الموضوع: اول سفرة لي الى لندن و محتاج فزعتكم

المشاركة الأصلية كتبت بواسطة faisal_ah7
http://www.arabtravelersforum.com/tr...4/#post8328047

السلام عليكم ورحمة الله وبركاتةلا اجيد المقدمات لذلك سأدخل في صلب الموضوع

أنا بإذن الله مسافر الى لندن في اول يوم من شهر ذي الحجة ويوافق ( سبتمبر ) لمدة 12 يوم انا والأهل وهذي أول سفرة لأوربا في حياتي احنا 6 اشخاص وبينهم طفلين
وبصراحة متخوف شوي بحكم انها اول سفرة واللغة عندي تمشيني شوي مب مره

في البداية اللغه ان شاء الله ماتعيق اهم شي تعرف الكلمات الاساسيه وحمل برامج الترجمه على جوالك والباقي تساهيل
ابغى جدول بسيط ومرتب للاماكن المعروفة والسياحية لمدة 12 يوم . انا دورت بالمنتدى لكن مالقيت اللي يناسبني ف ياليت تفيدوني وانتوا ماتقصرون ان شاء الله وفيكم الخير
انا موب خبيره لكن سبق وسافرت لندن وان شاء الله اجاوب باللي اقدر عليه
بالنسبه للمده 12 يوم اقترح تقضيها في لندن 5 ايام وبرايتون ليله ومانشستر 5 ايام وترجع لندن ليله للمغادره
والاماكن السياحيه كثيره حاول تقرى تقارير الاعضاء جدا مفيده ومفصله لان التخطيط يعتمد على ميولكم متاحف او حدائق او اسواق او ملاهي

النقطة الثانية
كيف اروح من المطار للمنطقه اللي انا فيها وكيف اعرف الطريق لو بروح بالمترو ووش احسن وسيله ورخيصه اروح فيها خاصة لأن معي عائلة

المنطقة اللي أنا فيها : 238 City Road, London, GB . جبته من موقع البوكينق مدري اذا هو الصح العنوان او لا وهذا رابط الفندق


smart city apartmint city road
http://www.booking.com/hotel/gb/smar...ail_hotel_name


تبي نصيحتي خد لك تكسي اضمن ولو بيكون غالي شوي
النقطة الثالثة

من خلال الرابط اللي فوق
ابي اعرف اسم المنطقه والعنوان حقي او اسم الشارع ( الزون ) ايضا في محطات الميترو
لو بغيت اروح وارجع مثلا كيف اعرف اسمها في اللوحات

النقطة الرابعة

البطاقات الاسبوعية حقت الميترو كيف اشتريها وكيف نظامهم واسعارهم
فيها هل هي للشخص الواحد او لا . وهل فيه عرض اسمه 2 في 1 .. وهل
تشمل الباصات او فقط الميترو

اعتقد فيه بطاقات اسبوعيه اوفر انا جربت الباصات اشتريت بطاقه من محطة الميترو واشحنها كل يومين او على حسب كثرة مشاويري في اليوم واستخدمت فقط الباصات فما اقدر افيدك بخصوص الميترو

النقطة الخامسة
وهذا شي مهم واللي هو . الطقس . طبعا انا بروح بشهر سبتمبر في يوم 25
كيف الجو ودرجات الحرارة عشان اخذ احتياطاتي

النقطة السادسة
بطاقات الصرافه السعودية مثلا سامبا راجحي هل استطيع استعمالها او
فقط فيزا . واذا الجواب نعم . هل ستاخذ مني عموله او لا وكيف طريقة الدفع للفنادق والشقق ووش الافضل

احنا اعتمدنا على بطاقة الصراف سامبا وكنا ماخدين معنا كاش .. بطاقة الصراف تقدر تسحب عااادي من اي مكينة صراف بس ماجربنا نسحب فيها في المحلات ترا..ونفس سعر الصرف في هديك الفتره مافرق معانا كثير

النقطة السابعة
انا بأخذ لابتوبي هل يسمحون بدخوله وايضا معي ايباد للاطفال كيف اجرائاتهم في المطار

عادي معانا2 لاب توب وايباد ودخلونا عادي بدون اي تفتيش مع انو كنا خايفين من سالفة البرامج المقلده وانهم يصادرون اجهزتنا بس عدت الحمدلله

النقطة الثامنة

الاماكن السياحيه / اللي سمعته والاغلب يقول ان الافضل احجز عن طريق
النت لان الزحمه في بعض الاماكن السياحية تطول . اذا عندكم مواقع الاماكن هذي بالنت ي ليت تعطوني اياها

لو حجزت عن طريق النت بتوفر وقت فعلا بس انا جربت انو اروح لندن اي مثلا وشريت تداكر لعدد من الاماكن السياحيه من عندهم - اقصد من عند لندن اي -يعني زي البكج وكان اوفر لي كثير واسرع لي في الدخول

