع الاعضاء ..
الفترة الحالية نظرا لاجازة الامارات وقطر نسبة الاشغال في الفنادق الخمس نجوم 95%
وعليه فان قبول طلب حجز واحد يستغرف في بعض الاحيان يوم كامل للبحث عن الامكانية ومتابعة الحجوزات التي تتكنسل سواء في الفنادق او التي بين ايدينا ..
وايضا الهدد الجديد للفنادق التي خلف ابراج مكة ساهمت كثيرا في صعوبة البحث عن الفنادق الشاغرة ..
بخصوص الاتصالات .. والرد عليها .. سيتم تدريجيا الغاء ارقام الجوالات والاعتماد على ارقام الهواتف فقط وستكون هناك شفتات للعمل على مدى 18 ساعة في اليوم بمتابعة الادارة ..
ايضا لدينا عمل كبير لتطوير الموقع وسيكون هناك الحجز المباشر من خلال الموقع في الفترة القادمة باذن الله مما سيقلل من كمية الاتصالات والاستفسارات ..
ويتواجد حاليا فريق من الادارة في الامارات للاستفادة من التقنية الموجودة والخدمات المقدمة في الفنادق العالميه خصوصا في دبي والية تطبيقها للرفع من من شان الخدمات المقدمة للعملاء..
بخصوص الحساب فان الحساب يظهر كالتالي / مؤسسة رحلة الايمان لصاحبها يحيى زكريا برناوي
وليس هناك تخوف لان اسم المؤسسة يظهر اولا ثم صاحب الشركة ..
نحتاج منكم الصبر علينا ونعدكم بتقديم خدمة افضل في القريب العاجل .. ونتعذر لكل من تعذر خدمته او لم يتم الرد عليه
وفقنا الله واياكم لكل خير ,,
المفضلات