النقطة التاسعة
الشريحه حقت الجوال . من وين القاها وكم اسعارها . ووش احسن شركة .
واذا بشتريها من المطار تفرق اسعارهم

انا شريت شريحه اتصال مكالمات ونت مفتوح لمدة شهر من محل اتصالات في شارع العرب واكتشفت بعدين انه رافع علينا السعر للاسف
ان شاء الله يجي من يفيدك وين ممكن تلاقي شرايح بسعر ممتاز

النقطة العاشرة
اذا فيه شي تعرفونه وانا ماقلته ويفيدني اتمنى ماتبخلون علي .. مثلا
اجرائات المطار كم تاخذ .. ضرايب .. انظمه المسافر الجديد يجهلها .. اي شي
يخطر ببالك يفيد مسافر مبتدئ ي ليت تعلموني .

بالنسبه للمطار محد يقدرر يحدد لك كم ممكن تاخد الاجراءات لانها تعتمد على عدد الرحلات اللي معاكم بنفس الوقت وعلى سرعة موظف الجوزات وامور كثيره
اما نصائح ممكن تفيدك انا اشوف ان المواضيع والتقارير في المنتدى فيها معلومات دقيقه ما تتصورها انصحك اقرا قد ماتقدر وسجل الملاحظات
ولا تخاف بريطانيا اكثر دوله الحمدلله ماحسينا بغربه فيها وان شاء الله تتم اموركم على خير وتتهنون
واي سؤال احنا بالخدمه



المنتدى وضع للأستفادة والإفادة اتمنى اي واحد يدخل موضوعي يجاوب عاللي يقدر
شكرا وان شاء الله ارجع بخير وسلامه وافيدكم باللي اعرفه












تحياتي ورحله سعيده ان شاء الله

ياغالي هذا رابط لتقريري عن رحلة لندن من الألف إلى الياء وبشكل مبسط وسهل ويشمل جميع استفساراتك بإذن الله
http://www.arabtravelersforum.com/travel912327/

70 مشاهده ولا رد

في البداية

في مواضيع كثيرة بالمنتدى فيها جداول ، خذ لك جولة واقراها بتمعن وتلقى اللي يعجبك ان شاء الله

النقطة الثانية

أفضل طريقة من المطار لي الفندق انك تطلب سيارة توصلك خصوصا أنه عددكم 6 أشخاص ، وممكن تشوف هالموضوع بيفيدك
http://www.arabtravelersforum.com/travel535180/
http://www.arabtravelersforum.com/travel349761/


النقطة الثالثة
المنطقة اللي أنت فيها تكون ضمن زون 1 ، وأسم الشارع سيتي رود ، وهو يبعد عن وسط لندن أو بالاحرى الأماكن اللي يبيها السائح ، في محطة تبعد عنك حوالي مسافة 5 دقايق مشي وأسمها محطة angel وهي على الخط الأسود وللأسف أشهر مكان توديك له هي جسر لندن ( تاور بريج) ، وأذا كنت تبي تروح للأكسفورد ستريت أو أماكن ثانية كالهايد بارك لازم تبدل المحطات ، مثلا من محطة أنجل لي محطة كنق كروس ، ومن خلال هالمحطة تبدل لون الخط ، مثلا لو كنت تبي تروح الأكسفورد ستريت تاخذ الخط الأزرق الفاتح وراح ينزلك في محطة أكسفورد سيركس ، وللهارودز والنايتس برج والبيكادلي سيركس ، تاخذ الخط الأزرق الغامق والرجوع يكون بنفس الطريقة

النقطة الرابعة


بطاقة الميترو والباصات أسمها اويستر ، واللي تحتاجه زون 1 و 2 ، وقيمتها للبالغ حوالي 35 باوند ، أما الأطفال ماعندي فكرة ، وتقدر تشتريها من أي محطة قطارات

النقطة الخامسة
الجو يكون بارد ولازم تاخذ احتياطاتك من الملابس الشتوية ، ممكن بالنهار يكون الجو معتدل ، لكن بالليل يكون بارد


النقطة السابعة
مافي أي مشكلة باللابتوب والايباد ومحد يكلمك عليهم


النقطة التاسعة
أفضل شي تشتري الشريحة من أي سوبر ماركت وتكون قيمتها ب 3 باوند كأقصى حد لسعرها ، وتعبيها رصيد على قد احتياجك وتفعل الخدمة وانتبه من النصابين بمحلات التلفونات
وشوف هالموضوعين بيفيدونك

http://www.arabtravelersforum.com/travel797061/

http://www.arabtravelersforum.com/travel910460/

اسمح لي عاللقصور واتمنى اكون افدتك بشي